بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق ىستەرى مينيسترلىگى: بالالارعا قامقورلىق كورسەتۋدە ورتا، باتىس بولىكتەگى وڭىرلەرگە، اسىرەسە باتىس بولىكتەگى وڭىرلەرگە اناعۇرلىم كوبىرەك تيىمدىلىك جاسالادى

2021.09.28 14:44    

  حالىق تورابىنىڭ ءتىلشىسى سۇڭ زىجيا، حاۋ مىڭجيا 9 – ايدىڭ 27 – كۇنى بەيجيڭنەن حابارلايدى. 9 – ايدىڭ 27 – كۇنى تۇستەن كەيىن، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن وتكىزىپ، «جۇڭگو ايەلدەر ىستەرىن دامىتۋ جوباسىنا (2021-2030)»، «جۇڭگو بالالار ىستەرىن دامىتۋ جوباسىنا (2021-2030)» قاتىستى جاعدايلاردى تانىستىردى. حالىق ىستەرى مينيسترلىگىنىڭ ورىنباسار مينيسترى جان چىڭفۋ مىنانى ءبىلدىردى: ەلىمىزدىڭ شىعىس، ورتا، باتىس بولىكتەرى مەن قالا – اۋىل اراسىنداعى وڭىرلىك دامۋدىڭ تەڭگەرىمسىزدىگىن ويلاستىرا وتىرىپ، بالالارعا قامقورلىق جاساۋدا ورتا، باتىس بولىكتەگى وڭىرلەرگە، اسىرەسە باتىس بولىكتەگى وڭىرلەرگە كوبىرەك تيىمدىلىك جاسالادى.

  حالىق ىستەرى مينيسترلىگىنىڭ ورىنباسار مينيسترى جان چىڭفۋ مىنانى ءبىلدىردى: وڭىرلەر اراسىنداعى تەڭگەرىمسىزدىك پەن دامۋ پارقىن ازايتۋ ءۇشىن، حالىق ىستەرى تاراۋلارى تالاي جىلداردان بەرى كوپتەگەن قۇلشىنىستار جاسادى. مىسالى: جەتىم بالالاردى قامتاماسىزداندىرۋ ءتۇزىمى، اتاپ ايتقاندا، شىعىس، ورتا، باتىس بولىكتەگى وڭىرلەردىڭ دامۋ جاعدايىنا قاراي وتىرىپ، تۇرلىشە مولشەردە قوسىمشا قاراجات بەرىلەدى. 2019 – جىلدى مىسالعا الساق، حالىق ىستەرى مينيسترلىگى قازىنا مينيسترلىگىمەن بىرگە جەتىم بالالاردىڭ تۇرمىستىق قاراجاتى رەتىندە ورتالىقتان بەرىلەتىن قوسىمشا قاراجاتتىڭ جەرگىلىكتى ورىنداعى ولشەمىن %50 جوعارىلاتتى، مۇندا شىعىس بولىكتەگى وڭىرلەردە 300 يۋان قوسىمشا قاراجات، ورتا بولىكتەگى وڭىرلەردە 450 يۋان قوسىمشا قاراجات، باتىس بولىكتەگى وڭىرلەردە 600 يۋان قوسىمشا قاراجات بەرىلدى، مىنە، بۇل ورتا باتىس بولىكتەگى وڭىرلەرگە، اسىرەسە باتىس بولىكتەگى وڭىرلەرگە اناعۇرلىم كوبىرەك تيىمدىلىك جاسالعانىن ايگىلەيدى.

  مۇنان سىرت، حالىق ىستەرى مينيسترلىگى تاعى يگىلىك ۇتىس بەلەتى الەۋمەتتىك يگىلىك قورىنان جەتىم بالالاردى ەمدەۋ – ساۋىقتىرۋ بولاشاقتىق جوسپارىن باستاپ، ورتا، باتىس بولىكتەگى وڭىرلەرگە ءتۇيىندى تۇردە اناعۇرلىم كوبىرەك تيىمدىلىك جاسادى. تولىق بولماعان ساناققا قاراعاندا، قازىر 223 مىڭ ادام – رەتتەن استام مۇگەدەك بالاعا وپەراتسيا جاسالعان ءارى ولار ساۋىققان. سونىمەن بىرگە، حالىق ىستەرى مينيسترلىگى شىعىس، باتىس بولىكتەگى بالالارعا قامقورلىق جاساۋ قۇرىلىمدارىنىڭ باعىتتامالى تۇردە كومەكتەسۋىن ورىستەتىپ، قوعامداعى كۇشتەردى ورتا، باتىس بولىكتەگى وڭىرلەرگە بارىپ قىزمەت وتەۋگە جەتەلەۋ سىندى قاتىستى قىزمەتتەردى ورىستەتىپ، ورتا، باتىس بولىكتەگى، اسىرەسە، باتىس بولىكتەگى وڭىرلەردەگى بالالارعا قامقورلىق جاساۋ ىستەرىنىڭ دامۋىنا كۇش سالا قولداۋ كورسەتتى.

  «تەڭگەرىمسىزدىكتى، پارىقتى ازايتۋدىڭ ءوزى ءبىر تاريحي بارىس ەكەنىن دە ءبىز اڭعارا ءبىلۋىمىز كەرەك. ءبىز وسىعان قۇلشىنامىز، الايدا، بۇل بارىس ءبىر – ەكى كۇندە، ياكي، ءبىر – ەكى جىلدا ىسكە اسا سالمايدى»، — دەدى جان چىڭفۋ، كەلەسى قادامدا، حالىق ىستەرى مينيسترلىگى جاڭا «ەكى جوبانىڭ» اتقارىلۋىن توڭىرەكتەي وتىرىپ، بالالارعا قامقورلىق جاساۋ سالاسىنداعى قاراجاتتى ءبولۋ، نىسانداردى اتقارۋ، قوعامدىق كۇشتەردى ۇيىمداستىرۋ قاتارلى جاقتاردا بالالارعا قامقورلىق جاساۋ قۇرىلىمدارى شوعىرلى باعاتىن بالالارعا، اۋىل – قىستاقتاعى اتا – اناسىنان بولەك قالعان بالالارعا جانە قيىنشىلىعى بار بالالارعا، سونداي – اق ازامات جاسىنا تولماعانداردى قورعاۋ قاتارلى جاقتارعا باعىتتاي وتىرىپ، ورتا، باتىس بولىكتەگى وڭىرلەرگە، اسىرەسە باتىس بولىكتەگى وڭىرلەرگە كوبىرەك تيىمدىلىك جاساپ، بارشا بالالاردىڭ، ازامات جاسىنا تولماعانداردىڭ سوتسياليستىك وسىزامانداندىرۋ قۇرىلىسىنىڭ جەتىستىكتەرىنەن بۇكىل ەل حالقىمەن بىرگە يگىلىكتەنۋىنە شارت – جاعداي ازىرلەيمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار