بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

چىن چۋانگو اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى

رەفورمانىڭ جالپىلىق ونىمدىلىگى مەن تۇتاس تۇلعالىق اسەرىن ۇزدىكسىز جوعارىلاتىپ، جوعارى ساپالى دامۋعا قوزعاۋشى كۇش تىرەگىن، تۇزىمدىك قامتاماسىزدىق ازىرلەۋ كەرەك

ەركىن تۇنياز، شاۋكەت يمىن، جاڭ چۇنلين، لي يفي قاتىناستى

2021.10.19 15:35     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 17 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى ءماجىلىس اشىپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 21 - رەتكى ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تۇتاس رايوننىڭ رەفورمانى جاپپاي تەرەڭدەتۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى چىن چۋانگو ءماجىلىستى باسقاردى ءارى ءسوز سويلەدى.

  اۆتونوميالى رايون باسشىلارىنان ەركىن تۇنياز، شاۋكەت يمىن، جاڭ چۇنلين، لي يفي، تيان ۋىن، سارقىت اقان، جاڭ جۋ، تيان شياڭلي، چىن ۋيجۇن قاتارلىلار ماجىلىسكە قاتىناستى.

  ءماجىلىس «اۆتونوميالى رايوننان تومەن جەرگىلىكتى سوت مەكەمەلەرىنىڭ، پروكۋراتۋرالاردىڭ ادامدى، قازىنانى، زاتتى ءبىر تۇتاس باسقارۋ رەفورما جوباسىن»، «شينجياڭ ۇيعۇر اۆتونوميالى رايوننىڭ مەملەكەتتىڭ وڭىرلىك ەمدەۋ ورتالىقتارىنىڭ جالپىلىق رەفورما سىناق ءتۇيىنى جوباسىن»، «ءدارى - دارمەكتەردى باقىلاۋ - باسقارۋ قابىلەتى قۇرىلىسىن جاپپاي كۇشەيتۋ جونىندەگى اتقارۋ پىكىرىن» قاراپ ماقۇلدادى.

  چىن چۋانگو بىلاي دەپ اتاپ كورسەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 21 - رەتكى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، رەفورمانىڭ جالپىلىق ونىمدىلىگى مەن تۇتاس تۇلعالىق اسەرىن ۇزدىكسىز جوعارىلاتىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانالارىن جاپپاي ورىنداۋعا، ”14 - بەسجىلدىقتا“ تاماشا باستاما اشۋدى جۇزەگە اسىرۋعا، جوعارى ساپالى دامۋدى ىلگەرىلەتۋگە قوزعاۋشى كۇش تىرەگىن جانە تۇزىمدىك قامتاماسىزدىق ازىرلەۋ كەرەك.

  چىن چۋانگو بىلاي دەپ باسا دارىپتەدى: اۆتونوميالى رايوننان تومەن جەرگىلىكتى سوت مەكەمەلەرىنىڭ، پروكۋراتۋرالاردىڭ ادامدى، قازىنانى، زاتتى ءبىر تۇتاس باسقارۋ رەفورماسىن ورنىقتى قاداممەن ىلگەرىلەتىپ، قاتىستى ساياساتتاردى، بەلگىلەمەلەردى ءدال يگەرىپ جانە مۇقيات تياناقتاندىرىپ، ءساتتى ىلگەرىلەۋىنە، تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. مەملەكەتتىڭ وڭىرلىك ەمدەۋ ورتالىقتارى قۇرىلىسىن جەدەل ىلگەرىلەتىپ، ەمدەۋ، ەمدەۋ قامسىزداندىرۋى، ەمدەۋ ءدارى - دارمەكتەرى سىندى ”ءۇشتىڭ بىرلەسە ارەكەتكە كەلۋىنە“ تاباندى بولىپ، دەنساۋلىق ساقتاۋ، سالاماتتىق سالاسىنداعى قامداۋ جاعىنداعى قۇرىلىمدىق رەفورمانى ىلگەرىلەتىپ، تۇتاس رايوننىڭ ەمدەۋ - دەنساۋلىق ساقتاۋ ءتۇزىلىسى رەفورماسىن اناعۇرلىم تەرەڭدەتۋدە پايدالانۋعا، جالپىلاستىرۋعا بولاتىن تاجىريبەلەردى، ادىستەردى توپتاۋ كەرەك. ءدارى - دارمەكتەردى باقىلاۋ - باسقارۋ قابىلەتى قۇرىلىسىن جاپپاي كۇشەيتىپ، تەحنيكالىق ساراپتاۋ ءتۇزىلىس - مەحانيزمىن ساپالىلاندىرىپ، شۇعىل جاعدايعا توتەپ بەرۋ، باسقارۋ مەحانيزمىن اقاۋسىزداندىرىپ، توسىن تۋىلعان اۋىر، ەرەكشە ۇلكەن الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتىن كۇشەيتىپ، حالىق بۇقاراسىنىڭ دەنساۋلىعىن قورعاۋ جانە ىلگەرىلەتۋ كەرەك.

  چىن چۋانگو بىلاي دەپ باسا دارىپتەدى: جەر - جەر، تاراۋلار جاۋاپكەرشىلىك ارقالاۋدى كۇشەيتىپ، رەفورمانى بۇلجىماستان ۇزدىكسىز ىلگەرىلەتۋ، تەرەڭدەتۋ كەرەك. ءار دارەجەلى پارتيا، ۇكىمەت ورىندارىنىڭ باستى جاۋاپتى جولداستارى رەفورمانى جاپپاي تەرەڭدەتۋدى ىلگەرىلەتۋدىڭ تۇلعالىق جاۋاپكەرشىلىگىن شىنايى ويداعىداي اتقارىپ، وزدەرى تىكەلەي كىرىسىپ، قىزمەتتى شىنايى يگەرۋى كەرەك. ءارقايسى ارناۋلى گرۋپپالار ءبىر تۇتاس جوسپارلاپ سايكەستىرۋدى كۇشەيتىپ، ءتۇرلى رەفورما قىزمەتىنىڭ ورنىقتى، ءتارتىپتى ىلگەرىلەۋىنە شىنايى كەپىلدىك ەتۋ كەرەك. ءارقايسى باستاماشى ورىندار، ءارقايسى ايماق، وبلىس، قالالار ءبىر - بىردەن سالىستىرىپ تەكسەرىپ، ەسەپ اداقتاپ، رەفورمانىڭ كەشەۋىلدەپ قالماۋىنا، قاتاردان قالماۋىنا شىنايى كەپىلدىك ەتۋ كەرەك. ءتۇيىندى رەفورما مىندەتىنىڭ اياق الىسى جاعدايىنا بولعان قاداعالاپ ورىندالۋىن قۋزاۋدى، تياناقتانۋىن باقىلاپ تەكسەرۋدى، ونىمدىلىگىن سارالاۋدى كۇشەيتىپ، ءتۇرلى رەفورمانىڭ ناقتى تياناقتانۋىن، ناقتى ونىمدىلىككە قول جەتكىزۋىن ىلگەرىلەتۋ كەرەك.

  اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى. اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنە مۇشە ورىندارداعى قاتىستى جاۋاپتى جولداستار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار