بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سۇن چۇنلان بەيجيڭ قىسقى وليمپيادا سپورت جارىسىنىڭ دايىندىق قىزمەتىن كوزدەن كەشىرگەندە مىنانى دارىپتەدى

شەشۋشى كەزەڭدەگى شايقاسقا دايىندالۋ قىزمەتىن كۇش سالا جاقسى ىستەۋ كەرەك

2021.10.22 17:18     كەلۋ قاينارى : حالىق تورابى

  «حالىق گازەتى»، 10 – ايدىڭ 21 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان 10 - ايدىڭ 21 - كۇنى مەملەكەتتىك قار - مۇز سپورتىنا جاتتىعۋ عىلمي زەرتتەۋ بازاسىنا، استانا دەنەتاربيە سارايىنا بارىپ تەكسەرۋ - زەرتتەۋ جۇرگىزىپ، جاتتىعۋ، شايقاسقا دايىندالۋ قىزمەتى مالىمەتىن تىڭداپ، «بەيجيڭدە باس قوسۋ» اتىنداعى دۇنيە جۇزىلىك سىرعاناۋ بىرلەستىگىنىڭ قىسقا ارالىققا تەز سىرعاناۋ دۇنيە جۇزىلىك ساۋىتىنا تالاسۋ جارىسىن تاماشالادى، دەنەتاربيە ۋنيۆەرسال جەل ۇڭگىرىن، ەلىكتەمەلى جاتتىعۋ جۇيەسىن، تەز سىرعاناۋ سارايىن كوزدەن كەشىردى، شايقاسقا بەلسەنە دايىندالىپ جاتقان سپورتشىلاردان، جاتتىقتىرۋشىلاردان جانە قىزمەتكەرلەردەن حال سۇرادى، كوپشىلىكتى باس شۋجي شي جينپيڭنىڭ بەيجيڭ قىسقى وليمپيادا سپورت جارىسىنا دايىندالۋ قىزمەتى جونىندەگى ماڭىزدى نۇسقاۋىن ىشكەرىلەي دايەكتىلەندىرىپ، «بورىش ارقالاپ، كۇرەسكە قاتىناسامىن» دەيتىن رۋحپەن شايقاسقا دايىندالۋ قىزمەتىن جاقسى ىستەپ، قاجىرلىلىقپەن جاتتىعىپ، قايسارلىقپەن كۇرەس جاساپ، جاتتىعۋ باسەكەسىن، پسيحيكالىق جىگەردى ەڭ تاماشا كۇيگە كەلتىرۋگە كۇش سالىپ، قىسقى وليمپيادا جارىسىندا جۇڭگونىڭ قار - مۇز ساڭلاقتارىنىڭ كەلبەتىن تولىق ايگىلەپ، وتان ءۇشىن داڭق اپەرۋگە، ءومىر جولىن نۇرلاندىرۋعا شابىتتاندىردى.

  وليمپيادا سپورت جارىسى «بەيجيڭ ۋاقىتىنا» قادام تاستادى، بەيجيڭ قىسقى وليمپيادا سپورت جارىسىنىڭ دايىندىق جۇمىستارى 100 كۇندىك قيان - كەسكى كەزەڭگە ءوتتى، 29 قار - مۇز نىسانى بويىنشا مەملەكەتتىك شوعىرلى جاتتىعۋ اترەتى جاۋىنگەرلىك جىگەردى تاسقىنداتىپ، شايقاسقا دايىندالۋ قىزمەتىن تارتىپپەن ىلگەرىلەتتى. سۇن چۇنلان مىنالاردى اتاپ كورسەتتى: بەيجيڭ قىسقى وليمپيادا سپورت جارىسى − مەملەكەت وبرازىن ايگىلەۋدىڭ، مەملەكەتتىڭ دامۋىن جەبەۋدىڭ، ۇلت رۋحىن سەرپىلتۋدىڭ ماڭىزدى ورايى. توكيو وليمپيادا سپورت جارىسىنىڭ دايىندىق تاجىريبەلەرىنەن ۇلگى الىپ، شايقاسقا دايىندالۋدى بار كۇشپەن ويداعىداي ىستەپ، «بارلىق ءتۇر بويىنشا جارىسقا قاتىناسۋ» تالابىن ارقاۋ ەتىپ، ەڭ سوڭعى تەرەزەلىك مەزگىلدى مىقتى يگەرىپ، عىلىم - تەحنيكانىڭ دەم بەرۋى، سىناق جارىسى ارقىلى ابزالدىققا يە تۇرلەردى اناعۇرلىم جوعارى ساتىعا كوتەرىپ، كومەسكى ابزالدىققا يە تۇرلەردەن قامال الىپ، ارتتا قالعان تۇرلەردى تولىقتاپ، «جارىستا توپ جارۋدى» بار كۇشپەن ورىنداۋ كەرەك. سپورتشىلاردى تاڭداپ ءوسىرۋ ءتارتىبىن ارناعا ءتۇسىرىپ، مەملەكەتتىڭ داڭقىن بارىنەن جوعارى قويۋدا تاباندى بولىپ، قاتاڭ تۇردە «ءنومىر جيناۋ ءتۇزىمى» بويىنشا تاڭداپ ءوسىرىپ، ەڭ ۇزدىك سپورتشىلاردى مەملەكەت ءۇشىن شايقاسقا اتتاندىرۋعا كەپىلدىك ەتۋ كەرەك. دەنەتاربيە ءمورالدىق سالتىن اسقاقتاتىپ، بارلىق ساڭلاقتى، بارلىق جارىس ءتۇرىن جاپپاي قامتۋ نەگىزىندە قوزدىرعىش دارىگە قارسى تۇرۋ قىزمەتىن ويداعىداي يگەرىپ، قوزدىرعىش ءدارى ماسەلەسىن مۇلدە تۋدىرماۋعا، وعان ەشقانداي كەڭشىلىك جاساماۋعا باتىلدىقپەن كەپىلدىك ەتۋ كەرەك.

  سۇن چۇنلان بىلاي دەپ اتاپ كورسەتتى: قالىڭ سپورتشىلار مەن جاتتىقتىرۋشىلار ءبىرىنشى شەپتە شايقاس جاسايدى، ءتۇرلى قامتاماسىزداندىرۋ شارالارىن، ءسوز جوق، تياناقتاندىرۋ كەرەك. دەنساۋلىق حاۋىپسىزدىگىن ماڭداي الدى ورىنعا قويىپ، ىندەتتەن ساقتانۋ - تىزگىندەۋ مەن جارىسقا قاتىناسۋدى ءبىر تۇتاس جوسپارلاپ، كۇشتى شوعىرلاندىرا وتىرىپ ءىرى ىستەر تىندىرۋدىڭ تۇزىمدىك ابزالدىعىن ساۋلەلەندىرىپ، جارالانۋدان، اۋرۋدان ساقتانۋ - ەمدەۋ، ازىق - تۇلىك، قورەكتىك، جابدىق، پسيحولوگيالىق كەڭەس بەرۋ سياقتى جان - جاقتى قامتاماسىز ەتۋ جۇيەسىن كەمەلدەندىرىپ، سپورتشىلاردىڭ جارالانۋ، اۋرۋ، ەمدەلۋ جاعدايىن جان - جاقتى يگەرىپ، سپورتشىلاردىڭ جارىسقا تۇسە الماي قالۋىنا ساقتانۋ كەرەك. يدەيالىق جاقتان باعىتتامالى جەتەكشىلىك ەتۋ ارقىلى سپورتشىلاردىڭ، جاتتىقتىرۋشىلاردىڭ قىسىمعا توتەپ بەرۋ قابىلەتىن كۇشەيتىپ، ولاردىڭ يدەيالىق جۇكتەن ارىلىپ، بار ىنتا - پەيىلىمەن جارىسقا قاتىناسىپ، كومەسكى كۇش پەن دەڭگەيدى تولىق ساۋلەلەندىرۋىنە مۇمكىندىك جاساۋ كەرەك. جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، بەيجيڭ قىسقى وليمپيادا سپورت جارىسىن وتكىزۋدى وراي ەتىپ، بۇقارالىق قار - مۇز سپورتىن بار كۇشپەن دامىتىپ، ءتىپتى دە كوپ بۇقارانى، اسىرەسە، جاستار مەن ورەندەردى مۇز الاڭىنا، قار الاڭىنا بارۋعا جەتەكتەپ، «300 ميلليون ادام قار - مۇز سپورتىمەن شۇعىلدانۋ» نىساناسىن جۇزەگە اسىرۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار