بۇكىل ەلىمىزدەگى اۋىل – قىستاقتاردا ورمان قورعاۋشىلاردىڭ سانى ءبىر ميلليون جەتى ءجۇز مىڭنان استى
الدا «ورمانباسى + ورمان قورعاۋشى» ءبىر تۇلعالاندىرىلعان قىزمەت جۇيەسى قالىپتاستىرىلادى
2021.10.21 15:21 كەلۋ قاينارى : حالىق تورابى
حالىق گازەتىنىڭ ءتىلشىسى چاڭ چين 10 – ايدىڭ 20 – كۇنى بەيجيڭنەن حابارلايدى. جۋىردا ءتىلشىنىڭ مەملەكەتتىك ورمان شارۋاشىلىعى جانە جايىلىم مەكەمەسىنەن ۇعىسۋىنشا، قازىر بۇكىل ەلىمىز بويىنشا ورمان قورعاۋشىلاردىڭ سانى ءبىر ميلليون 700 مىڭ ادامنان اسادى ەكەن.
نەگىزگى ساتىداعى ورمان شارۋاشىلىعى جانە جايىلىم بايلىعىن باسقارۋ مەن قورعاۋدى اناعۇرلىم كۇشەيتۋ، مەملەكەت بويىنشا اۋىل – قىستاقتاعى ورمان قورعاۋشىلار قوسىنىن كۇشەيتۋ ءۇشىن، مەملەكەتتىك ورمان شارۋاشىلىعى جانە جايىلىم مەكەمەسى «اۋىل – قىستاقتاعى ورمان (جايىلىم) قورعاۋشىلاردى باسقارۋ ءادىسىن» ورتاعا قويدى، بۇل ءادىس 10 – ايدىڭ 1 – كۇنىنەن باستاپ رەسمي اتقارىلدى. اۋىل – قىستاقتاعى ورمان قورعاۋشىلاردى باسقارۋدى جۇيەگە ءتۇسىرۋ ارقىلى ەكولوگيالىق ورتا قۇرىلىسىنىڭ نەگىزگى ساتىداعى نەگىزى بەكەمدەلەدى ءارى كۇشەيتىلەدى.
«ءادىس» 6 تاراۋ 30 تارماقتان قۇرالعان، قولدانىلاتىن كولەمىن ايقىنداۋ، تاڭداپ تاعايىنداۋ ءتۇزىمىن ورناتۋ جانە كەمەلدەندىرۋ، اۋىل – قىستاقتاعى ورمان قورعاۋشىلاردىڭ مىندەتىن، ۇقىعىن، ەڭبەكاقىسىن جانە قانداي قىزمەتتىك قامتاماسىزداندىرۋدان يگىلىكتەنەتىنىن ايقىنداۋ، باسقارۋ مىندەتى مەن جاۋاپكەرشىلىگىن تۇراقتاندىرۋ، قازىرگى ساياساتپەن ۇشتاستىرۋ قاتارلى 5 ءتۇرلى مازمۇن قامتىلعان. «ادىستە» مىنالار اتاپ كورسەتىلگەن: اۋىل – قىستاقتاعى ورمان قورعاۋشىلاردىڭ ەڭبەكاقىسى ورتالىق پەن جەرگىلىكتى ورىنداعى قاتىستى قاراجاتتار مەن اۋىل – قىستاقتىڭ وزىندە بار قاراجاتتاردان قۇرام تابادى ءارى ءارقايسى ءوز جولىمەن تاراتىلادى. اۋىل – قىستاقتاعى ورمان قورعاۋشىلاردىڭ ەڭبەكاقىسىنىڭ ولشەمىن جەر – جەر سول جەردىڭ ەكونوميكاسى مەن قوعامىنىڭ دامۋ جاعدايىنا قاراي وتىرىپ، ءبىرتۇتاس جوسپارلاپ تۇراقتاندىرادى ءارى باسقارۋ – قورعاۋ ەڭبەك توقتامىندا ايقىن جازىلادى. ەڭبەكاقى ولشەمى ءبىرشاما ورنىقتى بولۋى كەرەك، پرينسيپتىك جاقتان، قالاعانىنشا ازايتۋعا بولمايدى.
كەلەسى قادامدا، مەملەكەتتىك ورمان شارۋاشىلىعى جانە جايىلىم مەكەمەسى ورمانباسى تۇزىمىنە رەفورما جۇرگىزۋ ورايىن مىقتى يگەرىپ، «ورمانباسى + ورمان قورعاۋشى» ءبىرتۇلعالاندىرىلعان قىزمەت جۇيەسىن ورناتىپ، ولشەمدەندىرىلگەن، جۇيەگە تۇسىرىلگەن ورمان قورعاۋشىلار قوسىنىن قالىپتاستىرادى. ۇگىت جۇرگىزۋ جانە كۋرسقا قاتىناستىرۋ قىزمەتىن كۇشەيتىپ، اۋىل – قىستاقتاعى ورمان قورعاۋشىلارعا ارناۋلى كۋرس ۇيىمداستىرىپ، جەر – جەردىڭ جاقسى تاجىريبەلەرى مەن جاقسى ادىستەرىن بەلسەندى جالپىلاستىرىپ، ۇلگى كورسەتۋ جانە جەتەكشىلىك ەتۋ قىزمەتىن ويداعىداي ورىستەتەدى؛ ءتۇزىم جاعىنان قامتاماسىزداندىرۋدى كەمەلدەندىرىپ، اۋىل – قىستاقتاعى ورمان قورعاۋشىلاردى باسقارۋ جۇيەسىن ورناتادى ءارى كەمەلدەندىرەدى؛ باقىلاۋ جانە باعالاۋ ءتۇزىمىن قالىپتاستىرىپ، پارىقتى، عىلىمي باعالاۋ جۇيەسىن اتقارادى؛ وسىزاماندانعان ينفورماتسيا تەحنيكاسىن پايدالانۋدى جەدەلدەتىپ، شارلاۋ مەن قورعاۋدى ينتەرنەتتەندىرىپ باسقارۋ جانە اۋىل – قىستاقتاعى ورمان قورعاۋشىلاردى باسقارۋعا ىلەسپەلى تۇردە باقىلاۋ – مەڭگەرۋ ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
