شىنجوۋ 13 – ءنومىرلى عارىشكەرلى الەم كەمەسى 10 – ايدىڭ 16 – كۇنى تاڭ سارىدە ۇشىرىلادى

2021.10.15 15:28   كەلۋ قاينارى : حالىق تورابى

　　جۇڭگو عارىشكەرلى عارىش ينجەنەرياسى كەڭسەسىنەن ۇعىسۋعا قاراعاندا، كەڭىستىك بەكەتىنىڭ كەزەڭدىك ۇشۋ مىندەتى باس قولباسشىلىق كەڭسەسىنىڭ زەرتتەپ بەكىتۋىمەن، جاي جىگاڭ (ورتادا)، ۋاڭ ياپيڭ (وڭدا)، يە گۋاڭفۋ سىندى 3 عارىشكەر شىنجوۋ 13 – ءنومىرلى عارىشكەرلى الەم كەمەسىمەن ۇشۋ مىندەتىن اتقارادى، جاي جىگاڭ بۇيرىق بەرۋشى مىندەتىن اتقارادى. شينحۋا اگەنتتىگى

　　شينحۋا اگەنتتىگىنىڭ ءتىلشىسى لي گولي، لي يۇن، جاڭ ميمي 10 – ايدىڭ 14 – كۇنى جيۋچۋاننان حابارلايدى. كەڭىستىك بەكەتىنىڭ كەزەڭدىك ۇشۋ مىندەتى باس قولباسشىلىق كەڭسەسىنىڭ زەرتتەپ بەكىتۋىمەن، شىنجوۋ 13 – ءنومىرلى عارىشكەرلى الەم كەمەسى 10 – ايدىڭ 16 – كۇنى تاڭ سارىدە ۇشىرىلاتىن بولدى، ۇشىرۋ ۋاقىتى بەيجيڭ ۋاقىتى بويىنشا 10 – ايدىڭ 16 – كۇنى ساعات نولدەن 23 مينۋتقا تۋرالانعان. ۇشۋ مىندەتىندە الەم كەمەسىنە وتىراتىن عارىشكەرلەرلەر گرۋپپاسى جاي جىگاڭ، ۋاڭ ياپيڭ جانە يە گۋاڭفۋ سىندى ءۇش عارىشكەردەن قۇرام تاپقان، جاي جىگاڭ بۇيرىق بەرۋشى مىندەتىن اتقارادى. بۇل رەتكى ۇشۋ مىندەتىن اتقارۋعا ۇزاق جورىق 2 – ءنومىرلى F قاشىقتان مەڭگەرىلەتىن 13 – زىمىرانىنا 10 – ايدىڭ 14 – كۇنى تۇستەن كەيىن قوزعاۋشى كۇش ءدارىسى قوسىلدى.

　　كەلۋ قاينارى: حالىق تورابى