بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ گەرمانيانىڭ زۇڭليى مەركەلمەن بەينە ەكران ديدارلاستى

2021.10.19 16:19     كەلۋ قاينارى : حالىق تورابى


10 - ايدىڭ 18 - كۇنى مەملەكەتتىك كەڭەستىڭ زۇڭليى لي كىچياڭ بەيجيڭ جۇڭنانحايداعى زىگۋاڭگى سارايىندا گەرمانيانىڭ زۇڭليى مەركەلمەن بەينە ەكران ارقىلى ديدارلاستى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

  شينحۋا اگەنتتىگى، 10 - ايدىڭ 18 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 10 - ايدىڭ 18- كۇنى تۇستەن كەيىن جۇڭنانحايداعى زىگۋاڭگى سارايىندا گەرمانيانىڭ زۇڭليى مەركەلمەن بەينە ەكران ارقىلى ديدارلاستى.

  لي كىچياڭ مەركەلدىڭ گەرمانيانىڭ جانە ەۆروپانىڭ جۇڭگومەن ناقتى سەلبەستىگىن، ءار سالاداعى دوستىق بارىس – كەلىسىن زور كۇشپەن ىلگەرىلەتكەنىنە بەلسەندى باعا بەردى ءارى مىنانى ءبىلدىردى: جۇڭگو مەن گەرمانيا تەڭدىك، ءوزارا تيىمدىلىك نەگىزىندە ەكى جاقتىڭ ورتاق مۇددەسىن كەڭەيتۋگە كۇش سالۋى كەرەك. بىرگە قۇلشىنۋ ارقىلى جۇڭگو - گەرمانيا سەلبەستىگى جۇڭگو - ەۆروپا سەلبەستىگىنىڭ الدىڭعى لەگىندە نىق قاداممەن ءجۇردى. جۇڭگو - گەرمانيا قاتىناسىنىڭ اسا زور دارەجەدە تۇراقتىلىقتى ساقتاپ، تولىسىپ وتىرۋىنىڭ سەبەبى، باستىسى، ەكى جاقتىڭ تەڭ تۇرعىدا مامىلە جاساۋدان جازباي، نازاردى ناقتى سەلبەستىككە شوعىرلاندىرۋىنان؛ ءوزارا قۇرمەت ەتۋدەن جازباي، الاۋىزدىقتاردى ۇيلەسىمدى ءبىر جاقتى ەتۋىنەن؛ كوپ جاقتىلىقتان جازباي، سىن - سايىسقا تىزە قوسا توتەپ بەرۋىنەن بولدى. جۇڭگو - گەرمانيا قاتىناسىنىڭ اقاۋسىز، ورنىقتى دامۋدى ساقتاۋى جۇڭگو مەن گەرمانياعا عانا ەمەس، دۇنيە جۇزىنە دە ءتيىمدى. كەلەر جىلى − جۇڭگو مەن گەرمانيانىڭ ديپلوماتيالىق قاتىناس ورناتقانىنىڭ 50 جىلدىعى، جۇڭگو گەرمانيامەن بىرگە قۇلشىنىپ، سەلبەسىپ تەڭ يگىلىككە كەنەلۋ كومەسكى كۇشىن ۇزدىكسىز تەرەڭدەتىپ، جۇڭگو - گەرمانيا قاتىناسىنىڭ ورنىقتى، باياندى دامۋىن ىلگەرىلەتۋدى قالايدى.

  لي كىچياڭ بىلاي دەپ اتاپ كورسەتتى: جۇڭگو جۇڭگو - گەرمانيا قاتىناسىن دامىتۋعا بۇرىنعىداي ايرىقشا ءمان بەرەدى، گەرمانيا جاڭا ۇكىمەتىنىڭ جۇڭگوعا قاراتىلعان بەلسەندى، ناقتى ساياساتتاردى جالعاستىرىپ، جۇڭگو - گەرمانيا قاتىناسىنىڭ، سەلبەستىگىنىڭ نەگىزگى اۋەنىن بەكەمدەۋىن ءۇمىت ەتەدى. ۇكىمەت كەڭەسى سياقتى ەكى جاقتى تىلدەسۋ، اۋىس - كۇيىس مەحانيزمىنەن ۇزدىكسىز ويداعىداي پايدالانىپ، سەلبەستىكتىڭ نەگىزگى جاعدايىن زورايتۋ، كۇشەيتۋ كەرەك. جۇڭگو گەرمانيانى قامتىعان ءارقايسى جاقپەن بىرگە كليمات وزگەرىسىنە توتەپ بەرىپ، ىندەتكە قارسى حالىقارالىق سەلبەستىكتى كۇشەيتۋدى قالايدى. جۇڭگونىڭ اشىق ەسىگى بارعان سايىن ايقارا اشىلادى، ەكى جاقتىڭ قوس باعىتتا ەسىك اشۋدان جازباي، ەرەجەنى نەگىز ەتكەن كوپ جاقتى ساۋدا ءتۇزىلىسىن بىرگە قورعاپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قورعاۋىن ءۇمىت ەتەمىن. دۇنيە جۇزىلىك ەكونوميكانى جونگە سالۋدى ىلگەرىلەتىپ، دۇنيە جۇزىلىك سايىستارعا تىزە قوسا توتەپ بەرۋ كەرەك.

  لي كىچياڭ مەركەلدى مىندەتىنەن بوساعاننان كەيىن جۇڭگوعا ۇنەمى كەلىپ تۇرۋعا شاقىرىپ، جۇڭگو – گەرمانيا، جۇڭگو – ەۆروپا قاتىناسىنىڭ دامۋىنا ۇزدىكسىز كوڭىل ءبولىپ، قولداۋ كورسەتۋىن ءۇمىت ەتتى.

  مەركەل مىنانى ءبىلدىردى: وتكەن 10 نەشە جىلدان بەرى گەرمانيا مەن جۇڭگو تىعىز اۋىس - كۇيىستى جالعاستىرىپ، ءوزارا ءتۇسىنىسۋدى ۇزدىكسىز تەرەڭدەتىپ، ءار سالاداعى سەلبەستىكتى كۇن سايىن كەڭەيتتى. جۇڭگونىڭ دامۋى ومىرشەڭدىك كۇشكە تولى، گەرمانيا جۇڭگومەن ناقتى سەلبەستىكتى ۇزدىكسىز كۇشەيتىپ، حالىقتىق اۋىس - كۇيىستى كەڭەيتۋدى قالايدى. گەرمانيا كاسىپورىندارى جۇڭگودا بازارعا كىرۋگە رۇقسات الۋدىڭ تاماشا، ءادىل شارت - جاعدايىنا يە بولدى. گەرمانيانىڭ جاڭا كەزەكتى ۇكىمەتىنىڭ جۇڭگومەن قاتىناسىنا ۇزدىكسىز ءمان بەرەتىنىنە سەنەمىن. ەكى جاقتىڭ كەلەر جىلى ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋدى وراي ەتىپ، گەرمانيا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنىڭ ونان ارى ىشكەرىلەي دامۋىن ىلگەرىلەتۋىن ءۇمىت ەتەمىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار