حالىق قۇرىلتايى تۇراقتى كوميتەتىنىڭ 31 - رەتكى ءماجىلىسى ەكىنشى جالپى جيىنىن وتكىزدى
مەملەكەتتىك كەڭەستىڭ مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋ جاعدايى جونىندەگى ارناۋلى بايانداماسىن تۇڭعىش رەت تىڭدادى، قاتتى جاراقسىز زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋىن تەكسەرۋ بايانداماسى سياقتىلاردى قارادى، لي جانشۋ ماجىلىسكە قاتىناستى
2021.10.22 17:15 كەلۋ قاينارى : حالىق تورابى
«حالىق گازەتى»، 10 - ايدىڭ 21 - كۇنى، بەيجيڭ (ءتىلشى ۋاڭ بيشۋە). 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31 – ءماجىلىسى 10 - ايدىڭ 21 - كۇنى تۇستەن بۇرىن بەيجيڭدەگى حالىق سارايىندا ەكىنشى جالپى جيىنىن وتكىزدى. كوميتەت باستىعى لي جانشۋ ماجىلىسكە قاتىناستى.
كوميتەت باستىعىنىڭ ورىنباسارى جاڭ چۇنشيان ءماجىلىستى باسقاردى. تۇراقتى كوميتەت قۇرامىنداعىلاردان 160 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك كەڭەستىڭ 2020 - جىلعى مەملەكەت مەنشىگىندەگى مال - مۇلىكتى باسقارۋ احۋالى جونىندەگى جالپىلىق بايانداماسىن قارادى. باياندامادا مەملەكەت مەنشىگىندەگى مال - مۇلىكتىڭ جالپى جاعدايى، باسقارۋ قىزمەتىنىڭ جاعدايى، وتكەن جىلعى قاراۋ پىكىرىنىڭ تياناقتانۋ جاعدايى تانىستىرىلىپ، كەلەسى قادامداعى قىزمەت ورنالاستىرۋى ورتاعا قويىلدى: پارتيا قۇرىلىسىن جاپپاي كۇشەيتۋدى ءبىر تۇتاس باسشىلىققا الىپ، پارتيا قۇرىلىسى قىزمەتى مەن مەملەكەت مەنشىگىندەگى مال - مۇلىكتى باقىلاۋ - باسقارۋ قىزمەتىنىڭ تۇتاستىعىن ۇزدىكسىز ىلگەرىلەتۋ؛ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ۇزدىكسىز تەرەڭدەتۋ؛ مەملەكەت مەنشىگىندەگى فينانس كاپيتالىن باسقارۋ ءتۇزىلىسىن جەدەل جونگە سالۋ؛ اكىمشىلىك، ءىسورىن سيپاتىنداعى مەملەكەت مەنشىگىندەگى مال - مۇلىكتى باسقارۋدىڭ ساپاسىن جوعارىلاتىپ، ونىمدىلىگىن ارتتىرۋدى تىڭعىلىقتى ىلگەرىلەتۋ؛ تابيعي بايلىقتى، مال – مۇلىكتى باسقارۋ جۇيەسىن ءبىر تۇتاس جوسپارلاۋ نەگىزىندە كەمەلدەندىرۋ؛ مەملەكەت مەنشىگىندەگى مال - مۇلىكتى باسقارۋ جانە باقىلاۋ نەگىزىن ۇزدىكسىز بەكەمدەۋ.
«ج ك پ ورتالىق كوميتەتىنىڭ مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتىڭ باسقارىلۋ جاعدايىنان مالىمەت بەرۋ ءتۇزىمىن ورناتۋ جونىندەگى پىكىرىنە» ساي، ءماجىلىس مەملەكەتتىك كەڭەستىڭ 2020 - جىلعى مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋ جاعدايى جونىندەگى ارناۋلى بايانداماسىن تۇڭعىش رەت تىڭدادى. ارناۋلى باياندامادا مەملەكەت مەنشىگىندەگى جاراتىلىستىق بايلىق، مال - مۇلىك نەگىزگى احۋالى، جاراتىلىستىق بايلىقتى باسقارۋدى جاپپاي كۇشەيتۋدە قولدانعان شارالار مەن قول جەتكىزگەن تابىستار تانىستىرىلىپ، كەلەسى قادامداعى قىزمەت ويلارى ورتاعا قويىلدى: جاراتىلىستىق بايلىقتى قورعاۋدى كۇشەيتىپ، جاراتىلىستىق بايلىقتان پايدالانۋ ونىمدىلىگىن جوعارىلاتىپ، مەملەكەت جەرى كەڭىستىگىن اشۋ، قورعاۋ جۇيەسىن ساپالىلاندىرىپ، ەكولوگيالىق جۇيەنىڭ ساپاسى مەن ورنىقتىلىعىن جوعارىلاتىپ، مەملەكەت مەنشىگىندەگى جاراتىلىستىق بايلىق، مال - مۇلىك باسقارۋ ءتۇزىمى جۇيەسىن ورناتۋ جانە كەمەلدەندىرۋ كەرەك. مەملەكەتتىك كەڭەستىڭ تاپسىرۋىمەن جاراتىلىستىق بايلىق مينيسترلىگىنىڭ مينيسترى لۋ حاۋ ارناۋلى بايانداما جاسادى.
پارتيا ورتالىق كوميتەتىنىڭ مەملەكەت مەنشىگىندەگى مال - مۇلىكتى باسقارۋ جاعدايىنان مالىمەت بەرۋ ءتۇزىمىن ورناتۋ جونىندەگى رەفورما تالابىن دايەكتىلەندىرۋ ءۇشىن، مەملەكەتتىك حالىق قۇرىلتايى تۇراقتى كوميتەتىنىڭ مەجە ەسەپ قىزمەتى كوميتەتى مەن مەملەكەتتىك حالىق قۇرىلتايىنىڭ قازىنا - ەكونوميكا كوميتەتى، قورشاعان ورتا جانە بايلىقتى قورعاۋ كوميتەتى ۇيىمداستىرعان ارناۋلى تەكسەرۋ - زەرتتەۋ گرۋپپاسى مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋ جاعدايىنا تەكسەرۋ - زەرتتەۋ جۇرگىزدى. ءماجىلىس قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى، تۇراقتى كوميتەت مەجە ەسەپ قىزمەتى كوميتەتىنىڭ مەڭگەرۋشىسى شى ياۋبين جاساعان 2020 - جىلعى مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋ جاعدايى جونىندەگى تەكسەرۋ - زەرتتەۋ بايانداماسىن تىڭدادى. باياندامادا مەملەكەت مەنشىگىندەگى جاراتىلىستىق بايلىقتى، مال - مۇلىكتى باسقارۋدىڭ نەگىزگى جاعدايى، ورىن تەپكەن باستى ماسەلەلەر مەن جەتەرسىزدىكتەر تانىستىرىلىپ، قاتىستى ۇسىنىستار ورتاعا قويىلدى: ەكولوگيالىق وركەنيەت قۇرىلىسى ۇستانىمىن تياناقتاندىرۋ مەحانيزمىن اناعۇرلىم كۇشەيتىپ، مەملەكەتتىڭ جاراتىلىستىق بايلىقتى، مال - مۇلىكتى باسقارۋ ءتۇزىلىسىن اقاۋسىزداندىرىپ، ءتۇرلى رەفورمالاردى جەدەل ىلگەرىلەتىپ، نەگىزدىك باسقارۋ قىزمەتىن ۇزدىكسىز بەكەمدەپ، زاڭمەن جونگە سالۋداعى جانە قوعام اماندىعىن باسقارۋداعى ولقىلىقتاردى جەدەل تولىقتاۋ كەرەك.
ءماجىلىس وقۋ - اعارتۋ مينيسترلىگىنىڭ مينيسترى حۋاي جينپىڭ مەملەكەتتىك كەڭەستىڭ تاپسىرۋىمەن جاساعان وقىتۋشىلار قوسىنى قۇرىلىسى مەن وقىتۋشىلار زاڭىنىڭ اتقارىلۋ احۋالى جونىندەگى باياندامانى تىڭدادى. باياندامادا وقىتۋشىلار قوسىنى قۇرىلىسى مەن وقىتۋشىلار زاڭىن اتقارۋدىڭ ءتۇيىندى قىزمەت جاعدايى تانىستىرىلىپ، وقىتۋشىلار قوسىنى قۇرىلىسى مەن وقىتۋشىلار زاڭىن اتقارۋدا ورىن تەپكەن ماسەلەلەر اتاپ كورسەتىلىپ، وقىتۋشىلار زاڭىنا وزگەرىس ەنگىزۋ قىزمەتىنىڭ اياق الىسى مەن جوسپارى باياندالىپ، وقىتۋشىلار قوسىنى قۇرىلىسىن كۇشەيتۋدىڭ كەلەسى قادامداعى ويلارى العا قويىلدى: وقىتۋشىلاردىڭ يدەيالىق - ساياسي جانە وقىتۋشىلىق ءمورال، وقىتۋشىلىق ستيل قۇرىلىسىن جاپپاي كۇشەيتىپ، ساپالى وقىتۋشىلاردى دامىتۋ جۇيەسىن كۇش سالا ورناتىپ، جوعارى دەڭگەيدەگى ماماندانعان وقىتۋشىلار قوسىنىن كۇش سالا قۇرىپ، وقىتۋشىلار قوسىنى قۇرىلىسىنداعى قيىن ماسەلەلەردى ءتۇيىندى تۇردە شەشىپ، وقىتۋشىلار قوسىنى قۇرىلىسىنىڭ جالپىلىق رەفورماسىن ۇزدىكسىز ىلگەرىلەتۋ كەرەك.
ءماجىلىس ەڭ جوعارى حالىق سوتى مەكەمەسىنىڭ باستىعى جوۋ چياڭ جاساعان حالىق سوتى مەكەمەسىنىڭ ءبىلىم مەنشىك ۇقىعىنا سوت جۇرگىزۋ قىزمەتىنىڭ احۋالى جونىندەگى باياندامانى تىڭدادى. باياندامادا پارتيانىڭ 18 - قۇرىلتايىنان بەرگى ءبىلىم مەنشىك ۇقىعىنا سوت جۇرگىزۋ قىزمەتىنىڭ جاعدايى مەن ونىمدىلىگى، ورىن تەۋىپ وتىرعان ماسەلەلەر مەن قيىنشىلىقتار تانىستىرىلدى. باياندامادا مىنالار اتاپ كورسەتىلدى: كەلەسى قادامدا ءبىلىم مەنشىك ۇقىعىنا قاتىستى سوت جۇرگىزۋ سالاسىنداعى ءادىليا رەفورماسىن كۇش سالا تەرەڭدەتىپ، ءبىلىم مەنشىك ۇقىعىنا قاتىستى سوت جۇرگىزۋ قابىلەتىن جوعارىلاتىپ، ءبىلىم مەنشىك ۇقىعىن جاپپاي قورعاۋ قىزمەت جاعدايىن كەمەلدەندىرۋدى ىلگەرىلەتىپ، ءبىلىم مەنشىك ۇقىعى جونىندەگى حالىقارالىق ءادىليالىق اۋىس - كۇيىس پەن سەلبەستىكتى كۇشەيتىپ، جاڭا جاعدايلاردى زەرتتەپ، جاڭا ءداۋىردىڭ تالابىنا ۇيلەسەتىن ءبىلىم مەنشىك ۇقىعىنا قاتىستى سوت جۇرگىزۋ قوسىنىن قۇرىپ، ءبىلىم مەنشىك ۇقىعى جاعىنداعى قۇدىرەتتى ەل قۇرۋدى جەدەلدەتۋ، جاپپاي سوتسياليستىك وسىزاماندانعان مەملەكەت قۇرۋ ءۇشىن ءادىليا جاعىنان پارمەندى قىزمەت وتەۋ كەرەك.
ءماجىلىسى ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن جاساعان حالىق پروكۋراتۋراسىنىڭ شاعىم ايتۋ دەلولارىن ءبىر جاقتى ەتۋ قىزمەتىنىڭ احۋالى جونىندەگى بايانداماسىن تىڭدادى. باياندامادا تاياۋ جىلداردان بەرگى بۇقارانىڭ ارىز - شاعىمىن، ارىز – ارمانىن قابىلداۋدىڭ نەگىزگى احۋالى، ارىز - شاعىم ايتۋ دەلولارىن ءبىتىرىپ، قايشىلىقتار مەن داۋ - شارلاردى شەشۋدىڭ باستى ادىستەرى مەن تابىستارى تانىستىرىلدى. ورىن تەۋىپ وتىرعان ماسەلەلەرگە مەڭزەس، باياندامادا بىلاي دەپ اتاپ كورسەتىلدى: كەلەسى قادامدا حالىقتى وزەك ەتۋدە تاباندى بولىپ، ارىز - شاعىمدى پروكۋرورلىق قاراۋ قىزمەتىندە اۋەلگى ماقساتتى، بورىشتى اناعۇرلىم ويداعىداي امالياتتا ايگىلەۋ؛ بۇقارانىڭ ارىز - ارمانىنا قاراتا «بارلىعىنا جاۋاپ قايتارۋ» ءتۇزىمىن ىشكەرىلەي تياناقتاندىرىپ، دەلونى اياقتاتۋدى ونان ارى جەبەۋ؛ ينفورماتسيالاندىرۋ قۇرىلىسىن ۇزدىكسىز ىلگەرىلەتىپ، ارىز - شاعىم ايتۋ دەلولارىن ءبىر جاقتى ەتۋگە اناعۇرلىم پارمەندى تىرەك ازىرلەۋ؛ ارىز - شاعىمدى پروكۋرورلىق قاراۋ قوسىنى قۇرىلىسىن جاپپاي كۇشەيتۋ كەرەك.
ماجىلىستە مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە جاساعان تۇراقتى كوميتەتتىڭ زاڭنىڭ اتقارىلۋىن تەكسەرۋ گرۋپپاسىنىڭ جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋ جاعدايىن تەكسەرۋ جونىندەگى بايانداماسى تىڭدالدى. باياندامادا زاڭنىڭ اتقارىلۋ جاعدايى تانىستىرىلىپ، ورىن تەپكەن باستى ماسەلەلەر اتاپ كورسەتىلىپ، پىكىر جانە ۇسىنىس ورتاعا قويىلدى: شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاسىل، تومەن كومىرتەكتى اينالمالى دامۋدى ىلگەرىلەتۋ؛ زاڭمەن جونگە سالۋ قۇرىلىسىن جەدەل ىلگەرىلەتىپ، سايكەستى زاڭ - ەرەجە، ولشەم ءتۇزىمىن كەمەلدەندىرۋ؛ زاڭدىق جاۋاپكەرلىكتى قاتاڭ تياناقتاندىرىپ، زاڭنىڭ اتقارىلۋىن باقىلاۋ كۇشەيتۋ؛ ماسەلەنى نىشان ەتۋدەن جازباي، قاتتى جاراقسىز زاتتاردىڭ لاستاۋىنان ساقتانۋداعى كورنەكتى ماسەلەلەردى شەشۋدى ىلگەرىلەتۋ؛ قامتاماسىزداندىرۋ شارالارىن كۇشەيتىپ، بىرگە جونگە سالۋدىڭ كوپ نەگىزدى، باياندى مەحانيزمىن ورناتۋ؛ تۇتاس قوعام بىرگە جونگە سالۋ، بىرگە قورعاۋ جاعدايىن جەدەل قالىپتاستىرۋ كەرەك.
ءماجىلىس مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى جي بيڭشۋان جاساعان تۇراقتى كوميتەتتىڭ ارناۋلى تاقىرىپتىق تەكسەرۋ - زەرتتەۋ گرۋپپاسىنىڭ ساپالى تۇقىم بايلىعىن قورعاۋدى، ساپالى تۇقىم جەتىلدىرۋدە جاڭالىق اشۋدى كۇشەيتۋ جاعدايى جونىندەگى تەكسەرۋ - زەرتتەۋ بايانداماسىن تىڭدادى. باياندامادا ساپالى تۇقىم بايلىعىن قورعاۋدىڭ جانە ساپالى تۇقىم جەتىلدىرۋدە جاڭالىق جاراتۋدىڭ نەگىزگى جاعدايى تانىستىرىلىپ، ورىن تەپكەن باستى ماسەلەلەرگە تالداۋ جاسالىپ، قاتىستى ۇسىنىستار ورتاعا قويىلدى: بايلىقتى قورعاۋ، پايدالانۋ جۇيەسى قۇرىلىسىن ونان ارى كۇشەيتىپ، تۇقىم شارۋاشىلىعى عىلىم - تەحنيكاسىندا دەربەس جاڭالىق جاراتۋ قابىلەتىن كۇشەيتىپ، تۇقىم قاينارىمەن قامداۋ حاۋىپسىزدىگىن قامتاماسىزداندىرۋ تەبىنىن ارتتىرىپ، ساۋدالىق تۇقىم جەتىلدىرۋ جۇيەسىن ورناتىپ جانە كەمەلدەندىرىپ، تۇقىم جەتىلدىرۋدە جاڭالىق جاراتۋدى قولداۋ، قامتاماسىزداندىرۋ ساياساتىن كەمەلدەندىرىپ، تۇقىمدى زاڭ بويىنشا جونگە سالۋ، تۇقىم ىستەرىن زاڭ بويىنشا دامىتۋ ورەسىن جوعارىلاتىپ، اۋىل - قىستاقتى جاپپاي گۇلدەندىرۋ جانە اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ بارىسىندا ەلىمىزدىڭ تۇقىم شارۋاشىلىعىنىڭ نەگىزىن بەكەمدەۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
مەملەكەتتىك كەڭەستىڭ مۇشەسى ۋاڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار، ت. ب. ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
