شي جينپيڭ گەرمانيانىڭ زۇڭليى مەركەلمەن بەينە ەكران كەڭەسىن وتكىزدى
2021.10.14 16:09 كەلۋ قاينارى : حالىق تورابى
مەملەكەت ءتوراعاسى شي جينپيڭ 10 - ايدىڭ 13 - كۇنى بەيجيڭدە گەرمانيانىڭ زۇڭليى مەركەلمەن بەينە ەكران ارقىلى كەڭەس وتكىزدى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگى، 10 - ايدىڭ 13 - كۇنى، بەيجيڭ (ءتىلشى ياڭ ي – جۇن). مەملەكەت ءتوراعاسى شي جينپيڭ 10 - ايدىڭ 13 - كۇنى گەرمانيانىڭ زۇڭليى مەركەلمەن بەينە ەكران ارقىلى كەڭەس وتكىزدى. ەكى جاق دوستىق پەيىلمەن جۇڭگو - گەرمانيا، جۇڭگو - ەۆروپا قاتىناسىنىڭ تاياۋ جىلداردان بەرگى دامۋىن ەسكە الدى ءارى قاتىستى ماسەلەلەر جونىندە ىشكەرىلەي پىكىر اۋىستىردى.
شي جينپيڭ مەركەلدىڭ جۇڭگو - گەرمانيا، جۇڭگو - ەۆروپا قاتىناسىنىڭ دامۋىن ىلگەرىلەتۋگە قوسقان ۇلەسىنە بەلسەندى باعا بەردى. شي جينپيڭ بىلاي دەپ اتاپ كورسەتتى: «تانىسۋدىڭ تەتىگى تۇسىنىسۋدە؛ ءتۇسىنىسۋدىڭ تەتىگى سىرلاسۋدا». بۇل ءسوز ءبىزدىڭ كوپ جىلدان بەرگى ىشكەرىلەي بارىس - كەلىس جاساۋىمىزدىڭ تاماشا تۇسىندىرمەسى ءارى وتكەن 16 جىلدان بەرگى جۇڭگو - گەرمانيا قاتىناسىنىڭ ورنىقتى، اقاۋسىز دامۋىن جالعاستىرۋداعى ماڭىزدى تاجىريبە سانالادى. جۇڭگولىقتار سۇيىسپەنشىلىككە، ادىلەتتىلىككە ءمان بەرەدى، ءبىز كونە دوسىمىزدى ۇمىتپايمىز، جۇڭگونىڭ قاقپاسى قاي - قاشان دا سىزگە ايقارا اشىلادى. ءسىزدىڭ جۇڭگو - گەرمانيا، جۇڭگو - ەۆروپا قاتىناسىنىڭ دامۋىنا ۇزدىكسىز كوڭىل ءبولۋىڭىزدى جانە قولداۋ كورسەتۋىڭىزدى ءۇمىت ەتەمىن.
شي جينپيڭ بىلاي دەپ دارىپتەدى: ءبىز ەكى جاقتى قاتىناس، كەلەلى حالىقارالىق جانە وڭىرلىك ماسەلەلەر، ەل باسقارۋ تاجىريبەسى سياقتىلار جونىندە تالاي رەت ىشكەرىلەي اۋىس - كۇيىس جاساپ، ەكى جاقتى قاتىناستىڭ العا قاراي دامۋىن بىرگە ىلگەرىلەتىپ، جۇڭگو - گەرمانيا سەلبەستىگىنىڭ دۇنيە جۇزىلىك سىن - سايىسقا توتەپ بەرۋىن ىلگەرىلەتتىك. جۇڭگو مەن گەرمانيا ءوزارا ءتيىمدى سەلبەستىك رۋحىن نەگىز ەتىپ، ەكى ەل ەكونوميكاسىنىڭ ءبىرىن - ءبىرى تولىقتاۋ سيپاتىن ساۋلەلەندىرىپ، تەڭ يگىلىككە كەنەلۋدى جۇزەگە اسىردى. جۇڭگو مەن گەرمانيانىڭ وزىندىك دامۋى جاقسى، دۇنيە ءجۇزى ەكونوميكاسىنا قوسقان ۇلەسى دە اناعۇرلىم زور. بۇل مەملەكەت پەن مەملەكەت اراسىندا نولدىك جيىنتىق ويىنىنان بۇكىلدەي ساقتانىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋعا بولاتىنىن دالەلدەدى، بۇل − جۇڭگو - گەرمانيا قاتىناسىندا مىقتاپ يگەرۋگە ءتيىستى نەگىزگى اۋەن. كەلەر جىلى − جۇڭگو مەن گەرمانيانىڭ ديپلوماتيالىق قاتىناس ورناتقانىنىڭ 50 جىلدىعى. ەكى جاق قاتىناسىنىڭ دامۋى قالاي بەتتەيدى، مۇندا دۇرىس بەتالىستان جازباۋ توتەنشە ماڭىزدى. جۇڭگو جۇڭگو - گەرمانيا قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى، گەرمانيامەن جوعارى جىكتەگىلەردىڭ بارىس - كەلىسىن جالعاستىرىپ، ءوزارا ءتۇسىنىسۋ مەن حالىقتىڭ دوستىعىن كۇشەيتىپ، ءداستۇرلى سالالارداعى سەلبەستىكتىڭ كومەسكى كۇشىن ىشكەرىلەي اشىپ، ەنەرگيا تيبىندە بۇرىلىس جاساۋ، جاسىل جانە سيفرلى ەكونوميكا سياقتى ناقتى سەلبەستىكتىڭ جاڭا سالاسىن بەلسەنە اشىپ، جۇڭگو - گەرمانيا سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋدى قالايدى.
شي جينپيڭ مىنالاردى اتاپ كورسەتتى: بەيبىتشىلىك پەن دامۋعا تالپىنۋ − جۇڭگو مەن ەۆروپا ەلدەرىنىڭ ورتاق تىلەگى. جۇڭگو مەن ەۆروپا كوپ جاقتىلىقتى قورعاۋدى دارىپتەيدى، ءبارى دە ساۋدا مەن قارجى قوسۋدىڭ ەركىندەنۋىن، قولايلىلانۋىن قولدايدى، ءبارى دە جۇڭگو مەن ەۆروپانىڭ ورتاق مۇددەسى قايشىلىق پەن الاۋىزدىقتان الدەقايدا باسىم دەپ قارايدى. قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋىنا قارسى اتتانۋ جانە دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋ شەشۋشى كەزەڭدە تۇر، كۇن سايىن كوبەيىپ كەلە جاتقان دۇنيە جۇزىلىك ماسەلەلەر مەن ۇزدىكسىز جوعارىلاعان ورنىقسىزدىق، تۇراقسىزدىق الدىندا جۇڭگو مەن ەۆروپا دۇنيە جۇزىندەگى 2 ۇلكەن ماڭىزدى كۇش رەتىندە سەلبەستىكتى كۇشەيتىپ، ىنتىماقتاسا توتەپ بەرۋگە مىندەتتى. ەكى جاق جۇڭگو - ەۆروپا قاتىناسىنا اناعۇرلىم كەڭ تۇرعىدان قاراپ، وبيەكتيۆ، جان - جاقتى تانىپ، پارىقتى، الاۋىزدىقتى اقىلعا سيىمدى، بايسالدى، سىندارلى تۇردە ءبىر جاقتى ەتۋى كەرەك. ەۆروپا جاقتىڭ دەربەس، ءوز - وزىنە قوجا بولۋدان جازباي، ەۆروپا وداعىنىڭ ءوز مۇددەسى مەن حالىقارالىق قوعامنىڭ ىنتىماعىن شىن مانىندە قورعاپ، جۇڭگو جاقپەن جانە باسقا دا ەلدەرمەن بىرگە بەيبىتشىلىك پەن دامۋدىڭ عاسىرلىق قيىن ماسەلەلەرىن شەشۋگە بىرگە كۇش سالۋىن ءۇمىت ەتەمىن.
مەركەل مىنانى ءبىلدىردى: ءبىزدىڭ 10 نەشە جىلدان بەرگى ءار رەتكى بارىس – كەلىسىمىز كوكەيىمدە ءالى سايراپ تۇر. ءبىز ورتاق كوڭىل ءبولىپ وتىرعان ماسەلەلەر جونىندە بۇكپەسىز، ىشكەرىلەي اۋىس - كۇيىس جاساپ، ءوزارا ءتۇسىنىسۋدى كۇشەيتىپ، گەرمانيا - جۇڭگو قاتىناسى مەن ەۆروپا - جۇڭگو سەلبەستىگىنىڭ تاماشا دامۋىن جەبەدىك. مەن گەرمانيانىڭ زۇڭليى بولعان كەزىمدە جۇڭگو جەدەل دامۋدى جۇزەگە اسىردى، قازىرگى مەملەكەت قۋاتى بۇرىنعىدان الدەقايدا كۇشەيدى، سونداي - اق وراسان زور كومەسكى كۇشىن ايگىلەدى. مەن ەۆروپا وداعىنىڭ جۇڭگومەن قاتىناسىن دەربەس، ءوز - وزىنە قوجا بولا وتىرىپ دامىتۋىن دارىپتەپ كەلەمىن، ەكى جاق ءوزارا پارىق پەن الاۋىزدىق ءومىر ءسۇرىپ وتىرعان ماسەلەلەر جونىندە پىكىرلەسۋدى، اۋىس - كۇيىستى كۇشەيتسە، ەۆروپا - جۇڭگو قاتىناسىنىڭ ءتۇرلى كۇردەلى فاكتورلاردى جەڭىپ، ۇزدىكسىز دامي بەرەتىنىنە سەنەمىن. گەرمانيا جۇڭگونىڭ كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ جولىنداعى قۇلشىنىستارىن القايدى، جۇڭگومەن بىرگە گەرمانيا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋ قيمىلىن ويداعىداي وتكىزىپ، ەكى جاقتى جانە كوپ جاقتى سەلبەستىكتى ۇزدىكسىز كۇشەيتىپ، دۇنيە جۇزىلىك سايىستارعا بىرگە توتەپ بەرۋدى قالايدى. مەن گەرمانيا مەن جۇڭگونىڭ، ەۆروپا مەن جۇڭگونىڭ ءتۇسىنىسۋى مەن سەلبەستىگىن جەبەۋ جولىندا ۇزدىكسىز بەلسەندىلىكپەن قۇلشىنامىن.
ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
