مەملەكەتتىك حالىق قۇرىلتايى جانە ونىڭ تۇراقتى كوميتەتى حالىق قۇرىلتايىنىڭ باقىلاۋىن ۇزدىكسىز كەڭەيتىپ جانە تەرەڭدەتىپ، زاڭدىق باقىلاۋ مەن قىزمەتتى باقىلاۋدى زاڭ بويىنشا ورىستەتتى –
حالىق قۇرىلتايىنىڭ باقىلاۋى اناعۇرلىم پارمەندى، ءونىمدى بولدى (حالىق قۇرىلتايى تۇزىمىندە تاباندى بولايىق جانە ونى كەمەلدەندىرەيىك)
«حالىق گازەتىنىڭ» ءتىلشىسى ني ي
2021.10.11 16:16 كەلۋ قاينارى : حالىق تورابى
2021 - جىلى 9 - ايعا دەيىن، 62 قاتىستى باياندامانى تىڭدادى جانە قارادى. 24 زاڭ جانە ءبىر قاراردىڭ اتقارىلۋ احۋالىن تەكسەردى، 9 رەت ارناۋلى تاقىرىپتا پىكىر الۋدى، 25 ءتۇرلى ارناۋلى تاقىرىپتاعى تەكسەرۋ - زەرتتەۋدى ورىستەتتى، ەستەلىككە الىنعان زاڭ - ەرەجەلەر مەن ءادىليالىق تۇسىندىرمەلەردەن 4 مىڭنان استامىن ىرىقتىلىقپەن تەكسەردى... ءبىر توپ ساندى مالىمەت 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ حالىق قۇرىلتايىنىڭ باقىلاۋىن ۇزدىكسىز كۇشەيتىپ جانە جاقسارتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتى تياناقتانۋىن ىلگەرىلەتىپ، نەگىزگى زاڭ مەن زاڭداردىڭ ءونىمدى اتقارىلۋىن ىلگەرىلەتىپ، ۇكىمەتتىڭ، باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ زاڭ بويىنشا قىزمەت ۇقىعىن جۇرگىزۋىن ىلگەرىلەتىپ، اكىمشىلىك ۇقىقتىڭ، باقىلاۋ - تەكسەرۋ ۇقىعىنىڭ، سوت جۇرگىزۋ ۇقىعىنىڭ، پروكۋراتۋرا ۇقىعىنىڭ زاڭ بويىنشا دۇرىس جۇرگىزىلۋىنە كەپىلدىك ەتۋ سىندى مىندەت وتەۋ احۋالىن جاندى ءتۇسىندىردى.
باقىلاۋ ۇقىعى − نەگىزگى زاڭ مەن زاڭدار مەملەكەتتىك حالىق قۇرىلتايى تۇراقتى كوميتەتىنە جۇكتەگەن ماڭىزدى قىزمەت ۇقىعى. مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، حالىق قۇرىلتايىنىڭ باقىلاۋىن ۇزدىكسىز كەڭەيتىپ جانە تەرەڭدەتىپ، ساپالى دامۋدى ىلگەرىلەتۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە، سوتسياليستىك وسىزاماندانعان مەملەكەتتى جاپپاي قۇرۋعا حالىق قۇرىلتايىنىڭ كۇش - قۋاتىن ارنادى.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە كەپىلدىك ەتتى
ەلىمىز جاڭا تيپتى ايدارشا ۆيرۋس وكپە قابىنۋ ىندەتىن ەڭ الدىمەن تىزگىندەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس ىلگەرىلەتىپ، قالپىنا كەلۋ سيپاتتى ارتۋدى الدىمەن جۇزەگە اسىردى. 2020 - جىلى 8 - ايدا حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جونىندەگى باياندامانى قاراعان كەزدە، مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلار ءبىر اۋىزدان: بۇل ءتۇزىم ابزالدىعى مەن جۇڭگو ەكونوميكاسى دامۋىنىڭ سەرپىمدىلىگىن، كومەسكى كۇشىن تولىق ايگىلەدى، − دەپ قارادى.
مەملەكەتتىك ساناق مەكەمەسى 2021 – جىلى 1 - ايدىڭ 18 - كۇنى 2020 - جىلعى حالىق شارۋاشىلىعى اينالىمىنىڭ ناتيجەسىن جاريالادى. 2020 - جىلى ەلىمىزدىڭ ىشكى ءوندىرىس جالپى ءونىم قۇنى 100 تريلليون يۋاننان استى. 2020 – جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىنا جانە توتەنشە كۇردەلى سىرتقى ورتاعا قاراتا ەلىمىز ەكونوميكاسى وزگەشە جىلدا ەرەكشە تابىسقا قول جەتكىزىپ، حالىق رازى بولاتىن، دۇنيە ءجۇزى كوز تىككەن، تاريحقا جازىلاتىن جاۋاپ قايتارىلدى.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ ءتارتىپتى بازار باسەكەسىن، تاماشا ساۋدا ورتاسىن قاجەت ەتەدى. بازار بىلىقتىرىلدى، جالعان ۇگىت جۇرگىزىلدى، جاڭا تۇتىنۋشىلارعا قاراعاندا كونە تۇتىنۋشىلارعا جوعارى باعا قويىلدى، تۇتىنۋشىلاردىڭ اعىن مولشەرى تارتىپ الىندى ... بازار باسەكەسى سالاسىنداعى «كونە ماسەلەلەر ءالى دە كورنەكتى بولۋ، جاڭا ماسەلەلەر تولاسسىز جارىققا شىعۋ» جايتىنە قاراتا 2020 – جىلى مەملەكەتتىك حالىق قۇرىلتايى تۇراقتى كوميتەتى ورىنسىز باسەكەگە قارسى تۇرۋ زاڭىنىڭ اتقارىلۋىنا تەكسەرۋ جۇرگىزدى، بۇل قاجەتكە ۇيلەسىپ، ءدال ۋاعىندا ىستەلىپ، بازار باسەكەسى سالاسىنداعى باقىلاپ – باسقارۋ بوستىعىن تولتىرۋدى ىلگەرىلەتىپ، «التىنى ورنىقتىرۋ» قىزمەتىن جاقسى ىستەپ، «التىنى قامتاماسىزداندىرۋ» مىندەتىن تياناقتاندىرۋدا بەلسەندى رول اتقاردى.
«بارلىق ادامدا ۇلەس بولماۋدان» «بارلىق ادامدا ۇلەس بولۋعا» دەيىن. اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى اۋىل - قىستاق كوللەكتيۆ شارۋاشىلىعىنىڭ دامۋىنا جانە اۋىل - قىستاق قوعامىنىڭ ورنىقتىلىعىنا سايادى. بۇل جونىندە 2020 - جىلى مەملەكەتتىك حالىق قۇرىلتايى تۇراقتى كوميتەتى مەملەكەتتىك كەڭەستىڭ اۋىل - قىستاق كوللەكتيۆ مال - مۇلىك ۇقىعى تۇزىمىنە رەفورما جاساۋ احۋالى جونىندەگى بايانداماسىن دەر كەزىندە تىڭدادى جانە قارادى. تۇراقتى كوميتەت قۇرامىنداعىلار ءبىر اۋىزدان بىلاي دەپ قارادى: رەفورمانىڭ بەتالىسى دۇرىس، ءتۇيىنى كورنەكتى، اياق الىسى ءساتتى بولىپ، شارۋالاردىڭ كوللەكتيۆ ەكونوميكانىڭ دامۋ جەتىستىكتەرىنەن اناعۇرلىم كوپ يگىلىكتەنۋىنە مۇمكىندىك جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، اۋىل - قىستاقتى گۇلدەندىرۋ سياقتى مەملەكەتتىك ستراتەگيالارعا ءونىمدى تۇردە سايكەستى.
پارتيا مەن مەملەكەت قىزمەتىنىڭ جالپى جاعدايىنا ءتىپتى دە جاقسى قىزمەت ەتۋ ءۇشىن، مەملەكەتتىك حالىق قۇرىلتايىنىڭ تۇراقتى كوميتەتى «14 – بەسجىلدىق» جوبا باعدارلاماسىن جاساۋ قىزمەتىندەگى ءبىرقانشا ماڭىزدى ماسەلە توڭىرەگىندە ارناۋلى تەكسەرۋ - زەرتتەۋ جۇرگىزىپ، 22 ارناۋلى تاقىرىپتىق تەكسەرۋ - زەرتتەۋ بايانداماسىن ازىرلەپ، «14 – بەسجىلدىق» جوبا باعدارلاماسىن جاساۋ قىزمەتىنە ءادىس - امال ازىرلەدى. بۇدان سىرت، ۇكىمەتتىڭ قارجى قوسۋ قورىن باسقارۋىن جانە رەفورما جاساۋىن توڭىرەكتەپ ارناۋلى تەكسەرۋ - زەرتتەۋ جۇرگىزىپ، ۇكىمەتتىڭ قارجى قوسۋ قورى − قازىنالىق شىعىس تاسىلىندەگى ءتيىمدى جاڭالىق، ماكرولىق تىزگىندەۋ ءتاسىلىن بايىتۋداعى ماڭىزدى شارا دەگەندى ورتاعا قويدى، بۇل تاباندىلىقپەن دامىتۋدى، ارناعا ءتۇسىرىپ، كەمەلدەندىرۋدى قاجەت ەتەدى.
حالىق قۇرىلتايىنىڭ باقىلاۋى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعۋعا دەم بەردى
بيىل 7 - ايدىڭ 1 - كۇنى باس شۋجي شي جينپيڭ تيان - انمىن الاڭىندا وتكىزىلگەن جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا بىلاي دەپ سالتاناتپەن جاريالادى: «بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىقتىق».
تاماشا ەكولوگيالىق ورتا − جالپىعا ەڭ زور دارەجەدە تيىمدىلىك جەتكىزەتىن حالىق تۇرمىسىنىڭ قۇت - ىرىسى، جاپپاي دوڭگەلەك داۋلەتتى قوعام قۇرۋدىڭ ەڭ كورىنەۋ نەگىزى. 13 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى شي جينپيڭ ەكولوگيالىق وركەنيەت يدەياسى مەن پارتيا ورتالىق كوميتەتىنىڭ لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋ جونىندەگى شەشىمدەرى مەن ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، زاڭنىڭ اتقارىلۋىن تەكسەرۋ سياقتى زاڭمەن جونگە سالۋ تاسىلدەرىنەن ءۇرتىس 4 جىل پايدالانىپ، لاستانۋمەن باتىل شايقاس جۇرگىزىپ، جاپپاي دوڭگەلەك داۋلەتتى قوعام قۇرۋدىڭ ساپاسىن اناعۇرلىم جوعارىلاتتى.
13 - كەزەكتى مەملەكەتتىك حالىق قۇرىلتايى تۇراقتى كوميتەتى اتموسفەرانىڭ لاستانۋىنان ساقتانۋ - جونگە سالۋ زاڭىنا، سۋدىڭ لاستانۋىنان ساقتانۋ - جونگە سالۋ زاڭىنا، توپىراقتىڭ لاستانۋىنان ساقتانۋ - جونگە سالۋ زاڭىنا، جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنا زاڭ اتقارۋ تۇرعىسىنان ىلگەرىندى - كەيىندى تەكسەرۋ جۇرگىزدى. 2020 - جىلى 10 - ايدا مەملەكەتتىك حالىق قۇرىلتايى تۇراقتى كوميتەتىنىڭ 22 - رەتكى ءماجىلىسى توپىراقتىڭ لاستانۋىنان ساقتانۋ - جونگە سالۋ زاڭىنىڭ اتقارىلۋىن تەكسەرۋ بايانداماسىن قارادى ءارى ارناۋلى تاقىرىپتا پىكىر الىپ، توپىراقتىڭ لاستانۋىن باسقارۋ - مەڭگەرۋدى جانە قالپىنا كەلتىرۋدى اناعۇرلىم كۇشەيتىپ، زاڭمەن جونگە سالۋ كۇشى ارقىلى بۇقارانىڭ ازىق - تۇلىكتى الاڭسىز تۇتىنۋىن، باسپانالارىنىڭ حاۋىپسىز بولۋىن قامتاماسىز ەتتى.
8 جىل ۇزدىكسىز كۇرەس جۇرگىزۋ ارقىلى قازىرگى ولشەم بويىنشا اۋىل - قىستاقتاعى كەدەيلەر تۇگەلدەي كەدەيلىكتەن ارىلىپ، كەدەي اۋدانداردىڭ كەدەيلىك قالپاعى تۇگەلدەي الىپ تاستالىپ، مۇلدەم كەدەيلىك پەن وڭىرلىك تۇلعالىق كەدەيلىك جويىلىپ، 100 ميلليونعا جۋىق كەدەي حالىق كەدەيلىكتەن ارىلىپ، بۇكىل دۇنيە ءجۇزىن جالت قاراتارلىق كەلەلى جەڭىسكە قول جەتكىزىلدى.
كەدەيلىكتەن ارىلتۋدان قامال الۋ شايقاسىنىڭ كەلەلى جەڭىسى حالىق قۇرىلتايىنىڭ باقىلاۋ قىزمەتىنىڭ وراسان زور كومەگىن ۇيىستىردى. 2020 – جىلى 12 - ايدىڭ سوڭىندا مەملەكەتتىك حالىق قۇرىلتايى تۇراقتى كوميتەتىنىڭ 24 – رەتكى ماجىلىسىندە مەملەكەتتىك كەڭەستىڭ كەدەيلىكتەن ارىلتۋدان قامال الۋ جونىندەگى ارناۋلى قىزمەت بايانداماسى تىڭدالدى جانە قارالدى. سونىمەن بىرگە، مەملەكەتتىك كەڭەستىڭ قازىنا، اۋىل شارۋاشىلىعى، اۋىل - قىستاق قارجىسىن ءبولۋ جانە پايدالانۋ جاعدايى جونىندەگى بايانداماسى تىڭدالىپ جانە قارالىپ، نازار قارجىنى باسقارۋ مەن قىزمەت ناتيجەسىن باعالاۋ ناتيجەسىنەن پايدالانۋعا شوعىرلاندىرىلىپ، اۋىل شارۋاشىلىعى، اۋىل - قىستاق قارجىسىنىڭ پايدالانىلۋ ونىمدىلىگى ۇزدىكسىز جوعارىلاتىلىپ، كەدەيلىكتەن ارىلتۋدان قامال الۋدىڭ جەتىستىكتەرى ونان ارى بەكەمدەلىپ جانە كەڭەيتىلىپ، اۋىل - قىستاقتىڭ گۇلدەنۋى جاپپاي ىلگەرىلەتىلدى.
«حالىقتى وزەك ەتۋ» حالىق قۇرىلتايى باقىلاۋىنىڭ تۇتاس بارىسىنا ءسىڭىرىلدى
«حالىقتى وزەك ەتۋدى» حالىق قۇرىلتايى باقىلاۋىنىڭ تۇتاس بارىسىنا ءسىڭىرۋ − حالىق قۇرىلتايى باقىلاۋىنىڭ ماڭىزدى ەرەكشەلىگى، سونداي - اق مەملەكەتتىك حالىق قۇرىلتايى تۇراقتى كوميتەتىنىڭ باقىلاۋ قىزمەتىن ورىستەتۋدە باستان – اياق بۇلجىمايتىن تياناعى بولىپ كەلەدى.
حالىق بۇقاراسى نازار اۋدارىپ وتىرعان ماسەلە حالىق قۇرىلتايىنىڭ باقىلاۋىنداعى كۇش سالۋ ءتۇيىنى بولىپ تابىلادى. پارتيانىڭ 18 - قۇرىلتايىنان بەرى حالىق قۇرىلتايىنىڭ باقىلاۋ قىزمەتى بۇقارا تۇرمىسىنىڭ ءارقايسى بۋىنىنا اناعۇرلىم جان - جاقتى، اناعۇرلىم تولىق كەڭەيىپ، حالىق تۇرمىسىنىڭ ىرىس - قۇتىن پارمەندى ارتتىردى. الەۋمەتتىك مادەنيەتكە قىزمەت وتەۋدى قامتاماسىز ەتۋ، قايىر - ساحابات ىستەرىنىڭ اقاۋسىز دامۋى، قوعامدىق قامسىزداندىرۋ ءتۇزىمى رەفورماسى، استىقتى ۇنەمدەپ، ىسىراپشىلدىققا قارسى تۇرۋ، ۇلتتار ىنتىماعى، العاباسارلىعىنداعى وزات ورىن قۇرۋ سياقتى حالىق تۇرمىسى سالاسىنداعى قولامتالى ماسەلەلەردى ارقاۋ ەتىپ، مەملەكەتتىك حالىق قۇرىلتايىنىڭ تۇراقتى كوميتەتى باقىلاۋ قىزمەتىن تىڭعىلىقتى ىلگەرىلەتىپ، زاڭنىڭ اتقارىلۋىن تەكسەرۋ، ارناۋلى تاقىرىپتا تەكسەرۋ - زەرتتەۋ جۇرگىزۋ سياقتى ۇدايىلانعان باقىلاۋ فورمالارى ارقىلى حالىق تۇرمىسىنىڭ، قوعامدىق ىستەردىڭ دامۋىن زاڭمەن جونگە سالۋ جاعىنان اناعۇرلىم پارمەندى قامتاماسىز ەتتى.
حالىق بۇقاراسىنىڭ تاماشا تۇرمىسقا دەگەن تىڭ تىلەگىنە بەلسەنە جاۋاپ قايتارىپ، حالىق بۇقاراسىنىڭ مادەنيەت جاعىنداعى تابىس سەزىمىن، باقىت سەزىمىن كۇشەيتۋ ءۇشىن، 2020 - جىلى 8 - ايدان 10 - ايعا دەيىن مەملەكەتتىك حالىق قۇرىلتايى تۇراقتى كوميتەتى الەۋمەتتىك مادەنيەتكە قىزمەت وتەۋدى قامتاماسىزداندىرۋ زاڭىنا زاڭنىڭ اتقارىلۋى تۇرعىسىنان تەكسەرۋ ورىستەتتى، بۇل 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مادەنيەت جاعىنداعى زاڭداردىڭ اتقارىلۋ جاعدايىنا تۇڭعىش رەت تەكسەرۋ جۇرگىزۋى بولىپ تابىلادى. وسى رەتكى زاڭنىڭ اتقارىلۋىن تەكسەرۋدە زاڭمەن جونگە سالۋ ارقىلى قالا مەن اۋىلدىڭ الەۋمەتتىك مادەنيەتكە قىزمەت وتەۋ جۇيەسىن ءبىر تۇلعالاندىرۋ قۇرىلىسى ىلگەرىلەتىلىپ، الەۋمەتتىك مادەنيەتكە قىزمەت وتەۋدىڭ «ەڭ سوڭعى ءبىر شاقىرىمىن» اشۋعا كۇش سالىنىپ، بۇقارانىڭ مادەنيەت قاجەتىمەن دالمە - ءدال، ءونىمدى ۇشتاستىرۋ نەگىزىندە مادەنيەت ونىمدەرى حالىق بۇقاراسىنىڭ ەركىن تاڭداپ پايدالانۋىنا تاپسىرىلدى.
باس شۋجي شي جينپيڭ استىق حاۋىپسىزدىگىنە ايرىقشا ءمان بەرىپ، «ۇنەمشىل بولۋ، ىسىراپشىلدىققا قارسى تۇرۋ» سىندى قوعامدىق سالتتى اسپەتتەپ، اس - سۋ ىسىراپشىلدىعىنا تيىم سالۋدى تالاي رەت دارىپتەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، مەملەكەتتىڭ استىق حاۋىپسىزدىگىن قامتاماسىز ەتىپ، تۇتاس قوعامدا وركەنيەتتى اس - سۋ مادەنيەت سالتىن قالىپتاستىرۋدى ىلگەرىلەتۋ ءۇشىن، 2020 - جىلى 9 - ايدان 10 - ايعا دەيىن مەملەكەتتىك حالىق قۇرىلتايىنىڭ تۇراقتى كوميتەتى استىقتى قاستەرلەۋ، ىسىراپشىلدىققا قارسى تۇرۋ جاعدايى جونىندە ارناۋلى تەكسەرۋ - زەرتتەۋ جۇرگىزدى. تەكسەرۋ - زەرتتەۋ بايانداماسى اس - سۋ ىسىراپشىلدىعىنا تيىم سالۋ قىزمەتىندە قول جەتكەن كەزەڭدىك تابىستاردى تۇراقتاندىردى ءارى باقىلاۋ - باسقارۋ جاۋاپكەرلىگىن قاتاڭ تياناقتاندىرۋ، تۇلعالىق جاۋاپكەرلىكتى شىنايى اتقارۋ سياقتى اس - سۋ ىسىراپشىلدىعىنا تيىم سالۋ قىزمەتىن اناعۇرلىم ويداعىداي يگەرۋ ۇسىنىسىن العا قويدى.
وسى زاڭداردىڭ اتقارىلۋىن تەكسەرۋ جانە ارناۋلى تاقىرىپتا تەكسەرۋ - زەرتتەۋ جۇرگىزۋ بارىسىندا توراپتا سۇراۋ قاعازىمەن تەكسەرۋ، توراپتا پىكىر الۋ، ءۇشىنشى جاقتىڭ باعالاۋى، كەزدەيسوق ۇلگى الىپ تەكسەرۋ سياقتى جاڭالىق جاراتۋ ءتاسىلى مەن ادىستەرى ىسكە قوسىلىپ، قالىڭ حالىق بۇقاراسىنىڭ ۇسىنىس - پىكىرى تولىق تىڭدالدى. «توبەدەن تامشى وتكەنىن اركىم كورەدى، ساياسي جاعدايدى كورەگەندەر اڭعارادى». مەملەكەتتىك حالىق قۇرىلتايى جانە ونىڭ تۇراقتى كوميتەتى حالىق تىلەگىنە قۇلاق اسۋدا، حالىقتىڭ اقىل - پاراساتىن شوعىرلاندىرۋدا، حالىقتان اقىل - كەڭەس الۋدا باستان - اياق تاباندى بولىپ، حالىق قۇرىلتايىنىڭ باقىلاۋىنىڭ نىسانالى بولۋىنا، تالماۋ جەردى ءداپ باسىپ تابۋىنا، ناقتى ونىمدىلىكتى ارتتىرۋىنا مۇمكىندىك جاساپ، باقىلاۋ قىزمەتىنىڭ حالىق بۇقاراسىنىڭ قاجەتى مەن ارمان - تىلەگىن اناعۇرلىم ويداعىداي قاناعاتتاندىرۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
