5 ـ توپتاعى مەملەكەتتىك ەكولوگيالىق وركەنيەت قۇرىلىسىنان ۇلگى كورسەتۋ رايوندارى مەن «تۇنىق سۋ، جاسىل تاۋ» امالياتىندا جاڭالىق اشۋ بازالارىنىڭ ەسىمدىگى جاريالاندى
شينجياڭنان 4 جەر تاڭدالدى
2021.10.21 12:49 كەلۋ قاينارى : حالىق تورابى
شينجياڭ گازەتىنىڭ 10 - ايدىڭ 20 - كۇنى ۇرىمجىدەن بەرگەن حابارى. ەكولوگيالىق ورتا مينيسترلىگى 5 ـ توپتاعى مەملەكەتتىك ەكولوگيالىق وركەنيەت قۇرىلىسىنان ۇلگى كورسەتۋ رايوندارىنىڭ جانە 5 ـ توپتاعى «تۇنىق سۋ، جاسىل تاۋ − باعالى بايلىق» امالياتىندا جاڭالىق اشۋ بازاسىنىڭ (تومەندە «تۇنىق سۋ، جاسىل تاۋ» بازاسى دەلىنەدى) ەسىمدىگىن جاريالادى، شينجياڭنان (بيڭتۋاندى قامتيدى) جيىنى 4 جەر تاڭدالدى. مۇنىڭ ىشىندە ىلە قازاق اۆتونوميالى وبلىسىنىڭ نىلقى اۋدانى، التاي ايماعىنىڭ التاي قالاسى مەملەكەتتىك ەكولوگيالىق وركەنيەت قۇرىلىسىنان ۇلگى كورسەتۋ رايونى بولىپ تاڭدالدى، اقسۋ ايماعىنىڭ ونسۋ اۋدانى، شينجياڭ ءوندىرىس ـ قۇرىلىس بيڭتۋانى 3 ـ شىسى تۇمسىق قالاسى 41 ـ تۋان ساۋحۋ قالاشىعى «تۇنىق سۋ، جاسىل تاۋ» بازاسىنا كىردى.
«بۇرىن شينجياڭ قۇرعان <تۇنىق سۋ، جاسىل تاۋ> بازاسى مەن ەكولوگيالىق وركەنيەت قۇرىلىسىنان ۇلگى كورسەتەتىن اۋداندار تۇگەلدەي ىلە قازاق اۆتونوميالى وبلىسى مەن التاي ايماعىنا شوعىرلانعان، بيىل وڭتۇستىك شينجياڭ وڭىرىندە بەلگىلى ناتيجەگە قول جەتكىزدى.» شينجياڭ ۇيعۇر اۆتونوميالى رايوندىق ەكولوگيالىق ورتا مەڭگەرمەسى جاراتىلىستىق بايلىق باسقارماسىنىڭ ورىنباسار باستىعى ۋاڭ يۇڭبين بىلاي دەپ اتاپ كورسەتتى: وڭتۇستىك شينجياڭ ءوڭىرىنىڭ جاراتىلىستىق بايلىق قاسيەتى سالىستىرمالى تۇردە ناشار، ونسۋ اۋدانى ءشول دالا، سورتاڭ جەرلەردى كەڭ كولەمدە جاسىلداندىرىپ، ۇرپاقتان - ۇرپاققا جالعاپ ىستەپ، ۇزدىكسىز جاسىلداندىردى، قۇم تەڭىزى ورمان تەڭىزىنە اينالۋمەن بىرگە، بۇقارانى كىرىسىن ارتتىرىپ، بايۋعا باستاپ، «تۇنىق سۋ، جاسىل تاۋ − باعالى بايلىق» امالياتىنىڭ جاندى مىسالىن قالىپتاستىردى. بۇل بۇكىل شينجياڭدا، اسىرەسە، وڭتۇستىك شينجياڭ وڭىرىندە ەكولوگيالىق وركەنيەت قۇرۋ دەڭگەيىن تۇلعالىق جاقتان جوعارىلاتۋدا ۇلگىلىك جانە جەتەكشىلىك رول اتقارادى.
سوڭعى جىلدارى شينجياڭ ەكولوگيالىق وركەنيەت قۇرىلىسى قىزمەتىنە وسكەلەڭ ءمان بەرىپ، ەكولوگيالىق وركەنيەت قۇرىلىسىنان ۇلگى كورسەتەتىن اۋدان، قالا قۇرۋدى بەلسەنە ورىستەتتى، موڭعۇلكۇرە اۋدانى 2017 ـ جىلى 1 ـ توپتاعى مەملەكەتتىك ەكولوگيالىق وركەنيەت قۇرىلىسىنداعى ۇلگىلى اۋدان قالا بولىپ باعالاندى. وسىدان كەيىن وعان توعىزتاراۋ اۋدانى، بۋىرشىن اۋدانى، تەكەس اۋدانى، قابا اۋدانى قوسىلدى. 2020 - جىلى ىلە وبلىسىنىڭ قورعاس اۋدانى، بيڭتۋان 9 - شىسىنىڭ 161 - تۋانى تۇڭعىش رەت «تۇنىق سۋ، جاسىل تاۋ − باعالى بايلىق» امالياتىندا جاڭالىق اشۋ بازاسىنا تاڭدالىپ، بۇكىل ەلدەگى «تۇنىق سۋ، جاسىل تاۋ» امالياتىندا جاڭالىق اشۋ بازاسىنان وزىندىك ورىن الدى. بيىل تاعى دا 4 جەر تاڭدالىپ، شينجياڭنىڭ ەكونوميكالىق، قوعامدىق دامۋىن جاپپاي جاسىل تيپكە وزگەرتۋدى ىلگەرىلەتۋگە تاعى دا تىڭ ۇلگى قوستى. بۇكىل شينجياڭ كولەمىندە ءتۇيىن مەن اۋماقتى ۇشتاستىرعان، كوپ ساتىلى ىلگەرىلەگەن ەكولوگيالىق قۇرىلىس جۇيەسى العاشقى ادىمدا قالىپتاسىپ، ەكولوگيالىق وركەنيەت قۇرىلىسى مەن «تۇنىق سۋ، جاسىل تاۋ − باعالى بايلىق» امالياتىنىڭ جاندى مىسالدارى مەن ۇلگىلەرى قالىپتاستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
