ساۋساقتى عانا قيمىلداتىپ اقشا تاباتىن «راحات» قىزمەت زاڭعا قايشى بولۋى مۇمكىن
چاڭدى قالاسى ۋليڭ رايوندىق حالىق سوتى ازاماتتاردىڭ جەكەلىك ينفورماتسياسىنا قول سۇعۋ دەلوسى جونىندە ۇكىمدى جاريالادى
2021.10.20 16:27 كەلۋ قاينارى : حالىق تورابى
حالىق سوتى گازەتىنىڭ ءتىلشىسى تاۋ چىن، ەرىكتى ءتىلشىسى يىن جيە حابارلايدى. جۋىردا حۋنان ولكەسى چاڭدى قالاسى ۋليڭ رايوندىق حالىق سوتى ازاماتتاردىڭ جەكەلىك ينفورماتسياسىنا قول سۇعۋ دەلوسى جونىندە سوت ۇكىمىن جاريالادى. ايىپكەر چىن X ازاماتتاردىڭ جەكەلىك ينفورماتسياسىنا قول سۇعۋ قىلمىسىن وتكىزگەندىكتەن، 4 جىل 3 ايلىق مەرزىمدى قاماق جازاسىنا ۇكىم ەتىلدى ءارى وعان اقشالاي 120 مىڭ يۋان ايىپ سالىندى. چىن X قوعام حاۋىپسىزدىگى ورگاندارىنا ىرىقتىلىقپەن تاپسىرعان زاڭسىز قول جەتكىزگەن 60 مىڭ يۋان اقشانى جانە ونىڭ قوعام حاۋىپسىزدىگى ورگاندارى زاڭ بويىنشا مۇزداتقان زاڭسىز 15960 مىڭ يۋان تابىسىن زاڭ بويىنشا ءمۇسادىرالادى ءارى ونىڭ زاڭسىز قول جەتكىزگەن 9751 يۋان تابىسىن دا قايتارتىپ، ۇكىمەت قويماسىنا تاپسىردى.
چىن X ورتا مەكتەپتى تاۋىسقان سوڭ، سىرت جەرگە بارىپ جۇمىس ىستەگەن، 2018 – جىلى ينتەرنەتتە قىزمەت ىزدەۋ تاسىلىمەن فيليپپينگە بارىپ كۇنەلتكەن. فيليپپيندە جۇرگەن كەزىندە، چىن X «ۇشاق» دەپ اتالاتىن سويلەسۋ دەتالىمەن تانىسىپ، ونىڭ ىشىندە قولفون ءنومىرىن الىپ – ساتۋمەن شۇعىلداناتىن سويلەسۋ توپتارىنىڭ بار ەكەنىن بايقايدى، تەك ساۋساقتارىن قىبىرلاتىپ، توپتىڭ ىشىندەگى تەلەفون نومىرلەردى رەتتەپ شىقسا بولعانى، اقشاعا ساتۋعا بولاتىنىن، وتە وڭاي ەكەنىن كورەدى. چىن X نىڭ سوت ۇستىندەگى ايتۋىنشا، سول كەزدە ەڭبەكاقىسى وتباسىنىڭ شىعىمىنا جەتپەگەندىكتەن، تەك ينفورماتسيانى الىپ – ساتۋ زاڭسىز ارەكەت قالىپتاستىرمايدى دەپ قاراپ، «ۇشاق» اتتى دەتالدا باسقالاردىڭ تەلەفون ءنومىرىن جيناستىرعان، وعان باسقالاردان ساتىپ العان تەلەفون نومىرلەردى قوسىپ، رەتتەگەن سوڭ، تاعى بىرەۋلەرگە ساتىپ بەرۋ ارقىلى پايدا تاپقان. 2019 – جىلدان بەرى، چىن X باسقالاردان ازاماتتاردىڭ تەلەفون نومىرلەرىنەن 2 ميلليون 760 مىڭنان استامىن زاڭسىز ساتىپ الىپ، ازاماتتاردىڭ تەلەفون نومىرلەرىنەن 40 رەتتە جيىنى ءبىر ميلليون 140 مىڭ تالىن ساتىپ، 85 مىڭ 711 يۋان زاڭسىز پايدا تاپقان.
سوت مەكەمەسى تەرگەۋدەن سوڭ بىلاي دەپ قاراعان: ايىپكەر چىن X ازاماتتاردىڭ جەكەلىك ينفورماتسياسىن زاڭسىز تۇردە جيناعان ءارى باسقالارعا ساتىپ بەرگەن، سيپاتى وتە اۋىر، ونىڭ ارەكەتى ازاماتتاردىڭ جەكەلىك ينفورماتسياسىنا قول سۇعۋ قىلمىسىن قالىپتاستىرعان. چىن X قىلمىس فاكتتەرىن شىنايى بايانداعان، ونىڭ ۇستىنە، ءوز ەركىمەن قىلمىسىن مويىنداپ، جازاعا مويىنسال بولعان، زاڭ بويىنشا جازاسىن جەڭىلدەتۋگە، كەڭشىلىك جاساۋعا بولادى، ءىشىنارا زاڭسىز تابىستارىن ىرىقتىلىقپەن قايتارعان، جازاسىن جەڭىلدەتۋدى ويلاستىرۋعا بولادى، ونىڭ ۇستىنە، دەلو تۇرعىزىلعان سوڭ، وزىمەن بىرگە قىلمىس وتكىزگەندەردىڭ قىلمىس فاكتتەرىن اشكەرەلەگەندىكتەن، جازانى جەڭىلدەتۋگە بولادى، سوندىقتان، سوت جوعارىداعىداي ۇكىم شىعارعان.
سوتشىنىڭ ەسكەرتۋى
ازاماتتاردىڭ جەكەلىك ينفورماتسيالارى ادەتتە اتى – ءجونى، ازاماتتىق كۋالىك ءنومىرى، بايلانىس ءتاسىلى، ءادىرىسى، ەسەپ كارتۋچكاسىنىڭ قۇپيا ءنومىرى، مال – مۇلىك جاعدايى، ءجۇرىس – تۇرىس ىزدەرى قاتارلىلاردى قامتيدى. مەملەكەتتىڭ قاتىستى بەلگىلەمەلەرىنە قايشى تۇردە باسقالارعا ازاماتتاردىڭ جەكەلىك ينفورماتسيالارىن ساتىپ بەرسە نەمەسە ونىمەن قامداسا، سيپاتى اۋىر بولعان جاعدايدا ازاماتتاردىڭ جەكەلىك ينفورماتسياسىنا سۇعاناقتىق جاساۋ قىلمىسىن قالىپتاستىرادى. قاتىستى زاڭ، تۇزىمدەرگە جانە ءادىليالىق تۇسىنىكتەمەلەردەگى بەلگىلەمەلەرگە ساي، ازاماتتاردىڭ جەكەلىك ينفورماتسياسىن ساتۋ ارقىلى زاڭسىز تابىس تابۋدى قىلمىس كۇماندىسىنىڭ ازاماتتاردىڭ جەكەلىك ينفورماتسياسىن ساتىپ كىرىس كىرگىزۋى دەپ قاراۋعا بولادى، ونىڭ بۇل ينفورماتسيالاردى ساتىپ الۋعا جۇمساعان قاراجاتى ەسەپتەلمەيدى. بۇل دەلوداعى چىن X تۇرمىستىڭ قاجەتى سەبەبىنەن وسىلاي ىستەگەن، ونىڭ ۇستىنە، ونىڭ زاڭعا قاتىستى ءبىلىمى جەتەرسىز بولعاندىقتان، زاڭنىڭ الا جىبىنەن اتتاپ، قىلمىس وتكىزۋ جولىنا تۇسكەن. جۇرت كۇندەلىكتى تۇرمستا وزدەرىنىڭ جەكەلىك ينفورماتسياسىن ويداعىداي ساقتاۋى، باسقالاردىڭ جات نيەتپەن قولعا كەلتىرىپ، ونىمەن تابىس تابۋىنان ساقتانۋى كەرەك. ينتەرنەت ارقىلى قىزمەت تاپقان كەزدە دە، قىراعىلىقتى ارتتىرىپ، زاڭسىز ەلەمەنتتەرگە جەم بولىپ قالماۋىمىز قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
