جۇڭگو تۇتىنۋشىلار قوعامى چۇڭياڭ مەرەكەسىندە تۇتىنۋشىلارعا ەسكەرتۋ جاريالادى، قارت تۇتىنۋشىلاردىڭ حاۋىپ – قاتەردەن ساقتانۋ تانىمىن جوعارىلاتۋىنا كومەكتەسەيىك
«قارتتاردى الداۋعا قۇرىلعان تۇزاقتاردان» قارتتارىمىز ساق بولسا ەكەن
2021.10.14 15:53 كەلۋ قاينارى : حالىق تورابى
بەيجيڭ جاستارى گازەتىنىڭ ءتىلشىسى ۋاڭ ۋەي حابارلايدى. بۇگىن جۇڭگونىڭ ءداستۇرلى مەرەكەسى — چۇڭياڭ مەرەكەسى، قارت تۇتىنۋشىلارعا كومەكتەسىپ، ولاردىڭ حاۋىپ – قاتەردەن ساقتانۋ تانىمىن جانە وزدەرىن قورعاۋ قابىلەتتەرىن جوعارىلاتۋ ءۇشىن، كەشە جۇڭگو تۇتىنۋشىلار بىرلەستىگى چۇڭياڭ مەرەكەسى الدىندا تۇتىنۋشىلارعا ەسكەرتۋ جاريالادى: ءدارى – دارمەك ساتىپ العاندا، رەسمي جولدارمەن الۋ كەرەك، دەنساۋلىق ساقتاۋ ازىق – تۇلىكتەرىندەگى كوك شاپكىنىڭ سۋرەتىن تانىپ العان ءجون؛ تومەن باعامەن ساياحاتتاتۋ دەگەن تۇزاقتان ساق بولىپ، قارجى قوسىپ اقشا تابۋ دەگەن شىرعادان ابايلاۋ قاجەت؛ زاڭعا قايشى ءماجىلىس اشىپ زات ساتاتىنداردان اۋلاق بولىپ، تەلەگرافتان پايدالانعان ءتۇرلى الدامكوستىكتەردەن ساق بولۋ كەرەك؛ تۇتىنۋدان بۇرىن الدىمەن انىق – قانىعىن ءبىلىپ الۋ، داۋ – شارعا جولىققاندا بايسالدىلىقپەن ۇقىعىن قورعاۋ كەرەك.
جۇڭگو تۇتىنۋشىلار قوعامى قارتتاردى ەمدەۋ ونىمدىلىگى كورنەكتى دەپ جارنامالانعان ازىق – تۇلىكتەر مەن «حيكىمەت شيپاگەر»، «حيكىمەت ءدارى» قاتارلىلاردىڭ جالعان جارنامالارىنان ساق بولۋدى ەسكەرتەدى. ازىق – تۇلىك ءدارى – دارمەككە جاتپايدى، اۋرۋدى ەمدەۋ ونىمدىلىگى جوق. اۋرۋدى ەمدەيدى دەپ جارنامالانعان ءىشىنارا «ازىق – تۇلىكتەر»، ياكي، جالعان جارناما، ياكي، وعان زاڭعا قايشى تۇردە ءدارى قوسىلعان. مۇنداي «ازىق – تۇلىكتەردى» ۇزاق ۋاقىت بويى تۇتىنۋ دەنساۋلىققا وتە زور حاۋىپ توندىرەدى. ءار ءتۇرلى دەنساۋلىق ساقتاۋ ازىق – تۇلىگى كەيبىرەۋلەرگە ۇيلەسەدى، كەيبىرەۋلەرگە ۇيلەسپەيدى، قارت تۇتىنۋشىلار وزدەرىنىڭ دەنساۋلىق جاعدايى مەن ءىس جۇزىندىك قاجەتتىلىكتەرىن ۇعىنۋى، دەنساۋلىق ساقتاۋ ازىق – تۇلىكتەرىن ساتىپ الۋدان بۇرىن، ەڭ جاقسىسى كەمەلدى ەمحانالارعا بارىپ دەنساۋلىعىن تەكسەرتۋى، شيپاگەردىڭ كەڭەسىن تىڭداۋى كەرەك. ونان سوڭ دەنساۋلىق ساقتاۋ ازىق – تۇلىكتەرىنىڭ يقۋاتىنا، قانداي ادامدارعا ۇيلەسەتىنىنە قاراي وتىرىپ، وزىنە ۇيلەسەتىن ءونىمدى ساتىپ الۋىنا بولادى.
تومەن باعامەن ساياحاتتاتۋ دەگەننەن ساق بولۋ كەرەك، كەيبىر قارا نيەتى قابىنعان ساياحات سەرىكتەستىكتەرى «توپتىق ساتىپ الۋ باعاسى»، «توپتىق تەگىن باعا»، «تەگىن ساياحاتتاتۋ»، «ساياحات قوسىمشا قاراجاتى» قاتارلى جەلەۋلەرمەن ساياحاتشىلاردى باۋرايدى، الايدا، تيجاراتتىڭ وزىندىك قۇنىن تومەندەتۋ ءۇشىن، ساپار جولى، قاتىناس قۇرالى، تاماقتانۋ جانە جاتاق قاتارلى جاقتاردا قاراجات قىمقىرىپ قالۋى ءارى جول بويى زات ساتىپ الۋعا ۇيىمداستىرۋى نەمەسە توقتام جاساسۋ ارقىلى ەڭ ادەمى، اقى تاپسىرۋ قاجەت بولاتىن كورىنىس ورىندارىن تومەن باعاداعى توپتىق قاراجاتتان تىس قالدىرىپ، ءتۇرى وزگەرگەن فورمادا اقى ۇستەمەلەۋى مۇمكىن. مۇنداي ارەكەتتەر قارت تۇتىنۋشىلاردىڭ ساپارداعى كوڭىل – كۇيىنە اۋىر ىقپال جاساپ، تۇتىنۋعا قاتىستى داۋ – شاردى وڭاي تۋىنداتادى. ەگەر ساياحات سەرىكتەستىگىنىڭ توقتامىندا قارتتاردان جاسىنا قاراي «قوسىمشا قاراجات» الۋ، جوعارى سومادا قامسىزداندىرۋ قاراجاتىن الۋ سىندى كوپە – كورنەۋ ۇيلەسىمسىز ىستەر بايقالسا، ءسوزسىز، ساياحات سەرىكتەستىگىمەن الدىن – الا كەڭەسۋ كەرەك، كوزسىزدىكپەن توقتامعا قول قويا سالۋدان اۋلاق بولۋ قاجەت.
جۇڭگو تۇتىنۋشىلار قوعامى بارشا قارتتارعا مىنانى ەسكەرتەدى: تۇتىنۋدان بۇرىن، ءسوزسىز، ءونىم مەن قىزمەت وتەۋگە قاتىستى بىلىمدەردى ىرىقتىلىقپەن ۇعىسىپ، تولىق تۇسىنگەن سوڭ بارىپ ساتىپ الۋ قاجەت، ۇشقالاقتىق ىستەمەۋ، دۇرمەككە ىلەسپەۋ، كوزسىزدىك ىستەمەۋ، الىپ قاشپالىق ىستەمەۋ قاجەت. تۇتىنۋ بارىسىندا تالون، قولحات قاتارلى تۇتىنۋ ىسپاتتارىن ساقتاۋعا كوڭىل بولگەن ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
