بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2021.10.21 16:58     كەلۋ قاينارى : حالىق تورابى

  كۇزگى جيىن - تەرىن جانە كۇزگى، قىسقى ەكپەشىلىك قىزمەتىن ويداعىداي ىستەپ، استىق حاۋىپسىزدىگى مەن زات باعاسىنىڭ ورنىقتىلىعىن قامتاماسىزداندىرۋعا پارمەندى تىرەك ازىرلەۋ جونىندە ورنالاستىرۋ جاسادى؛ حالىق تۇرمىسىنا پايدالانىلاتىن ەنەرگيامەن قامداۋ جاعدايى جونىندەگى مالىمەتتى تىڭداپ، حالىق بۇقاراسىنىڭ قىستان امان - ەسەن، قىسىلماي وتۋىنە كەپىلدىك ەتۋدى تالاپ ەتتى؛ ورتا، شاعىن، ۇساق كاسىپورىنداردىڭ قيىنشىلىعىن شەشۋ جونىندەگى ساياساتتىق قولداۋ تەبىنىن ونان ارى كۇشەيتۋدى تالاپ ەتتى

  شينحۋا اگەنتتىگى، 10 - ايدىڭ 20 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 10 - ايدىڭ 20 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، كۇزگى جيىن - تەرىن جانە كۇزگى، قىسقى ەكپەشىلىك قىزمەتىن ويداعىداي ىستەپ، استىق حاۋىپسىزدىگى مەن زات باعاسىنىڭ ورنىقتىلىعىن قامتاماسىزداندىرۋعا پارمەندى تىرەك ازىرلەۋ جونىندە ورنالاستىرۋ جاسادى؛ حالىق تۇرمىسىنا پايدالانىلاتىن ەنەرگيامەن قامداۋ جاعدايى جونىندەگى مالىمەتتى تىڭداپ، حالىق بۇقاراسىنىڭ قىستان امان - ەسەن، قىسىلماي وتۋىنە كەپىلدىك ەتۋدى تالاپ ەتتى؛ ورتا، شاعىن، ۇساق كاسىپورىنداردىڭ قيىنشىلىعىن شەشۋ جونىندەگى ساياساتتىق قولداۋ تەبىنىن ونان ارى كۇشەيتۋدى تالاپ ەتتى.

  ءماجىلىس بىلاي دەپ اتاپ كورسەتتى: بيىل كۇزگى استىقتان مول ءونىم الىناتىنى تۇراقتاندى. استىق باعاسى − بارشا باعانىڭ نەگىزى، ەلىمىز تۇرعىندارىنىڭ تۇتىنۋ باعا كورسەتكىشىندەگى ازىق - تۇلىك باعاسىنىڭ سالىستىرماسى جوعارى، استىقتان مول ءونىم الۋ زات باعاسىن ورنىقتىرۋعا، اقشانىڭ قۇنسىزدانۋىنان ساقتانۋعا بەرىك نەگىز قالايدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ مەزگىلدە سولتۇستىكتە جاۋىن - شاشىننىڭ كۇزگى جيىن - تەرىن مەن كۇزگى ەگىس جۇمىسىنا ءتيىمسىز ىقپال جاساۋى، اۋىل شارۋاشىلىق ءوندىرىس قۇرال - جابدىقتارىنىڭ باعاسى جوعارى بولۋ سياقتى سىن - سايىسقا بەلسەنە توتەپ بەرىپ، كۇزگى استىقتان مول ءونىم الۋعا كەپىلدىك ەتىپ، كۇزگى، قىسقى ەگىس كولەمىنىڭ نەگىزىنەن ورنىقتى بولۋىنا كۇش سالىپ، كەلەر جىلى جازعى استىقتان مول ءونىم الۋعا كەپىلدىك ەتۋ كەرەك. ءبىرىنشى، استىق وندىرەتىن نەگىزگى رايوندار كۇزگى استىقتى جابال جيىپ الۋعا جەدەل ۇيىمداستىرىپ، استىقتى كەپتىرۋ، جيناۋ، ساقتاۋ جۇمىسىن ويداعىداي ىستەۋى كەرەك. ەكىنشى، كۇزگى، قىسقى ەكپەشىلىكتى ويداعىداي يگەرۋ كەرەك. سۋ جينالعان اتىزداردا سۋ ىعىستىرۋدى تەزدەتۋ كەرەك. اپات سەبەبىنەن تۇقىم ءسىڭىرۋ كەشەۋىلدەگەن جاعدايدا ەرتە پىساتىن سورتتاردى تاڭداۋ، تۇقىم ءسىڭىرۋ مولشەرىن لايىقتى ارتتىرۋ، نەگىزدىك تىڭايتقىشتى عىلمي تۇردە ارتتىرۋ ارقىلى جاي ەگۋ ىقپالىن مۇمكىندىكتىڭ بارىنشا تومەندەتۋ كەرەك. ۋاقىت، جەر جانە مايسا جاعدايىنا قاراي قىس الدىنداعى اتىز باسقارۋ جانە دەرت - دەربەزدەن، زياندى جاندىكتەردەن ساقتانۋ شارالارىن تياناقتاندىرۋ كەرەك. ءۇشىنشى، اۋىل شارۋاشىلىق ماتەريالدارىمەن قامداۋدى قامتاماسىزداندىرىپ، اۋىل شارۋاشىلىق ءوندىرىس قۇرال - جابدىقتارىنىڭ باعاسىن ورنىقتىرۋ كەرەك. تۇقىممەن قامداۋدى جانە ساپانى باقىلاۋ - باسقارۋدى كۇشەيتۋ كەرەك. شيكىزات پەن ەنەرگياعا كەپىلدىك ەتىپ، اۋىل شارۋاشىلىق ءوندىرىس قۇرال - جابدىقتارى كاسىپورىندارىنىڭ ءوندىرىستى كەڭەيتۋىن جەبەپ، يمپورت - ەكسپورتتى رەتتەۋ - مەڭگەرۋدى كۇشەيتىپ، حيميالىق تىڭايتقىشپەن، ەگىس دارىلەرىمەن قامداۋدى ارتتىرۋ كەرەك. ءتورتىنشى، ساياساتتىق قولداۋدى كۇشەيتۋ كەرەك. ەگىس اتىزدارىندا سۋ ىعىستىرۋ، استىقتى كەپتىرۋ سياقتى جۇمىستاردا ەلەكترمەن، ديزەلمەن قامداۋدى قامتاماسىزداندىرۋ كەرەك. اۋىل شارۋاشىلىق تاراۋلارى قازىرگى قارجىلاردان ءبىر تۇتاس ويداعىداي پايدالانىپ، جەرگىلىكتى ورىنداردىڭ كۇزگى جيىن - تەرىنى مەن كۇزگى، قىسقى ەكپەشىلىك ىستەرىن قولداۋى كەرەك. اپاتقا ۇشىراعان رايوندارعا قاراتا ورتالىق قازىنادان تاعى دا لايىقتى قارجى ورنالاستىرىپ، اۋىل شارۋاشىلىق ءوندىرىسىن اپاتتان قۇتقارۋعا جۇمساۋ كەرەك. قازىنا تاراۋلارى كەلەر جىلعى قاتىستى اۋدارىپ تولەۋ قارجىسى مەن اۋىل شارۋاشىلىق ماشينالارىن ساتىپ الۋعا بەرىلەتىن قوسىمشا قاراجات سياقتىلاردى الدىن الا ءتۇسىرىپ، جەرگىلىكتى ورىنداردىڭ كەش ەگۋ جانە كەپتىرۋ ماشيناسىن ساتىپ الۋ سياقتى ءوندىرىس جۇمىستارىن ورىستەتۋىنە قولداۋ كورسەتىپ، كەپتىرۋ جۇمىسىنا لايىقتى قوسىمشا قاراجات بەرۋى كەرەك.

  ءماجىلىس مىنالاردى اتاپ كورسەتتى: حالىق بۇقاراسىنىڭ، اسىرەسە، اپاتقا ۇشىراعان بۇقارانىڭ قىستان حاۋىپسىز، قىسىلماي وتۋىنە شىنايى كەپىلدىك ەتۋ − پارتيا ورتالىق كوميتەتىنىڭ، مەملەكەتتىك كەڭەستىڭ ايقىن تالابى. مەجەگە قاراعاندا، بيىل قىستا سولتۇستىك سياقتى رايونداردىڭ اۋا تەمپەراتۋراسى بۇرىنعى جىلداردىڭ ۇقساس مەزگىلىندەگىدەن تومەن بولادى ەكەن، ءتىپتى اۋا رايىنان اپات تۋىلۋى دا مۇمكىن. ءماجىلىس مىنانى ۇيعاردى: ارتۋدى ورنىقتىرۋدى، قۇرىلىمدى رەتتەۋدى، حالىق تۇرمىسىنا كەپىلدىك ەتۋدى ءبىر تۇتاس جوسپارلاپ، بۇقارا مەن بازار تۇلعالارىنىڭ اڭىسى كۇشتى بولعان كورنەكتى ماسەلەلەردى ءتۇيىندى تۇردە شەشۋ كەرەك. ءبىرىنشى، قىس ماۋسىمىندا سولتۇستىك رايونداردىڭ، اسىرەسە، شىعىس سولتۇستىكتىڭ جىلۋمەن قامداۋىنا كەپىلدىك ەتۋ كەرەك. جىلۋمەن قامداۋعا ىستەتىلەتىن كومىر ءوندىرىسى مەن تاسىمالىن بار كۇشپەن قامتاماسىز ەتۋ كەرەك. كومىر بازارىندا باعانى جوعارىلاتۋعا زاڭ بويىنشا سوققى بەرۋ كەرەك. ەكىنشى، سولتۇستىكتەگى ءتۇيىندى رايونداردىڭ جىلۋمەن قامدالۋىنا كەپىلدىك ەتۋ كەرەك. گازبەن قامدايتىن كاسىپورىنداردى بايلىقپەن قامداۋدى مۇمكىندىكتىڭ بارىنشا ارتتىرۋعا ۇيىمداستىرىپ، گاز بايلىعىن ءبىر تۇتاس سايكەستىرىپ، «وڭتۇستىكتىڭ گازىن سولتۇستىككە جەتكىزۋ» ءىسىن ىڭعايلى ۋاقىتتا ۇيىمداستىرىپ، قالىپتاسقان گاز مولشەرىنەن ويداعىداي پايدالانىپ، قاۋىرت مەزگىلدەگى قامداۋدى قامتاماسىز ەتۋ كەرەك. كومىر مەن ەلەكتردىڭ قايسىسى قولايلى بولسا، سونى پايدالانۋ پرينسيبىندە تاباندى بولىپ، شىندىقتى ءىس جۇزىنەن ىزدەپ، بۇقارانىڭ جىلۋمەن قامدالۋىن جەرگىلىكتى جاعدايعا قاراي قامتاماسىز ەتۋ كەرەك. ءۇشىنشى، كومىر، ەلەكتر، مۇناي، تابيعي گاز تاسىمالىن قامتاماسىز ەتۋ مەحانيزمىنىڭ رولىن تولىق ساۋلەلەندىرىپ، كۇندىك ورنالاستىرۋدى، اپتالىق تەپە - تەڭدىكتى ويداعىداي ىستەۋ كەرەك. جەرگىلىكتى ورىنداردىڭ جاۋاپكەرلىگىن ناقتىلاندىرىپ، جەرگىلىكتى ورىنداردى گازبەن قامدايتىن، جىلۋمەن قامدايتىن كاسىپورىندارعا ۇيلەسىمدى قولداۋ كورسەتۋگە شابىتتاندىرىپ، حالىقتىڭ گاز ىستەتۋ جانە جىلۋمەن قامداۋ باعاسىنىڭ نەگىزىنەن ورنىقتى بولۋىنا كەپىلدىك ەتۋ كەرەك. ەلەكتردەن تارتىپپەن پايدالانۋدى عىلمي اتقارىپ، «باسقا تۇرلەرگە شەكتەۋ قويىپ، حالىق تۇرمىسىنا كەپىلدىك ەتۋ» جوباسىن ويداعىداي جاساپ، قالانىڭ كەشكى كورىنىس جاعىنداعى جارىقتاندىرۋىن ۇيلەسىمدى تىزگىندەۋ كەرەك. تۇتاس قوعامنىڭ ەلەكتر ەنەرگياسىن ۇنەمدەپ پايدالانۋعا دەن قويۋىن ىلگەرىلەتۋ كەرەك.

  ءماجىلىس بىلاي دەپ اتاپ كورسەتتى: ورتا، شاعىن، ۇساق كاسىپورىندار سياقتى بازار تۇلعالارىنا كەپىلدىك ەتكەندىك جۇمىستانۋعا كەپىلدىك ەتكەندىك سانالادى، سونداي - اق قامداۋدى ارتتىرۋعا، زات باعاسىن ورنىقتىرۋعا ءتيىمدى. كوپ ءتۇرلى شارانى قاتار قولدانىپ كاسىپورىنداردىڭ قيىنشىلىعىن شەشۋ تەبىنىن باعىتتامالى تۇردە ارتتىرۋ كەرەك. كوپ قولدى تاۋارلار باعاسى ءوسۋىنىڭ تومەنگى تىزبەكتەگى كاسىپتەرگە ىقپال جاساۋىنان ورتا، شاعىن، ۇساق كاسىپورىنداردىڭ وزىندىك قۇن قىسىمىنىڭ ارتۋىنان ساقتانىپ، سالىقتى، اقىنى كەزەڭدىك ازايتۋدى قامتىعان جالپىعا ءتيىمدى ساياساتتاردى جەدەل زەرتتەپ، جەرگىلىكتى ورىنداردى ورتا، شاعىن، ۇساق كاسىپورىنداردىڭ ءۇي ماي اقىسىن ازايتۋ، كەشىرىم ەتۋ، سۋ، ەلەكتر اقىسى سياقتى جاقتاردا قولداۋ كورسەتۋگە شابىتتاندىرىپ، كاسىپورىنداردىڭ اۋىرتپالىعىن جەڭىلدەتىپ، قيىن وتكەلدەن وتۋىنە كومەكتەسۋ كەرەك. ورتا، شاعىن، ۇساق كاسىپورىنداردىڭ «ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان» بەتالىسقا قاراي دامۋىن ىلگەرىلەتىپ، بازاردىڭ باسەكەلىك قۋاتىن جوعارىلاتۋ كەرەك.

  ءماجىلىس باسقا ىستەردى دە اقىلداستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار