بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ابدۇعينيدىڭ وڭ كوزىنىڭ كورۋ قۋاتى 0.4كە جەتتى −

”ماعان كومەكتەسكەن بارلىق جاندارعا العىس ايتامىن“

2021.10.11 15:07     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ياڭ شۋحان 10 - ايدىڭ 9 - كۇنى گۋاڭجوۋدان حابارلايدى. ”قالىپتى كورۋ قۋاتى 0.8 دە 1.0 بولادى، قازىر وڭ كوزىڭنىڭ كورۋ قۋاتى 0.4كە جەتتى“. 10 - ايدىڭ 9 - كۇنى تۇستەن بۇرىن ابدۇعيني مامۇت شيپاحاناعا بارىپ وپەراتسيادان كەيىنگى تەكسەرۋىن جۇرگىزدى، شيپاگەردىڭ بۇل ءسوزىن ەستىگەن شەشەسى ەكەۋىنىڭ جۇزىنەن شاتتىق كۇلكىسى ەستى.

  ”شىندىعىندا، ءوزىم دە سەزىنىپ تۇرمىن“، - دەدى ابدۇعيني، سوڭعى بىرنەشە كۇننەن بەرى ونىڭ وڭ كوزىنىڭ كورۋ قۋاتى بارعان سايىن جاقسارىپ، شەشەسىنىڭ ءجۇزىن انىق كورەتىن بولدى؛ الىستا جاسىل اعاشتاردى، قىزعىلت قۇستى، قارا ورانگۋتاندى ءبىر كورىپ - اق پارىقتاي الادى.

  كورۋ قۋاتىن تەكسەرتكەننەن كەيىن العىس تۋىن اشىپ، تارتىنشاق تا تۇيىق ابدۇعيني گۋاڭجوۋ جۇڭشان داشۋەسى جۇڭشان كوز اۋرۋلارى ءبولىمى ورتالىعى پارتكومىنىڭ شۋجيى شيا دانعا، جۇڭشان كوز اۋرۋلارى ءبولىمى ورتالىعىنىڭ مەڭگەرۋشىسى، قوسىمشا كوز اۋرۋلارى شيپاحاناسىنىڭ باستىعى ليۋ يجىعا بار داۋىسپەن: ”كوزىمدى ەمدەپ ساۋىقتىرعاندارىڭىزعا العىس ايتامىن، ماعان كومەكتەسكەن بارلىق جاندارعا العىس ايتامىن!“، − دەپ العىس جاۋدىردى.

  ليۋ يجى ونىڭ باسىن سيپاپ تۇرىپ، شىن ىقىلاسپەن ”قولىڭدى جۋماي تۇرىپ كوزىڭدى ۋقالاما، كوز ءدارىسىن ءوز ۋاعىندا تامىزىپ تۇر، مەرزىم بويىنشا شيپاحاناعا بارىپ تەكسەرتىپ تۇر، وڭاي - وسپاق قولعا كەلمەگەن كوزىڭنىڭ كورۋ قۋاتىن جاقسى قورعا“ دەپ تاپسىرعاندا، ابدۇعيني دەن قويا باسىن يزەدى.

  گۋاڭدۇڭ ولكەلىك كوز قويماسىنىڭ ورىنباسار مەڭگەرۋشىسى جي جيانپيڭنىڭ تانىستىرۋىنشا، ابدۇعينيدىڭ وڭ كوزىنە كوشىرىلگەن كوز ءمۇيىز قابىعى گۋاڭدۇڭ ولكەسىندەگى ءبىر ەر ادامدىكى ەكەن. بۇدان حابار تاپقاننان كەيىن ابدۇعيني ەرەكشە تەبىرەنىپ، كوزىنە جاس ىركىلىپ: ”ول كىسىنىڭ كوز ءمۇيىز قابىعىن اتاعاندىعىنا شىن جۇرەكتەن العىس ايتامىن، ول كىسىنىڭ ەسىمىن بىلمەسەم دە، ءبىراق جاقسىلىعىن ماڭگى ۇمىتپايمىن“، - دەدى.

  جي جيانپيڭ بىلاي دەدى: ”قازىرگە دەيىن گۋاڭدۇڭ ولكەسى ەرىكتىلەر اتاعان كوز ءمۇيىز قابىعىنان 1048ىن تاپسىرىپ الىپ، 780نەن استام وپەراتسيا جاساپ، بۇكىل ەلدىڭ جەر - جەرىندەگى جۇزدەگەن ناۋقاسقا جارىق سيلادى“.

  ”قيىنشىلىق − سىنتاس، ۇلتتار ارا قويۋ سۇيىسپەنشىلىكتى سىننان وتكىزەدى، ۇلتتار ىنتىماعىن كوز قاراشىعىمىزداي قورعاۋىمىز كەرەك“. شيا دان گۋاڭجوۋ جۇڭشان داشۋەسى جۇڭشان كوز اۋرۋلارى ءبولىمى ورتالىعى ابدۇعينيدىڭ كەيىنگى ەمدەلۋ جاعدايىنا ۇزدىكسىز نازار اۋدارىپ، ءار ۇلت ناۋقاستارىنا ەمدەۋدەن ساپالى قىزمەت وتەيتىندىگىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار