كۇندەلىكتى رەتكە سالۋدى كۇشەيتىپ، ەكولوگيالىق حاۋىپسىزدىككە كەپىلدىك ەتەدى
ىشكى موڭعۇل ەنەرگيامەن قامداۋدى ويداعىداي ىستەۋگە كۇش سالادى
2021.10.13 13:59 كەلۋ قاينارى : حالىق تورابى
حالىق گازەتىنىڭ تىلشىلەرى چىن فەييۇي، جاي چينچي 10 – ايدىڭ 12 – كۇنى حوححوتتان حابارلايدى. ءتىلشىنىڭ ىشكى موڭعۇل اۆتونوميالى رايوندىق ەنەرگيا مەڭگەرمەسىنەن ۇعىسۋىنشا، مەملەكەتتىك ءتۇيىندى ەنەرگيا جانە ستراتەگيالىق بايلىق قاينارى بازاسى بولعان ىشكى موڭعۇل قازىر ءتۇرلى شارالاردى قولدانىپ، ەنەرگيامەن قامداۋعا كەپىلدىك ەتۋ قىزمەتىن ويداعىداي ىستەۋگە كۇش سالۋدا.
ىشكى موڭعۇل رەسميات وتەۋدى سايكەستىرىپ، ءوندىرىستى ارتتىرۋعا پايدالاناتىن جەرمەن قامداۋعا كەپىلدىك ەتىپ، ءوندىرىس قۋاتىنىڭ ارتۋىن ىلگەرىلەتتى؛ ورتا، ۇزاق مەرزىمدىك كەلىسىمشارتتارعا قول قويدى، الدا 18 ولكەنى (اۆتونوميالى رايون، توتە قاراستى قالا) 53 ميلليون توننا كومىرمەن قامداۋعا كەپىلدىك ەتۋ مىندەتىن ىردوس قالاسىنداعى كومىر سالاسىنداعى 40 سەرىكتەستىكتىڭ تياناقتاندىرۋىنا تاپسىردى، ءىس جۇزىندە قول قويىلعان توقتامداعى مولشەرى 53 ميلليون 640 مىڭ توننا بولدى؛ كۇندەلىكتى سايكەستىرۋدى كۇشەيتىپ، زەرتتەۋ، تۇجىرىمداۋ مەن باقىلاۋ جانە الدىن الا حابارلاۋ مەن دابىل قاعۋدى كۇشەيتىپ، ءوندىرىس جۇرگىزىپ وتىرعان كومىر كەندەرىن قانشالىق وندىرە السا، سونشالىق وندىرۋگە قۋزادى؛ حاۋىپسىزدىكتى باقىلاۋ – باسقارۋدى كۇشەيتىپ، كومىر سالاسىنداعى كاسىپورىنداردى حاۋىپسىزدىككە كەپىلدىك ەتۋ شارتىندا، وزىق ءوندىرىس قۋاتىن ىسكە قوسۋعا قۋزادى.
ءوندىرىس قۋاتىن ارتتىرۋعا قاتىستى ءتۇرلى شارالاردىڭ تياناقتاندىرىلۋىنا بايلانىستى، ىشكى موڭعۇلدىڭ كومىر ءوندىرۋ مولشەرى كورنەكتى ارتتى. 10 – ايدىڭ باسىندا، ىشكى موڭعۇل بويىنشا كۇندىك كومىر ءوندىرۋ مولشەرى 3 ميللليون توننادان استامعا ارتتى. 10 – ايدىڭ 9 – كۇنى بۇكىل رايونداعى كۇندىك كومىر ءوندىرۋ مولشەرى 3 ميلليون 270 مىڭ تونناعا جەتتى، باستى ءوندىرۋشى ورىن بولعان ىردوس قالاسىندا 2 ميلليون 340 مىڭ تونناعا جەتىپ، بارلىعى دا جىل باسىنان بەرگى ەڭ جوعارى ورەگە جەتتى.
ۇعىسۋعا قاراعاندا، بۇل رەتكى تەكسەرۋدەن سوڭ ارتتىرىلعان كومىر كەندەرى باستىسى ەكى ءتۇرلى: ءبىرىنشى ءتۇرى، ماشينالاسۋ ورەسى جوعارى، ءوندىرىس جۇيەسى سەنىمدى، جاڭادان ورمان مەن جايىلىمدىق جەرلەردى يەلەمەيتىن وسىزاماندانعان كومىر كەندەرى. ەندى ءبىر ءتۇرى، ەكولوگيانى جونگە سالۋ ونىمدىلىگى كورنەكتى، زالالسىز كەن تاۋى قۇرىلىسىنىڭ تالاپتارىنا ۇيلەسەتىن اشىق كومىر كەندەر.
مۇنان سىرت، ىشكى موڭعۇلداعى ءار دارەجەلى ەنەرگيا، تابيعي بايلىق، ەكولوگيالىق ورتا جانە ورمان شارۋاشىلىعى، جايىلىم باسقارۋ تاراۋلارى بىرلەسكەن زاڭ اتقارۋدى ورىستەتىپ، كومىر كەندەرىنىڭ الداعى ءوندىرىستى ۇيلەسىمدى ورنالاستىرۋى مەن ەكولوگيالىق ورتانى وڭالتۋىنا جەتەكشىلىك ەتىپ، ەكولوگيالىق ورتانى قورعاۋ قاتارلى ءتۇرلى شارالاردىڭ تولىق تياناقتاندىرىلۋىنا كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
