باقىلاۋدى قابىلداعاندا الاياقتىق ىستەۋگە بولمايدى
2021.10.18 14:48 كەلۋ قاينارى : حالىق تورابى
جۋىردا «جۇڭگو ءتارتىپ تەكسەرۋ، باقىلاۋ گازەتى» نيڭشيا حۇيزۋ اۆتونوميالى رايونى ەكونوميكا جانە ينفورماتسيالاندىرۋ كوميتەتى پارتگرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار مەڭگەرۋشىسى ۋاڭ جياننىڭ تارتىپكە، زاڭعا اۋىر دارەجەدە قايشىلىق جاساۋ دەلوسىنا تالداۋ جاساعان ماقالانى جاريالادى. بۇل دەلوعا قاراعاندا، ۋاڭ جيان شىنحۋا نيڭشيا كومىر كاسىبى توبى شەكتى جاۋاپكەرشىلىك سەرىكتەستىگىندە مىندەت اتقارعان كەزدە، اۆتونوميالى رايون مەن شىنحۋا توبى سەرىكتەستىگىنىڭ باسشىلىعى باقىلاۋ – باسقارۋ جۇرگىزگەندە، ەكى جاققا دا جىلپوستىق ىستەپ، باقىلاۋ – باسقارۋدان تايساقتاعان. ول قۋلىعىن اسىرامىن دەپ ويلاعانىمەن، قۋلىعىنىڭ كەسىرىنەن قاتەلىك وتكىزىپ، اقىرى ءوزىن زيانداپ تىنعان.
ۋاڭ جيان ءوز اۋزىمەن بىلاي دەپ بايانداعان: «نيڭشيا كومىر كاسىبى سەرىكتەستىگىن اۆتونوميالى رايون مەن شىنحۋا توبى باسقارعانىمەن، باسقارۋ ءبىرشاما بوس بولدى، مەن اۆتونوميالى رايونعا قىزمەتتەن مالىمەت بەرگەن كەزدە، نىسانداردىڭ قازىرگى اياق الىسىن، قىزمەتتە قول جەتكىزگەن تابىستاردى عانا ايتاتىنمىن؛ شىنحۋا توبىنا قىزمەتتەن مالىمەت بەرگەن كەزدە، اۆتونوميالى رايوننىڭ ءبىزدى قولداعانىن عانا ايتاتىنمىن ءارى اۆتونوميالى رايوننىڭ ءبىزدى وتە قاتاڭ باسقاراتىنىن باسا دارىپتەيتىنمىن. ءىس جۇزىندە، بۇل ەكى ورىن دا مەنى ونشا باسقارىپ كەتپەيتىن، مەن وسى ورايدان پايدالاندىم». ءتۇرلى باسقارۋ – باقىلاۋشى جاقتارعا بەتپە – بەت كەلگەندە، ۋاڭ جيان اككىلىككە سالىنىپ، قىزمەتتەن مالىمەت بەرگەندە قاجەتتىسىن عانا ايتىپ، بىرەۋىنە مالىمەت بەرگەندە، ەندى بىرەۋىنىڭ قاتاڭ باسقاراتىنىن ايتىپ، وسى ارقىلى ءوزىنىڭ ۇقىعىن باقىلاۋ مەن شەكتەۋدى ازايتۋعا نيەتتەنگەن. وسىلايشا، قاراماققا قىسقا ۋاقىت ىشىندە شاعىن ماسەلەنى جاسىرىپ قالعانداي بولعانمەن، بۇل ماسەلەلەر ۇزدىكسىز جينالا كەلە، ۇلكەن ماسەلەگە اينالعان. ۋاڭ جيان باقىلاۋدان قورقىپ، باقىلاۋدان قاشقالاقتاپ، بىرتىندەپ ۇقىعىنان الباتى پايدالانۋعا كوشكەن، ءوزى عانا بيلەپ - توستەگەن، سايقالدىق ىستەگەن، تارتىپكە، زاڭعا قايشىلىق جاساۋدىڭ شىڭىراۋىنا بەتتەگەن.
باقىلاۋ مەن باسقارۋدان بۇلايشا قاشقالاقتاۋ، تۇبىرىنەن ايتقاندا، پارتيا ۇيىمىنا ادال بولماۋ، الاياقتىق ىستەۋ سانالادى. پارتيا ۇيىمىنىڭ ءبىر مۇشەسى بولعان ەكەن، پارتياعا كىرگەن سوڭ، پارتيانىڭ ۋستاۆىنداعى بەلگىلەمەلەر بويىنشا، پارتياعا ادال بولۋ، شىنشىل بولۋ سىندى بورىشىن اتقارۋى كەرەك، پارتياعا كىرۋ سەرتىندەگى «پارتياعا ادال بولۋ» دەگەن ايبىندى سەرتىن ورىنداۋى كەرەك. بۇكىل پارتياداعىلار ءبىر ۋستاۆپەن باسقارىلادى، پارتيا مۇشەلەرى، مەيلى، قاي سالادا بولسىن، مەيلى، قاي جەردە قىزمەت ىستەسىن، ءسوزسىز، پارتيا ۋستاۆىن قۇرمەتتەۋى، ۇيىمنىڭ باقىلاۋىن سانالىلىقپەن قابىلداۋى، پارتياعا ادال، شىنشىل ادام بولۋى كەرەك. پارتيا ۇيىمىنىڭ باقىلاۋى مەن باسقارۋىنىڭ تەك شەكتەمە قويۋ عانا ەمەس، ونان دا ماڭىزدىسى پارتيا مۇشەلەرىنە كوڭىل ءبولۋ، ايالاۋ ەكەنىن؛ قىزمەتكە كەدەرگىلىك جاساۋ ەمەس، قايتا ۇقىقتىڭ دۇرىس جولمەن قولدانىلۋىنا كەپىلدىك ەتۋ ەكەنىن جەتە تانۋ كەرەك. تەكسەرۋگە الىنىپ انىقتالعان كوپتەگەن كادرلار ەرتەرەك باقىلاۋدى قابىلداماعانىنا قاتتى وكىنەدى. تەك باقىلاۋعا دۇرىس مامىلەدە بولىپ، بەلسەندى دە ىرىقتى تۇردە ۇيىمعا سىر اقتارىپ، ءوزىنىڭ يدەياسىن، قىزمەت جاعدايىن شىنايى مالىمدەپ، بەلەڭ بەرە باستاعان، نىسايى بايقالعان ماسەلەلەردى جورگەگىندە تۇنشىقتىرعاندا عانا، اۋەلگى ماقسات پەن بورىشتى ۇمىتپاي، ورنىقتىلىقپەن بولاشاققا بەتتەۋگە بولادى.
بۇل دەلودان ساباق الۋىمىز قاجەت، پارتيا ۇيىمى جونىنەن ايتقاندا، پارتيالى كادرلاردى باقىلاۋ – باسقارۋدى كۇشەيتىپ، كۇندەلىكتى باقىلاۋ قىزمەتىن شىنايى، تىڭعىلىقتى ىستەۋ كەرەك، باقىلاۋدان قاشقالاقتاعان، باقىلاۋدى تويتارعان «تاسالانۋشىلاردى»، «ەكىبەتكەيلەردى» دەر كەزىندە پارىقتاۋ جانە بايقاۋ كەرەك. وتە – موتە، پارتيالىق ۇيىمدىق قارىم – قاتىناسى جەرگىلىكتى ورىنداعى، كادرلاردى باسقارۋ ۇقىعى باسقارۋشى تاراۋلاردىڭ قولىنداعى پارتيالى كادرلارعا، قاتىستى جاۋاپتى تۇلعالار اڭگىمەلەسۋ مەن جۇمىستى سايكەستىرۋدى، ينفورماتسيانى بىرىكتىرۋدى كۇشەيتىپ، باقىلاۋ – باسقارۋدا پارمەندى دە ءونىمدى بىرىككەن كۇشتى قالىپتاستىرۋى، كەيبىر پارتيا مۇشەلەرىنىڭ ورايدان پايدالانىپ، ءىستى جاسىرۋىنان باتىل ساقتانىپ، باقىلاۋداعى شالاعايلىقتى، باقىلاۋداعى ولقىلىقتى قاتاڭ جويۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
