مەملەكەتتىك اۋىل ـ قىستاقتى گۇلدەندىرۋ كاسىپتىك شەبەرلىك جارىسى تابىسپەن جابىلدى
4 التىن مەدال، 2 كۇمىس مەدال، 7 قولا مەدال قانجىعالادى، شينجياڭ ۋاكىلدەر ۇيىرمەسىنىڭ التىن مەدالىنىڭ جالپى سانى الدىڭعى ورىندى يەلەدى
2021.09.29 15:18 كەلۋ قاينارى : حالىق تورابى
شينجياڭ گازەتىنىڭ 9 - ايدىڭ 28 - كۇنى ۇرىمجىدەن بەرگەن حابارى. مەملەكەتتىك اۋىل ـ قىستاقتى گۇلدەندىرۋ كاسىپتىك شەبەرلىك جارىسى شينجياڭ حالىقارالىق كورمە ورتالىعىندا تابىسپەن جابىلدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيسترى تاڭ تاۋ جارىستىڭ جابىلعاندىعىن جاريالادى.
ەكى كۇندىك قيان - كەسكى باسەكە ارقىلى شينجياڭ ۋاكىلدەر ۇيىرمەسىندەگى ليۋ جىميڭ، سىچۋان ۋاكىلدەر ۇيىرمەسىندەگى جوۋ يۇي قاتارلى 22 ساڭلاق قارا ءۇزىپ شىعىپ، جەكە - جەكە اۋىل شارۋاشىلىق ماشينالارىن جوندەۋشى، قۇرىلىسشى سياقتى 11 جارىس ءتۇرىنىڭ جۇمىسشى - قىزمەتشىلەر گرۋپپاسى، وقۋشىلار گرۋپپاسىنىڭ التىن مەدالىن الدى. بايىنعولين موڭعۇل اۆتونوميالى وبلىسىنىڭ كومانداسى جۇڭگوشا بولكا جاساۋ (نان جاساۋ) ونەر كورسەتۋ تۇرىندە توپتىق التىن مەدال الدى.
شينجياڭ ۋاكىلدەر ۇيىرمەسى جيىنى 4 التىن مەدال، 2 كۇمىس مەدال، 7 قولا مەدال الدى، التىن مەدال سانى 29 بولىپ، جارىسقا قاتىناسقان ۋاكىلدەر ۇيىرمەسى الدىڭعى ورىندى يەلەدى.
وسى رەتكى جارىس «شەبەرلىك كەلبەتىن ايگىلەپ، اۋىل ـ قىستاقتىڭ گۇلدەنۋىن جەبەۋدى» نەگىزگى تاقىرىپ ەتتى، ول كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋداعى ماڭىزدى مىندەت، ارناۋلى تۇردە اۋىل شارۋاشىلىعى نوپوسىنداعى ادامدارعا باعىتتالدى، مۇنداعى ماقسات اناعۇرلىم كوپ ەڭبەكشىلەردى شەبەرلىك ۇيرەنۋگە، شەبەرلىك يگەرۋگە جەتەكتەۋ. ونەرلى دارىندىلار مەن اۋىل ـ قىستاق شەبەرلەرىن جەدەل جەتىلدىرىپ، اۋىل ـ قىستاقتى گۇلدەندىرۋدى جاپپاي ىلگەرىلەتۋگە پارمەندى دارىندىلار تىرەگىن ازىرلەۋ كەرەك. جارىس بۇكىل ەلدەگى ءارقايسى ولكەلەردەن (اۆتونوميالى رايون، توتە قاراستى قالا) جانە شينجياڭ ءوندىرىس - قۇرىلىس بيڭتۋانىنان كەلگەن 600دەن استام ساڭلاقتاردى باۋرادى، جارىسقا قاتىناسقان ساڭلاقتاردىڭ ورتاشا جاسى 25 جاستا.
جارىس كەزىندە، جارىسقا قاتىناسقان شەبەرلەر كەرپىش قالاۋشى، اۋىل شارۋاشىلىق ماشينالارىن جوندەۋشى، شاش ساندەۋشى، قارتتاردى كۇتىمدەۋشى، ەلەكتروندى ساۋدا قىزمەتكەرى سياقتى 11 جارىس ءتۇرىن ارقاۋ ەتىپ، قيان - كەسكى باسەكەلەستى. جارىسقا قاتىناسقان قالىڭ شەبەرلەر ءادىل، تۋرا باسەكە ورتاسىندا قۇلشىنا كۇرەس جۇرگىزىپ، ەرلىكپەن العا ۇمتىلىپ، باسەكەلەسۋ بارىسىندا شەبەرلىك تانىتىپ، ورە، ستيل كورسەتىپ، دوستىقتى كۇشەيتىپ، جاڭا داۋىردەگى ونەرلى دارىندىلاردىڭ كەمەلدەندىرە ءتۇسۋ، ۇزدىك بولۋعا تالپىنۋ رۋحاني بەت ـ بەينەسىن تولىق ايگىلەدى.
وسى رەتكى جارىستا دۇنيە جۇزىلىك شەبەرلىك باسەكەسىن ۇشتاستىرىپ، تەحنيكالىق ەرەجە جاسادى، ءارقايسى جارىس تۇرلەرى تۇگەلدەي جۇمىسشى ـ قىزمەتكەرلەر گرۋپپاسى مەن وقۋشىلار گرۋپپاسىنا ءبولىنىپ، جۇمىسشى ـ قىزمەتكەرلەر گرۋپپاسىنىڭ الدىڭعى 3 شەبەرىنە «مەملەكەتتىك تەحنيكا شەبەرى» اتاعى بەرىلدى. التىن، كۇمىس، قولا مەدال العان شەبەرلەر قازىرگى كاسىپتىك تولىمدىلىق نەمەسە كاسىپتىك ونەر دارەجەسى نەگىزىندە ءبىر دارەجە ءوسىرىلدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى كاسىپتىك قابىلەت قۇرىلىسى مەڭگەرمەسىنىڭ ورىنباسار باستىعى ليۋ شينچاڭ بىلاي دەدى: وسى رەتكى جارىس بۇكىل ەلدىڭ جەر ـ جەرىندەگى تەحنيك دارىندىلار قوسىنىنىڭ قۇرىلىس جەتىستىكتەرى مەن اۋىل ـ قىستاقتى گۇلدەندىرۋ جەتىستىكتەرىن جان ـ جاقتى ايگىلەپ، ءتىپتى دە كوپ ەڭبەكشىلەردى، اسىرەسە، جاس ۇرپاقتاردى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە شابىتتاندىرادى، جارىسقا قاتىناسۋشىلاردىڭ شەبەرلىك ونەرىنە قاجىرلىلىقپەن جاتتىعىپ، ءار سالانىڭ شەبەر دارىندىلارىنا اينالۋعا قۇلشىنىپ، ەڭبەك داڭقتى، شەبەرلىك باعالى دەيتىن داۋىرلىك سالتتى بەلسەنە قالىپتاستىرۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
