جاڭا باستامادا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنايىق
− اۆتونوميالى رايوندىق 10 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتايمىز
2021.10.22 15:12 كەلۋ قاينارى : شينجياڭ گازەتى
اسقار تيانشاندا ۇدەرە العا باسقان ىزدەر بەدەرلەندى؛ جوڭكىلگەن تارىم وزەنى شىت جاڭا سيمفونيا ورىندادى.
بۇگىن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى سالتاناتپەن اشىلدى. بۇل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى كەزىندە، شينجياڭداعى ءار ۇلت حالقى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، ەكىنشى 100 جىلدىق كۇرەس نىساناسىنا قاراي ارىنداي العا باسقان كەزدە اشىلعان ءبىر رەتكى توتەنشە ماڭىزدى قۇرىلتاي. وسى رەتكى قۇرىلتايدى ويداعىداي اشۋ جاڭا تاريحي باستامادا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋدا كەلەلى ماڭىز الادى. ءبىز قۇرىلتايدىڭ سالتاناتپەن اشىلعاندىعىن قىزۋ قۇتتىقتايمىز! قۇرىلتايعا قاتىناسقان ۋاكىلدەرگە ايرىقشا قۇرمەت بىلدىرەمىز!
اۆتونوميالى رايوندىق 9 - رەتكى پارتيا قۇرىلتايى اشىلعاننان بەرگى 5 جىلعا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ، شينجياڭدى گۇلدەندىرىپ، شينجياڭدى باياندى كوركەيتىپ، رايونىمىزدىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا بۇرىن بولماعان تابىستارعا قول جەتكىزىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعارىپ، باياندى تىنىشتىققا قادام تاستاۋعا بەرىك نەگىز قالادى.
قوعام ورنىقتىلىعى مەن باياندى تىنىشتىق باس نىساناسى − شينجياڭنىڭ بارلىق قىزمەتىنىڭ شىعار ءتۇيىنى جانە تابان تىرەر تياناعى. وتكەن 5 جىلدا اۆتونوميالى رايوندىق پارتكوم باس نىسانا تۋىن باستان - اياق بيىك ۇستاپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، زاڭ قارۋىن، زاڭمەن جونگە سالۋ وي جەلىسىن، زاڭمەن جونگە سالۋ ءتاسىلىن قولدانىپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، كەشەندى شارا قولدانىپ، بۇرىنعى زورلىقتى كۇش لاڭكەستىك ارەكەتتەردىڭ كوپ تۋىلۋ، ءجيى تۋىلۋ اۋقىمىن وڭاپ، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيىپ، تالاي جىلدان بەرگى تىنىشتىق، ورنىقتىلىق جونىندەگى ارمان - تىلەكتى جۇزەگە اسىردى.
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. وتكەن 5 جىلدا اۆتونوميالى رايوندىق پارتكوم جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ءونىمدى تۇردە توتەپ بەردى، شينجياڭنىڭ جالپىلىق ەكونوميكالىق قۋاتى تىڭ ساتىعا كوتەرىلىپ، ەكونوميكانىڭ جوعارى ساپالى دامۋىن ىلگەرىلەتۋدىڭ ونىمدىلىگى كورنەكتى بولدى.
حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز. وتكەن 5 جىلدا اۆتونوميالى رايوندىق پارتكوم حالىقتى وزەك ەتكەن دامۋ يدەياسىن بەرىك ورناتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە مەجەلى مەرزىمدە قول جەتكىزىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم تولىق، اناعۇرلىم قامتاماسىز، اناعۇرلىم باياندى بولدى.
ۇلتتار ىنتىماعى − دامۋدىڭ، العا باسۋدىڭ ىرگە تاسى. وتكەن 5 جىلدا اۆتونوميالى رايوندىق پارتكوم جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلتتاردىڭ ۇلى ىنتىماعىن ۇزدىكسىز بەكەمدەپ، ۇلتتاردىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەدى، ”بەستى شىنايى مويىنداۋ“ مەن جۇڭحۋا ۇلتى ورتاق تۇلعا تانىمى جۇرت جۇرەگىنە اناعۇرلىم تەرەڭ ۇيالادى.
...
5 جىلدان بەرگى تابىستى امالياتتى قورىتىندىلاعاندا، ءبىز شينجياڭ قىزمەتىن جاقسى ىستەۋدىڭ تەتىگى پارتيادا ەكەنىن تەرەڭ تانىپ جەتتىك. 5 جىلدان بەرى تيانشان الابىندا تۋىلعان تاريحي وزگەرىستەر، شينجياڭ قىزمەتىندە قول جەتكەن كورنەكتى ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، باس شۋجي شي جينپيڭنىڭ رول ۇستاپ، جول نۇسقاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ارقاسى، بۇكىل ەل حالقىنىڭ قالتقىسىز كومەگىنىڭ جانە بۇكىل شينجياڭداعى ءار ۇلت كادر - بۇقاراسىنىڭ ىنتىماقتاسا كۇرەس جۇرگىزۋىنىڭ ارقاسى. اماليات مىنانى تولىق دالەلدەدى: ءبىز ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي تاباندىلىقپەن ناقتى تياناقتاندىرساق بولعانى، شينجياڭ قىزمەتىنىڭ بەتالىسى ايقىن، جولى دۇرىس، ونىمدىلىگى جاقسى بولادى، قوعام ورنىقتىلىعى مەن باياندى تىنىشتىق باس نىساناسى، ءسوز جوق، جۇزەگە اسادى، شينجياڭ، ءسوز جوق، شۇعىلالى بولاشاققا يە بولادى.
ۇلى تابىستاردىڭ بارلىعى ۇزدىكسىز كۇرەس جۇرگىزۋدىڭ ناتيجەسى، ۇلى ىستەردىڭ بارلىعى الدىڭعىلاردىڭ ءىزىن باسىپ، بولاشاققا جول اشۋ بارىسىندا ىلگەرىلەتۋدى قاجەت ەتەدى. قازىر شينجياڭ قىزمەتى جاڭا تاريحي باستامادا تۇر. الداعى 5 جىل شينجياڭنىڭ قوعام ورنىقتىلىعىنىڭ جەتىستىكتەرىن بەكەمدەپ، جوعارى ساپالى دامۋدى ىلگەرىلەتىپ، باياندى تىنىشتىققا قادام تاستاۋىنداعى شەشۋشى 5 جىل سانالادى. جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىس الدىندا، شينجياڭنىڭ ەكونوميكالىق، قوعامدىق دامۋىندا وراي مەن سىن - سايىس قاتار ءومىر سۇرەدى. بۇل رەتكى قۇرىلتاي الداعى 5 جىلداعى شينجياڭ قىزمەتىنە جاپپاي ورنالاستىرۋ جاسايدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىزدىڭ باسىمدىقتى ساۋلەلەندىرىپ، ورايدان ويداعىداي پايدالانىپ، ىرىقتىلىقپەن ىسكەرلىك كورسەتىپ، قولايلى ساتتەن يكەمدى پايدالانىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەرمەن كەڭ كولەمدە ىنتىماقتاسىپ، قۇرىلتايدىڭ ءتۇرلى ورنالاستىرۋلارىن مىزعىماس تاباندىلىقپەن ناقتى تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ شىعۋعا بەكىمىمىز دە، سەنىمىمىز دە بار.
”ۋاقىتتى بوسقا وتكىزبەۋ؛ ورايدى قولدان بەرمەۋ كەرەك“. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى كەلەلى جاعدايدى“ كوكەيگە ءتۇيىپ، ”مەملەكەتتىڭ ءىرى ءىسىن“ كوڭىلدە ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ۇلى پارتيا قۇرۋ رۋحىن اسقاقتاتىپ، 100 جىلدىق پارتيا تاريحىنان ەكپىندەي ىلگەرىلەۋگە سارقىلماس قوزعاۋشى كۇش قابىلداپ، ءبىر نيەتپەن سەلبەسىپ، ەل بىرلىگىنەن بەرىك قامال تۇرعىزىپ، قايسارلىقپەن شايقاس جاساپ، قاجىرلىلىقپەن كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازايىق.
قۇرىلتايدىڭ تولىق تابىستى بولۋىن تىلەيمىز!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
