2021 - جىلعى ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىل جينالىسى اشىلدى
2021.09.30 13:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ شياڭ 9 - ايدىڭ 28 - كۇنى اقسۋدان حابارلايدى. 9 - ايدىڭ 28 - كۇنى مەملەكەتتىك ساۋدا - ونەركاسىپشىلەر بىرلەستىگى، مەملەكەتتىك اۋىل - قىستاقتى گۇلدەندىرۋ مەكەمەسى، جۇڭگو داڭقتى ىستەردى جەبەۋ قوعامى اۆتونوميالى رايوندىق پارتكوممەن، اۆتونوميالى رايوندىق حالىق ۇكىمەتىمەن بىرلەسىپ وتكىزگەن 2021 - جىلعى ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىلى جينالىسى اقسۋ قالاسىندا اشىلدى. جينالىس جاڭا داۋىردەگى پارتيانىڭ شينجياڭدى جونگە سالۋ جالپى جوباسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ، 8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، حالىقتىق كاسىپورىنداردى وڭتۇستىك شينجياڭعا بارىپ قارجى قوسىپ، شارۋاشىلىقتى شالقىتۋعا ۇيىمداستىرىپ، جۇمىلدىرىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋىنە، كەڭەيتۋىنە، اۋىل - قىستاقتى گۇلدەندىرۋدى جاپپاي ىلگەرىلەتۋىنە دەم بەرىپ، كۇش ۇستەدى.
مەملەكەتتىك ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى، جۇڭگو داڭقتى ىستەردى ىلگەرىلەتۋ قوعامىنىڭ ورىنباسار باستىعى شيە جيڭرۇڭ جينالىسقا قاتىناستى ءارى ءسوز سويلەدى. ول بىلاي دەپ اتاپ كورسەتتى: قالىڭ حالىقتىق كاسىپورىندار جۇڭحۋا ۇلتى ورتاق تۇلعا تانىمىن بەرىك ورناتۋ تاريحي بورىشىن ارقالاپ، حالىق تۇرمىسىن جاقسارتۋدى، جۇرت تىلەگىن ۇيىستىرۋدى شىعار ءتۇيىن جانە تابان تىرەر تياناق ەتىپ، نىسان جاعىنان كومەكتەسۋ سەرپىنىن ءبىر تۇتاس جوسپارلاپ كۇشەيتىپ، ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتۋ كەرەك. ءار دارەجەلى ساۋدا - ونەركاسىپشىلەر بىرلەستىگى شىن مانىندە كوپىرلىك، دانەكەرلىك رولدارىن ويداعىداي اتقارىپ، جەرگىلىكتى پارتكوم مەن ۇكىمەتتىڭ ءبىر تۇتاس ورنالاستىرۋى مەن باسشىلىعىندا قاتىستى تاراۋلارمەن پىكىرلەسۋدى، سايكەسۋدى كۇشەيتىپ، ءتۇرلى قىزمەتتەردىڭ تياناقتانۋىن ءبىر تۇتاس جوسپارلاۋ، ىلگەرىلەتۋ كەرەك.
مەملەكەتتىك اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حۇڭ تيانيۇن جينالىستا بىلاي دەپ اتاپ كورسەتتى: ”حالىقتىق كاسىپورىنداردىڭ وڭتۇستىك شينجياڭعا ساپارى“ باستاپ اتقارىلعان 3 جىلدان بەرى قيمىلدىڭ ونىمدىلىگى كورنەكتى، ءمانى زور بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، وڭتۇستىك شينجياڭنىڭ ەكونوميكالىق دامۋى مەن قوعام ورنىقتىلىعىن جەبەۋ سياقتى جاقتاردا كورنەكتى ۇلەس قوستى. جاڭا باستامادا تۇرىپ، ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىلىن تەرەڭدەتۋدە جاڭا جاعدايدى يگەرىپ، نازاردى جاڭا مىندەتتەرگە شوعىرلاندىرىپ، حالىقتىق كاسىپورىنداردىڭ رولىن اناعۇرلىم ساۋلەلەندىرىپ، ەرەكشە كاسىپ سالالارىنىڭ دامۋىن، اۋىل - قىستاق ەڭبەككۇشتەرىنىڭ جۇمىستانۋىن، اۋىل - قىستاق قۇرىلىسىن جانە ونى جونگە سالۋدى جەبەۋ كەرەك. وڭتۇستىك شينجياڭ وڭىرىندەگى جەتىستىكتەردى بەكەمدەۋ قىزمەتىن ونان ارى كۇشەيتىپ، كەدەيلىكتەن ارىلتۋ جەتىستىكتەرىن بەكەمدەۋگە كۇش سالىپ، قول قويىلعان نىسانداردىڭ تياناقتانۋىن ىلگەرىلەتۋدە ناقتى شارا قولدانىپ، اۋىل - قىستاقتى گۇلدەندىرۋدى جاپپاي ىلگەرىلەتۋدە تىڭ ىسكەرلىك كورسەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين جينالىستا ءسوز سويلەدى. ول مىنالاردى ءبىلدىردى: ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىلىن وتكىزۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ناقتى امالياتى. شينجياڭ قوعام ورنىقتىلىعىنىڭ، ىندەتتەن ساقتانۋ - تىزگىندەۋدى ۇدايىلاندىرۋدىڭ، ءوندىرىس حاۋىپسىزدىگىنىڭ، ەكونوميكانىڭ جوعارى ساپالى دامۋىنىڭ ءتۇرلى قىزمەتتەرىن كۇش سالا ويداعىداي ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن كۇش سالا بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، كولەمدى تۇردە قايتا كەدەيلەسۋ جايتىنىڭ تۋىلماۋى تومەنگى شەگىن باتىل ساقتاپ، كەدەيلىكتەن ارىلتۋ جەتىستىكتەرىنىڭ ساپاسى مەن ونىمدىلىگىن اناعۇرلىم بەكەمدەيدى. شىعىس بولىكتەگى ولكە، قالالاردىڭ كاسىپورىن دارىندىلارى، قارجى، تەحنيكا، باسقارۋ سياقتى جاقتارداعى ارتىقشىلىقتارىنان تولىق پايدالانىپ، شينجياڭعا كومەكتەسەتىن ولكە - قالالاردىڭ اناعۇرلىم كوپ كاسىپورىندارى مەن قالىڭ حالىقتىق كاسىپورىندارىن شينجياڭعا كەلىپ قارجى قوسىپ، شارۋاشىلىعىن شالقىتۋعا كەڭ كولەمدە باۋرايدى. قاتىستى ءتيىمدى ساياساتتاردى بەلسەنە سايكەستىرىپ، تياناقتاندىرىپ، قىزمەت وتەۋدى، قامتاماسىز ەتۋدى مۇمكىندىكتىڭ بارىنشا كۇشەيتىپ، تاماشا شارۋاشىلىق - ساۋدا ورتاسىن كۇش سالا قالىپتاستىرىپ، قول قويىلعان قارجى قوسۋ نىساندارىنىڭ تەزىرەك تياناقتانۋىن، ناتيجە بەرۋىن ىلگەرىلەتەدى.
ورتالىق كوميتەت بىرلىكساپ بولىمىندەگى، مەملەكەتتىك ساۋدا - ونەركاسىپشىلەر بىرلەستىگىندەگى، مەملەكەتتىك اۋىل - قىستاقتى گۇلدەندىرۋ مەكەمەسىندەگى، جۇڭگو داڭقتى ىستەردى جەبەۋ قوعامىنداعى، اۆتونوميالى رايوندىق ساۋدا - ونەركاسىپشىلەر بىرلەستىگىندەگى قاتىستى جاۋاپتى جولداستار جينالىسقا قاتىناستى.
وسى رەتكى قيمىلدا 81 نىسان كەلىسىمىنە قول قويىلىپ، قول قويىلعان جالپى سوماسى 34 ميلليارد 300 ميلليون يۋان بولدى. قول قويىلعان نىساندار كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە دەم بەرۋدى، اۋىل - قىستاقتى گۇلدەندىرۋدى ىلگەرىلەتۋدى نەگىز ەتىپ، ەلەكتروندى ونىمدەر ءتۇرى، توقىماشىلىق، كيىم - كەشەك ءتۇرى، اۋىل شارۋاشىلىق قوسىمشا ونىمدەرىن مانەرلەۋ ءتۇرى سياقتى نىساندارعا سايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
