نەگىزگى زاڭ الدىندا سەرت بەرىپ، مەملەكەت تۋى زاڭىنا، مەملەكەت گەربى زاڭىنا وزگەرىس ەنگىزىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن جاساپ، ەستەلىككە الىپ تەكسەرۋ ءتۇزىمىن كەمەلدەندىردى
مەملەكەتتىك حالىق قۇرىلتايى جانە ونىڭ تۇراقتى كوميتەتى نەگىزگى زاڭنىڭ ابىرويى مەن بەدەلىن پارمەندى قورعادى (حالىق قۇرىلتايى تۇزىمىندە تاباندى بولايىق جانە ونى كەمەلدەندىرەيىك)
«حالىق گازەتىنىڭ» ءتىلشىسى شۇي جۇن
2021.10.08 16:37 كەلۋ قاينارى : حالىق تورابى
رەداكتوردان: شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇگىتتەۋ، باس شۋجي شي جينپيڭنىڭ جالپى بارىس بويىنشا حالىق دەموكراتياسىن دامىتۋ جونىندەگى ماڭىزدى پايىمداۋلارىن ىشكەرىلەي ۇگىتتەۋ ءۇشىن، گازەتىمىز بۇگىننەن باستاپ «حالىق قۇرىلتايى تۇزىمىندە تاباندى بولايىق جانە ونى كەمەلدەندىرەيىك» اتىنداعى جەلىلەس حابارلاردى جاريالاپ، پارتيانىڭ 18 - قۇرىلتايىنان بەرى، اسىرەسە، 13 - كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتى مىندەت اتقارعاننان بەرى قول جەتكىزىلگەن تابىستاردى تانىستىرادى.
مەملەكەتتى زاڭمەن جونگە سالۋدا تاباندى بولۋدا ەڭ اۋەلى مەملەكەتتى نەگىزگى زاڭمەن جونگە سالۋدا تاباندى بولۋ، بيلىكتى زاڭ بويىنشا جۇرگىزۋدە تاباندى بولۋدا ەڭ اۋەلى بيلىكتى نەگىزگى زاڭ بويىنشا جۇرگىزۋدە تاباندى بولۋ كەرەك.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەتتى جاپپاي زاڭمەن جونگە سالۋدى بۇرىن بولماعان تەبىنمەن ىلگەرىلەتىپ، نەگىزگى زاڭدى اتقارۋدى مەملەكەتتى جاپپاي زاڭمەن جونگە سالۋدىڭ كورنەكتى ورنىنا قويىپ، ءبىرقىدىرۋ پارمەندى شارا قولدانىپ، نەگىزگى زاڭدى اتقارۋ جانە باقىلاۋ قىزمەتىن كۇشەيتىپ، نەگىزگى زاڭنىڭ، زاڭداردىڭ بەدەلىن قورعادى.
جاڭا جۇڭگو تاريحىندا تۇڭعىش رەت مەملەكەت باسشىسىنىڭ نەگىزگى زاڭ الدىندا سەرت بەرۋ سالتىن وتكىزۋدەن مەملەكەتتىڭ نەگىزگى زاڭ كۇنى قيمىلىن ورىستەتۋگە دەيىن، مەملەكەت تۋى زاڭىنا، مەملەكەت گەربى زاڭىنا وزگەرىس ەنگىزۋدەن شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن جاساۋعا دەيىن، ەستەلىككە الىپ تەكسەرۋ ءتۇزىمىن اقاۋسىزداندىرۋدان مەملەكەتتىڭ زاڭ - ەرەجە ساندى مالىمەت قويماسىن اشۋعا دەيىن ... 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى مىندەت اتقارعاننان بەرى نەگىزگى زاڭنىڭ اتقارىلۋىن ىلگەرىلەتۋ، نەگىزگى زاڭدىق باقىلاۋدى كۇشەيتۋ سىندى زاڭدا بەلگىلەنگەن قىزمەت جاۋاپكەرلىگىن مۇقيات اتقارىپ، نەگىزگى زاڭنىڭ ابىرويى مەن بەدەلىن پارمەندى قورعاپ، مەملەكەتتىڭ زاڭمەن جونگە سالۋ تۇتاستىعىن قورعادى.
رەسپۋبليكا تاريحىندا مەملەكەت باسشىسى تۇڭعىش رەت نەگىزگى زاڭ الدىندا سەرت بەردى
2018 - جىلى 3 - ايدىڭ 11 – كۇنى، بەيجيڭ، حالىق سارايى قىزۋ مەرەيگە شومدى، 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى نەگىزگى زاڭعا وزگەرىس ەنگىزۋ جوباسىن جوعارى داۋىسپەن داۋىسقا سالىپ ماقۇلدادى.
شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىندا تاباندى بولۋ جانە ونى كۇشەيتۋ مازمۇنىن تولىقتاپ، نەگىزگى زاڭدا تۇراقتاندىرىلعان مەملەكەتتىڭ ءتۇبىرلى مىندەتىن، كۇرەس نىساناسىن جانە مەملەكەتتىڭ باسشىلىق ءتۇزىلىسىن كەمەلدەندىرىپ، مەملەكەتتىڭ باقىلاۋ - تەكسەرۋ ءتۇزىمىن ورناتتى ... نەگىزگى زاڭعا وزگەرىس ەنگىزىپ، مەملەكەتتىڭ باياندى تىنىشتىعىنىڭ تۇزىمدىك نەگىزىن بەكەمدەدى.
6 كۇننەن كەيىن 13 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە شي جينپيڭ تاعى دا مەملەكەت ءتوراعاسى بولىپ سايلاندى، ءتوراعا شي جينپيڭ نەگىزگى زاڭدى قورعاپ ايبىندى سەرت بەردى. بۇل جاڭا جۇڭگو تاريحىندا مەملەكەت باسشىسىنىڭ نەگىزگى زاڭعا سەرت بەرۋ سالتىنىڭ تۇڭعىش رەت وتكىزىلۋى بولىپ تابىلادى.
«مەن مىنانى سەرت ەتەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن، وتانعا ادال بولامىن، حالىققا ادال بولامىن، ءوز قىزمەتىمدى بايىپتى، مۇقيات، جاقسى ىستەپ، پاك ءارى كوپشىل بولىپ، حالىقتىڭ باقىلاۋىن قابىلدايمىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن قۇلشىنا كۇرەسەمىن!» ايبىندى سەرت بەرىلىپ، جوعارى تومەنگە ۇلگى بولىپ، مەملەكەتتى نەگىزگى زاڭمەن جونگە سالۋدىڭ، بيلىكتى نەگىزگى زاڭ بويىنشا جۇرگىزۋدىڭ بەرىك ەركى ايگىلەندى.
نەگىزگى زاڭنىڭ نەگىزى حالىقتىڭ شىن جۇرەكتەن قولداۋىندا، نەگىزگى زاڭنىڭ ۇلى كۇشى حالىقتىڭ شىنايى سەنىمىنەن شىققانىندا.
باس شۋجي شي جينپيڭ بىلاي دەپ دارىپتەدى: بۇكىل پارتيادا، بۇكىل قوعامدا نەگىزگى زاڭدى قاستەرلەۋ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋ ۇگىت - تاربيە قيمىلىن ىشكەرىلەي ورىستەتىپ، نەگىزگى زاڭ رۋحىن، سوتسياليستىك زاڭمەن جونگە سالۋ رۋحىن بارىنشا ساۋلەلەندىرىپ، حالىق بۇقاراسىنىڭ نەگىزگى زاڭ تانىمىن ۇزدىكسىز كۇشەيتۋ كەرەك. مەملەكەتتىك ورگاندار نەگىزگى زاڭعا سەرت بەرۋ سالتىن وتكىزىپ، مەملەكەت قىزمەتكەرلەرىن نەگىزگى زاڭ تانىمىن ورناتۋعا، نەگىزگى زاڭ پرينسيبىنە بويسۇنۋعا، نەگىزگى زاڭ بورىشىن اتقارۋعا جەتەكتەدى جانە تاربيەلەدى ...
ج ك پ ورتالىق كوميتەتىنىڭ شەشىم - ورنالاستىرۋلارىنا ساي، نەگىزگى زاڭداعى بەلگىلەمەلەردى تياناقتاندىرىپ، مەملەكەتتىك حالىق قۇرىلتايى تۇراقتى كوميتەتى مەملەكەتتىك وردەن جانە مەملەكەتتىك داڭق اتاعىن بەرۋ جونىندە قاۋلى الدى، ءتوراعا شي جينپيڭ ءتوراعا بۇيرىعىنا قول قويىپ، جۇڭ نانشانعا رەسپۋبليكا وردەنىن، جاڭ بوليعا، جاڭ ديڭيۇيگە، چىن ۋەيگە «حالىق قاھارمانى» مەملەكەتتىك داڭقتى اتاعىن بەرىپ، ولاردىڭ وسكەلەڭ قاسيەتى مەن كورنەكتى ەڭبەگىن ماداقتادى.
پارتيانىڭ 18 - قۇرىلتايىنان بەرى جالپى حالىققا زاڭ جالپىلاستىرۋ تەبىنى ۇزدىكسىز كۇشەيتىلىپ، سوتسياليستىك زاڭمەن جونگە سالۋ مادەنيەت قۇرىلىسىندا كەلەلى تابىستارعا قول جەتكىزىلدى، نەگىزگى زاڭ مەن زاڭدار بارىنەن جوعارى تۇرادى، زاڭ الدىندا بارلىق ادامنىڭ تەرەزەسى تەڭ بولۋ سىندى زاڭمەن جونگە سالۋ ۇستانىمى بەرىك ورناتىلدى.
نەگىزگى زاڭنىڭ جاپپاي ءونىمدى اتقارىلۋىنا كەپىلدىك ەتىلىپ، نەگىزگى زاڭعا قاتىستى زاڭ - تۇزىمدەر كەمەلدەندىرىلدى
باس شۋجي شي جينپيڭ بىلاي دەپ دارىپتەدى: نەگىزگى زاڭنىڭ بەدەلىن قورعاۋ − پارتيا مەن حالىقتىڭ ورتاق ەركىنىڭ بەدەلىن قورعاعاندىق. نەگىزگى زاڭنىڭ بەدەلىن جاقتاۋ − پارتيا مەن حالىقتىڭ ورتاق ەركىنىڭ بەدەلىن جاقتاعاندىق. نەگىزگى زاڭنىڭ اتقارىلۋىنا كەپىلدىك ەتۋ − حالىقتىڭ ءتۇبىرلى مۇددەسىنىڭ جۇزەگە اسۋىنا كەپىلدىك ەتكەندىك.
«ماقۇلداندى!». 2021 - جىلى 3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى. بۇل مەملەكەتتىك حالىق قۇرىلتايىنىڭ ۇيىمدىق زاڭىنا، مەملەكەتتىك حالىق قۇرىلتايىنىڭ ءىس قاراۋ ەرەجەسىنە 30 نەشە جىلدان بەرى تۇڭعىش رەت وزگەرىس ەنگىزۋ بولىپ تابىلادى.
جاڭا وزگەرىس ەنگىزىلگەن «ءبىر زاڭ، ءبىر ەرەجە» پارتيانىڭ باسشىلىعىندا تاباندى بولۋ ساياسي پرينسيبىن جاپپاي دايەكتىلەندىرىپ، جاڭا جاعدايعا، جاڭا تالاپقا ۇيلەسىپ، حالىق قۇرىلتايى ءتۇزىمى امالياتىنىڭ جاڭا تاجىريبەلەرىن، جاڭا جەتىستىكتەرىن تولىق قابىلداپ، حالىق قۇرىلتايىنىڭ ۇيىمدىق ءتۇزىمىن، قىزمەت مەحانيزمىن، اينالىم ۇلگىسىن ارقاۋ ەتىپ، ءماجىلىس ءتوراعالار القاسىنىڭ، كوميتەت باستىقتارى ءماجىلىسىنىڭ قىزمەت ۇقىعى مەن قىزمەت ءتارتىبىن كەمەلدەندىرىپ، پارتيا مەن مەملەكەت قۇرىلىمدارى رەفورماسىنان كەيىنگى قۇرىلىمداردىڭ قۇرىلۋىندا جانە ونىڭ فۋنكتسياسىندا تۋىلعان جاڭا وزگەرىستەردى تولىق بەينەلەپ، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن اناعۇرلىم ويداعىداي ساۋلەلەندىردى.
مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتى قۇرىلىپ، نەگىزگى زاڭدى اتقارۋ جانە باقىلاۋ، نەگىزگى زاڭدى ءتۇسىندىرۋ سياقتى قىزمەت مىندەتتەرى قوسىلىپ، نەگىزگى زاڭدى اتقارۋدىڭ قىزمەت كۇشى مەن ۇيىمدىق كەپىلدىگى كۇشەيتىلىپ، نەگىزگى زاڭعا ۇيلەسىمدى تەكسەرۋ قىزمەتى ىلگەرىلەتىلىپ، نەگىزگى زاڭعا قاتىستى ماسەلەلەرگە ۇيلەسىمدى جاۋاپ قايتارىلىپ، زاڭ - ەرەجەلەر مەن ساياساتتىق قۇجاتتاردىڭ نەگىزگى زاڭداعى بەلگىلەمەلەرگە، نەگىزگى زاڭ پرينسيبىنە، نەگىزگى زاڭ رۋحىنا ۇيلەسۋىنە كەپىلدىك ەتىلدى؛ مەملەكەت تۋى زاڭىنا، مەملەكەت گەربى زاڭىنا وزگەرىس ەنگىزىلىپ، مەملەكەت وبرازى ءتىپتى دە جاقسى قورعالىپ، وتانشىلدىق رۋح ساۋلەلەندىرىلىپ، مەملەكەت تۋى مەن مەملەكەت گەربىنىڭ بەدەلىن جاقتاۋ ادامداردىڭ سانالى ارەكەتىنە اينالدىرىلدى؛ سايلاۋ زاڭىنا وزگەرىس ەنگىزىلىپ، اۋدان، اۋىل ەكى دارەجەلى حالىق قۇرىلتايى ۋاكىلدەرىنىڭ سانى لايىقتى ارتتىرىلىپ، حالىق قۇرىلتايى ءتۇزىمىنىڭ نەگىزى بەكەمدەلدى؛ مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋدىڭ قاجەتىنە سايكەسۋ نەگىزىندە ۇكىمەت قىزمەتكەرلەرىنە اكىمشىلىك جازا بەرۋ زاڭى، باقىلاۋ - تەكسەرۋ ءمانساپتىلارى زاڭى شىعارىلدى …
پارتيانىڭ 18 - قۇرىلتايىنان بەرى، اسىرەسە، 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى قىزمەت مىندەتىن اتقارعاننان بەرى نەگىزگى زاڭعا قاتىستى زاڭ - تۇزىمدەر ۇزدىكسىز كەمەلدەندىرىلىپ، نەگىزگى زاڭنىڭ ارناعا ءتۇسىرۋ، جەتەكتەۋ، ىلگەرىلەتۋ، قامتاماسىز ەتۋ رولى تولىق ساۋلەلەندىرىلدى.
2019 - جىلى «ەرەجەگە وزگەرىس ەنگىزۋگە نارازىلىق ءبىلدىرۋ تولقىنى» تۋىلعاننان كەيىن شياڭگاڭنىڭ زاڭمەن جونگە سالۋى مەن قوعامدىق ءتارتىبى اۋىر سوققىعا ۇشىراپ، «ءبىر ەل، ەكى ءتۇزىم» اۋىر سىنعا تاپ بولدى.
2010 - جىلى 5 - ايدا 13 - كەزەكتى مەملەكەتتىك حالىق قۇرىلتايىنىڭ 3 – ءماجىلىسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاراردى شىعاردى. 2020 - جىلى 6 - ايدا مەملەكەتتىك حالىق قۇرىلتايىنىڭ تۇراقتى كوميتەتى ارت - ارتىنان 2 رەت ءماجىلىس اشىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن قاراپ ماقۇلدادى ءارى ونى شياڭگاڭ ءتۇبىرلى زاڭىنىڭ 3 - قوسىمشا قۇجاتى ەتىپ ەنگىزۋدى ۇيعاردى، شياڭگاڭ ەرەكشە اكىمشىلىك رايونى سول جەردە جاريالاپ اتقارىپ، شياڭگاڭنىڭ مەملەكەت حاۋىپسىزدىگى سالاسىندا ۇزاق ۋاقىتتان بەرى «قورعانىس جاساماعان» اۋىر جاعدايىن وزگەرتتى.
وتكەن جىلى 8 - ايدا، 11 - ايدا مەملەكەتتىك حالىق قۇرىلتايى تۇراقتى كوميتەتى ىلگەرىندى - كەيىندى شياڭگاڭنىڭ 6 - كەزەكتى زاڭ شىعارۋ كەڭەسىنىڭ مىندەتىن ءۇرتىس وتەۋى جونىندەگى قاراردى، شياڭگاڭ زاڭ شىعارۋ كەڭەسى مۇشەلەرىنىڭ تولىمدىلىعى ماسەلەسى جونىندەگى قاراردى ماقۇلدادى. بيىل 3 - ايدا 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاراردى شىعاردى. وسىدان كەيىن مەملەكەتتىك حالىق قۇرىلتايى تۇراقتى كوميتەتى وسى قارارعا ساي قاتىستى زاڭدارعا وزگەرىس ەنگىزىپ جانە ونى كەمەلدەندىرىپ، زاڭنىڭ «تەگەۋرىنىن» كورسەتتى.
مەملەكەتتىك حالىق قۇرىلتايى مەن ونىڭ تۇراقتى كوميتەتى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن زاڭ بويىنشا بۇلجىماي قورعاپ، زاڭدا بەلگىلەنگەن قىزمەت جاۋاپكەرلىگىن شىنايى اتقارىپ، شياڭگاڭنىڭ نەگىزگى زاڭدىق ءتۇزىم ءتارتىبىن قورعاۋدى، «شياڭگاڭ تاۋەلسىزدىگى» كۇشتەرىنە سوققى بەرۋدى، وتانشىلداردىڭ شياڭگاڭدى جونگە سالۋىنا كەپىلدىك ەتۋدى، شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋدى زاڭدىق كەپىلمەن قامدادى.
ەستەلىككە الىپ تەكسەرۋ ءتۇزىمىن اقاۋسىزداندىرىپ، «ءىس بولسا تىزىمگە الۋدى، تىزىمدە بولسا تەكسەرۋدى، قاتەلىك بولسا تۇزەتۋدى» جۇزەگە اسىردى
حىبەي ولكەسى تاڭشان قالاسىنىڭ تۇرعىنى ساي حانىم مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتىنە حات جازىپ، بەلگىلى ولكەنىڭ پوچتا ەرەجەسى جونىندە تەكسەرۋ ۇسىنىسىن قويادى. زاڭ قىزمەتى كوميتەتى تەكسەرۋ ارقىلى بىلاي دەپ قارادى: حاۋىپسىزدىگىن تۇراقتاندىرۋعا بولمايتىن زاتتارعا قاراتا تۇتىنۋشىلاردان تۇگەلدەي قاتىستى تاراۋلاردىڭ حاۋىپسىزدىك كۋالىگىن الۋدى تالاپ ەتۋ ورتالىق قايتا - قايتا دارىپتەپ كەلە جاتقان دالەلدەۋ ىستەرىن ازايتۋ رەفورما تالابىنا ۇيلەسپەيدى، ءارى بۇقارانىڭ جۇمىس بىتىرۋىنە اۋىرتپالىق اكەلەدى، ءارى اماليات بارىسىندا يكەمدىلىگى جەتەرسىز، سوندىقتان جاساعان ورگاننان وزگەرىس ەنگىزۋدى تالاپ ەتەمىز. وسى تيپتىك ءىس مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ 2020 - جىلعى ەستەلىككە الىپ تەكسەرۋ قىزمەتىنىڭ جاعدايى جونىندەگى بايانداماسىنا ەنگىزىلدى.
نەگىزگى زاڭ مەن قاتىستى زاڭدارداعى بەلگىلەمەلەرگە ساي، مەملەكەتتىك حالىق قۇرىلتايى تۇراقتى كوميتەتى نەگىزگى زاڭ مەن زاڭدارعا قايشى كەلەتىن زاڭ - ەرەجەلەردى، ءادىليالىق تۇسىندىرمەلەردى كۇشىنەن قالدىرۋعا، تۇزەتۋگە ۇقىقتى. «ءىس بولسا تىزىمگە الۋ، تىزىمدە بولسا تەكسەرۋ، قاتەلىك بولسا تۇزەتۋ» تالابىنا ساي، ەستەلىككە الىپ تەكسەرۋ قىزمەتىنىڭ ءتارتىپ - مەحانيزمىن اناعۇرلىم اقاۋسىزداندىرىپ، ىرىقتىلىقپەن تەكسەرۋ، ارناۋلى تەكسەرۋ سەرپىنىن ۇزدىكسىز ارتتىرىپ، نەگىزگى زاڭعا، زاڭدارعا ۇيلەسپەيتىن ءبىر توپ ولشەمدى قۇجاتتى تۇزەتۋگە قۋزاپ، ءتيىستى باقىلاۋ رولىن ساۋلەلەندىردى.
ۇعىسۋعا قاراعاندا، 2020 - جىلى مەملەكەتتىك حالىق قۇرىلتايى تۇراقتى كوميتەتى ەستەلىككە الۋعا جولدانعان اكىمشىلىك زاڭ - ەرەجە، جەرگىلىكتى زاڭ - ەرەجە، اۆتونوميا ەرەجەلەرى جانە جەكە ەرەجەلەر، ەكونوميكالىق ەرەكشە رايون زاڭ - ەرەجەسى، ءادىليالىق تۇسىندىرمەلەر، ەرەكشە اكىمشىلىك رايون زاڭدارىنان جيىنى ءبىر مىڭ 310 پارشا تاپسىرىپ الىپ، ءبىر - بىرلەپ ىرىقتىلىقپەن تەكسەرۋ جۇرگىزگەن؛ ىندەتتەن ساقتانۋ - تىزگىندەۋ، جابايى حايۋاناتتاردى قورعاۋ، ازاماتتىق زاڭنامانى اتقارۋ، ازىق - تۇلىك، ءدارى - دارمەك حاۋىپسىزدىگى، تيجارات - ساۋدا ورتاسىن ساپالىلاندىرۋ سياقتى 5 جاقتى ارقاۋ ەتە وتىرىپ ارناۋلى تەكسەرۋ جانە شوعىرلى اداقتاۋ جۇرگىزىپ، وزگەرىس ەنگىزۋگە نەمەسە كۇشىنەن قالدىرۋعا ءتيىستى 3 مىڭ 372 ولشەمدى قۇجاتتى بايقاپ، قاتىستى جاقتاردى دەر كەزىندە تۇزەتۋگە قۋزاعان.
2020 - جىلى مەملەكەتتىك حالىق قۇرىلتايىنىڭ تۇراقتى كوميتەتى ازاماتتار مەن ۇيىمدار العا قويعان 5 مىڭ 146 تەكسەرۋ ۇسىنىسىن تاپسىرىپ الىپ، ءوتىنىش بويىنشا تەكسەرۋدى جانە تەكسەرۋگە وتكىزىپ بەرۋدى زاڭ بويىنشا ويداعىداي ىستەپ، تۇراقتى كوميتەتتىڭ تەكسەرۋ كولەمىنە جاتاتىن 3 مىڭ 378 تەكسەرۋ ۇسىنىسىن ءبىر - بىرلەپ زەرتتەپ، ءبىر جاقتى ەتۋ پىكىرىن العا قويدى، باسقا ۇسىنىستار جەكە - جەكە قاتىستى ورگانداردىڭ ءبىر جاقتى ەتۋىنە تاپسىرىلدى.
مەملەكەتتىك زاڭ - ەرەجە ساندى مالىمەت قامباسىنىڭ اشىلۋ سالتى بيىل 2 - ايدىڭ 24 - كۇنى بەيجيڭدە وتكىزىلدى. مەملەكەتتىڭ زاڭ - ەرەجە ساندى مالىمەت قامباسىنا نەگىزگى زاڭ مەن قازىرگى كۇشكە يە زاڭدار، زاڭدىق تۇسىندىرمەلەر، قاتىستى زاڭدىق ماسەلەلەر مەن كەلەلى ماسەلەلەر جونىندەگى قاۋلىلار، اكىمشىلىك زاڭ - ەرەجە، جەرگىلىكتى زاڭ - ەرەجە، اۆتونوميا ەرەجەلەرى جانە جەكە ەرەجەلەر، ەكونوميكالىق ەرەكشە رايون زاڭ - ەرەجەسى، ءادىليالىق تۇسىندىرمەلەر ەنگىزىلىپ، جۇڭگوشا سوتسياليستىك زاڭ جۇيەسىنىڭ ەڭ باستى مازمۇنى قامتىلىپ، قوعامداعى جۇرتشىلىق «كوزبەن كورىپ، تابا الاتىن، پايدالانا الاتىن» الەۋمەتتىك ونىمدەرمەن قامدالدى، سونداي - اق زاڭ شىعارۋ قيمىلىنا، ەستەلىككە الىپ تەكسەرۋگە نەگىزدىك تىرەك ازىرلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
