مەملەكەتتىك كەڭەس «جۇڭگو ايەلدەر ىستەرىن دامىتۋ باعدارلاماسىن (2021 − 2030 - جىلدار)»، «جۇڭگو بالالار ىستەرىن دامىتۋ باعدارلاماسىن (2021 − 2030 - جىلدار)» باسىپ تاراتتى
2021.09.28 16:07 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 27 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «جۇڭگو ايەلدەر ىستەرىن دامىتۋ باعدارلاماسىن (2021 − 2030 - جىلدار)»، «جۇڭگو بالالار ىستەرىن دامىتۋ باعدارلاماسىن (2021 − 2030 - جىلدار)» (تومەندە قىسقاشا ايەلدەر باعدارلاماسى جانە بالالار باعدارلاماسى دەلىنەدى) باسىپ تاراتتى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ايەلدەر، بالالار جانە وتباسى قىزمەتىنە وسكەلەڭ ءمان بەرىپ، ايەلدەر مەن بالالار ىستەرىندە تاريحي تىڭ تابىستارعا قول جەتكىزدى. ەكى باعدارلامانى بەلگىلەۋ جانە اتقارۋ ەر - ايەل تەڭدىگى سىندى نەگىزگى مەملەكەت ساياساتى مەن بالالاردى الدىمەن ەسكەرۋ پرينسيبىن ىشكەرىلەي دايەكتىلەندىرىپ، ەلىمىزدىڭ ايەلدەر مەن بالالار ىستەرىن جاڭا داۋىردە اناعۇرلىم ساپالى دامىتۋدى جەبەۋدە توتەنشە ماڭىزدى مانگە يە.
ەكى باعدارلاما پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ ۇستانىمىن تاباندىلىقپەن دايەكتىلەندىرىپ، حالىقتى وزەك ەتكەن دامۋ يدەياسىندا تاباندى بولىپ، ايەلدەر مەن بالالار ىستەرىن دامىتۋدىڭ جۇڭگوشا سوتسياليستىك جولىمەن جۇرۋدە تاباندى بولىپ، الداعى 10 جىلداعى ايەلدەر مەن بالالار ىستەرىن دامىتۋدىڭ نىسانا - مىندەتتەرىن جوسپارلاپ ورنالاستىردى.
ايەلدەر باعدارلاماسىندا بىلاي دەپ اتاپ كورسەتىلدى: 2030 – جىلعا بارعاندا، ەر - ايەل تەڭدىگى سىندى نەگىزگى مەملەكەت ساياساتى ىشكەرىلەي دايەكتى تياناقتاندىرىلىپ، ەر - ايەل تەڭدىگى مەن ايەلدەردىڭ جان - جاقتى دامۋىن جەبەيتىن ءتۇزىم، مەحانيزمدى جاڭالىق جاراتۋ نەگىزىندە كەمەلدەندىرۋ جەبەلەدى؛ ايەلدەر جان - جاقتى، تىرشىلىك پەريودىن تولىق قامتىعان دەنساۋلىق قىزمەت وتەۋىنەن تەڭ يگىلىكتەنىپ، سالاماتتىق دەڭگەيى ۇزدىكسىز جوعارىلاتىلادى؛ ايەلدەر ءبىلىم الۋ ۇقىعىنان تەڭ يگىلىكتەنىپ، ساپا قابىلەتى ۇزدىكسىز جوعارىلاتىلادى؛ ايەلدەر ەكونوميكالىق ۇقىق - مۇددەدەن تەڭ يگىلىكتەنىپ، ەكونوميكالىق ورنى ورنىقتى جوعارىلاتىلادى؛ ايەلدەر ساياسي ۇقىقتان تەڭ يگىلىكتەنىپ، مەملەكەت ىستەرى مەن ەكونوميكا، مادەنيەت، قوعام ىستەرىن باسقارۋعا قاتىناسۋ ورەسى بىرتىندەپ جوعارىلاتىلادى؛ ايەلدەر كوپ ساتىلى، باياندى قوعامدىق قامتاماسىزداندىرۋدان تەڭ يگىلىكتەنىپ، مامىلە دەڭگەيى ورنىقتى جوعارىلاتىلادى؛ وتباسىنىڭ دامۋىن قولدايتىن زاڭ - ەرەجە، ساياسات جۇيەسى اناعۇرلىم كەمەلدەندىرىلىپ، سوتسياليستىك وتباسى وركەنيەتىنىڭ جاڭا سالتى كەڭ كولەمدە ساۋلەلەندىرىلەدى؛ ەر - ايەل تەڭدىگى تانىمى جۇرت جۇرەگىنە تەرەڭ ۇيالاتىلىپ، ايەلدەردىڭ دامۋ ورتاسى اناعۇرلىم جاقسارتىلادى؛ زاڭمەن جونگە سالۋ جۇيەسى اناعۇرلىم كەمەلدەندىرىلىپ، ايەلدەردىڭ زاڭدى ۇقىق - مۇددەسى شىنايى قامتاماسىزداندىرىلادى؛ ايەلدەردىڭ تابىس، باقىت، حاۋىپسىزدىك سەزىمى كورنەكتى جوعارىلاتىلادى. سالاماتتىق، وقۋ - اعارتۋ، ەكونوميكا، شەشىم جاساۋ جانە باسقارۋ، قوعامدىق قامتاماسىزداندىرۋ، وتباسى قۇرىلىسى، ورتا، زاڭ سىندى 8 سالانى توڭىرەكتەي وتىرىپ، ايەلدەر باعدارلاماسىندا 75 ءتۇرلى باستى نىسانا مەن 93 ءتۇرلى تاكتيكالىق شارا ورتاعا قويىلدى.
بالالار باعدارلاماسىندا مىنالار ورتاعا قويىلدى: 2030 – جىلعا بارعاندا، بالالاردىڭ ۇقىعىن قامتاماسىزداندىراتىن زاڭ - ەرەجە، ساياسات جۇيەسى اناعۇرلىم كەمەلدەندىرىلىپ، بالالار ىستەرىن دامىتۋداعى قىزمەت مەحانيزمىن ءتىپتى دە كەمەلدەندىرۋ جەبەلىپ، بالالاردى الدىمەن ويلاستىراتىن قوعامدىق سالت جاپپاي قالىپتاستىرىلىپ، قالا - اۋىل، ءوڭىر، توپ اراسىنداعى بالالاردىڭ دامۋ پارقى كورنەكتى ازايتىلادى؛ بالالار ءتىپتى دە بىركەلكى جانە ۇيلەسىمدى نەگىزگى الەۋمەتتىك قىزمەت وتەۋدەن يگىلىكتەندىرىلەدى، اناعۇرلىم جالپىعا ءتيىمدى جانە ابزال يگىلىك قامتاماسىزداندىرۋىنان يگىلىكتەندىرىلەدى، ءتىپتى دە جاراسىمدى، تاتۋ - ءتاتتى وتباسى جانە قوعامدىق ورتادان يگىلىكتەندىرىلەدى؛ بالالاردىڭ سالاماتتىق، حاۋىپسىزدىك، وقۋ - اعارتۋ، يگىلىك، وتباسى، ورتا، زاڭمەن قورعاۋ قاتارلى سالالارداعى ۇقىعى ونان ارى جۇزەگە اسىرىلىپ، يدەيالىق، ءمورالدىق ساپاسى مەن جالپى بەتتىك دامۋ ورەسى كورنەكتى جوعارىلاتىلادى، تابىس، باقىت، حاۋىپسىزدىك سەزىمى كورنەكتى كۇشەيتىلەدى. سالاماتتىق، حاۋىپسىزدىك، وقۋ - اعارتۋ، يگىلىك، وتباسى، قورشاعان ورتا، زاڭمەن قورعاۋ سىندى 7 سالانى ارقاۋ ەتىپ، بالالار باعدارلاماسىندا 70 ءتۇرلى نەگىزگى نىسانا مەن 89 ءتۇرلى تاكتيكالىق شارا ورتاعا قويىلدى.
ەكى باعدارلامادا اتقارۋ قىزمەت مەحانيزمىن كەمەلدەندىرۋ، نىسانالى باسقارۋ جاۋاپكەرلىك ءتۇزىمىن اقاۋسىزداندىرۋ، باقىلاۋ - تەكسەرۋدى، باعالاۋدى كۇشەيتۋ سياقتى جاقتاردا ۇيىمداستىرۋ، اتقارۋ تالاپتارى ورتاعا قويىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
