بۇكىل ەلدىڭ ساپالى دامۋىنا جەتەكشىلىك ەتەتىن ماڭىزدى ارتۋ ۇيەگى مەن جاڭا قوزعاۋشى كۇش قاينارىن قالىپتاستىرايىق
2021.10.21 16:55 كەلۋ قاينارى : حالىق تورابى
10 - ايدىڭ 20 - كۇنى «چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى جوبا باعدارلاماسى» اشىق جاريالاندى، بۇل − قازىرگى جانە بۇدان بىلايعى ءبىر مەزگىلدەگى چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىنا جەتەكشىلىك ەتۋدەگى باعدارلامالىق قۇجات، قاتىستى جوبالار مەن ساياساتتاردى بەلگىلەۋدىڭ ماڭىزدى نەگىزى.
پارتيا ورتالىق كوميتەتى چىڭدۋ - چۇڭچيڭ ءوڭىرىنىڭ دامۋىنا باسا ءمان بەرىپ كەلەدى. 2020 - جىلى 1 - ايدا باس شۋجي شي جينپيڭ ورتالىق قازىنا - ەكونوميكا كوميتەتىنىڭ 6 - رەتكى ءماجىلىسىن باسقارىپ اشىپ، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتىپ، باتىس بولەكتە ساپالى دامۋدىڭ ماڭىزدى ارتۋ ۇيەگىن قالىپتاستىرۋدى دارىپتەدى. 2020 - جىلى 10 - ايدا باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشتى، ءماجىلىس «چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى جوبا باعدارلاماسىن» قاراپ، مىنانى دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، چۇڭچيڭ، چىڭدۋ سىندى ەكى ورتالىق قالانىڭ سايكەسىپ باستاماشىلىق ەتۋىن كورنەكتىلەندىرىپ، وڭىرلىك ابزالدىق پەن ەرەكشەلىكتى ايگىلەۋگە ءمان بەرىپ، چىڭدۋ، چۇڭچيڭ ءوڭىرىنىڭ بۇكىل ەلدە ىقپالى بار ماڭىزدى ەكونوميكالىق ورتالىققا، عىلىم - تەحنيكادا جاڭالىق اشۋ ورتالىعىنا، رەفورما جاساۋ، ەسىك اشۋدىڭ جاڭا بيىگىنە، ورەلى تۇرمىستىڭ جايلى قونىسىنا اينالۋىنا مۇمكىندىك جاساپ، بۇكىل ەلدىڭ ساپالى دامۋىنا باستاماشىلىق ەتەتىن ماڭىزدى ارتۋ ۇيەگى مەن جاڭا قوزعاۋشى كۇش قاينارىن قالىپتاستىرۋ كەرەك. «جوبا باعدارلاماسىنىڭ» رەسمي جاريالانۋى چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىنىڭ ساپالى دامۋدى جەدەل ىلگەرىلەتۋدىڭ جاڭا جورىعىنا قادام تاستاعانىنان دەرەك بەرەدى.
چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى «ءبىر بەلدەۋ، ءبىر جول» مەن چاڭجياڭ ەكونوميكالىق بەلدەۋىنىڭ تۇيىلىسكەن جەرىنە ورنالاسقان، باتىس بولەك قۇرلىق - تەڭىز جاڭا ارناسىنىڭ باستالۋ ءتۇيىنى، باتىس وڭتۇستىك پەن باتىس سولتۇستىكتى تۇتاستىراتىن، شىعىس ازيانى شىعىس وڭتۇستىك ازيامەن، وڭتۇستىك ازيامەن بايلانىستىراتىن وزگەشە ابزالدىققا يە. وڭىرلىك ەكولوگيالىق قاسيەتى تاماشا، ەنەرگيا، كەن ونىمدەرى مول، قالا - قالاشىق تىعىز، كورىنىسى الۋان ءتۇرلى، ەلىمىزدىڭ باتىس بولەگىندەگى حالىق سانى ەڭ تىعىز، كاسىپ نەگىزى ەڭ مىعىم، جاڭالىق جاراتۋ قۋاتى ەڭ كۇشتى، بازار كەڭىستىگى ەڭ كەڭ، ەسىك اشۋ دارەجەسى ەڭ جوعارى ءوڭىر سانالىپ، مەملەكەتتىڭ دامۋ جالپى جاعدايىندا ەرەكشە ءارى ماڭىزدى ستراتەگيالىق ورىنعا يە. ەلىمىزدىڭ دامۋىندا ەل ءىشى جانە حالىقارا ورتاسىندا تەرەڭ دە كۇردەلى وزگەرىس بولعان جاعدايدا، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ ەلىمىز ەكونوميكاسىنىڭ ساپالى دامۋىنىڭ وبيەكتيۆ تالابىنا ۇيلەسەدى، جاڭا جاعدايدا وڭىرلەردىڭ سايكەستى دامۋىن ىلگەرىلەتىپ، ابزالدىقتارىمەن ءبىرىن - ءبىرى تولىقتايتىن، ساپالى داميتىن وڭىرلىك ەكونوميكالىق جاعدايدى قالىپتاستىرۋداعى كەلەلى ستراتەگيالىق تىرەك، سونداي - اق ەل ىشىندەگى ءىرى اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن – ءبىرى جەبەيتىن جاڭا دامۋ جاعدايىن قالىپتاستىرۋداعى ماڭىزدى شارا سانالادى، باتىس بولەكتە ساپالى دامۋدىڭ ماڭىزدى ارتۋ ۇيەگىن قالىپتاستىرۋعا ءتيىمدى، حالىق سانى مەن ەكونوميكانىڭ كوتەرىمدىلىك قۋاتىن ارتتىرادى؛ ىشكى قۇرلىقتاعى ەسىك اشۋ ستراتەگيالىق بيىگىن جانە حالىقارالىق باسەكەگە قاتىناساتىن جاڭا بازا قۇرۋعا ءتيىمدى، قۇرلىق پەن تەڭىز، ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن سىرتقا ەسىك اشۋدىڭ جاڭا جاعدايىن قالىپتاستىرۋعا دەم بەرەدى؛ ەكولوگيالىق فۋنكتسيالىق رايون حالىق سانىن قالاعا قاراي شوعىرلاندىرۋعا ءتيىمدى، باتىس بولەكتە ابزال وڭىرلەر ءتۇيىندى دامىعان، ەكولوگيالىق فۋنكتسيا رايونى ءتۇيىندى قورعالاتىن جاڭا جاعداي قالىپتاستىرىپ، چاڭجياڭ وزەنىنىڭ جوعارعى اعارى مەن باتىس بولەك رايوندارىنىڭ ەكولوگيالىق ورتاسىن قورعاۋعا، كەڭىستىكتى جونگە سالۋ جانە قورعاۋ قابىلەتىن كۇشەيتۋگە مۇمكىندىك جاراتادى.
«قوس قالا ەستەلىگىن» اسقاقتاتا شىرقاپ، ەكونوميكا شەڭبەرىن بىرگە قۇرىپ، وڭىرلىك سەلبەستىكتىڭ جوعارى دەڭگەيلى ۇلگىسىن كۇش بىرىكتىرە سومداۋ ءۇشىن، «جوبا باعدارلاماسىندا» چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرىنىڭ ستراتەگيالىق ورنى ايقىندالدى، 2025 - جىلعا دەيىنگى دامۋ نىساناسى مەن 2035 - جىلعا دەيىنگى ۇزاق بولاشاقتىق نىسانا بەلگىلەندى، قوس قالا ەكونوميكالىق شەڭبەرىن دامىتۋدىڭ جاڭا جاعدايىن قالىپتاستىرۋ، وسى زامانعى نەگىزدىك قۇرىلعى تورابىن كۇش بىرىكتىرە قۇرۋ، وسى زامانعى كاسىپ جۇيەسىن سەلبەسىپ قۇرۋ، بۇكىل ەل بويىنشا ىقپالدى عىلىم - تەحنيكادا جاڭالىق اشۋ ورتالىعىن بىرگە قۇرۋ سياقتى كوپتەگەن ءتۇيىندى مىندەت العا قويىلدى. باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، ءبىر تۇتاس جۇيە يدەياسى مەن ءبىر تۇلعالانعان دامۋ ۇستانىمىن مىقتاپ ورناتىپ، «قوس وزەكتى ءوڭىر باستاماشىلىق ەتۋ، وڭىرلەر سايكەسىپ قيمىلداۋ»، «رەفورما جاساپ، ەسىك اشۋ، جاڭالىق اشۋ ارقىلى دەم بەرۋ»، «ەكولوگيانى الدىمەن ەسكەرۋ، جاسىل دامۋ»، «تەڭ يگىلىكتەنۋ، سيىسىمدى بولۋ، حالىق تۇرمىسىن جاقسارتۋ»، «ءبىر تۇتاس جوسپارلاپ سايكەستىرۋ، سەلبەسىپ بىرگە قۇرۋ» پرينسيبىندە تاباندى بولىپ، رەفورما جاساپ، ەسىك اشۋدىڭ جاڭا قوزعاۋشى كۇشىن جەدەل قالىپتاستىرىپ، جاڭالىق اشا دامۋدىڭ جاڭا جاعدايىن جەدەل سومداپ، تەڭىز جاعالاۋىنداعى رايوندارمەن سەلبەسىپ، ىقپالداستىق جاساۋدىڭ جاڭا جاعدايىن جەدەل قالىپتاستىرىپ، حالىقارالىق سەلبەستىككە قاتىناسۋدىڭ جاڭا كەڭىستىگىن كەڭەيتۋدى تەزدەتىپ، ءبىر تۇتاس جوسپارلاپ، ءبىر تۇتاس ورنالاستىرىپ، ءوزارا سەلبەسىپ، بىرگە اتقارىپ، چىڭدۋ - چۇڭچيڭ ءوڭىرىنىڭ قۋاتتى، ەرەكشەلىككە يە قوس قالا ەكونوميكالىق شەڭبەرىن قالىپتاستىرۋىن جەبەۋ كەرەك.
چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋدىڭ ماڭىزى زور، بولاشاعى نۇرلى. وسكەلەڭ ساياسي جاۋاپكەرلىك سەزىممەن جانە تاريحي بورىشتىلىق سەزىممەن «جوبا باعدارلاماسىنداعى» ورنالاستىرۋلاردى ىشكەرىلەي دايەكتىلەندىرىپ، تياناقتاندىرىپ، ءورىس اشا ىلگەرىلەپ، قايراتتانا ۇمتىلىپ، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن پارمەندى، ءتارتىپتى، ءونىمدى ىلگەرىلەتۋ نىساناسى مەن مىندەتتەرىن ءساتتى جۇزەگە اسىرعاندا، چىڭدۋ - چۇڭچيڭ ءوڭىرىنىڭ جاڭا داۋىردەگى باتىس بولەكتى قاۋىرت اشۋدى ىلگەرىلەتۋ بارىسىنداعى تىرەكتىك رولىن، ءسوز جوق، ساۋلەلەندىرىپ، «ءبىر بەلدەۋ، ءبىر جولدى» بىرگە قۇرۋ بارىسىنداعى جەتەكتەۋ رولىن ساۋلەلەندىرىپ، چاڭجياڭ ەكونوميكالىق بەلدەۋىنىڭ جاسىل دامۋىن ىلگەرىلەتۋ بارىسىندا ۇلگىلىك رول اتقارۋىنا مۇمكىندىك جاساۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
