بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جازۋشى گۋرنا 2021 – جىلعى نوبەل ادەبيەت سيلىعىن الدى

2021.10.08 14:27     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى حى مياۋ 10 – ايدىڭ 7 – كۇنى ستوكحولمنان حابارلايدى. شۆەتسيا ادەبيەت اكادەمياسىنىڭ 10 – ايدىڭ 7 – كۇنى جاريالاۋىنشا، 2021 – جىلعى نوبەل ادەبيەت سيلىعىن جازۋشى ابدۋلرازاك گۋرنا العان.

  شۆەتسيا ادەبيەت اكادەمياسىنىڭ تۇراقتى حاتشىسى ماتس مالم سول كۇنى ستوكحولمدە وتكىزىلگەن اقپار جاريالاۋ ماجىلىسىندە سيلىققا يە بولعان ادامنىڭ ەسىمىن جاريالاعان كەزدە، گۋرنانىڭ «وتارشىلدىق تاريح» پەن «بوسقىنداردىڭ كەشىرمەلەرىن» توڭىرەكتەي وتىرىپ جازعان ادەبي تۋىندىلارىنا بايلانىستى وسى سيلىققا يە بولعانىن ايتقان.

  شۆەتسيا ادەبيەت اكادەمياسىنىڭ سول كۇنى جاريالاعان اقپارات مالىمدەمەسىندە بىلاي دەلىنگەن: گۋرنا «وتارشىلدىقتىڭ ىقپالىنا باس يمەۋدى جانە بوسقىنداردىڭ ءتۇرلى مادەنيەت پەن قۇرلىق اراسىنداعى قىسپاقتا قالعان تاعدىرىن» جازعان، ول مۇنى «اسا تىلەكتەستىكپەن ءوزىنىڭ تۋىندىلارىنا سىڭىرگەن». اكادەميانىڭ ايتۋىنشا، ونىڭ ادەبيەت الەمىندە بارلىعى دا وزگەرىستە، ونىڭ تۋىندىلارىنان ءبىلىم مەن قىزۋ ىنتانىڭ جەتەگىندەگى تولاسسىز ىزدەنىس مەنمۇندالايدى. ول 21 جاسىنان باستاپ شىعارماشىلىقپەن اينالىسقان، انا ءتىلى — سۆاحيلي ءتىلى، ادەبي تۋىندىلاردى ول اعىلشىن تىلىندە جازادى.

  مالمنىڭ ايتۋىنشا، ول گۋرنامەن تەلەفوندا سويلەسكەن. ىندەت جاعدايىنا بايلانىستى، بيىلعى نوبەل سيلىعىنىڭ يەگەرلەرىنە بىلتىرعى ءۇردىس بويىنشا سيلىق ءوز ەلدەرىندە تاراتىلادى، بۇرىنعىداي شۆەتسيانىڭ استاناسى ستوكحولمعا كەلىپ سيلىق تاراتۋ سالتىنا قاتىناساتىن ءداستۇرلى ءتاسىل قولدانىلمايدى.

  گۋرنا 1948 – جىلى زانزيباردا (قازىر تانزانياعا قاراستى) تۋعان، 20 – عاسىردىڭ 6 – جىلدارىندا بوسقىندار قاتارىندا انگلياعا قونىس اۋدارعان. 20 – عاسىردىڭ 80 – جىلدارىنان باستاپ، 10 نەشە رومان جانە ءبىرقىدىرۋ اڭگىمەلەر جاريالاعان، تۋىندىلارى بوسقىندار تاقىرىبىندا جازىلىپ، باستىسى وتارلىققا كىرىپتار بولعان حالىقتىڭ تىرلىگىن بايانداپ، ءوز سالاۋاتىن تانۋ، ناسىلدىك قاقتىعىس جانە تاريحتى جازۋ قاتارلى جاعدايلارعا نازاردى شوعىرلاندىرعان، ول پوست – وتارشىلدىق داۋىردەگى ءومىر ءسۇرۋ جاعدايىن كورسەتۋ ماڭىزدى قوعامدىق ءمان الادى دەپ قارايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: باسقا ولكەلەردەن كەلىپ، ىلەدە بوگەلىپ قالعان جولاۋشىلار 10 – ايدىڭ 7 – كۇنى اۆتوكولىكپەن اتتانۋعا دايىندالۋدا. شينحۋا اگەنتتىگى

سۋرەتتە: باسقا ولكەلەردەن كەلىپ، ىلەدە بوگەلىپ قالعان جولاۋشىلار 10 – ايدىڭ 7 – كۇنى ۇشاقپەن اتتانۋعا دايىندالۋدا.