«كۇرىشتى كۇزدە جيىپ الاتىن مەزگىل جەتتى، وسىلايشا بوستان – بوسقا اتىزعا تاستاپ قويامىز با، بۇعان ءمان بەرۋدى ءۇمىت ەتەمىز». 10 – ايدىڭ 2 – كۇنى حەيلۇڭجياڭ ولكەسى حاربين قالاسى بايان اۋدانى حۋاشان اۋىلىنداعى شارۋالار حالىق تورابىنىڭ باسشىلارعا ءسوز قالدىرۋ ستونىنا ءسوز قالدىرىپ، ىندەتتەن ساقتانۋ – تىزگىندەۋ ساياساتىنىڭ كۇزگى جيىن – تەرىنگە ىقپال جەتكىزگەن – جەتكىزبەگەنىنە الاڭداۋشىلىق ءبىلدىردى.
بايان اۋدانىنان ءسوز قالدىرعان تاعى ءبىر توراپتاس مىناداي ۇسىنىس بەرىپتى: «ءبىزدىڭ قىستاعىمىزدا 30 نەشە وتباسى بار، بارلىعى دا ەگىن ەگۋمەن جان باعىپ وتىر، كۇزگى جيىن – تەرىن مەزگىلىندە قىستاق باستىعى ەڭبەككە جارامدى ءۇش – ءتورت ادامدى ۇيىمداستىرىپ، نۋكلەين قىشقىلىن تەكسەرتكەن سوڭ، ساقتىقتى ويداعىداي ىستەۋ، اۋاشالاۋدى ويداعىداي ىستەۋدى العى شارت ەتە وتىرىپ، كومبايىنمەن كۇرىشتى جانە سويا بۇرشاقتى تەزىرەك ورىپ اكەلسە بولار ەدى».
10 – ايدىڭ 3 – كۇنى بايان اۋدانى حۋاشان اۋىلىنان ءسوز قالدىرعان توراپتاستىڭ ايتۋىنشا، 10 – ايدىڭ 2 – كۇنى بايان اۋداندىق اۋىل شارۋاشىلىعى كوميتەتى حۋاشان اۋىلىنداعى سويا بۇرشاق پەن كۇرىشتىڭ جاعدايىنا ناق مايدانعا بارىپ تەكسەرۋ جۇرگىزگەن.
10 – ايدىڭ 4 – كۇنى حاربين قالالىق حالىق ۇكىمەتى توراپتاستاردىڭ لەبىزىنە جاۋاپ بەرگەندە: «ىندەت مەزگىلىندەگى كۇزگى جيىن – تەرىن ماسەلەسىن بايان اۋداندىق پارتكومنىڭ اۋىل – قىستاق قىزمەتىنە باسشىلىق ەتۋ گرۋپپاسى ويلاستىردى ءارى ول جونىندە ورنالاستىرۋ جاسادى، قازىرگى ىندەتتەن ساقتانۋ – تىزگىندەۋ جاعدايىنا نەگىزدەلە وتىرىپ، «بايان اۋدانىنىڭ 2021 – جىلعى ىندەت مەزگىلىندەگى كۇزگى جيىن – تەرىن، ءوندىرىس قىزمەتى جونىندەگى جوبانى» بەكىتتى»، — دەدى، ءارقايسى اۋىل – قالاشىق ۇكىمەتتەرى قازىرگى اۋىل – قىستاقتاعى ىندەتتەن ساقتانۋ – تىزگىندەۋ قىزمەتى مەن كۇزگى جيىن – تەرىن، ءوندىرىس قىزمەتىن ءبىرتۇتاس جوسپارلاپ ىلگەرىلەتىپ، كۇزگى جيىن – تەرىن قىزمەتىنىڭ تارتىپپەن ورىستەتىلۋىنە كەپىلدىك ەتىپ، ۇيلەسىمدى مەزگىلدە، ۋاقىتقا ساي كەزەڭگە ءبولىپ، تەز ارادا، جيناپ الۋعا تيىستىلەرىن تۇگەل جيناپ الىپ، ءار ءتۇيىر استىقتىڭ قامباعا اكەلىنۋىنە كەپىلدىك ەتەدى، ىندەت مەزگىلىندە اۋىل – قىستاقتاعى ىندەتتەن ساقتانۋ – تىزگىندەۋ مەن كۇز مەزگىلىندەگى اۋىل – شارۋاشىلىعى ءوندىرىسىن «بىردەي مىقتى ۇستاۋدى، ەكەۋىن دە ءمۇلت كەتىرمەۋدى»، ءسوزسىز، ورىندايدى.
قازىر كۇزدە استىقتان ءونىم الاتىن كەز، 9 – ايدىڭ 26 – كۇنى حەيلۇڭجياڭ ولكەسى كۇز مەزگىلىندەگى اۋىل شارۋاشىلىعى ءوندىرىسى مەن اۋىل – قىستاقتاعى ىندەتتەن ساقتانۋ – تىزگىندەۋدى ىلگەرىلەتۋ جونىندەگى بەينە كەسكىندى ءماجىلىس اشىپ، بۇكىل ولكەنىڭ اۋىل – قىستاقتارداعى ىندەتتەن ساقتانۋ – تىزگىندەۋ قىزمەتىنە ورنالاستىرۋ جاسادى، جەر – جەردەن قازىرگى كۇزگى جيىن – تەرىن مەزگىلىندە ءوڭىر اتتاپ جۇمىس ىستەيتىن ادامداردىڭ، ماشينالاردىڭ ارتۋى سىندى جاعدايعا باعىتتاي وتىرىپ، ادامداردىڭ ءجۇرىس – تۇرىسىن باسقارۋدى كۇشەيتۋدى، شىنىمەن دە جۇمىس ىستەۋشىلەر قاجەت بولعاندا، ساقتانۋ شارالارىن ويداعىداي تياناقتاندىرۋدى، ىندەتتەن ساقتانۋ – تىزگىندەۋ مەن كۇزگى جيىن – تەرىندى، ءوندىرىستى ءبىرتۇتاس جوسپارلاپ ىلگەرىلەتۋگە كەپىلدىك ەتۋدى ايقىن تالاپ ەتتى. جەر – جەردىڭ قازىرگى ءوندىرىس جاعدايىنا تەكسەرۋ جۇرگىزىپ مەجەلەۋىنشە، بيىل حەيلۇڭجياڭ ولكەسىندە استىقتان تاعى دا مول ءونىم الىنادى، استىق وندىرىسىندە 18 جىل ۇدايى مول ءونىم الۋدى ىسكە اسىرۋدان ءۇمىت زور.
ىندەتتەن ساقتانۋ – تىزگىندەۋدى ۇدايىلاندىرۋ جونىندە ءسىزدىڭ قانداي باعىتتامالى قاجەتىڭىز جانە ۇسىنىسىڭىز بار، «باسشىلارعا لەبىز جازۋ تاقتاسىنا» ءسوز قالدىرىڭىز.
كەلۋ قاينارى: حالىق تورابى