جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسىن» باسىپ تاراتتى
2021.10.11 15:07 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسىن» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرا مۇقيات دايەكتىلەندىرۋدى، تياناقتاندىرۋدى تالاپ ەتتى.
پارتيا 18 - قۇرىلتايىنان بەرى باس شۋجي شي جينپيڭ حۋاڭحى وزەنى الابىنىڭ ەكولوگياسىن قورعاۋ جانە ەكونوميكالىق، قوعامدىق دامۋ جاعدايىنا تالاي رەت ناقتى تەكسەرۋ جۇرگىزىپ، ءۇش وزەن قاينارى، چيليانشان، چينليڭ، حىلانشان سياقتى ءتۇيىندى وڭىرلەردىڭ ەكولوگياسىن قورعاۋ قۇرىلىسى جونىندە ماڭىزدى نۇسقاۋ بەرىپ، بەكىتۋ جازدى. باس شۋجي شي جينپيڭ بىلاي دەپ باسا دارىپتەدى: حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ − كەلەلى مەملەكەتتىك ستراتەگيا، قاۋىرت قورعاۋدى بىرگە ويداعىداي يگەرىپ، قاۋىرت جونگە سالۋدى سايكەستى ىلگەرىلەتىپ، ەكولوگيانى قورعاۋدى، جونگە سالۋدى كۇش سالا نىعايتىپ، حۋاڭحىنىڭ باياندى تىنىشتىعىن قامتاماسىز ەتىپ، تۇتاس الاپتىڭ جوعارى ساپالى دامۋىن ىلگەرىلەتىپ، حالىق بۇقاراسىنىڭ تۇرمىسىن جاقسارتىپ، حۋاڭحى مادەنيەتىن قورعاپ، جالعاستىرىپ، ساۋلەلەندىرىپ، حۋاڭحىنى حالىققا قۇت اكەلەتىن باقىت وزەنىنە اينالدىرۋ كەرەك.
باس شۋجي شي جينپيڭنىڭ ماڭىزدى ءسوزىنىڭ جانە نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرۋ ءۇشىن، «حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسى» جاسالدى. جوبانىڭ كولەمىندە حۋاڭحىنىڭ نەگىزگى اعارى، تارماق اعارلارى وتەتىن چيڭحاي، سىچۋان، گانسۋ، نيڭشيا، ىشكى موڭعۇل، سانشي، شانشي، حىنان، شاندۇڭ سىندى 9 ولكە - رايونداعى قاتىستى اۋدان دارەجەلى اكىمشىلىك وڭىرلەر قامتىلعان، جەر اۋدانى شامامەن ءبىر ميلليون 300 مىڭ شارشى كيلومەتر، 2019 - جىلدىڭ اياعىنداعى جالپى حالىق سانى شامامەن 160 ميلليون. ماڭىزدى ەكولوگيالىق جۇيەنىڭ تۇتاستىعىن، بايلىق ورنالاسۋىنىڭ ۇيلەسىمدىلىگىن، مادەنيەتتى قورعاۋ، جالعاستىرۋ، ساۋلەلەندىرۋدىڭ بايلانىستىلىعىن ساقتاۋ ءۇشىن، ەكولوگيا، ەكونوميكا، مادەنيەت سياقتى سالالارداعى شارالاردى جوسپارلاپ اتقارعاندا، ءىس جۇزىندىك جاعدايعا قاراي تىعىز بايلانىستاعى وڭىرلەردى ۇزارتۋعا، تەڭ ءمان بەرۋگە بولادى.
بۇل جوبا باعدارلاماسى قازىرگى جانە مۇنان بىلايعى ءبىر مەزگىلدەگى حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامۋىنا جەتەكشىلىك ەتەتىن تۇعىرنامالىق حۇجات، قاتىستى جوسپار - جوبالاردى، ساياساتتىق شارالاردى جاساپ اتقارۋداعى جانە قاتىستى ينجەنەريا نىساندارىن سالۋداعى ماڭىزدى نەگىز. جوبا مەرزىمى 2030 - جىلعا دەيىن، ورتا مەرزىمى 2035 - جىلعا دەيىنگى ۋاقىتتى نازاردا ۇستايدى، ۇزاق مەرزىمى وسى عاسىردىڭ ورتا شەنىنە دەيىنگى ۋاقىتتى نازاردا ۇستايدى.
«باعدارلامادا» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، سۋ جاعدايىنا قاراي ءىس جۇرگىزۋگە، سۋ ۇنەمدەۋدى الدىڭعى ورىنعا قويۋعا تاباندى بولىپ، جەرگىلىكتى جاعدايعا قاراي ىستەۋگە، تۇرلەر بويىنشا شارا قولدانۋعا تاباندى بولىپ، ءبىر تۇتاس جوسپارلاپ جوبالاۋعا، سايكەستى ىلگەرىلەتۋگە تاباندى بولىپ، حۋاڭحى وزەنى الابىن ۇلى داريا - وزەندەردى جونگە سالۋداعى ماڭىزدى ۇلگى، مەملەكەتتىڭ ەكولوگيالىق حاۋىپسىزدىگىندەگى ماڭىزدى قالتقى، جوعارى ساپالى دامۋداعى ماڭىزدى سىناق ءوڭىرى، جۇڭحۋا مادەنيەتىن قورعاۋداعى، جالعاستىرۋداعى، ساۋلەلەندىرۋدەگى ماڭىزدى تىرەكتىك ءوڭىرى ەتىپ تۇلعالاۋ كەرەك.
دامۋ نىساناسى: 2030 - جىلعا بارعاندا، حۋاڭحى وزەنى الابىندا ادام مەن سۋدىڭ قاتىناسى اناعۇرلىم جاقسارىپ، الاپتى جونگە سالۋ دەڭگەيى كورنەكتى جوعارىلاپ، ەكولوگيا بىرگە جونگە سالىناتىن، قورشاعان ورتا بىرگە قورعالاتىن، قالا، اۋىل وڭىرلەرى سايكەسىپ، بىرگە قيمىلداپ، داميتىن جاعداي بىرتىندەپ قالىپتاسادى، تاسقىننان ساقتانىپ، اپات زيانىن ازايتۋدىڭ وسىزاماندانعان جۇيەسى نەگىزىنەن تۇلعالانادى، سۋ بايلىعىمەن قامتاماسىز ەتۋ قابىلەتى اناعۇرلىم جوعارىلاپ، ەكولوگيالىق ورتانىڭ ساپاسى كورنەكتى جاقسارادى، مەملەكەتتىڭ استىق جانە ەنەرگيا بازاسىندىق ورنى ۇزدىكسىز بەكەمدەلەدى، قالالار شوعىرىن نەگىز ەتكەن قوزعاۋشى كۇش جۇيەسى اناعۇرلىم كۇشەيتىلەدى، اۋىل - قىستاقتى گۇلدەندىرۋدە كورنەكتى ونىمدىلىككە قول جەتەدى، حۋاڭحى مادەنيەتىنىڭ ىقپالى كورنەكتى كەڭەيەدى، نەگىزگى الەۋمەتتىك قىزمەت وتەۋ دەڭگەيى كورنەكتى جوعارىلاپ، الاپتاعى حالىق بۇقاراسىنىڭ تۇرمىسى اناعۇرلىم باردام بولىپ، تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيەدى.
2035 - جىلعا بارعاندا، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ كەلەلى ستراتەگيالىق جەتىستىككە جەتىپ، حۋاڭحى وزەنى الابىنىڭ ەكولوگيالىق ورتاسى جالپى بەتتىك جاقسارىپ، ەكولوگيالىق جۇيە اقاۋسىز، ورنىقتى بولىپ، سۋ بايلىعىن ۇنەمدەۋ، شوعىرلى پايدالانۋ ورەسى بۇكىل ەلدە الدىڭعى ورىنعا شىعىپ، وسىزاماندانعان ەكونوميكالىق جۇيە نەگىزىنەن قالىپتاسىپ، حۋاڭحى مادەنيەتى قاۋىرت دامىپ، قاۋىرت گۇلدەنىپ، حالىقتىڭ تۇرمىس ورەسى كورنەكتى جوعارىلايدى. وسى عاسىردىڭ ورتا شەنىنە بارعاندا، حۋاڭحى وزەنى الابىنىڭ زاتتىق وركەنيەت، ساياسي وركەنيەت، رۋحاني وركەنيەت، قوعامدىق وركەنيەت، ەكولوگيالىق وركەنيەت ورەسى زور دارەجەدە جوعارىلاپ، ەلىمىزدىڭ باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋىندا ماڭىزدى تىرەكتىك رول اتقاراتىن بولادى.
«باعدارلامادا» جوعارى اعاردىڭ سۋ قاينارىن ساقتاۋ قابىلەتى قۇرىلىسىن كۇشەيتۋ، ورتا اعاردىڭ سۋ، توپىراعىن ساقتاۋدى كۇشەيتۋ، تومەنگى اعاردىڭ سازدى جەرلەرىن قورعاۋ مەن ەكولوگياسىن جونگە سالۋدى ىلگەرىلەتۋ، تۇتاس الاپتىڭ سۋ بايلىعىنان ۇنەمدى، شوعىرلى پايدالانۋدى كۇشەيتۋ، حۋاڭحى وزەنىنىڭ باياندى تىنىشتىعىن بار كۇشپەن قامتاماسىز ەتۋ، قورشاعان ورتانىڭ لاستانۋىن جۇيەلى جونگە سالۋدى كۇشەيتۋ، ەرەكشە، باسىمدىققا يە وسى زامانعى كاسىپ سالاسى جۇيەسىن ورناتۋ، وڭىردەگى قالا، اۋىلداردىڭ دامۋىنىڭ جاڭا ارناسىن قالىپتاستىرۋ، نەگىزدىك قۇرىلعىلاردىڭ ۇلاسۋىن، تۇتاسۋىن كۇشەيتۋ، حۋاڭحى مادەنيەتىن قورعاۋ، جالعاستىرۋ، ساۋلەلەندىرۋ، حالىق تۇرمىسىنداعى ولقىلىقتار مەن ءالسىز تۇستاردى تولىقتىرۋ، رەفورما جاساۋ، ەسىك اشۋ اياق الىسىن جەدەلدەتۋ، ت. ب جونىندە ەگجەي - تەگجەيلى ورنالاستىرۋ جاسالىپ، مىنالار باسا دارىپتەلدى: پارتيانىڭ باسشىلىعىن حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىنىڭ ءار سالاسىنا، ءار جاعىنا، ءار بۋىنىنا باستان - اياق ءسىڭىرۋ كەرەك. پارتيانىڭ جالپى جاعدايدى تەگىس مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىنىڭ باستان - اياق دۇرىس بەتالىستى ساقتاۋىنا شىنايى كەپىلدىك ەتۋ كەرەك. حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىنا قاتىستى زاڭداردى، زاڭ ەرەجەلەردى جۇيەلى سالالاپ، حۋاڭحى وزەنىن قورعاۋ، جونگە سالۋ جونىندە زاڭ شىعارۋدىڭ نەگىزدىك زەرتتەۋ قىزمەتىن ىشكەرىلەي ورىستەتۋ، زاڭ شىعارۋ قىزمەتىن دەر كەزىندە باستاپ، حۋاڭحى وزەنىن قورعاۋداعى، جونگە سالۋداعى ءونىمدى جالپىلىق سيپاتقا يە ساياسات، مەحانيزم، ءتۇزىم قاتارلىلاردى زاڭ شىعارىپ تۇراقتاندىرۋ كەرەك. حۋاڭحى وزەنى الابىنىڭ جانە حۋاڭحى وزەنى جاعالاۋىنداعى ولكەلەردىڭ بايلىق ورتاسىنىڭ كوتەرىمدىلىك قۋاتىن جان - جاقتى باعالاپ، حۋاڭحى وزەنى جاعالاۋىنداعى ءتۇرلى اشۋ، قۇرىلىس جۇرگىزۋ قيمىلىن قاتاڭ ارناعا ءتۇسىرۋ كەرەك. وسى جوبا باعدارلاماسىن دايەكتىلەندىرۋدى، تياناقتاندىرۋدى ارقاۋ ەتىپ، سايكەستى ساياساتتار مەن كەشەندى رەفورما شارالارىن زەرتتەپ شىعارىپ، ”X+N+1“ جوبا ساياساتتىق جۇيەسىن قالىپتاستىرۋ كەرەك. ورتالىق ءبىر تۇتاس جوسپارلايتىن، ولكەلەر باس جاۋاپتى بولاتىن، قالا، اۋداندار تياناقتاندىراتىن قىزمەت مەحانيزمىنە تاباندى بولۋ كەرەك. ورتالىق حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ باسشىلىق گرۋپپاسىن قۇرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋى ستراتەگياسىن اتقارۋعا جاپپاي جەتەكشىلىك ەتىپ، تۇتاس الاپتىڭ كەلەلى جوباسىن، كەلەلى ساياساتىن، كەلەلى نىساندارىن جانە جىلدىق قىزمەت ورنالاستىرۋىن قاراپ، ءوڭىر اتتاعان كەلەلى ماسەلەلەردى سايكەستىرىپ شەشىپ، 2025 - جىلدان ىلگەرى حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىندا كورنەكتى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
