ۋي دىيوۋ:
شەكارا لەنياسىنداعى ءتىرى شەكارا بەلگىسى
انار بۇلت / شينجياڭ گازەتىنىڭ ءتىلشىسى ميھىرگۇل عوپۇر
2021.10.20 15:16 كەلۋ قاينارى : شينجياڭ گازەتى
قوڭىر كۇزدەگى شاعانتوعاي اۋدانىنىڭ ساربۇلاق ساحاراسى، شوپتەر سارعايعان. تاڭەرتەڭ ەرتە ساقا پارتيا مۇشەسى ۋي دىيوۋدىڭ ورنىنان تۇرىپ ءبىرىنشى ىستەيتىن ءىسى − ءۇيىنىڭ ەسىك الدىندا بەس جۇلدىزدى قىزىل تۋدى شىعارۋ، مۇنى ول كوپ جىلدار بويى تاباندىلىقپەن جالعاستىرىپ كەلەدى. ”مەيلى قانشا الىسقا بارسام دا، بەس جۇلدىزدى قىزىل تۋدى كورگەندە كوڭىلىم جاي تابادى“، - دەيدى ۋ دىيوۋ.
81 جاستاعى ۋي دىيوۋ شينجياڭ ءوندىرىس - قۇرىلىس بيڭتۋانى 9 - شى 161 - تۋانىنىڭ زەينەتكە شىققان قىزمەتكەرى، شەكارا قورعاۋشى، ”1 - شىلدە وردەنىنىڭ“ يەگەرى. ول شەكارا لەنياسىندا مال باعىپ، شەكارا شارلاپ 57 جىلدى وتكىزدى، شەكارادان ءوتىپ بارا جاتقان مالداردان نەشە 10 مىڭىن قايىرىپ اكەلدى، شەكارا ماڭىنا بارعان 1000نان استام ادامدى ناسيحاتپەن كەرى قايتاردى، شەتەلگە ساياتىن بىردە - ءبىر ءىس تۋىلماعاندىقتان، داڭقتى تۇردە شەكارا لەنياسىنداعى ”ءتىرى شەكارا بەلگىسى“ اتالىپ، ءوزىنىڭ ءىس - ارەكەتى ارقىلى كوممۋنيستەردىڭ اۋەلگى ماقساتى مەن بورىشىن ۇعىندىردى.
1964 - جىلدىڭ باسىندا 24 جاستاعى ۋي دىيوۋ پارتيا ورتالىق كوميتەتىنىڭ ۇندەۋىنە ءۇن قوسىپ، بەيجيڭنەن شينجياڭعا كەلىپ، بيڭتۋان 9 - شىسى 161 - تۋانى بۇرىنعى اسكەري 2 - لياننىڭ ”جاڭا اسكەرىنە“ اينالدى. مەملەكەت قورعانىسى قالتقىسىن بەكەمدەۋ ءۇشىن، بۇرىنعى اسكەري 2 - ليانى ەمىل وزەنىنىڭ جاعاسىنداعى ساربۇلاق ساحاراسىنا ورنالاسادى. ساحارانىڭ ارعى شەتى شەكارا لەنياسى ەدى.
1967 - جىلى ۋي دىيوۋ باس قۇرادى، جازىق جەردەن قازىپ جاساعان جەر كەپە ايەلى ەكەۋىنىڭ وتاۋى بولدى. وسى جەردە ولار پەرزەنتتەرىن باعىپ - قاعىپ، شەكارا قورعانىسىن ساقتادى.
20 - عاسىردىڭ 80 - جىلدارىنىڭ باسىندا ۋي دىيوۋ تۇرعان ليان - دۇي كۇشىنەن قالدىرىلدى، ول ىرىقتىلىقپەن سول ارادا قالىپ شەكارا قورعادى. باياعىدا وزىمەن بىرگە تىڭ يگەرىپ، شەكارا كۇزەتۋگە كەلگەن ساپتاستارى ىلگەرىندى - كەيىندى كەتىپ جاتتى، شەكارا قورعانىسى ساقشى بولىمشەسىندەگى جولداستار دا توپ - توبىمەن اۋىسىپ جاتتى، ال ۋي دىيوۋ بولسا وسى ارادان تاپجىلمادى.
ءار جولى شەكارا شارلاعاندا ۋي دىيوۋ ۇنەمى موينىنا راديوسىن اسىپ الادى، ول حابار - وشار تىڭداعاندى جاقسى كورەدى. ”مەملەكەتىمىزدىڭ بارعان سايىن قۇدىرەتتەنگەندىگىن توتەنشە ماقتانىش ەتەمىن، وتان ءۇشىن شەكارا قورعاۋ وتە ءماندى سەزىلەدى“، - دەيدى ۋي دىيوۋ.
بيڭتۋاننان زەينەتكە شىعاتىن كەزدە ۋي دىيوۋ مەن ايەلىنىڭ ايىنا الاتىن زەينەتاقىسى ەكى كاريانىڭ سوڭعى ومىرلەرىن قامسىز وتكىزۋىنە جەتىپ اساتىن ەدى. وتباسىنداعىلاردىڭ ءبارى ولاردى شاندۇڭداعى تۋعان اۋىلىنا قايتىپ كۇتىمدەلۋگە ءناسيحاتتاعاندا ۋي دىيوۋ قوسىلمايدى. ۋي دىيوۋدىڭ بالالارى شاعانتوعاي اۋدانىنان ءبىر ءۇي ساتىپ الىپ، ەكى كاريانى سوندا تۇرعىزباقشى بولعاندا، ۋي دىيوۋ تاعى دا تويتارىس بەرىپ: ”شەكارانى كۇزەتۋگە ادام بولماسا بولمايدى، مەن دەگەن پارتيا مۇشەسىمىن، ءسوزسىز، وسىندا قالۋىم كەرەك“، - دەيدى.
ۇيلەرى جولدىڭ ەڭ اياعىندا، مال باعا ءجۇرىپ شەكارا شارلايدى. 57 جىل، ورىمدەي جاس داۋرەنىنەن شاشىن كۇمىس قىلاۋ باسقانعا دەيىن ۋي دىيوۋ ءار كۇنى شەكارا لەنياسىن بويلاپ 10 نەشە كيلومەتر ءجۇرىپ قايتىپ، جيىنى 200 مىڭ كيلومەتردەن استام شەكارا شارلاعان، بۇل ەكۆاتوردى 5 اينالىپ شىققانعا تەڭ. ونىڭ شاڭىراعى ”قورعانىستىق اۋىسۋ بولمايتىن ەرلى - زايىپتىلار قاراۋىلحاناسى“ دەپ اتالدى.
بۇگىنگى كۇندە ۋي دىيوۋدىڭ 2 قىزى دا ساحاراعا كەلىپ، اكەلەرىنىڭ شەكارا شارلاۋ ۇتىلامالى تاياقشاسىن وتكىزىپ الدى.
بيىل بيڭتۋان 9 - شىسى پارتكومى قۇرعان ”ۋي دىيوۋ وتانشىلدىق تاربيە بازاسى“ اشىلدى، ەكسكۋرسيالاۋعا، ۇيرەنۋگە كەلگەن توپ - توپ پارتيالى كادرلار وسى ارادا ساقا پارتيا مۇشەسى ايتقان شەكارانى كۇزەتۋ حيكاياسىن تىڭدايدى. ”بۇرىن كۇنىنە تەك 2 بۋنان عانا جەيتىنمىن، كەي كەزدەرى ءتۇن ىشىندە قارنىم اشىپ ۇيىقتاي الماۋشى ەدىم. ءبىراق قىسقا عانا نەشە 10 جىلدا مەملەكەت بايىپ، حالىق قۇدىرەتتەنىپ، بارلىق ادامنىڭ قارنى توق، كيىمى جىلى بولىپ شىعا كەلدى، مۇنىڭ بارىندە پارتياعا العىس ايتۋىمىز كەرەك. ءبىز پارتيانىڭ قامقورلىعىن ماڭگى ەستە بەرىك ساقتاۋىمىز، پارتياعا ماڭگى ىلەسۋىمىز كەرەك“، - دەيدى ۋي دىيوۋ شىن كوڭىلىن اقتارىپ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
