اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 28 - رەتكى ءماجىلىسى جابىلدى
2021.09.30 13:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لياڭ ليحۋا 9 - ايدىڭ 28 - كۇنى ۇرىمجىدەن حابارلايدى. 9 - ايدىڭ 28 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 28 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
تۇراقتى كوميتەت قۇرامىنداعىلاردان 53 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس «اۆتونوميالى رايوننىڭ تىنىشتىق قۇرىلىسى ەرەجەسىن»، «اۆتونوميالى رايوننىڭ ساقشى ىستەرى كومەكشىلەرىن باسقارۋ ەرەجەسىن»، «اۆتونوميالى رايوننىڭ اكىمشىلىك ىستەردە قىزمەت وتەۋدى قولايلىلاستىرۋدى جەبەۋ ەرەجەسىن» داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ «ءۇرىمجى قالاسىنىڭ توسىن الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ ەرەجەسىن»، «ءۇرىمجى قالالىق حالىق قۇرىلتايى تۇراقتى كوميتەتىنىڭ <ءۇرىمجى قالاسىنىڭ شەتەل ساۋداگەرلەرى قارجى قوسقان كاسىپورىنداردىڭ جۇمىسشى ۇيىمى ەرەجەسىن> كۇشىنەن قالدىرۋ»، «ءۇرىمجى قالالىق حالىق قۇرىلتايى تۇراقتى كوميتەتىنىڭ <ءۇرىمجى قالاسىنىڭ تۇرعىن ءۇيدى مايعا بەرۋدى باسقارۋ ەرەجەسىن> كۇشىنەن قالدىرۋ»، «ءۇرىمجى قالالىق حالىق قۇرىلتايى تۇراقتى كوميتەتىنىڭ <ءۇرىمجى قالاسىنىڭ حالىق ساقشىلارى شارلاپ تەكسەرۋ ەرەجەسىن> كۇشىنەن قالدىرۋ»، «قۇمىل قالاسىنىڭ قالانى جىلۋمەن قامداۋ، جىلۋدان پايدالانۋدى باسقارۋ ەرەجەسىن» بەكىتۋ جونىندەگى قارارىن داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ، اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ، اۆتونوميالى رايوندىق حالىق قۇرىلتايى وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر ۇسىنعان كەڭەستىك جوبالاردى قاراۋ ناتيجەسى جونىندەگى بايانداماسىن داۋىسقا سالىپ ماقۇلدادى، كادرلاردى مىندەتكە تاعايىنداۋ، مىندەتىنەن قالدىرۋعا قاتىستى ىستەردى داۋىسقا سالىپ ماقۇلدادى.
ماجىلىستە جاڭادان مىندەتكە تاعايىندالعان اۆتونوميالى رايوننىڭ مەملەكەت قىزمەتكەرلەرىنە مىندەتكە تاعايىنداۋ حاتى تاراتىلدى ءارى نەگىزگى زاڭعا سەرت بەرۋ سالتى وتكىزىلدى.
ءماجىلىس مىنالاردى باسا دارىپتەدى: باس شۋجي شي جينپيڭنىڭ جالپى بارىستىق حالىق دەموكراتياسى جونىندەگى ماڭىزدى بايىمداۋىن ىشكەرىلەي ۇيرەنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىقتى بارىنەن جوعارى قويۋعا باستان - اياق تاباندى بولىپ، پارتيانىڭ باسشىلىعىندا حالىق قۇرىلتايى سىندى وسى باستى دەموكراتيالىق ارنانىڭ رولىن تولىق ساۋلەلەندىرۋ كەرەك. تۇتاس بارىستاعى حالىق دەموكراتياسىن دامىتۋ تالابىن حالىق قۇرىلتايىنىڭ ءتۇرلى قىزمەتىندە دايەكتىلەندىرىپ، ايگىلەپ، حالىق قۇرىلتايىنىڭ ءتۇرلى قىزمەتىنىڭ حالىقتىڭ ەركىن ايگىلەۋىنە، حالىقتىڭ مۇددەسىن قورعاۋىنا، حالىقتىڭ جاسامپازدىعىن تۋىنداتۋىنا مۇمكىندىك جاساۋ كەرەك. جالپى بارىستىق حالىق دەموكراتياسى جونىندەگى نازاريالىق زەرتتەۋدى كۇشەيتىپ، ەلىمىزدىڭ جالپى بارىستىق حالىق دەموكراتياسىنىڭ پرينسيپتىك ۇستانىمىن، تۇزىمدىك ورنالاستىرۋىن، جاندى امالياتىن جانە زور جەتىستىگىن ىشكەرىلەي ۇگىتتەپ، ءتۇسىندىرىپ، ءار ۇلت حالىق بۇقاراسىنىڭ اقىل - پاراساتى مەن كۇش - قۋاتىن ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ شينجياڭ تاراۋىن كۇش سالا ويداعىداي جازۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، دۇڭ شينگۋاڭ، باداي، سو يۋە، ءزۇمرات وبۇل، توحتى ياقۇپ، مۇقيات جارمۇقامەت، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى ليۋ سۋشى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتى جولداستارى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەتتىڭ قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءبىر ءبولىم ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار ماجىلىسكە سىرتتاي قاتىناستى.
9 - ايدىڭ 28 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 142 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتى قاراۋ جاعدايىنان بەرگەن مالىمەتىن تىڭدادى، تۇراقتى كوميتەت جالپى جيىنىنىڭ داۋىسقا سالۋىنا تاپسىراتىن كەڭەستىك جوبالاردى بەلگىلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
