”13 - بەسجىلدىق“ مەزگىلىندە شينجياڭنىڭ تەمىر جول زات تاسىمالىنىڭ ارتۋ مولشەرى بۇكىل ەل بويىنشا ءبىرىنشى ورىندى يەلەدى
2021.09.29 14:06 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى تويا 9 - ايدىڭ 27 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، ”13 - بەسجىلدىق“ مەزگىلىندە شينجياڭ تەمىر جولىنىڭ زات جونەلتۋ مولشەرى جالپى 618 ميلليون توننا بولىپ، جىلىنا ورتا ەسەپپەن ％23.2 ارتىپ، زات تاسىمالىنىڭ ارتۋ مولشەرى بۇكىل ەل تەمىر جولى بويىنشا ءبىرىنشى ورىندى يەلەگەن.
9 - ايدىڭ 24 - كۇنىنە دەيىن شينجياڭ تەمىر جولىنىڭ بيىل جونەلتكەن زات مولشەرى 133 ميلليون 500 مىڭ تونناعا جەتىپ، سايكەس مەزگىلدەگىدەن ％5.5 ارتىپ، ارتۋ مولشەرى بۇكىل ەلدىڭ الدىڭعى قاتارىن يەلەگەن، مۇنىڭ ىشىندە شينجياڭ سىرتىنا تىكە جەتكىزىلگەن زات تاسىمال مولشەرى سايكەس مەزگىلدەگىدەن ％32.6 ارتقان.
تەمىر جول زات تاسىمالى ەكونوميكالىق دامۋدىڭ ”بارومەترى“. جاقىنعى جىلداردان بەرى رايونىمىزدىڭ ەكونوميكالىق دامۋ اۋقىمىنىڭ ۇزدىكسىز جاقسارۋىنا ساي، ورنىقتىلىقتىڭ پايداسى، ساياساتتىڭ پايداسى، ىندەتتەن ساقتانۋ - تىزگىندەۋدىڭ پايداسى ۇزدىكسىز شىعارىلدى، ەكونوميكا اينالىمىنىڭ ورنىقتىلىق بارىسىندا ىلگەرىلەپ، ىلگەرىلەۋ بارىسىندا ساپاسىنىڭ جوعارىلاعان دامۋ اۋقىمىندا، بۇكىل شينجياڭنىڭ جەر - جەرىندە شىعىسپەن بىرلەسىپ، باتىسقا شىعارۋ، باتىستان اكەلىپ، شىعىسقا جونەلتۋ، سونداي - اق جەرگىلىكتى تاۋارلاردىڭ سىرتقا ساتىلۋ مولشەرى زور كولەمدە ارتتى.
ۇزدىكسىز ارتقان تاسىمال سۇرانىسى الدىندا، شينجياڭ تەمىر جول تاراۋلارى ءبىر جاعىنان، جۇمىس جۇرگىزۋگە، ءبىر جاعىنان، قۋاتىن كەڭەيتۋگە تاباندى بولدى، جاقىنعى جىلداردان بەرى، ۇرىمجىدەن (سولتۇستىك ۆوكزال) جياڭجۇنمياۋعا دەيىنگى تەمىر جولدى قۋاتىن كەڭەيتىپ جاڭالاۋ ينجەنەرياسىن اتقارىپ، شينجياڭنان شىعاتىن 3 - تەمىر جول ارناسىن اشتى − گولمۇت - كورلا تەمىر جولى لانجوۋ - شينجياڭ تەمىر جولىنىڭ، ءۇرىمجى - جياڭجۇنمياۋ تەمىر جولىنىڭ، وڭتۇستىك شينجياڭ تەمىر جولىنىڭ ارنالىق قابىلەتى جالپى بەتتىك كەڭەيتىلىپ، كۇن سايىن كەمەلدەنگەن تەمىر جول تورى تاسىمالمەن قامتاماسىز ەتۋ قابىلەتىن ءونىمدى جوعارىلاتتى.
تەمىر جول تاراۋلارى تەمىر جول زات تاسىمالىمەن ءونىمدى قامداۋدا ۇزدىكسىز جاڭالىق اشىپ، ءىرى كاسىپورىندارمەن سەلبەسۋدى تەرەڭدەتتى، 2016 - جىلدان بەرى شينجياڭ كولەمىندە جالپى 133 ءىرى كاسىپورىنمەن 547 ميلليون توننالىق تاسىمال مولشەرى توقتامىنا قول قويىپ، ورىندالۋ مولشەرىن ％90كە جەتكىزىپ، زات قاينارىنىڭ ورنىقتىلىعىن قامتاماسىز ەتتى.
شينجياڭ تەمىر جولى ”تاس جول تاسىمالىن تەمىر جول تاسىمالىنا اينالدىرۋدى“ ۇزدىكسىز تەرەڭدەتىپ، كومىر، مەتال - كەن تاسى، ماقتا سياقتى زات قاينارلارىن ءجىتى قاداعالاپ، تاسىمال قۋاتىمەن، تاسىمال كۇشىمەن قامداۋدى كۇشەيتىپ، تەمىر جول زات تاسىمالىنداعى ”ەڭ سوڭعى ءبىر كيلومەتردى“ اشتى. ”13 - بەسجىلدىق“ مەزگىلىندە جالپى 39 زات اينالىمى بازاسى، 29 كاسىپورىندار ارناۋلى لەنيا سالىنىپ ىسكە قوسىلىپ، زات تاسىمالى بازارىن يەلەۋ مولشەرىن ءونىمدى جوعارىلاتتى.
تەمىر جول زات تاسىمالىندا جارتىسىنا جۋىق سالىستىرمانى ۇستايتىن كومىرگە مەڭزەس، شينجياڭ تەمىر جولى شينجياڭنىڭ كومىرىن سىرتقا تاسىمالداپ تانىستىرىپ ساتۋدى ورىستەتىپ، ”ءۇرىمجى - لانجوۋ“، ”ءۇرىمجى - چيڭداۋ“ سياقتى كومىردى تىكە جەتكىزۋ كەزەكشى پويەزدارىن جالپىلاستىردى، قازىر رايونىمىز كومىرى تەمىر جول ارقىلى 21 ولكەگە ساتىلۋدا.
”13 - بەسجىلدىق“ مەزگىلىندە تەمىر جول تاسىمالى ارقىلى شينجياڭنان شىعارىلعان ءتۇرلى زات 309 ميلليون توننا بولىپ، جىلدىق ورتاشا ارتۋ مولشەرى ％12.7 بولعان.
سونىمەن بىرگە، شينجياڭنىڭ تەمىر جول تاراۋلارى جۇڭگو − ەۆروپا كەزەكشى پويەزدارىنىڭ قاتىناۋ سانىن ۇزدىكسىز ارتتىردى. ”13 - بەسجىلدىق“ مەزگىلىندە شينجياڭ جۇڭگو − ەۆروپا (ورتا ازيا) كەزەكشى پويەزىنان جالپى 4779ىن جونەلتكەن. 2017 - جىلى 710 كەزەكشى پويەز جونەلتكەن، 2020 - جىلى 1105 كەزەكشى پويەزعا كوبەيىپ، ارتۋ مولشەرى كورنەكتى بولعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
