بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاراسىمدى كورشىلىك سۇيىسپەنشىلىك، باقىتتى ۇلكەن شاڭىراق

انار بۇلت / شينجياڭ گازەتىنىڭ ءتىلشىسى جاڭ حايفىڭ

2021.10.20 15:16     كەلۋ قاينارى : شينجياڭ گازەتى

  قوڭىر كۇزدىڭ جىلى شۋاعى قۇمىل قالاسى يجوۋ رايونى لييۋان ءمالىسى لييۋان الەۋمەتتىك اۋماعىنىڭ مادەنيەت الاڭىنا توگىلىپ تۇر. 9 - ايدىڭ 27 - كۇنى تۇستەن كەيىن لييۋان الەۋمەتتىك اۋماعى ”مەيىر توعىستىرىپ، بەرەكەلى كورشىلىك سۇيىسپەنشىلىكتەن ورتاق يگىلىكتەنەيىك“ اتىنداعى 10 - كەزەكتى بەرەكەلى كورشىلەر مەرەكەسىن وتكىزدى.

  لييۋان الەۋمەتتىك اۋماعى پارتكومىنىڭ شۋجيى ءانيپا امەت تىلشىگە لييۋان الەۋمەتتىك اۋماعىنىڭ 2002 - جىلى 10 - ايدا قۇرىلعاندىعىن، قاراستى اۋماعىنداعى تۇرعىنداردىڭ 2954 وتباسى، 7297 ادام بولىپ، كوپ ۇلتتى ۇلكەن شاڭىراق ەكەندىگىن ايتتى.

  ساحنادا الەۋمەتتىك اۋماق ءبي اترەتىنىڭ ارتيستەرى ۇستىلەرىنە ءساندى ءبي كويلەكتەرىن كيىپ، ويناقى مۋزيكا ىرعاعىنا ىلەسىپ ءبي بيلەۋدە؛ ساحنا الدىندا الەۋمەتتىك اۋماق تۇرعىندارى قاۋمالاي وتىرىپ، ۇيلەرىنەن الا كەلگەن ءدامدى تاعامداردان ءدام تاتىپ، بىردە دوستىق سۇيىسپەنشىلىكتەرىن اقتارىلا اڭگىمەلەسە، بىردە ساحناداعى ارتيستەرگە قىزۋ شاپالاق سوعۋدا؛ ساحنا ماڭىنداعى الاڭقىدا بالالار شاتتانا اسىر سالىپ ءجۇر... تاتۋ - ءتاتتى كورىنىس ءبىر ءۇيلى جاندارداي مەيىرىمگە تولى ەدى.

  76 جاستاعى ياڭ چاڭحۋا مەن 70 جاستاعى ءاجىرام ازەز ءبىر ۇستەلدىڭ ماڭىنا وتىرا قالىپ كەڭەس قۇرۋدا. ولار لييۋان شاعىن اۋماعى 109 - عيماراتىنىڭ 2 - كورپۋسىندا تۇرادى، ءبىر - بىرىنە 20 جىلداي سەرىك بولعان كونەكوز دوستار.

  ياڭ چاڭحۋا 19 جاسىندا قوسىنعا قاتىناسىپ شينجياڭعا كەلگەن، قوسىننان بوساعاننان كەيىن، قۇمىلدا قىزمەت ىستەيدى، زەينەتكە شىققاننان كەيىن، جۇبايىمەن بىرگە لييۋان شاعىن اۋماعىنا كەلىپ قونىستانعان. ”مەنىڭ ءۇيىم 3 - قاباتتا، ءاجىرامنىڭ ءۇيى 1 - قاباتتا. ونىڭ 4 بالاسى تۇگەلدەي جانىندا ەمەس، 10 جىلدىڭ الدىندا ونىڭ كۇيەۋى قايتىس بولعان، ونىڭ دەنساۋلىعى دا تىم شىركىن - اي ەمەس، ۇيىندە بىرەر شارۋا بولا قالسا، مەن ۇنەمى قارايلاسىپ تۇرامىن“، - دەدى 50 جىلدىق پارتيا ستاجىنا يە ياڭ چاڭحۋا.

  ”مەنىڭ ادەتتە ۇيدەن شىعۋىم قولايسىزداۋ، تاڭەرتەڭ ەرلى - زايىپتى لاۋياڭ كوكونىس ساتىپ الۋعا شىققان كەزىندە ماعان دا الا كەلەدى؛ لاۋياڭ تاعى ۇنەمى ماعان كومەكتەسىپ ءدارى - دارمەك ساتىپ اكەلىپ بەرەدى. مەنىڭ ءۇيىم 1 - قاباتتا، لاس سۋ ىعىستىرۋ قۇبىرى بىتەلىپ قالعاندا، لاۋياڭ جان - جاقتان ادام ىزدەپ ارشىتىپ بەرەدى. وسى جىلداردا مەن وعان ەرەكشە العىس ايتامىن“. ءاجىرام سويلەي كەلە كوزىنە ىستىق جاس الدى.

  ياڭ چاڭحۋا دەرەۋ بىلاي دەدى: ”راقىمەت ايتىپ قايتەسىڭ، ۇزاق جىلدىق جاقىن كورشىلەر ءبىر ءۇيلى جانداي بولىپ كەتتىك ەمەس پە“.

  2010 - جىلدىڭ جۇڭچيۋ مەرەكەسىندە ياڭ چاڭحۋا 109 - عيماراتتا تۇراتىن كورشىلەرمەن بىرگە ايدى تاماشالاۋ ۇسىنىسىن ورتاعا قويىپ، دەرەۋ قىزۋ قۇپتاۋعا يە بولادى. كونە كورشىلەر ۇيلەرىندەگى كىشكەنە دوڭگەلەك ۇستەلدەرىن كوتەرىپ شىعىپ، عيماراتتىڭ الدىنا قويادى، كەيبىرەۋى وزگەشە دامدەگى قۋىرماشتار قۋىرسا، كەيبىرەۋى ۇلكەن تاباققا سالىنعان جەمىس - جيدەكتەرىن كوتەرە شىعادى، ءىشىنارالارى جاڭا پىسىرىلعان ساڭزى الا شىعادى... كوپشىلىك بىرگە قورالانا وتىرىپ ءان ايتىپ، ءبي بيلەپ، كورشىلىك سۇيىسپەنشىلىكتەرىن بۇكپەسىز اڭگىمەلەيدى. ”بۇل ءادىس كورشىلەردىڭ ءتىپتى دە ويداعىداي اۋىس - كۇيىس جاساۋىنا مۇمكىندىك جاساپ، كوپشىلىكتىڭ سۇيىسپەنشىلىگىن اناعۇرلىم قويۋلاتتى“. ياڭ چاڭحۋا كەلەسى جىلىندا لييۋان الۋمەتتىك اۋماعىندا بەرەكەلى كورشىلەر مەرەكەسى وتكىزىلگەندىگىن ايتتى.

  بۇگىنگى تاڭدا بەرەكەلى كورشىلەر مەرەكەسىنە قاتىناساتىن تۇرعىندار بارعان سايىن مولايىپ، قيمىلدىڭ كولەمى دە بارعان سايىن كەڭەيدى. ”الەۋمەتتىك اۋماق تۇرعىندارى، مۇنان تىس، تاعى وزدىكتەرىنەن ۇيىمداسىپ ’قارعالداق كوركەمونەر ۇيىرمەسىن‘ قۇردى، ولار ءان - ءبي، حىنان وپەراسى سياقتى نومىرلەردى وزدەرى شىعارىپ، وزدەرى ورىنداپ، ءار جىلى وتكىزىلەتىن بەرەكەلى كورشىلەر مەرەكەسىنە قاتىناسۋعا اسىعاتىن بولدى“، - دەدى ءانيپا.

  الەۋمەتتىك اۋماقتىڭ 56 جاستاعى تۇرعىنى باھارگۇل باھارليتىپ حورعا جاڭا عانا قاتىناسىپ بولىپ، اشەكەيلەرىن دە الىپ ۇلگىرمەستەن ءتىلشىنىڭ سۇحباتىن قىزۋ ىقىلاسپەن قابىلدادى. ”ءبىزدىڭ الەۋمەتتىك اۋماقتىڭ كورشىلەرىنىڭ قارىم - قاتىناسى توتەنشە جاقسى. 2001 - جىلى كۇيەۋىم ەكەۋىمىز دە جۇمىستان بوسادىق، الەۋمەتتىك اۋماقتىڭ كومەگىندە ەسىك الدىنان شاعىن دۇكەن اشتىق. وتباسىمىزدىڭ قيىنشىلىعىن كورگەن الەۋمەتتىك اۋماق دۇكەننىڭ جالعا الۋ اقىسىن دا كەشىرىم ەتتى، كورشىلەر دە مەنىڭ ساۋداما كوپ قارايلاستى. سوڭىنان مەنىڭ 2 بالام ىلگەرىندى - كەيىندى داشۋەگە قابىلداندى، جالعاستى اسپيرانتۋرا وقىدى. مەرەكە - مەيرام سايىن بالالار قايتىپ كەلگەن كەزدە مەن دۇكەندى ءبىر كۇنگە بەكىتەتىنمىن. ەرتەسىندە - اق كوپتەگەن كورشىلەر مەنەن ’ناۋقاستانىپ قالدىڭ با؟‘ دەپ سۇرايتىن، بۇعان مەن توتەنشە تەبىرەنەتىنمىن“، - دەدى باھارگۇل.

  وزىنە ۇزاق جىلدار بويى قول ۇشىن بەرىپ كەلە جاتقان تاتۋ - ءتاتتى كورشىلەرگە العىس ءبىلدىرۋ ءۇشىن، باھارگۇل الەۋمەتتىك اۋماقتىڭ ەرىكتى قىزمەت وتەۋ اترەتىنە قاتىناسىپ، ارناۋلى تۇردە بالا - شاعاسى جانىندا ەمەس قارتتارعا قىزمەت وتەيدى. ”مەرەكە - مەيرامداردا مەن ۇنەمى كورشىلەردىڭ ۇيىنە بارىپ ولارعا ساڭزى سالۋدى، بالكۇلشە پىسىرۋدى ۇيرەتەمىن“، - دەدى باھارگۇل.

  ”ۇزاق جىلدىق تاتۋ - ءتاتتى كورشىلەر ءبىر ءۇيلى جاندارداي. وسى تەكتەس حيكايالار لييۋان الەۋمەتتىك اۋماعىندا جەتىپ اسادى. الەۋمەتتىك اۋماعىمىز قازىر ءبىر باقىتتى ۇلكەن شاڭىراق، اۋەلى، قۇمىل قالاسى ۇلتتار ىنتىماعىنداعى وزات كوللەكتيۆ بولىپ باعالاندى“، - دەدى ءانيپا ماساتتانا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار