حان جىڭ يۇنناندا تەكسەرۋ - زەرتتەۋ جۇرگىزگەندە مىنانى دارىپتەدى
ەكولوگيانى الدىمەن ەسكەرۋدە، جاسىل دامۋدا تاباندى بولىپ، ەكولوگيالىق وركەنيەت قۇرىلىسىنىڭ اتويشىسى بولۋعا قۇلشىنۋ كەرەك
2021.10.14 16:13 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 13 – كۇنى، كۇنميڭ (ءتىلشى چي جۇڭشي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 10 - ايدىڭ 11 - كۇنىنەن 12 - كۇنىنە دەيىن يۇنناندا تەكسەرۋ - زەرتتەۋ جۇرگىزدى. حان جىڭ مىنالاردى دارىپتەدى: يۇننان ولكەسى باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، ەكولوگيانى الدىمەن ەسكەرۋدە، جاسىل دامۋدا تاباندى بولىپ، ەكولوگيالىق وركەنيەت قۇرىلىسىنىڭ اتويشىسى بولۋعا قۇلشىنۋى كەرەك.
حان جىڭ ديانچى حالىقارالىق كورمە ورتالىعىنا بارىپ، يۇنناننىڭ ورگانيزمدەردىڭ الۋان تۇرلىلىگىن قورعاۋ امالياتى مەن تابىس كورمەسىن ەكسكۋرسيالاپ، ورمانمەن كومكەرىلۋ شاماسىنىڭ وزگەرىسى مەن جابايى حايۋاناتتاردى دەر كەزىندە باقىلاۋ - ولشەۋ سياقتى جاعدايلاردى ەگجەي - تەگجەيلى ۇعىستى؛ جۇڭگو عىلىم اكادەمياسى كۇنميڭ وسىمدىك زەرتتەۋ ورنىنا بارىپ، ۇلكەن جىلىجايدى، تۇقىم مۇراجايىن تەكسەرىپ، ورگانيزمدەردىڭ الۋان تۇرلىلىگىن زەرتتەۋ جانە قورعاۋ سياقتى قىزمەت جاعدايى جونىندەگى مالىمەتتى تىڭدادى. يۇننان ولكەسىنىڭ ورگانيزمدەردىڭ الۋان تۇرلىلىگىن قورعاۋ قىزمەتىندە قول جەتكىزگەن تابىستارىن تولىق تۇراقتاندىرعاننان كەيىن حان جىڭ مىنالاردى اتاپ كورسەتتى: يۇنناننىڭ جاراتىلىستىق شارت - جاعدايى جاقسى، ەكولوگيالىق ورنى ماڭىزدى، ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن ۇزدىكسىز اتقارىپ، ورگانيزمدەردىڭ الۋان تۇرلىلىگىن قورعاۋ قابىلەتى مەن دەڭگەيىن ۇزدىكسىز جوعارىلاتىپ، ەلىمىزدىڭ ورگانيزمدەردىڭ الۋان تۇرلىلىگىندەگى ماڭىزدى اسىل قازىناسىن قۇلشىنا قورعاۋى كەرەك. ورگانيزمدەردىڭ الۋان تۇرلىلىگىن باقىلاۋ مەن زەرتتەۋدى كۇشەيتىپ، ورگانيزمدەردىڭ الۋان تۇرلىلىگىن قورعاۋ ساياساتىن كەمەلدەندىرۋگە پايدالانۋ جانە نەگىز ازىرلەۋ كەرەك. مەملەكەتتىڭ ستراتەگيالىق بيولوگيالىق بايلىق قاجەتى مەن ءپان دامۋىنىڭ الدىڭعى لەگىن جەتەكشى ەتىپ، تۇقىم بايلىعىن ساقتاۋ مەن پايدالانۋ تەحنيكاسىن زەرتتەپ اشۋدى كۇشەيتىپ، جابايى وسىمدىكتەردىڭ مول تۇقىم بايلىعىنان ويداعىداي پايدالانۋ كەرەك.
ديانچى كولىنىڭ شىعىس جاعالاۋىنداعى باۋفىڭ سازىندا حان جىڭ ديانچى سازىنىڭ قۇرىلىسى مەن ەكولوگيانى قورعاۋ، جونگە سالۋ قىزمەتىن ەگجەي - تەگجەيلى تەكسەرىپ، ديانچى كولىنىڭ سۋ ساپاسى جاعدايىن مۇقيات كوردى. ول بىلاي دەپ دارىپتەدى: ديانچى كولى − يۇنناننىڭ «ۇستىرتتەگى مەرۋەرتى»، ەكولوگيالىق ورتانى قورعاۋ مەن ەكونوميكالىق دامۋدىڭ قاتىناسىن دۇرىس يگەرۋ كەرەك، ەندىگارى الدىمەن لاستاپ، ونان سوڭ جونگە سالۋ سىندى كونە جولمەن جۇرۋگە استە بولمايدى. ديانچى كولى جاعالاۋىنداعى ەرەجەگە قايشى سالىنعان قۇرىلىستاردى جونگە سالۋدى مىقتى يگەرىپ، جوبا مەن زاڭ شىعارۋدى جەدەل كەمەلدەندىرىپ، ديانچى كولىن شىن مانىندە ويداعىداي قورعاۋ، جونگە سالۋ كەرەك. ەكولوگيالىق جۇيەنىڭ تۇلعالىق سيپاتىن شىعار ءتۇيىن ەتىپ، قورعاۋ جانە قالپىنا كەلتىرۋ قىزمەتىن ويداعىداي ىستەۋدە تاباندى بولىپ، سازدىڭ كول جاعاسىنداعى ورگانيزمدەردىڭ الۋان تۇرلىلىگىن قالپىنا كەلتىرۋدەگى جانە قورعاۋداعى ماڭىزدى رولىن ويداعىداي ساۋلەلەندىرۋ كەرەك.
حان جىڭ «سيفرلى يۇننان» كورمە ورتالىعىنا كەلىپ، سيفرلى يۇننان قۇرىلىسىنىڭ اياق الىسىن تەكسەرىپ، سيفرلى ەنەرگيا، سيفرلى اۋىل شارۋاشىلىعى، قورشاعان ورتانى زەردەلى قورعاۋ سياقتى جاعدايلار جونىندەگى مالىمەتتى ءتۇيىندى تۇردە تىڭدادى. حان جىڭ مىنانى ءبىلدىردى: يۇنناندا جاسىل ەنەرگيا بايلىعى مول، جاسىل ەنەرگيانى اشۋدى جانە شىعارۋدى ءبىر تۇتاس جوسپارلاپ، مەملەكەتتىڭ ەكونوميكالىق قۇرىلىسى مەن ەنەرگيا حاۋىپسىزدىگىنە اناعۇرلىم ويداعىداي قىزمەت ەتۋ كەرەك. قامداۋ جاعىندا جانە قاجەتسىنۋ جاعىندا كۇش سالىپ، كومىر كاسىبىنىڭ ورنىقتى، اقاۋسىز دامۋىن جەبەۋ كەرەك. ەگىستىك جەردىڭ قىزىل سىزىعىن عىلمي بەلگىلەپ جانە وعان قاتاڭ بويسۇنىپ، استىق حاۋىپسىزدىگىن ويداعىداي قامتاماسىز ەتۋ كەرەك. سيفرلى تەحنيكادان تولىق پايدالانىپ، قورشاعان ورتانى باقىلاۋ - ولشەۋ، الدىن الا مالىمەت بەرۋ، لاستانۋدى جونگە سالۋ دەڭگەيىن جوعارىلاتىپ، يۇنناننىڭ قورشاعان ورتا ساپاسىن ۇزدىكسىز جاقسارتۋىنا دەم بەرىپ، باتىس وڭتۇستىكتىڭ ەكولوگيالىق حاۋىپسىزدىك قالتقىسىن بەكەمدەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
