بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ 11 ءتۇرلى شارا قولدانىپ اناعۇرلىم ساپالى شارۋاشىلىق - ساۋدا ورتاسىن قۇرادى

2021.10.15 17:12     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى شى شين 10 - ايدىڭ 12 - كۇنى ۇرىمجىدەن حابارلايدى. اۆتونوميالى رايوننىڭ شارۋاشىلىق - ساۋدا ورتاسىن ساپالىلاندىرۋ رەفورماسى تۋرالى اقپار جاريالاۋ ماجىلىسىنەن ۇعىسۋىمىزشا، رايونىمىز شارۋاشىلىق - ساۋدا ورتاسىن ساپالىلاندىرۋدى 2021 - جىلعى ماڭىزدى رەفورما مىندەتى ەتىپ، شارۋاشىلىق - ساۋدا ورتاسىن ساپالىلاندىرۋدى ىلگەرىلەتەتىن جەرگىلىكتى زاڭ شىعارۋ، ۇكىمەتتىك قىزمەت وتەۋ رەفورماسىن تەرەڭدەتۋ، حالىق باسقارۋىنداعى كاسىپورىنداردىڭ دامۋىن، زورايۋىن قولداۋ، شارۋاشىلىق - ساۋدا ورتاسىن باعالاۋ جانە ارناۋلى رەتتەۋ - وڭاۋ جۇرگىزۋ سىندى 5 جاقتان ورنالاستىرۋ جاساپ، ناقتى 11 ءتۇرلى شارا قولدانىپ، اناعۇرلىم ساپالى شارۋاشىلىق - ساۋدا ورتاسىن قۇرادى ەكەن.

  بۇل 11 ءتۇرلى شارا مىنالاردى قامتيدى: «اۆتونوميالى رايوننىڭ <شارۋاشىلىق - ساۋدا ورتاسىن ساپالىلاندىرۋ ەرەجەسىن> اتقارۋ ءادىسىن» جاساۋ، ”ەڭ كوپ بولعاندا ءبىر رەت جۇگىرۋ“ رەفورماسىن تەرەڭدەتۋ، ۇكىمەتتىك ساندى مالىمەتتەردەن جۇيەلى، ورتاق پايدالانۋدى جەدەل ىلگەرىلەتۋدى اتقارۋ پىكىرىن زەرتتەپ جاساۋ، ۇكىمەتتىك قىزمەت وتەۋ بويىنشا حالىققا قولايلى ىستىق لەنيانى ساپالىلاندىرۋدى اتقارۋ جوباسىن جاساۋ، اقسۋ ايماعىنىڭ ”ارىز - شاعىمداردى قابىلداي سالىسىمەن ءبىتىرۋ“ ۇلگىسىن جاپپاي كوشىرىپ جالپىلاستىرۋ، حالىق باسقارۋىنداعى كاسىپورىنداردىڭ ءوتىنىش - تالاپتارىن ءبىر جاقتى ەتۋ قيمىلىن ۇيىمداستىرىپ اتقارۋ، حالىق باسقارۋىنداعى كاسىپورىندار رەفورماسىن دامىتۋدى جانە تيبىن وزگەرتىپ دارەجەسىن ءوسىرۋدى اتقارۋ جوباسىن جاساۋ - ىلگەرىلەتۋ، شارۋاشىلىق - ساۋدا ورتاسىن ارناۋلى تەكسەرۋدى ۇيىمداستىرۋ، شارۋاشىلىق - ساۋدا ورتاسىن باعالاۋ جانە ارناۋلى رەتتەۋ - وڭاۋدى ورىستەتۋ سياقتىلار.

  اۆتونوميالى رايون پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى، رەفورما كەڭسەسىنىڭ ورىنباسار مەڭگەرۋشىسى جاڭ شىجۇن تانىستىرىپ بىلاي دەدى: شارۋاشىلىق - ساۋدا ورتاسىن ساپالىلاندىرۋ كاسىپورىنداردىڭ دامۋىنا، ءار ۇلت بۇقاراسىنىڭ تۇرمىسىنا ساياتىن، بازار تۇلعالارىنىڭ ومىرشەڭدىگى مەن جاسامپازدىق قۋاتىن ۇزدىكسىز باۋليتىن جانە جانداندىراتىن، بۇقارانىڭ تابىس سەزىمى مەن باقىت سەزىمىن ۇزدىكسىز كۇشەيتەتىن ”شەشۋشى شارا“. 11 ءتۇرلى ناقتى شاراعا باعىتتاي وتىرىپ، اۆتونوميالى رايوندىق پارتكومنىڭ ساياسات زەرتتەۋ كەڭسەسى (رەفورما كەڭسەسى)، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى، اۆتونوميالى رايوندىق حالىق ۇكىمەتى كەڭسەسى، اۆتونوميالى رايوندىق دامۋ جانە رەفورما كوميتەتى قاتارلى 20دان استام تاراۋ بىرلەسىپ قىزمەت ارناۋلى القاسىن قۇرىپ، قىزمەت جوباسىن جاساپ، جاۋاپكەرشىلىكتى، قىزمەت ءبولىسىن ايقىنداپ، نىسانا - مىندەتتەردى اشالاپ، قىزمەت جاۋاپكەرشىلىگىن ناقتىلاپ، رەفورما شارالارىنىڭ ورنىعىپ تياناقتانۋىن تىڭعىلىقتى ىلگەرىلەتۋ ارقىلى رايونىمىزدىڭ بازار تۇلعالارىنىڭ ومىرشەڭدىگىن، جاسامپازدىق قۋاتىن ۇزدىكسىز جانداندىرىپ، بۇكىل رايون ەكونوميكاسىنىڭ جوعارى ساپالى دامۋىنا قوزعاۋشى كۇش، ومىرشەڭدىك كۇش ازىرلەدى.

  شارۋاشىلىق - ساۋدا ورتاسىن ساپالىلاندىرۋ ەكونوميكانىڭ، قوعامنىڭ اقاۋسىز دامۋىنا كۇشتى تىرەك ازىرلەدى. بيىل جىل باسىنان بەرى بۇكىل رايوندا 387 مىڭ بازار تۇلعاسى جاڭادان تىركەلىپ، ءتۇرلى بازار تۇلعاسىنىڭ جالپى سانى 2 ميلليون 112 مىڭعا جەتتى.

  شارۋاشىلىق - ساۋدا ورتاسىنىڭ ەڭ جاقسىسى بولمايدى، تەك اناعۇرلىم جاقسىسى بولادى، رەفورما ماڭگى جالعاسادى. جاڭ شىجۇن مىنالاردى ءبىلدىردى: بۇكىل رايوننىڭ رەفورما جۇيەسى شارۋاشىلىق - ساۋدا ورتاسىن ساپالىلاندىرۋدى ەكونوميكانىڭ جوعارى ساپالى دامۋىن ىلگەرىلەتۋدىڭ، جاڭا دامۋ ارناسىن جەدەل قالىپتاستىرۋدىڭ ماڭىزدى سەرپىلىس ءتۇيىنى جانە كۇش سالۋ ءتۇيىنى ەتىپ، ”تومەنگە بەرۋ، باسقارۋ، قىزمەت وتەۋ“ رەفورماسى، حالىق باسقارۋىنداعى ەكونوميكانىڭ دامۋىن قولداۋ، بازار ورتاسىن ساپالىلاندىرۋ، زاڭمەن جونگە سالۋدى قامتاماسىز ەتۋ جۇيەسىن اقاۋسىزداندىرۋ، شارۋاشىلىق - ساۋدا ورتاسىن ارناۋلى رەتتەۋ - وڭاۋ سياقتى ءتۇيىندى قىزمەتتەردى ۇزدىكسىز ويداعىداي يگەرىپ، ۇكىمەتتىك قىزمەت وتەۋ بويىنشا حالىققا قولايلى ىستىق لەنيانىڭ ”ارىز - شاعىمداردى قابىلداي سالىسىمەن ءبىتىرۋ“ ۇلگىسىن كوشىرىپ جالپىلاستىرۋدى كورنەكتىلەندىرە ويداعىداي يگەرىپ، كاسىپورىنداردىڭ، بۇقارانىڭ قيىنشىلىقتارىن، ءوتىنىش - تالابىن دەر كەزىندە شەشەدى؛ ”باسقا جەردە ءبىتىرۋدى“، ”جىبەك جولى ىركىلىسسىز ءبىتىرۋدى“ ويداعىداي ۇيىمداستىرىپ اتقارىپ، كاسىپورىنداردىڭ، بۇقارانىڭ جۇمىس بىتىرۋىنە قولايلىلىق تۋدىرۋ ورەسىن ۇزدىكسىز جوعارىلاتادى؛ بازار بولاشاعى جاقسى، ءوسىپ - جەتىلۋ مولشەرى جوعارى، جەتەكتەۋ رولى كۇشتى ءبىر توپ حالىق باسقارۋىنداعى كاسىپورىنداردى ءتۇيىندى تۇردە قولداپ، حالىق باسقارۋىنداعى ەكونوميكانى ۇزدىكسىز دامىتادى، ۇلعايتادى؛ شارۋاشىلىق - ساۋدا ورتاسىن باعالاۋدى جانە ارناۋلى رەتتەۋ - وڭاۋدى ويداعىداي ۇيىمداستىرىپ اتقارىپ، قىزمەت ستيلىنە ۇزدىكسىز بۇرىلىس جاساۋ ارقىلى بۇكىل رايوننىڭ شارۋاشىلىق - ساۋدا ورتاسىنىڭ ۇزدىكسىز ساپالىلانۋىن ىلگەرىلەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار