شي جينپيڭ جاپونيانىڭ باس ءۋازىرى انتيان ۋىنشيۇڭمەن تەلەفوندا سويلەستى
2021.10.09 16:15 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 8 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 8 - كۇنى جاپونيانىڭ باس ءۋازىرى انتيان ۋىنشيۇڭمەن تەلەفوندا سويلەستى.
شي جينپيڭ بىلاي دەپ دارىپتەدى: جۇڭگو مەن جاپونيا − جاقىن كورشىلەر، كورشىلەرمەن تاتۋ دوستىق قاتىناستى جالعاستىرۋ − ءبىزدىڭ تاباندى بولاتىن پرينسيبىمىز. جۇڭگو مەن جاپونيانىڭ دوستىق سەلبەستىك قاتىناسىن قورعاۋ جانە دامىتۋ ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەدى، ازيانىڭ، ءتىپتى دۇنيە ءجۇزىنىڭ بەيبىت، ورنىقتى بولىپ، گۇلدەنۋىنە دە ءتيىمدى. قازىر جۇڭگو - جاپونيا قاتىناسىنىڭ ورايى مەن سايىسى قاتار ءومىر سۇرۋدە. جۇڭگو جاپونيا جاڭا ۇكىمەتىنىڭ ەكى ەلدىڭ جوعارى جىكتەگىلەرىنىڭ بارىس - كەلىسىن ساقتاۋعا ءمان بەرگەنىن القايدى، جاپونيامەن پىكىرلەسۋدى، سەلبەسۋدى كۇشەيتىپ، تاريحتى اينا ەتىپ، بولاشاق رۋحىن جاراتىپ، جاڭا ءداۋىردىڭ تالابىنا ۇيلەسەتىن جۇڭگو - جاپونيا قاتىناسىنىڭ ورناۋىن ىلگەرىلەتۋدى قالايدى. كەلەر جىل − جۇڭگو مەن جاپونيانىڭ ديپلوماتيالىق قاتىناستى قالىپقا تۇسىرگەنىنىڭ 50 جىلدىعى، ەكى جاقتىڭ اۋەلگى ماقساتتى قايتا ەسكە الىپ، ءبىر باعىتتا ءجۇرىپ، وسى ماڭىزدى تاريحي كەزەڭدى بىرگە قارسى الىپ، ەكى ەل قاتىناسىنىڭ جاڭا دامۋ بولاشاعىن اشۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭگو مەن جاپونيا ەكى ەل قاتىناسىنىڭ ۇنامدى - ۇنامسىز جاقتارداعى تاجىريبەلەرىن مۇقيات قابىلداپ، جۇڭگو مەن جاپونيانىڭ 4 ساياسي قۇجاتىندا بەلگىلەنگەن پرينسيپتەرگە قاتاڭ بويسۇنىپ، «ءوزارا سەلبەستىك سەرىگى بولۋ، ءبىر - بىرىنە حاۋىپ توندىرمەۋ» سىندى ساياسي ورتاق تانىمدى شىن مانىندە امالياتتا ايگىلەپ، تاريح، تايۋانعا ساياتىن ىستەر سياقتى كەلەلى سەزىمتال ماسەلەلەردى ۇيلەسىمدى ءبىر جاقتى ەتىپ، الاۋىزدىقتاردى ويداعىداي مەڭگەرىپ، دۇرىس بەتالىستى ويداعىداي يگەرىپ، ەكى ەل قاتىناسىنىڭ ساياسي نەگىزى مەن جالپى جاعدايىن ويداعىداي قورعاۋى كەرەك. ەكى جاق ەل باسقارۋداعى اۋىس - كۇيىس پەن ەكونوميكانى، ساياساتتى سايكەستىرۋدى كۇشەيتىپ، ءادىل، اشىق ساۋدا جانە قارجى قوسۋ ورتاسىن بىرگە قورعاپ، اناعۇرلىم جوعارى دەڭگەيدەگى ابزالدىقتار ارقىلى ءبىرىن - ءبىرى تولىقتاۋدى جانە ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرىپ، ەكى ەل حالىقتارىنا ءتىپتى دە زور باقىت جاراتۋى كەرەك. ەكى جاق ناعىز كوپ جاقتىلىقتى امالياتتا ايگىلەپ، وزدەرىنىڭ ءتۇبىرلى مۇددەسى مەن ادامزاتتىڭ ورتاق مۇددەسى بويىنشا، تاتۋ - ءتاتتى بولۋ، ءبىراق تالعاۋسىز قوستاي جونەلمەۋ، ءبىر جاعادان باس، ءبىر جەڭنەن قول شىعارۋ سىندى شىعىس ازيا اقىل - پاراساتىن ساۋلەلەندىرىپ، وڭىرلىك سەلبەستىكتى بەلسەنە جەبەپ، دۇنيە جۇزىلىك سايىستارعا سايكەستى توتەپ بەرىپ، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن قورعاۋى كەرەك. جاپونيانىڭ توكيو وليمپيادا سپورت جارىسىن ءساتتى وتكىزگەنىن قۇتتىقتايمىن، جاپونيانىڭ كەلەر جىلى 2 - ايدا بەيجيڭ قىسقى وليمپيادا سپورت جارىسىنا بەلسەنە قاتىناسۋىن قارسى الامىن.
انتيان ۋىنشيۇڭ جۇڭگونىڭ مەملەكەت مەرەكەسىنە قۇتتى بولسىن ايتتى. ول مىنانى ءبىلدىردى: قازىرگى حالىقارالىق جانە وڭىرلىك جاعدايدا جاپونيا - جۇڭگو قاتىناسى جاڭا داۋىرگە قادام تاستادى. جاپونيا جۇڭگومەن بىرگە جاپونيا - جۇڭگو قاتىناسى تاريحىنان ماڭىزدى وي ءتۇيىپ، كەلەر جىلى جاپونيا مەن جۇڭگونىڭ ديپلوماتيالىق قاتىناسىنىڭ قالىپقا تۇسكەنىنىڭ 50 جىلدىعىن وراي ەتىپ، جاڭا ءداۋىردىڭ تالابىنا ۇيلەسەتىن سىندارلى، ورنىقتى جاپونيا - جۇڭگو قاتىناسىن ورناتۋعا بىرگە قۇلشىنۋدى قالايدى. ەكى جاق پىكىرلەسۋ ارقىلى الاۋىزدىقتاردى تەجەۋى كەرەك. جاپونيا جۇڭگومەن ەكونوميكالىق سەلبەستىك پەن حالىقتىق اۋىس - كۇيىستى ۇزدىكسىز كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتى، كليمات وزگەرىسى سياقتى ماڭىزدى حالىقارالىق، وڭىرلىك ماسەلەلەر جونىندە تىعىز پىكىرلەسۋدى، سەلبەسۋدى قالايدى. جاپونيا بەيجيڭ قىسقى وليمپيادا سپورت جارىسىنىڭ ءساتتى باستالۋىن اسىعا كۇتەدى.
ەكى جاق تا وسى رەتكى تىلدەسۋ توتەنشە دەر كەزىندە، توتەنشە ماڭىزدى بولدى دەپ قاراپ، ءتۇرلى تاسىلدەر ارقىلى ءوزارا بايلانىستى، قاتىناستى ۇزدىكسىز ساقتاپ، ەكى ەل قاتىناسىنىڭ دۇرىس دامۋىنا باعدار سىلتەۋگە ماقۇل بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
