بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

زاڭدى قاتاڭ اتقارۋ دەگەن قاتىپ – سەمىپ قالۋ ەمەس

2021.10.20 16:25     كەلۋ قاينارى : حالىق تورابى

  كۇزگى جيىن – تەرىن مەزگىلىندە دوڭگەلەگى باتپاق بولعان اۆتوموبيلمەن جولعا شىقسا اقشالاي ايىپ سالىنادى؟ تيانجين قالاسى شينكوۋ قالاشىعىنداعى شارۋانىڭ ايتۋىنشا، قالاشىقتاعى زاڭ اتقارۋ اترەتى كۇزگى جيىن – تەرىن مەزگىلىندە، ءسوزسىز، اۆتوموبيلدىڭ دوڭگەلەكتەرىن تازالاپ جۋىپ، جولعا جاپقىش توسەۋدى تالاپ ەتكەن ءارى وعان اقشالاي ايىپ سالعان. جەرگىلىكتى ورىن بۇل ءىس جونىندە جاۋاپ بەرگەندە، زاڭ اتقارۋشىلاردىڭ تەك جونگە سالۋ تۋرالى اۋىزشا بۇيرىق بەرگەنىن، اقشالاي ايىپ سالۋ سىندى اكىمشىلىك جازا قولدانباعانىن، جاپقىش توسەۋدى دە تالاپ ەتپەگەنىن ايتقان. قازىر شينكوۋ قالاشىعى ارناۋلى تەكسەرۋ گرۋپپاسىن قۇرىپ، بۇل ءىستى ىشكەرىلەي تەكسەرۋدە.

  بۇل ءىستىڭ بارىسىنا نازار سالساق، ءىس جۇزىندە ، ونشا كۇردەلى ءىس ەمەس. كۇزگى جيىن – تەرىن مەزگىلىندە اۆتوموبيلمەن جولدى لاستاعاندارعا زاڭ اتقارۋشى قىزمەتكەرلەر زاڭ بويىنشا مىندەتىن اتقارسا، مۇندا تۇرعان ولقىلىق جوق. ماسەلە، زاڭ اتقارۋشىلار تەك جولدىڭ لاستانعانىن عانا كورىپ، نەلىكتەن لاستانعانىن ەسكەرمەگەن. اقپارات قۇرالدارىنىڭ حابارلاۋىنشا، اتالعان شارۋا وتباسى 2000 مۋدان استام جەردى كوتەرمەگە العان، الايدا، قالىڭ جاڭبىردىڭ ىقپالىنا ۇشىراعاندىقتان، جاڭبىر توقتاي سالا استىقتى دەرەۋ جيىپ الۋعا كىرىسكەن. مۇنداي ەرەكشە جاعدايدا ودان جولدى لاستاماۋدى تالاپ ەتۋ ونى قيناعانمەن بىردەي. ءىس جۇزىندە، جولعا جاپقىش توسەگەن قىستاق تۇرعىندارى دا جوق ەمەس، ولاردىڭ ارەكەتىنەن زاڭ اتقارۋشىلارعا دەگەن ىزانىڭ لەبى بىلىنەدى. زاڭ اتقارۋ تاراۋلارى: «جىلى – جىلى سويلەدىك پە، جوق پا، سىپايى اڭگىمەلەستىك پە، جوق پا، جۇرتتى رەنجىتىپ الدىق پا»، — دەپ ويلانىپ كورسە ارتىق ەتپەيدى.

  بۇل ءىس جۋىردا حىبەيدا تۋىلعان سولەكەت ءىستى ەسكە سالادى: قىستاق تۇرعىندارى وزدەرى سۋ بۇركەتىن اسپاپ جاساپ، كومبايىننىڭ ارتىنان ىلەسىپ سۋ شاشىپ وتىرعان. مۇنىڭ سەبەبى سول كەزدە ول جەرگە ەكولوگيالىق ورتانى تەكسەرۋ جۇرگىزىلىپ، ورتانى قورعاۋ قىسىمى وتە زور بولىپ تۇرعان. بۇل ەكى ءىس وتە ۇقساپ كەتەدى، ەكەۋىنىڭ دە ماقساتى ورتانى قورعاۋ بولعانىمەن، ناتيجەدە ورتانى قورعاۋ جەلەۋىمەن شارۋالاردىڭ كوڭىلىنە قاياۋ سالعان. ماسەلە، زايىرى، قايدان شىقتى؟ ءىس جۇزىندە، اۆتوموبيلدەردى جولعا شىعارۋدان بۇرىن جۋىپ تازالاۋ، كومبايىنعا شاڭ – توزاڭ سوراتىن اسپاپ ورناتۋ قاتارلىلار جاقسى ءىس، الايدا، نەگىزگى ساتىداعىلار تەك زاڭ اتقارۋشىلاردىڭ لوگيكاسى بويىنشا عانا ءوز سوزدەرىن ءوزى قايتالاي بەرمەستەن، قايتا شارۋالاردىڭ تۇرعىسىنان ولارعا كومەكتەسىپ، بۇل جاقسى ىستەردى تياناقتاندىرۋعا اناعۇرلىم ءمان بەرۋى كەرەك، ءتىپتى مىندەتتى ورىنداۋ ءۇشىن ساتى سايىن قىسىم تۇسىرەتىندەر بولادى، بۇلاي بولسا شارۋالاردىڭ كوڭىلىنە قاياۋ سالىپ، قايشىلىق پەن قارسىلىق تۋدىرادى.

  اقپارات قۇرالدارىنىڭ حابارلاۋىنشا، ءىشىنارا جەرلەر جوعارىنىڭ تەكسەرۋىنە توتەپ بەرۋ ءۇشىن، شارۋالاردىڭ باعىمشىلىق تورىن بۇزىپ، شارۋالاردىڭ وت جاعاتىن وشاقتارىن جاپتىرعان، وسىنىڭ سالدارىنان جۇرتشىلىقتىڭ كۇنكورىسى قيىنشىلىققا ۇشىراعان ت.ب جاعدايلار بار. مۇنداي ىستەردىڭ كوبى ءىشىنارا جەرلەردىڭ ەكولوگيالىق ورتانىڭ لاستانۋىنا ادەتتە ءمان بەرمەي، قىسىم تۇسكەندە «ءبارىن ءبىر تاياقپەن ايداۋى» سىندى قۇبىلىس بولىپ، بۇل ەكولوگيالىق ورتانى قورعاۋ سالاسىنداعى فورماشىلدىقتىڭ، تورەشىلدىكتىڭ بەينەسى، ءسوزسىز، باتىل قارسى تۇرۋ، قاتاڭ تيىم سالۋ كەرەك. قاتىستى تاراۋلار وزدەرىن اقتاۋمەن ابىگەر بولعانشا، ماسەلەنى تابۋ تانىمىن، ءوزى جايلى ويلانۋ تانىمىن ورناتسا قۇبا – قۇپ. زاڭ اتقارۋشىلاردا باستى ماقسات تانىمى ءالسىز بولۋ، ستيلى قاتاڭ دا شىنايى بولماۋ، قىزمەت ءتاسىلى قارا ءدۇرسىن بولۋ سىندى ماسەلەلەر ءالى دە ساقتالىپ وتىرعان جوق پا؟

  زاڭدى قاتاڭ اتقارۋ دەگەنىمىز زاڭدى قاتىپ – سەمگەن تۇردە اتقارۋ ەمەس. نەگىزگى ساتىداعى زاڭ اتقارۋشىلار قوسىنى ءبىرىنشى شەپتە تۇرادى، مىندەتتەرى اۋىر، ۋاقىتتارى تىعىز، قىسىم زور، زاڭدى قاتاڭ اتقارۋعا تاباندى بولۋى قاتە ەمەس. الايدا، كۇردەلى جاعدايعا ءدوپ كەلگەندە، ماسەلەنى باسقا ءبىر تۇرعىدان ويلانىپ كورۋگە ابدەن بولادى – عوي. شينكوۋ قالاشىعىنىڭ حابارلاندىرۋىندا ايتىلعانداي، ىرىقتىلىقپەن شارا قولدانىپ، قىستاق تۇرعىندارىنا كومەكتەسىپ، كۇزگى جيىن – تەرىن كەزىندە اۆتوموبيلدەر جۇرەتىن جولداردى بەلگىلەسە، قىستاق تۇرعىندارىنىڭ جولداعى لاي – باتپاقتى تازالاپ وتىرۋىنا كومەكتەسسە دەگەندەي. ەگەر دە، زاڭ اتقارۋشىلار ناقتى جاعدايدى ىرىقتىلىقپەن ۇعىسسا، قىستاق تۇرعىندارىنا اۆتوموبيل جۋاتىن جەر ورنالاستىرسا، بۇل قايشىلىقتى ىڭ – جىڭسىز بىتىرۋگە بولار ما ەدى، ءىس ۇلعايىپ كەتكەن سوڭ جاماپ – جاسقاعانداي بولعاننىڭ نە قاجەتى؟ بۇل ءىشىنارا زاڭ اتقارۋشى قىزمەتكەرلەردىڭ حالىقپەن ەتەنە ەمەس ەكەنىن، حالىقتىڭ ۋايىمىن شەشىم ەتىپ، ناقتى ءىس تىندىرۋ جاعىندا ءالى دە قۇلشىنۋىنا تۋرا كەلەتىنىن كورسەتەدى.

  كورىكتى جۇڭگونى قۇرۋدا، كورىكتى قالا قۇرىپ قانا قويماي، كورىكتى اۋىل – قىستاق قۇرۋىمىز كەرەك. بۇگىنگى تاڭدا، ەكولوگيالىق وركەنيەت قۇرىلىسى قارقىندى ورىستەتىلۋدە، الايدا، اۋىل – قىستاقتاعى ەكولوگيانى قورعاۋدىڭ «ەڭ سوڭعى ءبىر كيلومەترىن» تۇتاستىرۋدا تەك كىلەك زاڭ تارماقتارىن كوشىرىپ قولدانۋعا، قىسىم تۇسىرۋگە بولمايدى، قايتا ساياسات ارقىلى جەتەكشىلىك ەتۋگە ءمان بەرىپ، جونگە سالۋ قىزمەتىندە جۇرتشىلىقتىڭ ناقتى قيىنشىلىقتارىن مۇمكىندىكتىڭ بارىنشا شەشىم ەتىپ، حالىق جۇرتشىلىعىنىڭ تۇرمىسىنا ناشار ىقپال جاساۋدان ساقتانۋ كەرەك. زاڭدى قاتىپ – سەمگەن فورمادا اتقارۋدىڭ از بولعانى جاقسى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار