بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”مەن نان كاسىپ سالاسى باقشاسىندا ينتەرنەتتىك جۇرگىزۋشى بولىپ ىستەيمىن“

انار بۇلت / شينجياڭ گازەتىنىڭ ءتىلشىسى جاڭ حايفىڭ

2021.10.13 16:02     كەلۋ قاينارى : شينجياڭ گازەتى

  10 - ايدىڭ 6 - كۇنى ليۋ جيڭنىڭ مەملەكەت مەرەكەسى دەمالىسى كەزىندە دەمالعاننان كەيىنگى قىزمەتكە شىققان 1 - كۇنى. ساعات 10دا ونىڭ دوۋيىنداعى ينتەرنەتتىك تىكە تاراتىلىمى ءدال ۋاعىندا باستالدى. ليۋ جيڭنىڭ تىكە تاراتۋ بولمەسى ءۇرىمجى قالاسىنداعى نان مادەنيەت كاسىپ سالاسى باقشاسىندا، ونىڭ قىزمەتى توراپتاستارعا شينجياڭنىڭ ەرەكشە ءدامدى تاعامى − ناندى تانىستىرۋ.

  ليۋ جيڭنىڭ ەلەكتر جابدىقتارى سەرىكتەستىگىندە قىزمەت ىستەيتىن ءبىر جاقسى دوسىنىڭ تىكە تاراتۋدا زات تانىستىرۋ قابىلەتى ونى توتەنشە ءتانتى ەتتى. ”ءار جولى ونىڭ تىكە تاراتۋدان مول تابىس تاپقانىن كورگەنىمدە قاتتى قۋاناتىنمىن ءارى سىناپ كورگىم كەلەتىن“، - دەيدى ليۋ جيڭ. ءبىر جىلدىڭ الدىندا ءۇرىمجى قالالىق نان مادەنيەت كاسىپ سالاسى باقشاسى ينتەرنەتتىك جۇرگىزۋشى قابىلداعاندا ونىڭ ارمانى ورىندالدى.

  قازىر ليۋ جيڭ ءار كۇنى دوۋيىندا، كۋايشوۋدا 2 رەت تىكە تاراتۋ جۇرگىزەدى. تۇستەن بۇرىن ساعات 10نان 12گە دەيىن، تۇستەن كەيىن ساعات 16دان 18گە دەيىن، مەرەكە - دەمالىس كۇندەرى تىكە تاراتۋ ۋاقىتى ءتىپتى دە ۇزاق بولادى. ەشكىم نازار سالماۋدان كۇنىنە مىڭداعان نان ساتۋعا دەيىن ليۋ جيڭنىڭ وزىنە سەنىمى بارعان سايىن ارتا ءتۇستى. ”مەن بۇرىن اشىلىپ سويلەپ كەتپەيتىنمىن، قازىر تىكە تاراتۋ بولمەسىندە وتىرىپ الىپ، ءبىزدىڭ شينجياڭنىڭ نانىن ماقتاپ سارناعانىمدا اۋزىم تىنىم تاپپايتىن بولدى“. ليۋ جيڭ كۇلە سويلەپ بىلاي دەدى: ”ناننىڭ ساپاسى جاقسى بولعاندىقتان، ۇن، ماي جانە قوسىمشا ماتەريالدىڭ ىشىندەگى كەپكەن جەمىستەر، كەپكەن قىزىل بۇرىش تۇگەلىمەن جاسىل ونىمدەر، مەنىڭ ماقتاۋىما ابدەن تاتيدى“.

  ساتقان ونىمدەرىنە ناشار باعا بولعان ەمەس، جان كۇيەرلەرى توتەنشە ۇناتادى، قايتا سوعار الارمانى ەرەكشە كوپ، بۇل ليۋ جيڭگە تابىس سەزىمىن سيلادى. ءار جولى الدەكىمدەر ليۋ جيڭنەن نەندەي قىزمەت ىستەيتىندىگىن سۇراعان كەزدە، ول ۇنەمى ماقتانىشپەن: ”مەن نان كاسىپ سالاسى باقشاسىندا ينتەرنەتتىك جۇرگىزۋشى بولىپ ىستەيمىن“، - دەيدى. قازىر مەيلى وتباسىنداعىلارمەن، دوستارىمەن بولسىن نەمەسە توراپتاستارمەن بولسىن، نان مادەنيەت كاسىپ سالاسى باقشاسىنىڭ ونىمدەرى جايلى اڭگىمەلەسە قالسا، ول بۇگە - شىگەسىنە دەيىن قانىق ءبىلىپ تۇر: ”باستابىندا بىزدە 38 ءتۇرلى نان بار بولاتىن، قازىر تاعى دا كەيبىر ەرەكشە ونىمدەردى شىعاردىق، ماسەلەن، ارناۋلى سىچۋانعا، چۇڭچيڭگە ءوندىرىپ بەرەتىن ساماۋىر سورپاسى نانى بار، تەز ەزىلمەيدى، ەرەكشە قارسى الىنادى. تاعى جەلىلەس قورەكتىك نان ونىمدەرى بار، قاراقۇمىق نانى، جۇگەرى نانى، اسقاباق نانى، ءسابىز نانى، الاقات نانى سياقتىلار. بيىل ءبىز تاعى شينجياڭ ەرەكشەلىگىندەگى پراندىكتەردى وندىردىك، قازىر 100 تۇرلىدەن استام ءونىم بار“.

  تىكە تاراتۋدا ءبىر جىل نان ساتقان ليۋ جيڭ نەداۋىر كىرىس تاپتى، بارعان سايىن اشىق - جارقىن بولىپ، وزىنە سەنىمى ارتتى، ءوزىنىڭ قىزمەتىن دە بارعان سايىن ۇناتتى. ”مەن نان مادەنيەت كاسىپ سالاسى باقشاسىنىڭ قىزمەت ورتاسىن وتە جاقسى كورەمىن، قازىر ۇنەمى تاڭداۋلى جۇرگىزۋشىلەردەن ۇيرەنىپ، ءوزىمنىڭ تىكە تاراتۋ قابىلەتىمدى ۇزدىكسىز جوعارىلاتۋدامىن. مەن تاعى شينجياڭنىڭ تاريح، مادەنيەت بىلىمدەرىن ۇيرەندىم، تىكە تاراتۋ بارىسىندا توراپتاستارعا تىڭ قۋانىش سيلاسام دەيمىن“.

  ليۋ جيڭ مەن ”2000 - جىلدان كەيىن تۋىلعان“ ينتەرنەتتىك جۇرگىزۋشى جايناردىڭ تىكە تاراتۋ بولمەسىنىڭ اراسىن ءبىر تام ءبولىپ تۇرادى. جاينار ءۇرىمجى كاسىپتىك داشۋەسى 4 - جىلدىعىنىڭ وقۋشىسى، وسى ارادا پراكتيكا جاساپ ءجۇر. وجەت، قاعىلەز جاينار تىكە تاراتۋ كەزىندە باسىنا دوپپا كيىپ العاندى ۇناتادى، توراپتاستاردىڭ كوڭىلىندەگى ”شينجياڭ گۇلي“ وبرازىنا قاتتى ۇيلەسەدى. ”نان ءبىزدىڭ ۇيدەگىلەردىڭ كۇندەلىكتى جەيتىن تاعامى، مەن ءوزىمنىڭ تۇرمىسىمدى تىكە تاراتۋ ارقىلى توراپتاستارمەن ءوزارا ىقپالداسامىن“. جاينار پراكتيكا ىستەگەنىنە 2 اي عانا بولعانىمەن، ءوزىنىڭ كۇنىنە مىڭداعان نان ساتىپ جاتقاندىعىن ايتتى.

  ”داشۋەنى بىتىرگەننەن كەيىن، مەن وسىندا كەلىپ جۇرگىزۋشى بولسام دەيمىن، اكە - شەشەم توتەنشە قولداپ وتىر، مەن بۇل ارانىڭ بولاشاعىنان ۇلكەن ءۇمىتتىمىن. قازىر ءبىزدىڭ ناندارىمىز بۇكىل مەملەكەتتىڭ كوپتەگەن جەرلەرىنە ساتىلىپ جاتىر، بۇل جەر دە توراپتا تانىلعان، ءسوزسىز، باراتىن جەرگە، قالا تۇرعىندارىنىڭ سەيىل - سەرۋەن قۇراتىن، ساياحاتتاعى بازارلى كورىنىس تۇيىنىنە اينالدى“، - دەيدى جاينار.

  ءۇرىمجى قالاسى نان مادەنيەت كاسىپ سالاسى باقشاسىنىڭ قاتىستى جاۋاپتىسى تىلشىگە: كەزەكتە، كاسىپ سالاسى باقشاسىنىڭ ساتۋ ءبولىمى 8 ينتەرنەتتىك جۇرگىزۋشىنى باۋلىپ، جەكە - جەكە ۇقساماعان توراپ تۇعىرىندا بۇكىل مەملەكەتتەگى توراپتاستارعا شينجياڭنىڭ ءتۇرلى - ءتۇستى ءدامدى تاعامدارى مەن ەرەكشە ونىمدەرىن تانىستىرىپ، ساتىپ وتىر. ەلەكتروندىق ساۋدا تۇعىرى ينتەرنەت جەلىسىندەگى تاپسىرىس پەن جەلىدەن سىرت تۇتىنۋدى بىرلەستىرىپ، ۇلكەن ساندى مالىمەت ارقىلى كاسىپورىنداردىڭ تۇتىنۋشىلاردى ءتىپتى دە ساپالى ونىمدەرمەن جانە قىزمەت وتەۋمەن قامداۋىنا كومەكتەستى.

  ينتەرنەت جەلىسىندە جانە جەلىدەن سىرت ساتۋ ارقىلى ءۇرىمجى قالاسى نان مادەنيەت كاسىپ سالاسى باقشاسى كۇنىنە 600 مىڭ نان ساتادى، شينجياڭنىڭ ءىشى - سىرتى سىندى ەكى بازاردا دا بەينەسى جامان ەمەس. كاسىپ سالاسى باقشاسى 2000عا جۋىق جۇمىس ورنىن ازىرلەدى، كىپ - كىشكەنتاي توقاش نان شىنىمەن دە ءىرى كاسىپ سالاسىنا اينالىپ، ءىرى حالىق تۇرمىسىنا دەمەۋ بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار