مامەتجان ءومار:
پارتياعا ادال بولىپ، بار ىقىلاسىمدى حالىققا ارنايمىن
انار بۇلت / شينجياڭ گازەتىنىڭ تىلشىلەرى ۋي يۇڭگۇي، ءجازيرا نەسىپبەك
2021.10.13 16:04 كەلۋ قاينارى : شينجياڭ گازەتى
”بيىل بولەكەي قىستاعىندا ءتۇرلى كاسىپ سالالارى ايتارلىقتاي دامىدى، قىستاق ’ەكى كوميتەتى‘ كەلەر جىلى جەردى اينالىمعا بەرۋ كولەمىن كەڭەيتىپ، قىستاق تۇرعىندارىنىڭ كىرىسىن ارتتىرۋ بەكىمىنە كەلدى. مەن پارتيا مۇشەسىمىن، اۋىلداستارىما جەردى اينالىمعا بەرۋدىڭ جاقسىلىعىن كوبىرەك دارىپتەۋگە ءتيىسپىن“، - دەدى 10 - ايدىڭ 10 - كۇنى مامەتجان ءومار.
مامەتجان ءومار قۇلجا اۋدانى ونيار اۋىلى بولەكەي قىستاعى پارتيا ياچەيكاسىنىڭ بۇرىنعى شۋجيى، 2018 - جىلى پەنسياعا شىققان. بيىل مامەتجان ءومار داڭقپەن ”1 - شىلدە وردەنىنە“يە بولدى، سونداي - اق بەيجيڭگە بارىپ وردەن بەرۋ سالتىنا قاتىناستى.
بەيجيڭنەن قايتىپ كەلگەننەن كەيىن، قۇلجا اۋدانىنداعى مەكەمە - ورىندار تۇس - تۇستان مامەتجان ءوماردى ۇگىت لەكسيا، بايانداما جاساۋعا ۇسىنىس ەتتى. ۇگىت لەكسيا جاساۋدىڭ اراسىندا مامەتجان ءومار قىستاق ”ەكى كوميتەتىنىڭ“ ءتۇرلى قىزمەتتەردى ورىستەتۋىنە سەلبەستى.
مامەتجان ءومار 1981 - جىلى بولەكەي قىستاعى پارتيا ياچەيكاسىنىڭ شۋجيى مىندەتىن ۇستىنە الدى. ول كەزدە قىستاق توتەنشە كەدەي بولاتىن. 20 جىل قۇلشىنۋ ارقىلى ونىڭ باستاۋىندا بولەكەي قىستاعى كەدەي قىستاقتان دامىپ وزات قىستاققا اينالدى.
2001 - جىلى مامەتجان ءومار ناۋقاستانىپ وپەراتسيا جاساتقاننان كەيىن، قىستاق پارتيا ياچەيكاسىنىڭ شۋجيى مىندەتىنەن بوسايدى. مىندەتىنەن بوساعاننان كەيىن، بولەكەي قىستاعىنداعى تۇرعىندار كىرىستەرىن ارتتىرۋعا شاماسى جەتپەي، قىستاق كوللەكتيۆى 500 نەشە مىڭ يۋان قارىزعا باتىپ، قايشىلىق پەن داۋ كوبەيە تۇسەدى.
قىستاقتاعى كوپتەگەن پارتيا مۇشەلەرى مەن تۇرعىندار قاراپ تۇرا المادى، ولار ونيار اۋىلدىق پارتكومعا بارىپ مامەتجان ءوماردىڭ قىزمەتىنە قايتا ورالۋىن تالاپ ەتتى. ونيار اۋىلدىق پارتكوم مامەتجان ءوماردى بولەكەي قىستاعى پارتيا ياچەيكاسىنىڭ شۋجيلىگىنە قايتادان تاعايىنداۋدى ۇيعارادى، تۋىس - تۋعان، دوس - جاراندارى وعان بۇل ”بىلىققا“ جولاي كورمە دەپ اقىل ايتادى، ءبىراق مامەتجان ءومار: ”مەن كوممۋنيستىك پارتيا مۇشەسىمىن. پارتيا ۇيىمى مەن اۋىلداستار ماعان سەنىم ارتىپ وتىر، مەن استە قاشقىن اسكەر بولۋىما بولمايدى“، - دەيدى.
تاعايىندالعاننان كەيىن مامەتجان ءومار پارتيا مۇشەلەرى مەن قىستاق تۇرعىندارىنان ءبىر - بىرلەپ احۋال ۇعىسۋ ارقىلى ءىشىنارا قىستاق كادرلارى يدەيالىق جاقتا بوساڭسىعانىن، قىستاق كوميتەتى القاسى الاۋىز ەكەنىن؛ ءىشىنارا قىستاق كادرلارى شىرىكتەسىپ، كوللەكتيۆتىڭ جەرىن تومەن باعادا كوتەرمەگە بەرىپ پايداعا كەنەلگەندىگىن بايقايدى.
ماسەلە بايقالعان ەكەن، دەرەۋ شەشۋ كەرەك. مامەتجان ءومار قىستاق ”ەكى كوميتەتىن“ باستاپ قىستاق كادرلارى جانە ولاردىڭ تۋىس - تۋعاندارى تومەن باعادا كوتەرمەگە العان كوللەكتيۆتىڭ جەرىن باتىل تۇردە قايتارىپ الادى ءارى زاڭدا بەلگىلەنگەن ءتارتىپ بويىنشا بازار باعاسىمەن اشىق باعا تالاستىرىپ كوتەرمەگە بەرەدى.
بولەكەي قىستاعىنىڭ اقاۋسىز دامۋىنا ىقپال ەتكەن ماسەلەلەر شەشىلگەن سوڭ، قىستاق تۇرعىندارىنىڭ كوڭىلى ساباسىنا ءتۇسىپ، قايشىلىق، داۋ - شار جەدەل ازايدى. قىستاق كوللەكتيۆ كىرىسى 2 - جىلدىڭ وزىندە ءبىر ميلليون 300 نەشە مىڭ يۋانعا جەتتى. پارتيا ياچەيكاسى قىستاق تۇرعىندارىنىڭ سەنىمى مەن قولداپ - قۋاتتاۋىنا يە بولدى، پارتياعا كىرۋ ءوتىنىشىن تاپسىراتىن جاستاردىڭ قاتارى بارعان سايىن كوبەيە ءتۇستى. قازىرگى تاڭدا تۇتاس قىستاقتا پارتيا مۇشەلەرى 82گە جەتتى.
بولەكەي قىستاعىندا ادام كوپ، جەر از، جۇگەرى مەن ءبيداي ەگۋگە ادەتتەنىپ العان قىستاق تۇرعىندارى بايۋدى ويلادى، بايۋدى اڭسادى، ءبىراق بايۋدىڭ جولىن تابا المادى. مامەتجان ءومار كۇنى بويى ماسەلەنى شەشۋدىڭ ءادىس - شارالارىن قاراستىرۋمەن ابىگەر بولدى.
قىستاق تۇرعىنى ما يۇيلين قىستاقتان ءبىر شاعىن تاۋىق فەرماسىن قۇرادى، مامەتجان ءومار ونى باعىمشىلىق اۋماعىن كەڭەيتۋگە ىنتالاندىرادى. مامەتجان ءوماردىڭ قولداۋىندا جانە سايكەستىرۋىندە بولەكەي قىستاعى قىستاق تۇرعىندار جينالىسىن اشىپ، كەرەكسىز قۇمدان تۇرعان اق جەردى ما يۇيلينعا جالعا بەرىپ، ءىرى تاۋىق فەرماسىن قۇرۋعا قوسىلادى. بۇگىنگى تاڭدا ما يۇيليننىڭ تاۋىق فەرماسىنىڭ باعىمشىلىق كولەمى 300 مىڭ تاۋىققا كەڭەيىپ، 2020 - جىلعى ءونىم قۇنى 13 ميلليون يۋانعا جەتىپ، وسى قىستاقتاعى 30دان استام ارتىق ەڭبەككۇشتىڭ جۇمىستانۋ ماسەلەسىن شەشەدى؛ تۇتاس قىستاقتىڭ جۇمىرتقالايتىن تاۋىق باعىمشىلىعىنىڭ كولەمى 500 مىڭ تاۋىقتان اسىپ، قىستاق تۇرعىندارىنىڭ كىرىستى ارتتىرۋداعى ماڭىزدى كاسىپ سالاسىنا اينالادى.
جەردىڭ ونىمدىلىگىن جوعارىلاتۋ ءۇشىن مامەتجان ءومار پارتيا مۇشەلەرىن باستاپ المانىڭ جاڭا سورتىن سىناق رەتىندە ەكتى. قازىر قىستاقتاعى 3000 مۋ الما باعىنىڭ مۋ باسىندىق ونىمدىلىگى بۇرىنعىدان 2 ەسەنىڭ ۇستىندە جوعارىلادى.
مامەتجان ءومار كوپشىلىكتى اسىل تۇقىمدى ساۋىن سيىر باعۋعا جۇمىلدىردى، قازىر بولەكەي قىستاعى كولەمدەنگەن اسىل تۇقىمدى ساۋىن سيىر باعىمشىلىعىنان ۇلگى كورسەتۋ ءتۇيىنىن قۇردى. بۇدان سىرت، بولەكەي قىستاعى جوعارىدان 5 ميلليون 40 مىڭ يۋان قارجى اكەلىپ، 8000 مۋلىق ورتا، تومەن ءتۇسىمدى اتىزدى جوعارى ءتۇسىمدى اتىزعا اينالدىردى. 2020 - جىلى وسى قىستاقتىڭ كوللەكتيۆ كىرىسى 2 ميلليون 200 مىڭ يۋانعا، جان باسىندىق ورتاشا تازا كىرىسى 19 مىڭ 523 يۋانعا جەتتى. قىستاق كوللەكتيۆىنىڭ بيىلعى كىرىسىنىڭ 3 ميلليون يۋاننان اساتىندىعى مەجەلەنۋدە.
”ءبىر پارتيا مۇشەسى رەتىندە مەن ماڭگى پارتياعا ادال بولىپ، بار ىنتا - پەيىلىممەن حالىق ءۇشىن قىزمەت وتەپ، قىستاق تۇرعىندارىن ماڭگى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، بولەكەي قىستاعىن بۇدان دا كوركەم ەتىپ قۇرىپ، پارتيا تۋىن بولەكەي قىستاعىندا اسقاق جەلبىرەتەمىن“، - دەدى مامەتجان ءومار.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
