حان جىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىنىڭ اشىلۋ سالتىنا قاتىناستى ءارى ءسوز سويلەدى
2021.10.12 17:26 كەلۋ قاينارى : حالىق تورابى
شينحۋا اگەنتتىگى، 10 – ايدىڭ 11 – كۇنى، كۇنميڭ (تىلشىلەر چي جۇڭشي، پان جيە). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 10 - ايدىڭ 11 - كۇنى يۇننان ولكەسىنىڭ كۇنميڭ قالاسىندا «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىنىڭ اشىلۋ سالتىنا قاتىناستى ءارى ءسوز سويلەدى.
حان جىڭ مىنانى ءبىلدىردى: جۇڭگو دۇنيە جۇزىندەگى ورگانيزمدەردىڭ الۋان تۇرلىلىگى ەڭ مول ەلدەردىڭ ءبىرى رەتىندە ورگانيزمدەردىڭ الۋان تۇرلىلىگىن قورعاۋ قىزمەتىنە باستان - اياق ايرىقشا ءمان بەرىپ كەلەدى. شي جينپيڭ ەكولوگيالىق وركەنيەت يدەياسىنىڭ جەتەكشىلىگىندە جۇڭگو ەكولوگيانى الدىمەن ەسكەرۋدە، جاسىل دامۋدا تاباندى بولىپ، ەكولوگيالىق جۇيەنى قورعاۋ مەن قالپىنا كەلتىرۋدى ۇزدىكسىز كۇشەيتىپ، ورگانيزمدەردىڭ الۋان تۇرلىلىگىن قورعاۋ جانە كەدەيلىكتى ازايتۋ ىستەرىن ءبىر تۇتاس ىلگەرىلەتىپ، دۇنيە ءجۇزىنىڭ ورگانيزمدەردىڭ الۋان تۇرلىلىگىن جونگە سالۋىنا ىشكەرىلەي ات سالىسىپ، ورگانيزمدەردىڭ الۋان تۇرلىلىگىن قورعاۋدا كورنەكتى ونىمدىلىككە قول جەتكىزۋدى ىلگەرىلەتتى. جۇڭگو بولاشاقتا اناعۇرلىم زور تەبىنمەن، اناعۇرلىم ناقتى شارالارمەن ورگانيزمدەردىڭ الۋان تۇرلىلىگىن قورعاۋدى ىلگەرىلەتەدى. ءبىز مەملەكەتتىڭ جاڭا داۋىردەگى ورگانيزمدەردىڭ الۋان تۇرلىلىگىن قورعاۋ ستراتەگياسى مەن ارەكەت جوسپارىن جاساپ، ورگانيزمدەردىڭ الۋان تۇرلىلىگىن قورعاۋ مەن ەكونوميكانىڭ، قوعامنىڭ ىشكەرىلەي توعىسۋىن، سايكەستى دامۋىن ىلگەرىلەتەمىز. ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن ۇزدىكسىز ىلگەرىلەتىپ، ماڭىزدى ەكولوگيالىق جۇيەنى، بيولوگيالىق تۇرلەردى جانە بيولوگيالىق تۇقىم قۋالاۋ بايلىعىن جاپپاي قورعايمىز. ورگانيزمدەردىڭ الۋان تۇرلىلىگىن قورعاۋ جونىندەگى ۇگىت - تاربيەنى جانە بىلىمدەردى جالپىلاستىرۋدى كۇشەيتىپ، قالىڭ بۇقارانى ورگانيزمدەردىڭ الۋان تۇرلىلىگىن قورعاۋ ءۇشىن بەلسەنە ات سالىسۋعا جەتەكتەيمىز.
حان جىڭ مىنانى ءبىلدىردى: جۇڭگو ءارقايسى جاقپەن سەلبەستىكتى جانە اۋىس - كۇيىستى كۇشەيتىپ، وسى رەتكى جينالىستاعى وتاعاسى ەل بورىشىن شىن مانىندە ويداعىداي وتەپ، ءتوراعا ەل رولىن ويداعىداي ساۋلەلەندىرىپ، جاپپاي تەپە - تەڭ، سەرپىندى، اتقارۋعا بولاتىن ورتاق تانىم مەن ارەكەت جۇلگەسىنە قول جەتكىزۋدى ىلگەرىلەتىپ، دۇنيە ءجۇزى بويىنشا ورگانيزمدەردىڭ الۋان تۇرلىلىگىن جونگە سالۋدىڭ تىڭ ساتىعا كوتەرىلۋىن ىلگەرىلەتۋدى قالايدى. حان جىڭ ماجىلىسكە قاتىناسقان جاقتارعا مىناداي ءۇش ءتۇرلى باستامانى ورتاعا قويدى: ءبىرىنشى، ورتاق تانىمدى ۇيىستىرىپ، اسقاق رۋحتى سەرپىلتۋ كەرەك. كوپ جاقتىلىقتا تاباندى بولىپ، ساياسي ىلگەرىلەتۋ مەن تىلدەسۋدى، اۋىس - كۇيىستى كۇشەيتىپ، ۇلى مۇرات پەن ناقتى ىستەردى قاتار جۇرگىزۋ جولىمەن ءجۇرىپ، 2020 - جىلدان كەيىنگى ارەكەت نىساناسىن عىلمي جولمەن جاساۋ كەرەك. ەكىنشى، ۇسىنىلىمدى ارتتىرىپ، بايلىقتى جۇمىلدىرۋ كەرەك. ءتۇرلى قارجى قوسۋ ارنالارىن كەڭەيتىپ، زاتتاردىڭ الۋان تۇرلىلىگىن قورعاۋعا جانە باياندى پايدالانۋعا اناعۇرلىم زور قولداۋ كورسەتۋ كەرەك. ءۇشىنشى، رەفورمانى جەدەلدەتىپ، سەلبەسۋ نەگىزىندە ونىمدىلىكتى ارتتىرۋ كەرەك. ورگانيزمدەردىڭ الۋان تۇرلىلىگىن قورعاۋدى ماڭداي الدى ورىنعا قويىپ، ۇتىمدى شارالار قولدانىپ، دامۋدىڭ تيبىن وزگەرتۋ اياق الىسىن ىلگەرىلەتۋ كەرەك. جاراتىلىستىق جانە ەكولوگيالىق جۇيەنى قورعاۋ، قالپىنا كەلتىرۋ تەبىنىن ارتتىرىپ، كليمات وزگەرىسى، ورگانيزمدەردىڭ الۋان تۇرلىلىگىنىڭ كەمەيۋى، استىق حاۋىپسىزدىگى سياقتى دۇنيە جۇزىلىك قورشاعان ورتا سىن - سايىسىنا سايكەسە توتەپ بەرۋ كەرەك.
«ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىنىڭ نەگىزگى تاقىرىبى «ەكولوگيالىق وركەنيەت: جەر شارىنىڭ تىرشىلىك ورتاق تۇلعاسىن بىرگە قۇرۋ» بولدى. شارت جاساسقان 140 تان استام مەملەكەتتەن، رايوننان جانە 30 نەشە حالىقارالىق قۇرىلىمنان، ۇيىمنان كەلگەن 5 مىڭنان استام ۋاكىل جەلى ءىشى – سىرتىن ۇشتاستىرۋ تاسىلىمەن جينالىسقا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
