حان جىڭ 2 - كەزەكتى «ءبىر بەلدەۋ، ءبىر جول» ەنەرگيا مينيسترلەرىنىڭ ماجىلىسىنە قاتىناستى ءارى ءسوز سويلەدى
2021.10.19 16:49 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 18 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 10 - ايدىڭ 18 - كۇنى بەيجيڭدە بەينە ەكران تاسىلىمەن 2 - كەزەكتى «ءبىر بەلدەۋ، ءبىر جول» ەنەرگيا مينيسترلەرىنىڭ ماجىلىسىنە قاتىناستى ءارى ءسوز سويلەدى.
حان جىڭ بىلاي دەدى: «ءبىر بەلدەۋ، ءبىر جولدى» بىرگە قۇرۋ باستاماسى العا قويىلعان 8 جىلدان بەرى حالىقارالىق قوعامنىڭ جاپپاي قۇپتاۋىنا جانە قىزۋ ىنتامەن ات سالىسۋىنا يە بولىپ، ءار سالاداعى سەلبەستىك جاپپاي ورىستەتىلىپ، سۇبەلى تابىستارعا قول جەتكىزىلدى. ءتوراعا شي جينپيڭ مىنانى دارىپتەپ اتاپ كورسەتكەن بولاتىن: ەنەرگيا سەلبەستىگى − «ءبىر بەلدەۋ، ءبىر جولدى» بىرگە قۇرۋداعى ءتۇيىندى سالا، جۇڭگو ءار ەلمەن «ءبىر بەلدەۋ، ءبىر جولدى» بىرگە قۇرۋ جۇلگەسىندە ەنەرگيا سالاسىنداعى سەلبەستىكتى كۇشەيتىپ، دۇنيە جۇزىلىك ەنەرگيا ىستەرىنىڭ باياندى دامۋىن بىرگە جەبەپ، دۇنيە جۇزىلىك ەنەرگيا حاۋىپسىزدىگىن قورعاۋدى قالايدى. تاياۋ جىلداردان بەرى ءبىز «ءبىر بەلدەۋ، ءبىر جول» ەنەرگيا سەلبەستىك سەرىكتەستىك قاتىناسىن بەلسەنە ورناتىپ، «ءبىر بەلدەۋ، ءبىر جول» ەنەرگيا سەلبەستىگىن ىلگەرىلەتۋدە ءبىرقىدىرۋ ماڭىزدى ىلگەرىلەۋشىلىككە قول جەتكىزدىك.
حان جىڭ بىلاي دەپ اتاپ كورسەتتى: كليمات وزگەرىسى داعدارىسىنا توتەپ بەرۋ جاعدايىندا، ورايدى مىقتى يگەرىپ، ورتاق تانىم ۇيىستىرىپ، «ءبىر بەلدەۋ، ءبىر جول» ەلدەرىنىڭ ەنەرگيامەن قامداۋدى جوعارى ءونىمدى، تازا، كوپ نەگىزدى باعىتقا قاراي دامىتۋىن قول ۇستاسا ىلگەرىلەتىپ، اناعۇرلىم جاسىل، قامتىمدى ەنەرگيا بولاشاعىنا قادام تاستاۋىمىز كەرەك. ول مىناداي ءتورت ءتۇرلى ۇسىنىستى ورتاعا قويدى. ءبىرىنشى، ەنەرگيانىڭ جاسىل، تومەن كومىرتەكتى تيپكە بۇرىلىس جاساۋىن بىرگە ىلگەرىلەتىپ، يادرو ەلەكترى، جاڭا ەنەرگيادان توك شىعارۋ، زەردەلى ەنەرگيا سياقتى سالالارداعى سەلبەستىكتى تەرەڭدەتىپ، جاسىل جىبەك جولىن بىرگە قۇرۋ كەرەك. ەكىنشى، ەنەرگيا تەحنيكاسىندا جاڭالىق جاراتۋدى بىرگە ىلگەرىلەتىپ، ەنەرگيا ۇنەمدەپ، كومىرتەگىن تومەندەتۋ، تۋىندامالى ەنەرگيا، وزىق يادرو ەنەرگياسى سياقتى تازا ەنەرگيا تەحنيكاسىن زەرتتەپ اشۋ، قولدانۋ قىزمەتىن بىرلەسىپ ورىستەتىپ، تەحنيكالىق العاباسارلىق ارقىلى ەنەرگيا بايلىعىن تەجەۋ ماسەلەسىن شەشۋ كەرەك. ءۇشىنشى، ەنەرگيانىڭ باياندى دامۋىن بىرگە ىلگەرىلەتىپ، ەنەرگيا جاعىنداعى قولجەتىمدى سەلبەستىكتى كۇشەيتىپ، وركەندەپ كەلە جاتقان ەلدەردىڭ ەنەرگيامەن قامتاماسىز ەتۋ قابىلەتى مەن دەڭگەيىن جوعارىلاتۋىنا كومەكتەسۋ كەرەك. ءتورتىنشى، ەنەرگيانىڭ قامتىمدى دامۋىن بىرگە ىلگەرىلەتىپ، ءار ەلدىڭ ەنەرگيانى دامىتۋ ستراتەگياسىن دەربەس تاڭداۋ ۇقىعىنا قۇرمەت ەتۋ كەرەك.
2 - كەزەكتى «ءبىر بەلدەۋ، ءبىر جول» ەنەرگيا مينيسترلەرىنىڭ ءماجىلىسىن مەملەكەتتىك ەنەرگيا مەكەمەسى مەن شاندۇڭ ولكەلىك حالىق ۇكىمەتى بىرلەسىپ وتكىزدى، ونىڭ نەگىزگى تاقىرىبى «اناعۇرلىم جاسىل، قامتىمدى ەنەرگيا بولاشاعىنا قول ۇستاسا قادام تاستاۋ» بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
