شي جينپيڭ ورتالىقتىڭ حالىق قۇرىلتايى قىزمەتى ماجىلىسىندە ماڭىزدى ءسوز سويلەپ مىنانى دارىپتەدى
حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، تۇتاس بارىستاعى حالىق دەموكراتياسىن ۇزدىكسىز دامىتۋ كەرەك
لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، لي جانشۋ ءسوز سويلەدى
2021.10.15 16:36 كەلۋ قاينارى : حالىق تورابى
ورتالىقتىڭ حالىق قۇرىلتايى قىزمەتى ءماجىلىسى 10 – ايدىڭ 13 – كۇنىنەن 14 – كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
■ حالىق قۇرىلتايى ءتۇزىمى − ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ ءوز ىسىنە ءوزى قوجا بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىزداندىراتىن تاماشا ءتۇزىم، پارتيامىزدىڭ حالىققا باسشىلىق ەتىپ، ادامزاتتىڭ ساياسي ءتۇزىمى تاريحىندا جاراتقان ۇلى جاسامپازدىعى، ەلىمىزدىڭ ساياسي دامۋ تاريحىندا، ءتىپتى دۇنيە ءجۇزىنىڭ ساياسي دامۋ تاريحىندا كەلەلى ماڭىز الاتىن شىت جاڭا ساياسي ءتۇزىم. ءبىز جۇڭگوشا سوتسياليستىك ساياسي دامۋ جولىندا، حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، تۇتاس بارىستاعى حالىق دەموكراتياسىن ۇزدىكسىز دامىتىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋىمىز جانە دامىتۋىمىز كەرەك
■ حالىق قۇرىلتايى ءتۇزىمى جۇڭگو كوممۋنيستىك پارتياسىنىڭ باسشىلىعىندا، ماركستىك مەملەكەت ءىلىمىنىڭ نەگىزگى پرينسيپتەرىندە تاباندى بولىپ، حالىق دەموكراتياسى ديكتاتۋراسىندىق مەملەكەت تۇلعاسىنا سايكەسىپ، مەملەكەتتىڭ سوتسياليزم جولىمەن العا باسۋىنا ءونىمدى كەپىلدىك ەتتى. حالىق قۇرىلتايى ءتۇزىمى مەملەكەتتىڭ بارلىق بيلىگى حالىققا ءتان دەگەندە تاباندى بولىپ، حالىقتىڭ وزىنە - ءوزى قوجا بولۋىن مۇمكىندىكتىڭ بارىنشا قامتاماسىز ەتىپ، پارتيانىڭ باسشىلىعىن، حالىقتىڭ وزىنە - ءوزى قوجا بولۋىن، مەملەكەتتى زاڭمەن جونگە سالۋدى ورگانيكالى ۇشتاستىرىپ، مەملەكەتتى جونگە سالۋدا بىلىقپالىقتى جونگە سالىپ، قۇلدىراۋدان گۇلدەنۋگە ويىسۋداي تاريحي بۇرىلىستى ىسكە اسىرۋعا ءونىمدى كەپىلدىك ەتتى. 60 نەشە جىلدان بەرى، اسىرەسە، رەفورما جاساپ، ەسىك اشقان 40 نەشە جىلدان بەرى حالىق قۇرىلتايى ءتۇزىمى پارتيانىڭ حالىققا باسشىلىق ەتىپ ەكونوميكانى تەز قارقىنمەن دامىتۋ كەرەمەتتەرىن جانە قوعامدى ۇزاق ۋاقىت ورنىقتى ۇستاۋ كەرەمەتتەرىن جاراتۋىن ماڭىزدى تۇزىمدىك كەپىلمەن قامدادى
■ پارتيانىڭ 18 - قۇرىلتايىنان بەرى پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ باسشىلىعىندا تاباندى بولۋ جانە ونى كەمەلدەندىرۋ، جۇڭگوشا سوتسياليستىك ءتۇزىمدى بەكەمدەۋ ستراتەگيالىق جالپى جاعدايىن شىعار ءتۇيىن ەتىپ، حالىق قۇرىلتايى ءتۇزىمى نازارياسى مەن امالياتىندا جاڭالىق جاراتۋدى ۇزدىكسىز ىلگەرىلەتىپ، ءبىرقىدىرۋ جاڭا تانىم، جاڭا يدەيا، جاڭا تالاپتاردى ورتاعا قويدى، جۇڭگو كوممۋنيستىك پارتياسىنىڭ باسشىلىعىندا تاباندى بولۋدى، حالىقتىڭ ءوز ىسىنە ءوزى قوجا بولۋىن ءتۇزىم جۇيەسى ارقىلى قامتاماسىزداندىرۋدا تاباندى بولۋدى، مەملەكەتتى جاپپاي زاڭمەن جونگە سالۋدا تاباندى بولۋدى، دەموكراتيالىق ورتالىقتاندىرۋ تۇزىمىندە تاباندى بولۋدى، جۇڭگوشا سوتسياليستىك ساياسي دامۋ جولىندا تاباندى بولۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە تاباندى بولۋدى دارىپتەدى
■ نەگىزگى زاڭدى جاپپاي دايەكتى اتقارىپ، نەگىزگى زاڭنىڭ بەدەلى مەن ابىرويىن قورعاۋ كەرەك. جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋدى قامتاماسىز ەتۋ كەرەك. نەگىزگى زاڭدا حالىق قۇرىلتايىنا بەرىلگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ كەرەك. حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ۇنىنە جاۋاپ قايتارۋ كەرەك. ساياسي ورگان تانىمىن كۇشەيتىپ، حالىق قۇرىلتايىنىڭ وزىندىك قۇرىلىسىن كۇشەيتۋ كەرەك. پارتيانىڭ حالىق قۇرىلتايى قىزمەتىنە جاپپاي باسشىلىق ەتۋىن كۇشەيتۋ كەرەك
■ دەموكراتيا − بۇكىل ادامزاتتىڭ ورتاق قۇنى، جۇڭگو كوممۋنيستىك پارتياسى مەن جۇڭگو حالقى باستان - اياق تاباندى بولىپ كەلە جاتقان ماڭىزدى كوزقاراس. ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعانىنا باعا بەرۋدە، باستىسى، مەملەكەتتىڭ باسشىلىق جىگىنىڭ الماسۋى زاڭ بويىنشا تارتىپپەن جۇرگىزىلگەن - جۇرگىزىلمەگەنىنە، جالپى حالىقتىڭ مەملەكەت ىستەرى مەن قوعامدىق ىستەردى، ەكونوميكا مەن مادەنيەت ىستەرىن زاڭ بويىنشا باسقارا العان - الماعانىنا، حالىق بۇقاراسىنىڭ مۇددە تالابىن ىركىلىسسىز بىلدىرە العان –الماعانىنا، قوعامنىڭ ءارقايسى جاعىنىڭ مەملەكەتتىڭ ساياسي تۇرمىسىنا ءونىمدى قاتىناسا العان - الماعانىنا، مەملەكەتتىڭ شەشىمدەرىنىڭ عىلميلانۋدى، دەموكراتيالانۋدى جۇزەگە اسىرا العان - الماعانىنا، ءار جاقتاعى دارىندىلاردىڭ جالپىلىق باسەكە ارقىلى مەملەكەتتىڭ باسشىلىق ەتۋ جانە باسقارۋ جۇيەسىنە كىرە العان - الماعانىنا، بيلىكتى پارتيانىڭ نەگىزگى زاڭداعى بەلگىلەمەلەر بويىنشا مەملەكەت ىستەرىن باسقارا العان - الماعانىنا، ۇقىقتان پايدالانۋعا ۇتىمدى شەكتەۋ جانە باقىلاۋ جۇرگىزىلگەن – جۇرگىزىلمەگەنىنە قاراۋ كەرەك
■ پارتيانىڭ 18 - قۇرىلتايىنان بەرى ءبىز دەموكراتيالىق ساياسيدىڭ دامۋ زاڭدىلىعى جونىندەگى تانىمىمىزدى تەرەڭدەتىپ، تۇتاس بارىستاعى حالىق دەموكراتياسى سىندى كەلەلى ۇستانىمدى العا قويدىق. ەلىمىزدىڭ تۇتاس بارىستاعى حالىق دەموكراتياسىندا كەمەلدى تۇزىمدىك ءتارتىپ بولىپ قانا قويماي، ونىڭ ۇستىنە كەمەلدى قاتىناسۋ امالياتى دا بار. ەلىمىزدىڭ تۇتاس بارىستاعى حالىق دەموكراتياسى بارىس دەموكراتياسى مەن جەتىستىك دەموكراتياسىن، ءتارتىپ دەموكراتياسى مەن ماندىك دەموكراتيانى، تىكەلەي دەموكراتيا مەن جانامالاي دەموكراتيانى، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، بۇل − تۇتاس تىزبەكتى، جان - جاقتى، جاپپاي قامتىعان دەموكراتيا، ەڭ كەڭ، ەڭ شىنايى، ەڭ جارامدى سوتسياليستىك دەموكراتيا. ءبىز تۇتاس بارىستاعى حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ وزىنە - ءوزى قوجا بولۋىن پارتيانىڭ ەل باسقارۋداعى ساياسات - شارالارىنان ناقتى، شىنايى ايگىلەۋىمىز، پارتيا مەن مەملەكەت ورگاندارىنىڭ ءار جاقتاعى، ءار جىكتەگى قىزمەتتەرىندە ناقتى، شىنايى ايگىلەۋىمىز، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ قىزمەتىندە ناقتى، شىنايى ايگىلەۋىمىز كەرەك
«حالىق گازەتى»، 10 - ايدىڭ 14 - كۇنى، بەيجيڭ (ءتىلشى شۇي جۇن). ورتالىقتىڭ حالىق قۇرىلتايى قىزمەتى ءماجىلىسى 10 - ايدىڭ 13 – كۇنىنەن 14 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، مىنالاردى دارىپتەدى: حالىق قۇرىلتايى ءتۇزىمى − ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ ءوز ىسىنە ءوزى قوجا بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىزداندىراتىن تاماشا ءتۇزىم، پارتيامىزدىڭ حالىققا باسشىلىق ەتىپ، ادامزاتتىڭ ساياسي ءتۇزىمى تاريحىندا جاراتقان ۇلى جاسامپازدىعى، ەلىمىزدىڭ ساياسي دامۋ تاريحىندا، ءتىپتى دۇنيە ءجۇزىنىڭ ساياسي دامۋ تاريحىندا كەلەلى ماڭىز الاتىن شىت جاڭا ساياسي ءتۇزىم. ءبىز جۇڭگوشا سوتسياليستىك ساياسي دامۋ جولىندا، حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، تۇتاس بارىستاعى حالىق دەموكراتياسىن ۇزدىكسىز دامىتىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋىمىز جانە دامىتۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەت ءتوراعاسىنىڭ ورىنباسارى ۋاڭ چيشان ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ قورىتىندى ءسوز سويلەدى.
شي جينپيڭ سوزىندە بىلاي دەپ اتاپ كورسەتتى: حالىق قۇرىلتايى ءتۇزىمى جۇڭگو كوممۋنيستىك پارتياسىنىڭ باسشىلىعىندا، ماركستىك مەملەكەت ءىلىمىنىڭ نەگىزگى پرينسيپتەرىندە تاباندى بولىپ، حالىق دەموكراتياسى ديكتاتۋراسىندىق مەملەكەت تۇلعاسىنا سايكەسىپ، مەملەكەتتىڭ سوتسياليزم جولىمەن العا باسۋىنا ءونىمدى كەپىلدىك ەتتى. حالىق قۇرىلتايى ءتۇزىمى مەملەكەتتىڭ بارلىق بيلىگى حالىققا ءتان دەگەندە تاباندى بولىپ، حالىقتىڭ وزىنە - ءوزى قوجا بولۋىن مۇمكىندىكتىڭ بارىنشا قامتاماسىز ەتىپ، پارتيانىڭ باسشىلىعىن، حالىقتىڭ وزىنە - ءوزى قوجا بولۋىن، مەملەكەتتى زاڭمەن جونگە سالۋدى ورگانيكالى ۇشتاستىرىپ، مەملەكەتتى جونگە سالۋدا بىلىقپالىقتى جونگە سالىپ، قۇلدىراۋدان گۇلدەنۋگە ويىسۋداي تاريحي بۇرىلىستى ىسكە اسىرۋعا ءونىمدى كەپىلدىك ەتتى. 60 نەشە جىلدان بەرى، اسىرەسە، رەفورما جاساپ، ەسىك اشقان 40 نەشە جىلدان بەرى حالىق قۇرىلتايى ءتۇزىمى پارتيانىڭ حالىققا باسشىلىق ەتىپ ەكونوميكانى تەز قارقىنمەن دامىتۋ كەرەمەتتەرىن جانە قوعامدى ۇزاق ۋاقىت ورنىقتى ۇستاۋ كەرەمەتتەرىن جاراتۋىن ماڭىزدى تۇزىمدىك كەپىلمەن قامدادى.
شي جينپيڭ بىلاي دەپ دارىپتەدى: پارتيانىڭ 18 - قۇرىلتايىنان بەرى پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ باسشىلىعىندا تاباندى بولۋ جانە ونى كەمەلدەندىرۋ، جۇڭگوشا سوتسياليستىك ءتۇزىمدى بەكەمدەۋ ستراتەگيالىق جالپى جاعدايىن شىعار ءتۇيىن ەتىپ، حالىق قۇرىلتايى ءتۇزىمى نازارياسى مەن امالياتىندا جاڭالىق جاراتۋدى ۇزدىكسىز ىلگەرىلەتىپ، ءبىرقىدىرۋ جاڭا تانىم، جاڭا يدەيا، جاڭا تالاپتاردى ورتاعا قويدى، جۇڭگو كوممۋنيستىك پارتياسىنىڭ باسشىلىعىندا تاباندى بولۋدى، حالىقتىڭ ءوز ىسىنە ءوزى قوجا بولۋىن ءتۇزىم جۇيەسى ارقىلى قامتاماسىزداندىرۋدا تاباندى بولۋدى، مەملەكەتتى جاپپاي زاڭمەن جونگە سالۋدا تاباندى بولۋدى، دەموكراتيالىق ورتالىقتاندىرۋ تۇزىمىندە تاباندى بولۋدى، جۇڭگوشا سوتسياليستىك ساياسي دامۋ جولىندا تاباندى بولۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە تاباندى بولۋدى دارىپتەدى.
شي جينپيڭ مىنالاردى اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ءتۇزىم باسەكەسى − مەملەكەتتىڭ جالپىلىق قۋاتى باسەكەسىنىڭ ماڭىزدى جاعى، ءتۇزىم ابزالدىعى − ءبىر مەملەكەتتىڭ ستراتەگيالىق ىرىقتىلىققا قول جەتكىزۋىندەگى ماڭىزدى ابزالدىعى. تاريح پەن رەالدىق ءتۇزىم ورنىقتى بولسا، مەملەكەت ورنىقتى بولاتىنىن، ءتۇزىم كۇشتى بولسا، مەملەكەت قۇدىرەتتەنەتىنىن بىردەي ۇعىندىردى. ءبىز حالىق قۇرىلتايى تۇزىمىندە بۇلجىماي تاباندى بولىپ، ونى داۋىرمەن بىرگە العا باسۋ نەگىزىندە كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتۋىمىز جانە جاقسارتۋىمىز كەرەك.
شي جينپيڭ بىلاي دەپ دارىپتەدى: نەگىزگى زاڭدى جاپپاي دايەكتى اتقارىپ، نەگىزگى زاڭنىڭ بەدەلى مەن ابىرويىن قورعاۋ كەرەك. مەملەكەتتىك حالىق قۇرىلتايى جانە ونىڭ تۇراقتى كوميتەتى نەگىزگى زاڭعا قاتىستى زاڭ - تۇزىمدەردى كەمەلدەندىرىپ، نەگىزگى زاڭدا بەلگىلەنگەن ءتۇزىمنىڭ، پرينسيپتىڭ، ەرەجەنىڭ جاپپاي اتقارىلۋىنا كەپىلدىك ەتۋى، نەگىزگى زاڭنىڭ، زاڭداردىڭ اتقارىلۋ جاعدايىن باقىلاۋ - تەكسەرۋدى كۇشەيتۋى كەرەك. جەرگىلىكتى ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى قىزمەت ۇقىعىن زاڭ بويىنشا جۇرگىزىپ، نەگىزگى زاڭ مەن زاڭداردىڭ ءوز اكىمشىلىك وڭىرىندە بويسۇنۋعا جانە اتقارۋعا يە بولۋىنا كەپىلدىك ەتىپ، مەملەكەتتىڭ زاڭمەن جونگە سالۋ بىرلىگىن سانالىلىقپەن قورعاۋى كەرەك.
شي جينپيڭ بىلاي دەپ اتاپ كورسەتتى: جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋدى قامتاماسىز ەتۋ كەرەك. پارتيانىڭ زاڭ شىعارۋ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، رەفورما، دامۋ شەشىمدەرىن زاڭ شىعارۋ شەشىمدەرىمەن اناعۇرلىم ويداعىداي ۇشتاستىرىپ، ەل ىشىندەگى زاڭمەن جونگە سالۋدى جانە شەتەلگە ساياتىن زاڭمەن جونگە سالۋدى ءبىر تۇتاس ىلگەرىلەتىپ، جاڭادان زاڭ شىعارۋ، وزگەرىس ەنگىزۋ، كۇشىنەن قالدىرۋ، تۇسىنىك جاساۋدى ءبىر تۇتاس جوسپارلاپ، ءتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋدى كۇشەيتۋ كەرەك. حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ قىزمەتىندەگى جەتەكشىلىك رولىن ويداعىداي ساۋلەلەندىرىپ، زاڭدى عىلمي، دەموكراتيالى، زاڭ بويىنشا شىعارۋدى ىشكەرىلەي ىلگەرىلەتۋ كەرەك.
شي جينپيڭ بىلاي دەپ دارىپتەدى: نەگىزگى زاڭدا حالىق قۇرىلتايىنا بەرىلگەن باقىلاۋ ۇقىعىنان ويداعىداي پايدالانىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ كەرەك. ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى نازاردى پارتيا ورتالىق كوميتەتىنىڭ كەلەلى شەشىم، ورنالاستىرۋلارىنا شوعىرلاندىرىپ، نازاردى حالىق بۇقاراسىنىڭ ارمان - تىلەگىنە شوعىرلاندىرىپ، ەكونوميكالىق، قوعامدىق دامۋعا تۇساۋ بولاتىن كورنەكتى قايشىلىقتار مەن ماسەلەلەردى شەشۋدى ىلگەرىلەتۋى كەرەك. زاڭ - ەرەجەلەردىڭ اتقارىلۋ جاعدايىن باقىلاۋدى كۇشەيتىپ، حالىق قۇرىلتايىنىڭ باقىلاۋ ءتۇزىمىن كەمەلدەندىرۋ كەرەك. ءار دارەجەلى ۇكىمەت، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى حالىق قۇرىلتايى جانە ونىڭ تۇراقتى كوميتەتى جاساعان زاڭ – ەرەجەلەردى، شىعارعان قاۋلى - قارارلاردى قاتاڭ اتقارىپ، زاڭ بويىنشا قىزمەتتەن مالىمەت بەرىپ، حالىق قۇرىلتايىنىڭ باقىلاۋىن سانالىلىقپەن قابىلداۋى كەرەك.
شي جينپيڭ بىلاي دەپ اتاپ كورسەتتى: حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ۇنىنە جاۋاپ قايتارۋ كەرەك. حالىق قۇرىلتايى ۋاكىلدەرىنىڭ حالىق بۇقاراسىمەن بايلانىس جاساۋ مازمۇنى مەن فورماسىن بايىتىپ، بۇقارامەن جاناسىپ، حالىقتىڭ جاعدايىن تەكسەرىپ، حالىقتىڭ اقىل - پاراساتىن شوعىرلاندىرىپ، حالىق تۇرمىسىنا تيىمدىلىك جاساۋ كەرەك. ءار دارەجەلى حالىق قۇرىلتايى تۇراقتى كوميتەتتەرى ۋاكىلدەردىڭ قىزمەت قابىلەتى قۇرىلىسىن كۇشەيتىپ، ۋاكىلدەردىڭ مىندەتىن زاڭ بويىنشا اناعۇرلىم ويداعىداي اتقارۋىن قولداۋى جانە قامتاماسىز ەتۋى كەرەك. حالىق قۇرىلتايى ۋاكىلدەرى حالىق جۇكتەگەن داڭقتى قىزمەت جاۋاپكەرلىگىن ارقالاپ، ساياسي مايداندا بەرىك تۇرىپ، ساياسي جاۋاپكەرلىكتى اتقارىپ، حالىق بۇقاراسىمەن بايلانىستى نىعايتىپ، جاڭا داۋىردەگى حالىق قۇرىلتايى ۋاكىلدەرىنىڭ كەلبەتىن ايگىلەۋى كەرەك.
شي جينپيڭ مىنالاردى دارىپتەدى: ساياسي ورگان تانىمىن كۇشەيتىپ، حالىق قۇرىلتايىنىڭ وزىندىك قۇرىلىسىن كۇشەيتۋ كەرەك. ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، وزىندىك قۇرىلىستى جاپپاي كۇشەيتىپ، جۇڭگو كوممۋنيستىك پارتياسىنىڭ باسشىلىعىندا سانالىلىقپەن تاباندى بولاتىن ساياسي ورگانعا، حالىقتىڭ ءوز ىسىنە ءوزى قوجا بولۋىنا كەپىلدىك ەتەتىن مەملەكەتتىڭ بيلىك ورگانىنا، نەگىزگى زاڭ مەن زاڭداردا جۇكتەلگەن ءتۇرلى مىندەتتەردى جاپپاي ارقالايتىن قىزمەت ورگانىنا، باستان - اياق حالىق بۇقاراسىمەن تىعىز بايلانىستى ساقتايتىن ۋاكىلدىك ورگانعا اينالۋى كەرەك.
شي جينپيڭ بىلاي دەپ اتاپ كورسەتتى: پارتيانىڭ حالىق قۇرىلتايى قىزمەتىنە جاپپاي باسشىلىق ەتۋىن كۇشەيتۋ كەرەك. ءار دارەجەلى پارتكومدار حالىق قۇرىلتايى قىزمەتىن ماڭىزدى ورىنعا قويىپ، پارتيانىڭ حالىق قۇرىلتايى قىزمەتىنە باسشىلىق ەتۋ ءتۇزىمىن كەمەلدەندىرىپ، حالىق قۇرىلتايى تۇراقتى كوميتەتى پارتگرۋپپاسىنىڭ قىزمەت مالىمەتىن مەرزىم بويىنشا تىڭداپ، حالىق قۇرىلتايى قىزمەتىندەگى كەلەلى ماسەلەلەردى اقىلداسىپ شەشۋى كەرەك. حالىق قۇرىلتايىنىڭ جانە ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا جۇرگىزۋىن، قىزمەت ورىستەتۋىن قولداپ، ۇكىمەتتىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ حالىق قۇرىلتايىنىڭ باقىلاۋىن سانالىلىقپەن قابىلداۋىنا جەتەكشىلىك جانە قۋزاۋشىلىق ەتۋ كەرەك. ءار دارەجەلى حالىق قۇرىلتايى تۇراقتى كوميتەتتەرىنىڭ پارتگرۋپپالارى پارتيانىڭ ءتۇرلى باسشىلىق تۇزىمدەرىن مۇقيات اتقارىپ، پارتيانى جاپپاي قاتاڭ جونگە سالۋداعى تۇلعالىق جاۋاپكەرلىگىن ويداعىداي تياناقتاندىرۋى كەرەك.
شي جينپيڭ بىلاي دەپ دارىپتەدى: دەموكراتيا − بۇكىل ادامزاتتىڭ ورتاق قۇنى، جۇڭگو كوممۋنيستىك پارتياسى مەن جۇڭگو حالقى باستان - اياق تاباندى بولىپ كەلە جاتقان ماڭىزدى كوزقاراس. ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعانىنا باعا بەرۋدە، باستىسى، مەملەكەتتىڭ باسشىلىق جىگىنىڭ الماسۋى زاڭ بويىنشا تارتىپپەن جۇرگىزىلگەن - جۇرگىزىلمەگەنىنە، جالپى حالىقتىڭ مەملەكەت ىستەرى مەن قوعامدىق ىستەردى، ەكونوميكا مەن مادەنيەت ىستەرىن زاڭ بويىنشا باسقارا العان - الماعانىنا، حالىق بۇقاراسىنىڭ مۇددە تالابىن ىركىلىسسىز بىلدىرە العان –الماعانىنا، قوعامنىڭ ءارقايسى جاعىنىڭ مەملەكەتتىڭ ساياسي تۇرمىسىنا ءونىمدى قاتىناسا العان - الماعانىنا، مەملەكەتتىڭ شەشىمدەرىنىڭ عىلميلانۋدى، دەموكراتيالانۋدى جۇزەگە اسىرا العان - الماعانىنا، ءار جاقتاعى دارىندىلاردىڭ جالپىلىق باسەكە ارقىلى مەملەكەتتىڭ باسشىلىق ەتۋ جانە باسقارۋ جۇيەسىنە كىرە العان - الماعانىنا، بيلىكتى پارتيانىڭ نەگىزگى زاڭداعى بەلگىلەمەلەر بويىنشا مەملەكەت ىستەرىن باسقارا العان - الماعانىنا، ۇقىقتان پايدالانۋعا ۇتىمدى شەكتەۋ جانە باقىلاۋ جۇرگىزىلگەن – جۇرگىزىلمەگەنىنە قاراۋ كەرەك.
شي جينپيڭ بىلاي دەپ اتاپ كورسەتتى: دەموكراتيا اشەكەي بۇيىم ەمەس، ءتىزىپ قويۋعا ارنالماعان، قايتا حالىق شەشۋدى قاجەت ەتكەن ماسەلەلەردى شەشۋگە پايدالانىلادى. ءبىر ەلدىڭ دەموكراتيالى بولعان - بولماعانىنىڭ شەشۋشى ءتۇيىنى حالىقتىڭ ءوز ىسىنە ءوزى قوجا بولۋ – بولماۋىندا، مۇندا حالىقتىڭ داۋىس بەرۋ ۇقىعىنىڭ بار - جوقتىعىنا، ونان دا ماڭىزدىسى، حالىقتىڭ كەڭ كولەمدە قاتىناسۋ ۇقىعىنىڭ بار - جوقتىعىنا قاراۋ كەرەك؛ حالىققا سايلاۋ بارىسىندا قانداي اۋىزشا ۋادە بەرىلگەنىنە، ونان دا ماڭىزدىسى، سايلاۋدان كەيىن بۇل ۋادەلەردىڭ قانشالىق جۇزەگە اسقانىنا قاراۋ كەرەك؛ ءتۇزىم مەن زاڭدا قانداي ساياسي ءتارتىپ پەن ساياسي ەرەجە بەلگىلەنگەنىنە، ونان دا ماڭىزدىسى، وسى تۇزىمدەر مەن زاڭداردىڭ شىن مانىندە اتقارىلعان – اتقارىلماعانىنا قاراۋ كەرەك؛ ۇقىق جۇرگىزۋ ەرەجەسى مەن ءتارتىبىنىڭ دەموكراتيالى بولعان – بولماعانىنا، ونان دا ماڭىزدىسى، ۇقىقتىڭ حالىقتىڭ باقىلاۋى مەن تەجەۋىنە ۇشىراعان - ۇشىراماعانىنا قاراۋ كەرەك. ەگەر حالىق تەك داۋىس بەرۋ كەزىندە عانا ۇيىستىرىلىپ، داۋىس بەرىلگەننەن كەيىن ءوز الدىنا جايبىراقات كەتسە، سايلاۋ باسەكەسىندە عانا جەر - كوكتى ءدۇر سىلكىندىرگەن ۇرانداردى ەستىپ، سايلاۋ باسەكەسىنەن كەيىن ەشقانداي سويلەۋ ۇقىعى بولماسا، داۋىس جيعان كەزدە قادىرلى بولىپ، سايلاۋدان كەيىن قادىرى بولماسا، مۇنداي دەموكراتيا ناعىز دەموكراتيا سانالمايدى.
شي جينپيڭ مىنالاردى دارىپتەدى: دەموكراتيا − ءار ەل حالقىنىڭ ۇقىعى، كەرىسىنشە از ساندى ەلدەردىڭ پاتەنتى ەمەس. ءبىر مەملەكەت دەموكراتيالى بولىپ وتىر ما، جوق پا، مۇنى سول ەلدىڭ حالقى باعالاۋى كەرەك، سىرتقى از ساندى ادامدار كيلىگىپ باعالاماۋى كەرەك. حالىقارالىق قوعامدا قايسى مەملەكەت دەموكراتيالى ما، جوق پا دەگەندى حالىقارالىق قوعام ورتاق باعالاۋى، وزىنىكىن ءجون سانايتىن از ساندى مەملەكەت باعالاماۋى كەرەك. دەموكراتيانى جۇزەگە اسىرۋدىڭ الۋان ءتۇرلى تاسىلدەرى بار، ءبىر قالىپتان شىققانداي بولۋى مۇمكىن ەمەس. دۇنيە ءجۇزىنىڭ باي مازمۇندى ساياسي ءتۇزىمىن جالاڭ ولشەم ارقىلى ولشەپ، ادامزاتتىڭ الۋان ءتۇرلى ساياسي وركەنيەتىنە ءبىر سارىندى تۇرعىدان كوز جىبەرۋدىڭ ءوزى دەموكراتيالى ەمەس.
شي جينپيڭ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى ءبىز دەموكراتيالىق ساياسيدىڭ دامۋ زاڭدىلىعى جونىندەگى تانىمىمىزدى تەرەڭدەتىپ، تۇتاس بارىستاعى حالىق دەموكراتياسى سىندى كەلەلى ۇستانىمدى العا قويدىق. ەلىمىزدىڭ تۇتاس بارىستاعى حالىق دەموكراتياسىندا كەمەلدى تۇزىمدىك ءتارتىپ بولىپ قانا قويماي، ونىڭ ۇستىنە كەمەلدى قاتىناسۋ امالياتى دا بار. ەلىمىزدىڭ تۇتاس بارىستاعى حالىق دەموكراتياسى بارىس دەموكراتياسى مەن جەتىستىك دەموكراتياسىن، ءتارتىپ دەموكراتياسى مەن ماندىك دەموكراتيانى، تىكەلەي دەموكراتيا مەن جانامالاي دەموكراتيانى، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، بۇل − تۇتاس تىزبەكتى، جان - جاقتى، جاپپاي قامتىعان دەموكراتيا، ەڭ كەڭ، ەڭ شىنايى، ەڭ جارامدى سوتسياليستىك دەموكراتيا. ءبىز تۇتاس بارىستاعى حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ وزىنە - ءوزى قوجا بولۋىن پارتيانىڭ ەل باسقارۋداعى ساياسات - شارالارىنان ناقتى، شىنايى ايگىلەۋىمىز، پارتيا مەن مەملەكەت ورگاندارىنىڭ ءار جاقتاعى، ءار جىكتەگى قىزمەتتەرىندە ناقتى، شىنايى ايگىلەۋىمىز، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ قىزمەتىندە ناقتى، شىنايى ايگىلەۋىمىز كەرەك
شي جينپيڭ مىنانى دارىپتەدى: حالىق قۇرىلتايى ءتۇزىمى − ەلىمىزدىڭ تۇتاس بارىستاعى حالىق دەموكراتياسىن جۇزەگە اسىرۋىنداعى ماڭىزدى تۇزىمدىك دانەكەر. پارتيانىڭ باسشىلىعىندا حالىقتىڭ ساياسيعا تارتىپپەن ارالاسۋىن ۇزدىكسىز كەڭەيتىپ، ادامدىق ۇقىقتى زاڭمەن جونگە سالۋ ارقىلى قامتاماسىز ەتۋدى كۇشەيتىپ، حالىقتىڭ زاڭ بويىنشا كەڭ كولەمدى ۇقىق پەن ەركىندىكتەن يگىلىكتەنۋىنە كەپىلدىك ەتۋ كەرەك. حالىقتىڭ سايلاۋ ۇقىعىن زاڭ بويىنشا جۇرگىزۋىنە، حالىق قۇرىلتايى ۋاكىلدەرىن دەموكراتيالىق جولمەن سايلاۋىنا كەپىلدىك ەتىپ، حالىقتىڭ جاعدايدان حاباردار بولۋ ۇقىعىنىڭ، قاتىناسۋ ۇقىعىنىڭ، ويىن ءبىلدىرۋ ۇقىعىنىڭ، باقىلاۋ ۇقىعىنىڭ حالىق قۇرىلتايى قىزمەتىنىڭ ءارقايسى جاعىندا، ءارقايسى بۋىنىندا تياناقتانۋىنا كەپىلدىك ەتىپ، پارتيا مەن مەملەكەتتىڭ شەشىم جاساۋ، اتقارۋ، باقىلاۋ، تياناقتاندىرۋ بۋىندارىنىڭ بارىندە حالىقتىڭ ءۇنىن تىڭداۋىنا كەپىلدىك ەتۋ كەرەك. حالىق قۇرىلتايىنىڭ دەموكراتيالىق حالىق رايىن بەينەلەۋ تۇعىرى مەن دانەكەرى بولۋىن كەمەلدەندىرىپ، حالىق تىلەگىن قابىلداۋ، حالىقتىڭ اقىل - پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، حالىق قۇرىلتايى كەڭەسىن، زاڭ شىعارۋ كەڭەسىن ىلگەرىلەتىپ، ءار جاقتاعى قوعام جاعدايى مەن حالىق رايىن ەڭ كوپ حالىقتىڭ ءتۇبىرلى مۇددەسىمەن بىرلىككە كەلتىرۋ كەرەك.
لي جانشۋ باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، قورىتىندى ءسوز سويلەدى. ول مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزى جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ستراتەگيالىق تۇرعىسىنان، جاڭا داۋىردە حالىق قۇرىلتايى قىزمەتىن كۇشەيتۋدىڭ جانە جاقسارتۋدىڭ جەتەكشى يدەياسىن، كەلەلى پرينسيبىن جانە باستى قىزمەتتەرىن ايقىن العا قويىپ، جاڭا داۋىردە جۇڭگوشا سوتسياليستىك دەموكراتيالىق ساياسيدى دامىتۋ، حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ءبىرسىپىرا كەلەلى نازاريالىق جانە امالياتتىق ماسەلەگە ىشكەرىلەي جاۋاپ بەردى. ءسوز جۇڭگوشا سوتسياليستىك دەموكراتيالىق ساياسي مەن حالىق قۇرىلتايى ءتۇزىمىنىڭ ساياسي ءمانىن، نازاريالىق ءمانىن، امالياتتىق ءمانىن بايىتتى جانە كەڭەيتتى، بۇل ماركسيزمدىك اقيقات كۇشىنە تولى باعدارلامالىق قۇجات سانالادى.
لي جانشۋ بىلاي دەپ دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي، مۇقيات دايەكتىلەندىرىپ، تياناقتاندىرىپ، پارتيانىڭ باسشىلىعىندا تاباندى بولۋ سىندى ەڭ جوعارى ساياسي پرينسيپتى تۋدى ايقىن ۇستاي وتىرىپ، بۇلجىتپاي دايەكتى تياناقتاندىرىپ، حالىق قۇرىلتايىنىڭ ءتۇرلى قىزمەتتەرىنىڭ پارتيانىڭ باسشىلىعىندا جۇرگىزىلۋىنە شىنايى كەپىلدىك ەتۋ؛ ساياسي جاقتا سەرگەك بولىپ، تاباندىلىقتى ساقتاپ، جۇڭگوشا سوتسياليستىك ساياسيدى دامىتۋ جولى سىندى ءتۇبىرلى بەتالىستا باستان - اياق تاباندى بولۋ؛ حالىق دەموكراتياسى تۋىن بيىك ۇستاپ، حالىق قۇرىلتايى ءتۇزىمىنىڭ ەلىمىزدىڭ تۇتاس بارىستاعى حالىق دەموكراتياسىن جۇزەگە اسىرۋىنداعى ماڭىزدى تۇزىمدىك دانەكەرلىك رولىن ويداعىداي ساۋلەلەندىرۋ؛ پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ حالىق قۇرىلتايى قىزمەتىن ورىستەتىپ، پارتيا مەن مەملەكەت قىزمەتىنىڭ ماڭىزدى ءتۇيىنى قايدا بولسا، حالىق قۇرىلتايى قىزمەتىن سول اراعا دەيىن جەتكىزۋ، كۇشتى سول اراعا دەيىن شوعىرلاندىرۋ، رولدى سول اراعا دەيىن ساۋلەلەندىرۋ؛ حالىق قۇرىلتايى ۋاكىلدەرى قىزمەتىن شىنايى جاقسى ىستەپ، ءار دارەجەلى حالىق قۇرىلتايى ۋاكىلدەرىنىڭ رولىن ساۋلەلەندىرۋدى حالىقتىڭ ءوز ىسىنە ءوزى قوجا بولۋىنىڭ ماڭىزدى بەينەلەنۋى ەتۋ كەرەك. حالىق قۇرىلتايى قىزمەتىنىڭ ساپالى دامۋىن كۇش سالا ىلگەرىلەتىپ، حالىق قۇرىلتايى ءتۇزىمىنىڭ ابزالدىعىن مەملەكەتتى جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك. حالىق قۇرىلتايىنىڭ وزىندىك قۇرىلىسىن جاپپاي كۇشەيتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن ساياسي ورگان، مەملەكەتتىڭ بيلىك ورگانى، قىزمەت ورگانى، ۋاكىلدىك ورگان قۇرۋعا قۇلشىنۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار قاتارلىلار ماجىلىسكە قاتىناستى.
ولكەلىك، اۆتونوميالى رايوندىق، توتە قاراستى قالالىق پارتكومداردىڭ شۋجيلەرى مەن حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىنىڭ مەڭگەرۋشىلەرى، ورتالىق پەن مەملەكەت ورگاندارىنىڭ تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، مەملەكەتتىك حالىق قۇرىلتايى تۇراقتى كوميتەتىندەگى جانە ءارقايسى ارناۋلى كوميتەتتەگى، تۇراقتى كوميتەت قىزمەت كوميتەتىندەگى قاتىستى جاۋاپتى جولداستار قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
