10 مىڭ شاقىرىمدى ەندەي وتكەن سۇيىسپەنشىلىك
− ءبىر كوز ءمۇيىز قابىعىنىڭ جارىق سيلاۋى
انار بۇلت / شينجياڭ گازەتىنىڭ ءتىلشىسى ياڭ شۋحان
2021.10.22 15:13 كەلۋ قاينارى : شينجياڭ گازەتى
بۇل كوز ءمۇيىز قابىعى 2021 - جىلى 9 - ايدىڭ 30 - كۇنىنەن بۇرىن 52 جاستا ەدى.
بۇگىنگى كۇندە ول 14 جاستاعى شينجياڭدىق ورەن ابدۇعيني مامۇتتىڭ وڭ كوزىنە ورنادى.
بۇل كوز ءمۇيىز قابىعى بۇرىن گۋاڭدۇڭداعى ءبىر ورتا جاستاعى ەر ازاماتتىكى بولاتىن. بۇگىنگى كۇندە ول ابدۇعينيدىڭ اناسىنىڭ ءجۇزىن قايتادان انىق كورۋىنە، دۇنيەنىڭ كوز جاۋىن الار الۋان رەڭىن كورۋىنە مۇمكىندىك جاراتىپ، ونىڭ جاس ءومىرىن قايتادان نۇر - شۇعىلاعا بولەدى.
10 مىڭ شاقىرىمدىق ۇزاق جول − سۇيىسپەنشىلىك پەن جارىقتىڭ جەتكىزىلۋى.
بۇلىڭعىردا قالۋ
10 - ايدىڭ 14 - كۇنى تاڭەرتەڭ العاشقى كۇن ساۋلەسىنە مالىنعان جاڭاءشار اۋدانى يىڭى اۋات اۋىلى توپچاق قىستاعىندا 14 جاستاعى ابدۇعيني قوس جانارىن اشتى، ول ءبىر قۇمىرا كوز ءدارىسىن الىپ شىعىپ، وڭ كوزىنە ەكى تامشى تامىزىپ، كوزىن جۇمىپ نەشە مينۋت جاتقاننان كەيىن، تۇرەگەلىپ توسەگىنەن ءتۇستى.
”سىر - سىر... سىر - سىر...“ ۇيقى قۇشاعىندا جاتقان شەشەسى نيساگۇل مامەت وسى داۋىستان ويانىپ كەتتى دە، باسىن كوتەرىپ تەرەزەدەن سىرتقا قاراپ ەدى، ابدۇعيني اۋلادا تۇسكەن جاپىراقتاردى سىپىرىپ جاتىر ەكەن.
ەمىن - ەركىن قيمىلداپ، ەلپەك قاققان ۇلىن كورگەندە، نيساگۇلدىڭ كوڭىلى بۇرىن بولماعان جايلىلىققا شومىپ، وتكەندەگى ءوزىنىڭ قاباعىنان قايعى ارىلماعان ساتتەرىن ءبىر - بىرلەپ وي ەلەگىنەن وتكىزدى.
”6 جاس شاماسىندا ول نە ىستەسە دە باسقالاردان كوپ باياۋ بولاتىن“. نيساگۇل ەسكە الىپ، ول كەزدە ۇنەمى ۇلىنىڭ جولدا بۇلعالاقتاپ جۇرەتىندىگىن، نايقالىپ - جايقالىپ تاماق جەيتىندىگىن، تاپسىرما جازعانداعى سىلبىرلىعىن سىنعا الاتىندىعىن، ”قارىنداسىڭداي شيراقى ەمەسسىڭ!“ دەپ جازعىراتىندىعىن ايتتى، 7 جاسقا شىققان ءبىر كۇنى ابدۇعينيدىڭ كوزى قىزارىپ ءىسىپ، ىسىگى قايتپاي قويادى، ول شيپاحاناعا اپارىپ تەكسەرتكەننەن كەيىن عانا ۇلىنىڭ كوزى باسقالارعا ”ۇقساڭقىرامايتىندىعىن“ بىلەدى.
العاشقى تەكسەرۋ دياگنوزىندا ابدۇعينيدىڭ كورۋ قۋاتى قالىپتى ماننەن كورنەكتى تومەن ەكەندىگى، سونىمەن بىرگە ونىڭ كوز الماسىنىڭ ءپىشىنى جەڭىل دارەجەدە وزگەرگەندىگى انىقتالادى. ”شيپاگەر مىسال كەلتىرىپ، قالىپتى ادامداردىڭ كوز الماسى قۇددى جەل تولتىرىلعان دوپ سەكىلدى بولادى، ابدۇعينيدىڭ كوز الماسىنىڭ ءبىراز ’جەلى شىعىپ‘ كەتكەن دەدى“. نيساگۇل: شيپاگەر ماعان ”باسقا بىرەۋدىڭ كوزىندەگى كوز ءمۇيىز قابىعىن كوشىرىپ ۇلىمنىڭ كوزىنە ورناتۋدان“ باسقا ەشقانداي ەرەكشە ەمدەۋ امالى جوق ەكەندىگىن ايتتى، - دەيدى... مىنە بۇل مادەنيەت ورەسى تومەن اۋىل - قىستاق ايەلىنىڭ ”كونۋس ءتارىزدى كوز ءمۇيىز قابىعى“ جانە ”كوز ءمۇيىز قابىعىن كوشىرۋدى“ ءتۇسىنۋىن قاراپايىم تىلمەن جەتكىزۋى ەدى.
تۇتقيىل حاباردان اشىق كۇندە جاي تۇسكەندەي بولىپ، نيساگۇل مۇنى قابىلداي الماي قينالدى. ول ۇلىنىڭ جاقسى وقىپ، داشۋەگە ءوتىپ، بەيجيڭ، شاڭحاي سياقتى ءىرى قالالاردا ومىرگە ارالاسۋىن تىلەۋشى ەدى، ءبىراق بالاسىنىڭ كوزى كورمەي قالدى، كەيىن قايتەدى؟ ۇلىنىڭ بولاشاعىن ويلاعان ول كۇنى بويى ءجۇزىن جاسپەن جۋاتىن بولدى.
اقىلدى ابدۇعيني ىلعي: ”بالكىم ءبىر كۇنى جاقسى بولىپ قالار“، - دەپ شەشەسىن جۇباتادى. ال، ءىس جۇزىندە، ونىڭ كورۋ قۋاتى كۇن سايىن ناشارلاپ، كىتاپتاعى جازۋ، تەلەۆيزورداعى قۋىرشاق فيلم، جازدىكۇنگى مولدىرەگەن جۇزىمدەر مەن شەشەسىنىڭ ءجۇزى تۇگەل كۇڭگىرتتەنىپ كەتەدى. سوڭىنا كەلگەندە كوز الدىنداعى قولدى كورسە دە، ول، ءسىرا، قانشا ساۋساق ەكەنىن انىق كورە المايتىن بولادى. ارەكەتتەگى باياۋلىق، قاتارلاستارىمەن قارىم - قاتىناس جاساي الماۋ ابدۇعينيدىڭ مىنەزىن بارعان سايىن تۇيىق ەتىپ وزگەرتەدى.
نيساگۇل ءۇمىتىن ۇزبەدى، ول بالاسىن تالاي رەت قاشقارداعى ءىرى شيپاحانالارعا اپارىپ تەكسەرتەدى، الايدا العان جاۋابى قارايلاس بولدى، كەيىن كەيبىر شيپاگەرلەر ونىڭ تاعى كەلگەنىن كورىپ، ونى ءنومىر الۋ اقىسىن ىسىراپ ەتپەۋگە ءناسيحاتتايدى، ”تەك كوشىرۋدەن باسقا امال جوق!“ - دەيدى.
ابدۇعينيدىڭ كوز اۋرۋى بارعان سايىن اسقىنىپ، تۇنەكتە سيپالانا ءجۇرىپ 8 جىل وتكەننەن كەيىن، ونىڭ سول جاق كوزىنىڭ كورۋ قۋاتى 0.08گە، وڭ جاق كوزىنىڭ كورۋ قۋاتى 0.01گە ءتۇسىپ، نەگىزىنەن كورمەي قالادى.
كورمەي قالۋ بالاعا ءومىر بويى ءبىر ادامنىڭ قارايلاسۋى قاجەت ەكەندىگىنەن، ونىڭ باسقا بالالار سياقتى داشۋەگە بارا المايتىندىعىنان، ءتىپتى، باس قۇراپ، بالا سۇيە المايتىندىعىنان دەرەك بەرەدى... نيساگۇلدىڭ ارى قاراي ويلاۋعا ءداتى جەتپەدى. ول ۇنەمى تۇندەر بويى كوز ىلە الماي، جاستىعى كوز جاسىمەن شىلاناتىن.
جارىقتى قايتا كورۋ
قاي جىلداردان باستاپ قىستاقتا تۇراتىن كوپتەگەن كادر پايدا بولعاندىعى ابدۇعينيدىڭ ەسىندە جوق، ”توتەنشە باۋىرمال، بىزگە وتە جاقسى قارايدى“. ول وسى ادامدار كەلگەننەن باستاپ قىستاقتا جول شىراقتارى جانىپ تۇراتىن بولعاندىعىن، توپىراق جولدار اسفالت جولعا اينالعاندىعىن، سۋدىڭ تاتىمدى بولىپ وزگەرگەندىگىن، بارلىق وتباسىلاردىڭ جاتاعان تام ۇيلەردەن كەرپىشتەن قالانعان ۇيلەرگە كوشىپ كىرگەندىگىن بايقادى.
قىستاقتا تۇراتىن وسى كادرلاردىڭ ۇيلەرىنە ءبىر رەت عانا كەلىپ كەتىپ قالماي، ونى ەرتىپ الىپ قاشقار مەن ۇرىمجىدەگى ءىرى شيپاحانالارعا اپارىپ تەكسەرتكەندىگى، بار امالدى قولدانىپ وعان كوز ءمۇيىز قابىعىن ىزدەۋگە كومەكتەسكەندىگى ونىڭ ەسىندە ەدى.
بيىل 6 - ايدا اۆتونوميالى رايوندىق حالىق ۇكىمەتى كەڭسەسىنەن توپچاق قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ بايلانىس جاساۋىمەن، گۋاڭدۇڭنان شينجياڭعا كومەككە كەلگەن ەمدەۋ اترەتى قىستاققا بارىپ تەگىن ەمدەۋ قيمىلىن ورىستەتىپ، شينجياڭعا كومەككە كەلگەن شيپاگەر شيۇڭ كى ابدۇعينيدى قابىلدادى. ”كونۋس ءتارىزدى كوز ءمۇيىز قابىعى، كوز الماسىنىڭ ءپىشىنى اۋىر دارەجەدە وزگەرىپ، كونۋس ءپىشىن سىرتىنا بۇلتيىپ شىققان“. شيۇڭ كى ەكى قولىمەن يشارالاي سويلەپ: ناۋقاس جاعدايى قاتەرلى، ءسوز جوق، تەز ارادا كوز ءمۇيىز قابىعىن كوشىرۋ كەرەك، - دەيدى.
شيۇڭ كى نانفاڭ مەديتسينا داشۋەسىنىڭ نانفاڭ شيپاحاناسىمەن، بەيجيڭ تۇڭرىن شيپاحاناسىنىڭ كوز اۋرۋلار ءبولىمى ورتالىعىمەن، سونداي - اق شاڭحاي بەس مۇشە ءبولىمى شيپاحاناسىمەن دەرەۋ بايلانىس جاسايدى، بىرگە تەگىن ناۋقاس كورگەن جۇڭشان داشۋەسى جۇڭشان كوز اۋرۋلار ءبولىمى ورتالىعىنان شينجياڭعا كومەككە كەلگەن شيپاگەر چىن رۇڭشين بۇل ىستەن حابار تاپقاننان كەيىن، دەرەۋ الىس گۋاڭجوۋداعى قىزمەتتەستەرىنە تەلەفون جالعايدى.
جۇڭشان داشۋەسى جۇڭشان كوز اۋرۋلار ءبولىمى ورتالىعى بۇل ىسكە ايرىقشا ءمان بەردى، ”سوڭعى جىلدارى شينجياڭعا كومەككە كەلگەن شيپاگەرلەرىمىز جەرگىلىكتى ورىنداعى بۇقارامەن تەرەڭ سۇيىسپەنشىلىك ورناتتى، ابدۇعينيدىڭ ناۋقاس جاعدايىن ەستىگەننەن كەيىن، شيپاحانا بويىنشا جوعارى - تومەن دەرەۋ اتتانىسقا كەلىپ، وعان ’جاسىل جول‘ اشىپ، ۇيلەسەتىن كوز ءمۇيىز قابىعىن مۇمكىندىكتىڭ بارىنشا تەز تابۋعا كىرىستى“، - دەدى جۇڭشان داشۋەسى جۇڭشان كوز اۋرۋلار ءبولىمى ورتالىعى پارتكومىنىڭ شۋجيى شيا دان.
اۆتونوميالى رايوندىق حالىق ۇكىمەتى كەڭسەسىنەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى، اۆتونوميالى رايوندىق حالىق ۇكىمەتىنىڭ گۋاڭجوۋدا تۇراتىن ءىس باسقارماسى جۇڭشان داشۋەسىنىڭ جۇڭشان كوز اۋرۋلار ءبولىمى ورتالىعىمەن كوپ رەت سايكەسىپ بايلانىس جاساعاننان كەيىن، 9 - ايدىڭ 25 - كۇنى ابدۇعيني مەن ونىڭ شەشەسى قىزمەت اترەتىندەگىلەردىڭ سەرىك بولۋىندا گۋاڭجوۋعا اتتانادى.
9 - ايدىڭ 27 - كۇنى ابدۇعيني جۇڭشان داشۋەسى جۇڭشان كوز اۋرۋلار ءبولىمى ورتالىعىندا جالپى بەتتىك تەكسەرىلەدى، كوز ءمۇيىز قابىعى دا تەز ارادا تابىلادى.
9 - ايدىڭ 30 - كۇنى ساعات 15تەن 15 مينۋت وتكەندە ابدۇعيني وپەراتسيا بولمەسىنە كىرگىزىلىپ، كوز ءمۇيىز قابىعى اۋرۋى ءبولىمىنىڭ مەڭگەرۋشىسى حۋاڭ تيڭ وعان وپەراتسيانى ءوزى جاسايدى.
ساعات 16دان 20 مينۋت وتكەندە وپەراتسيا بولمەسىنىڭ ەسىگى باياۋ اشىلىپ، وڭ كوزىن قالىڭ داكىمەن وراعان ابدۇعينيدى بولمەدەن الىپ شىقتى. ”وپەراتسيا توتەنشە ءساتتى بولدى“، - دەدى وپەراتسيا بولمەسىنەن شىققان حۋاڭ تيڭ كوپشىلىككە.
بالاسىنىڭ امان - ەسەن شىققانىن كورگەن نيساگۇل قۋانىشتان كوزىنە جاس الىپ، ەمدەۋ - كۇتىمدەۋ قىزمەتكەرلەرى مەن قىزمەت اترەتىندەگىلەرگە ”راقىمەت، راقىمەت...“ دەي بەرەدى.
سۇيىسپەنشىلىكپەن ساپارلاس بولۋ
10 - ايدىڭ 2 - كۇنى ابدۇعينيدىڭ وڭ كوزىن وراعان داكى شەشىلەتىن كۇن. ورالعان داكى شەشىلە باستاعاندا، ول ابىرجىپ: ”قورقىپ تۇرمىن، ەشتەڭە كورە الماسام قايتەمىن؟“، - دەيدى.
ورالعان داكى تولىق شەشىلدى، ابدۇعيني وڭ كوزىن باياۋ اشتى... ول شەشەسىنىڭ كۇلىمسىرەگەن ءجۇزىن كوردى، شيپاگەرلەردىڭ ءجۇزىن، شيپاحانانىڭ ەمدەۋ جابدىقتارىن كورە الدى. ول ”كورە الاتىن بولدىم!“، - دەدى شەشەسىنە قۋانا.
سول كۇنى وسى كوز ءمۇيىز قابىعى قالپىنا كەلدى.
ابدۇعينيدىڭ گۋاڭجوۋدا كوز ءمۇيىز قابىعىن كوشىرگەن حابارى اقپارات قۇرالدارىندا جاريالانعاننان كەيىن، اق ەدىل جاندار تۇس - تۇستان وعان كوڭىل ءبولىپ، حال - جايىن ۇعىستى.
گۋاڭدۇڭعا دەمالىسقا كەلگەن شيۇڭ كى ارنايى بارىپ كوڭىلىن سۇرادى. ول ”كوزىڭنەن الاڭداپ كەلگەن ەدىم“، - دەيدى؛ گۋاڭجوۋ قالاسىنىڭ تۇرعىنى حۋ شۋياڭ مەن دوسى ۋاڭ فاشۋاي ابدۇعينيعا ساباقتان سىرت وقيتىن كىتاپتار اكەلىپ بەردى؛ گۋاڭجوۋ قالاسى تيانحى رايونى تيانحى وڭتۇستىك ءمالى باسقارماسى پارتيا قىزمەتى كوميتەتىنىڭ ورىنباسار شۋجيى مين جىڭۋىن حال سۇراۋ قاراجاتىن اكەلدى؛ گۋاڭجوۋدا وقىپ جاتقان بىرنەشە شينجياڭدىق وقۋشى كەلىپ ابدۇعينيمەن اڭگىمەلەسىپ قايتتى... كوپشىلىكتىڭ كوڭىل ءبولۋى مەن مەيىرى ابدۇعينيدى شاتتىق تەڭىزىنە شومىلدىرىپ، الاڭداۋدان بىرتىندەپ ارىلۋىنا مۇمكىندىك جاسادى.
نيساگۇل دە جادىراپ جۇرەتىن بولدى، ول كەزىككەندەردىڭ بارىنە: پارتيانىڭ ابزال ساياساتىنىڭ ارقاسىندا، شينجياڭ مەن گۋاڭدۇڭداعى كوپتەگەن اق ەدىل جانداردىڭ ارقاسىندا بالام بۇگىنگى كۇنگە جەتتى، - دەيدى.
10 - ايدىڭ 13 - كۇنى ساعات 22 مولشەرىندە CZ6808 كەزەكشى ۇشاعى قاشقار اۋەجايىنا ورنىقتى كەلىپ قوندى، ابدۇعيني اۋىلىنا كوزى جارقىراپ قايتتى. كەلگەن كۇننىڭ ەرتەڭىندە اۋىل كادرلارى، قىستاق كادرلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى، قىستاق تۇرعىندارى تۇس - تۇستان ابدۇعينيدىڭ كوڭىلىن سۇراي كەلدى، قىستاقتاعى ماقتا اتىزىن كوتەرمەگە العان حىناندىق ماقتاشى ليۋ ياجوۋ دا كوڭىلىن سۇراپ كەلدى ءارى وعان بوي بەرمەي 500 يۋان بەرىپ، ”كىتاپ الىپ وقى!“، - دەدى.
ابدۇعينيدى مۇنان دا جاقسى حابار كۇتىپ تۇرعان ەدى. 10 - ايدىڭ 13 - كۇنى قوعامدىق الەۋمەتتىك يگىلىك قايىر - ساحابات ەرىكتىلەر قىزمەت وتەۋ ۇيىمى − گۋاڭدۇڭ شىزى قوعامى بىرنەشە ايدان كەيىن ابدۇعينيدىڭ سول كوزىنىڭ كوز ءمۇيىز قابىعىن كوشىرۋگە قاجەتتى قاراجاتتى تۇگەلدەي كوتەرۋگە پەيىل ەكەندىكتەرىن ءبىلدىردى.
”ءبىز ابدۇعينيعا مۇمكىندىكتىڭ بارىنشا كومەكتەسەمىز، ول سياقتى بالالاردان دا كومەگىمىزدى ايامايمىز، ولاردىڭ ەسەيىپ - ەرجەتۋىنە سۇيىسپەنشىلىكتىڭ سەرىك بولۋىنا مۇمكىندىك جاسايمىز!“، - دەدى گۋاڭدۇڭ شىزى قوعامىنىڭ باستىعى جىڭ زىيىن.
شيا دان شيپاحانانىڭ ابدۇعينيدىڭ كەيىنگى ەمدەلۋ جاعدايىنا ۇزدىكسىز نازار اۋداراتىندىعىن، ونىڭ ەندى ءبىر كوزىنىڭ كوز ءمۇيىز قابىعىن كوشىرۋ وپەراتسياسىن تەز ارادا جاسايتىندىعىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
