لي كىچياڭ مەملەكەتتىك ەنەرگيا كوميتەتىنىڭ ءماجىلىسىن باسقارىپ اشقاندا مىنانى دارىپتەدى
ەنەرگيامەن ورنىقتى قامداۋدى جانە حاۋىپسىزدىكتى قامتاماسىزداندىرىپ، جاسىل دامۋدىڭ تىرەكتىك قۋاتىن كۇشەيتۋ كەرەك
حان جىڭ ماجىلىسكە قاتىناستى
2021.10.12 17:25 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 11 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، مەملەكەتتىك ەنەرگيا كوميتەتىنىڭ مەڭگەرۋشىسى لي كىچياڭ 10 - ايدىڭ 9 - كۇنى مەملەكەتتىك ەنەرگيا كوميتەتىنىڭ ءماجىلىسىن باسقارىپ اشىپ، ەنەرگيا رەفورماسىن دامىتۋ قىزمەتىن ورنالاستىردى، «14 – بەسجىلدىق» كەزىندەگى وسى زامانعى ەنەرگيا جۇيەسى جوباسى، ەنەرگيا، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ اتقارۋ جوباسى، ەنەرگيادا جاسىل، تومەن كومىرتەكتى تيپكە بۇرىلىس جاساۋ ءتۇزىلىس، مەحانيزمى مەن ساياساتتىق شارالارىن كەمەلدەندىرۋ پىكىرى سياقتىلاردى قارادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليىنىڭ ورىنباسارى، مەملەكەتتىك ەنەرگيا كوميتەتى مەڭگەرۋشىسىنىڭ ورىنباسارى حان جىڭ ماجىلىسكە قاتىناستى.
ماجىلىستە دامۋ جانە رەفورما كوميتەتى، ەنەرگيا مەكەمەسى مالىمەت بەردى. لي كىچياڭ بىلاي دەدى: ەنەرگيا − ەكونوميكالىق، قوعامدىق دامۋدىڭ جالپى جاعدايىنا ساياتىن ءىرى ءىس. «13 – بەسجىلدىق» جوبا مەزگىلىندە شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءار جاق بىرگە قۇلشىنىپ، ەلىمىز ەنەرگيانى دامىتۋ، قۇرىلىمدى ساپالىلاندىرۋ، جوعارى ءونىمدى، تازا پايدالانۋ سياقتى جاقتاردا كورنەكتى ونىمدىلىككە قول جەتكىزدى. قازىر حالىقارالىق ورتا مەن دۇنيە جۇزىلىك ەنەرگيا جاعدايىندا، جۇيەسىندە تەرەڭ وزگەرىس تۋىلۋدا، ەلىمىزدىڭ ەنەرگيانى دامىتۋى مەن حاۋىپسىزدىكتى قامتاماسىزداندىرۋى تىڭ سايىسقا ءدوپ كەلىپ وتىر. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ تالابىنا ساي، مەملەكەت جاعدايىنىڭ ءىس جۇزىندىگىن شىعار ءتۇيىن ەتىپ، دامۋ مەن لاس زاتتاردىڭ شىعارىلۋىن ازايتۋدىڭ، قازىرگى مەن ۇزاق بولاشاقتىڭ قاتىناسىن ويداعىداي ءبىر جاقتى ەتىپ، ارتۋدى ورنىقتىرۋ مەن قۇرىلىمدى رەتتەۋدى ءبىر تۇتاس جوسپارلاپ، ەنەرگيا سالاسىن بازارلاندىرۋ رەفورماسىن تەرەڭدەتىپ، ەنەرگيانىڭ جاسىل، تومەن كومىرتەكتى تيپكە بۇرىلىس جاساۋىن ىلگەرىلەتىپ، ەنەرگيا حاۋىپسىزدىگىن قامتاماسىز ەتۋ قابىلەتىن جوعارىلاتىپ، وسىزامانداندىرۋ قۇرىلىسىنا بەرىك تىرەك ازىرلەۋ كەرەك.
لي كىچياڭ بىلاي دەپ اتاپ كورسەتتى: ەنەرگيا حاۋىپسىزدىگى دامۋ حاۋىپسىزدىگىنە، مەملەكەت حاۋىپسىزدىگىنە سايادى. ەلىمىز − ءالى دە دامۋ ۇستىندەگى ەل، دامۋ − بارلىق ماسەلەنى شەشۋدىڭ نەگىزى جانە تەتىگى. قازىرگى كەزەڭدە ونەركاسىپتەنۋ، قالا - قالاشىقتانۋ ىشكەرىلەي ىلگەرىلەتىلۋدە، ەنەرگيا سۇرانىمى قالاي بولماسىن ۇزدىكسىز ارتادى، قامداۋ تاپشىلىعى ەڭ زور ەنەرگيا حاۋىپسىزدىگى سانالادى، ءسوز جوق، حاۋىپسىزدىكتى قامتاماسىزداندىرۋدى العى شارت ەتىپ، وسى زامانعى ەنەرگيا جۇيەسىن قۇرىپ، ەنەرگيامەن دەربەس قامداۋ قابىلەتىن كۇش سالا جوعارىلاتۋ كەرەك. كومىردى نەگىز ەتكەن ەنەرگيا، بايلىق قاينارىنا باعىتتاي وتىرىپ، كومىر ءوندىرىس قۋاتىنىڭ ورنالاسۋىن ساپالىلاندىرىپ، دامۋ قاجەتىنە ساي، وزىق كومىر ەلەكترىن ۇيلەسىمدى قۇرىپ، مەشەۋ كومىر ەلەكترىن ۇزدىكسىز، ءتارتىپتى تۇردە قاتاردان قالدىرۋ كەرەك. ەل ىشىندەگى مۇناي، تابيعي گاز بارلاپ، اشۋدى كۇشەيتىپ، سلانەتس گازىن، كومىر قاباتى گازىن بەلسەنە دامىتىپ، حالىقارالىق مۇناي، تابيعي گاز سەلبەستىگىن كوپ نەگىزدەندىرىپ ورىستەتۋ كەرەك. كومىر گازىن زاپاس ساقتاۋ قۋاتى قۇرىلىسىن كۇشەيتىپ، وزىق ساقتاۋ تەحنيكاسىن كولەمدەندىرىپ قولدانۋدى ىلگەرىلەتىپ، ەنەرگيامەن حاۋىپسىز قامداۋ سىندى قامسىزداندىرۋ قۇرالدارىن ۇزدىكسىز مولايتۋ كەرەك.
لي كىچياڭ بىلاي دەدى: كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ − ەلىمىز ەكونوميكاسىنىڭ وزىندىك تيبىن وزگەرتىپ، دارەجەسىن جوعارىلاتۋدىڭ تالابى، سونداي – اق كليمات وزگەرىسىنە بىرگە توتەپ بەرۋدىڭ قاجەتى. كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن جۇزەگە اسىرۋدى عىلمي، ءتارتىپتى ىلگەرىلەتۋ ءۇشىن، ءسوز جوق، ۇزاق ۋاقىت جاپالى قۇلشىنىس جاساۋ كەرەك. تاياۋ مەزگىلدەگى ەلەكترمەن، كومىرمەن قامداۋ - قاجەتسىنۋ قايشىلىعىنا توتەپ بەرۋ جاعدايىمەن ۇشتاستىرىپ، ىشكەرىلەي ەسەپتەپ، دالەلدەپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋدىڭ باسقىشقا بولىنگەن ۋاقىت كەستەسى مەن جول كارتاسىن زەرتتەپ ورتاعا قويۋ كەرەك. جەر - جەر، قاتىستى جاقتار الدىمەن ورناتىپ، ونان سوڭ بۇزۋدا تاباندى بولىپ، بۇكىل ەل بويىنشا ءبىر تۇتاس جوبا – جوسپار جاساۋى، الدى – الدىنا كەتپەۋى كەرەك. ءىس جۇزىندىكتى شىعار ءتۇيىن ەتىپ، كەيبىر جەرلەردەگى «ءبارىن ءبىر شىبىقپەن ايداۋ» جولىمەن ەلەكتردىڭ ءوندىرىلۋىن شەكتەۋ نەمەسە قوزعالىس فورماسىنداعى «كومىرتەگىن ازايتۋ» ارەكەتىن تۇزەتىپ، سولتۇستىكتەگى بۇقارانىڭ قىستان قىسىلماي وتۋىنە كەپىلدىك ەتىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن جانە ەكونوميكانىڭ باياندى، ورنىقتى دامۋىن قامتاماسىز ەتۋ كەرەك. كومىردى تازارتىپ پايدالانۋدى زور كۇشپەن ىلگەرىلەتىپ، تازا ەنەرگيانىڭ سالىستىرماسىن جوعارىلاتىپ، ءتۇيىندى سالالاردا ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى، جاڭالاۋدى ىشكەرىلەي ىلگەرىلەتىپ، تۇتاس قوعامدا ەنەرگيانى ۇنەمدەپ پايدالانۋدى دارىپتەپ، جاسىل دامۋ قابىلەتىن ۇزدىكسىز جوعارىلاتۋ كەرەك.
لي كىچياڭ بىلاي دەپ اتاپ كورسەتتى: جاڭالىق جاراتۋ − ەنەرگيانى ساپالى دامىتۋدىڭ ماڭىزدى قوزعاۋشى كۇشى. ەنەرگيا سالاسىنداعى شەشۋشى، وزەكتى تەحنيكالاردان جانە جابدىقتاردان قامال الۋدى جەدەلدەتىپ، جاسىل، تومەن كومىرتەكتى وزىق تەحنيكالاردى زەرتتەۋ - اشۋدى كۇشەيتۋ كەرەك. ەلەكتر تورابىنىڭ زەردەلىلەنۋ دەڭگەيىن جوعارىلاتىپ، جاڭا ەنەرگيا مەن حاۋىپسىز اينالىم قۋاتىن ارتتىرۋ كەرەك. ساتىلى ەلەكتر باعاسىن كەمەلدەندىرىپ، ەلەكتر جەتكىزۋ، ۇلەستىرۋ سياقتى ءتۇيىندى سالالارداعى رەفورمانى تەرەڭدەتىپ، بازار مەحانيزمىنە كوبىرەك سۇيەنىپ، ەنەرگيانى ۇنەمدەپ، لاس زاتتاردى شىعارۋدى ازايتىپ، كومىرتەگى قوس توتىعىن تومەندەتۋدى جەبەپ، ەنەرگيا جاعىنان قىزمەت وتەۋ دەڭگەيىن جوعارىلاتۋ كەرەك.
سۇن چۇنلان، حۋ چۇنحۋا، ليۋ حى، ۋاڭ يۇڭ، ۋاڭ ي، شياۋ جيە، حى ليفىڭ جانە قاتىستى ورىنداردىڭ، ءىشىنارا كاسىپورىنداردىڭ جاۋاپتىلارى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
