بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

دوۋ چياڭ:

قىستاقتىڭ بارىندە كاسىپ سالاسى بار، بارلىق وتباسى كىرىستەرىن ارتتىردى

□ انار بۇلت / شينجياڭ گازەتىنىڭ ءتىلشىسى ءرايدا

2021.10.25 12:55     كەلۋ قاينارى : شينجياڭ گازەتى

  ”اۋىل - قالاشىق كادرى رەتىندە، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بار ىنتا - پەيىلىممەن بۇقارا ءۇشىن قىزمەت ىستەۋىم كەرەك“، - دەدى 10 - ايدىڭ 12 - كۇنى شاعانتوعاي اۋدانى جاڭاجەر اۋىلدىق پارتكومنىڭ شۋجيى دوۋ چياڭ.

  جاڭاجەر اۋىلى شاعانتوعاي اۋدان قالاشىعىنىڭ شىعىسىنداعى 3 كيلومەتر جەرگە ورنالاسقان، 13 اكىمشىلىك قىستاق بار. ”3 جىلدىڭ الدىندا اۋىلعا كەلگەننەن كەيىن، مەن بۇل ارانىڭ كاسىپ سالاسىنىڭ دامۋىنىڭ نەگىزى ءالسىز، وزىندىك ەرەكشەلىك قالىپتاستىرماعاندىعىن بايقادىم. اۋىل - قىستاقتى گۇلدەندىرۋ ءۇشىن كاسىپ سالاسىن دامىتۋ كەرەك“، - دەدى دوۋ چياڭ.

  2020 - جىلى دوۋ چياڭنىڭ باستاماشىلىق ەتۋىندە، جاڭاجەر اۋىلى العا قىستاعى پارتيا قۇرىلىسىن جەتەكشى ەتىپ، ساياحات كاسىبىن دامىتۋدى اۋدان ءوڭىرىنىڭ جالپى تۇلعالىق جوباسىمەن توعستىردى. ”ءبىز ’قىستاق پارتيا ياچەيكاسى + سەرىكتەستىك + شارۋا وتباسى‘ اينالىم ۇلگىسىن قولدانىپ، اۋىل قوناقحاناسى، زيالى جاستار ايالداماسى سياقتى ءبىر توپ ەرەكشەلىككە يە شارۋالار شاتتىعى ساياجايىن تۇلعالادىق. شاعانتوعاي اۋدانىنىڭ تاۋ گۇلى مەرەكەسىن ارقاۋ ەتە وتىرىپ، حۇيپاي ۇلگىسىندەگى ەرەكشە شاعىن قالاشىق، سالت - سانا كەشكى بازارى، وتاندىق ساندەگى تام قابىرعا سۋرەت سياقتى ءبىر توپ ەرەكشە ساياحات نىساندارىن اشتىق“، - دەدى دوۋ چياڭ.

  قازىر العا قىستاعىن ارالاساڭىز، شاعىن كوپىر، سىڭعىرلاپ اققان بۇلاق، كوك كەرپىش، جاسىل قىش كەرپىش، جياڭنان سۋلى مەكەننىڭ كوركەم كورىنىسىن كورەسىز. كەزىندەگى ەلەۋسىز شاعىن قىستاق قازىر ”ينتەرنەتتە تانىمالى قىستاققا“ اينالدى.

  جالاڭ ”سەرۋەن ساياحاتىن“ ”پارىقتاندىرىپ سەزىنۋ ساياحاتىنا“ اينالدىرۋ العا قىستاعىنىڭ تانىمالدىعىن جوعارىلاتىپ قانا قالماستان، قىستاق تۇرعىندارىن دا ساياحاتتى دامىتۋدان كەلگەن پايدادان يگىلىكتەندىردى.

  قىستاق تۇرعىنى ۋاڭ جيۋمين بىلاي دەدى: ”بۇرىن ءبىزدىڭ قىستاق باتپاق جول بولاتىن، ءۇيدىڭ الدى - ارتى قوقسىپ جاتاتىن، قازىر جولدى كەرەمەت جاساپ، بارلىق وتباسىنىڭ اۋلاسى كورىكتەندى“.

  ”قازىر العا قىستاعىندا كۇن سايىن وزگەرىس تۋىلۋدا، قىستاق تۇرعىندارى ءۇيىنىڭ ماڭىنان ساياحاتتىڭ يگىلىگىن كوردى. كەلەسى قادامدا ءبىز اۋىل - قىستاقتى گۇلدەندىرۋ مادەنيەت - ساياحات مەرەكەسىن وتكىزىپ، جۇڭحۋانىڭ تاڭداۋلى ءداستۇرلى مادەنيەتىن اشىپ، اسقاقتاتىپ جانە جالعاستىرىپ، اۋىل - قىستاق ساياحات بازارىن بايىتامىز“، - دەدى دوۋ چياڭ.

  دوۋ چياڭ تاعى ”پارتيا ياچەيكاسى + سەلبەستىك كووپەراتيۆ + بازا + شارۋا وتباسى“ دامۋ ۇلگىسىن ورتاعا قويدى. 30 مىڭ مۋ جەردى اينالىمعا سالىپ، سويىس سيىر باعىمشىلىعى، بودەنە باعىمشىلىعى، قولمەن جاسالعان مومى، نان، جۇڭگوشا ءدارى ءشوپ ەگىنشىلىگى سياقتى ەرەكشە كاسىپ سالاسىن دامىتىپ، كاسىپ سالاسى قۇرىلىمىن ساپالىلاندىرىپ، 1000نان استام قىستاق تۇرعىندارىنىڭ ءۇيىنىڭ الدىندا جۇمىستانۋىنا، كىرىستەرىن ارتتىرۋىنا كومەكتەستى.

  ”قىستاقتىڭ بارىندە كاسىپ سالاسى بار، بارلىق وتباسىندا كىرىستەرىن ارتتىراتىن ارنا بار، وسىنداي بولعاندا عانا بۇقارانىڭ تۇرمىسى بارعان سايىن جاقسارادى“، - دەدى دوۋ چياڭ.

  ”ءبىز جەردى اينالىمعا سالعان سوڭ، سەلبەستىك كووپەراتيۆى كوكونىس جانە جۇڭگوشا ءدارى شوپتەردى ءبىر تۇتاس ەكتى. اۋىل تاعى ءبىزدى اۋلا شارۋاشىلىعىن دامىتۋعا جەتەكتەپ، مەن 5 مۋ جەرگە ءسابىز ەكتىم، ءونىمى وتە جاقسى بولدى. قازىر ءبىز ورنىقتى پايدا ءبولىسىن الىپ، باسقا جۇمىس ىستەۋگە دە ۋاقىت شىعارا الاتىن بولدىق“، - دەدى جاڭاجەر اۋىلى اقتوبە قىستاعىنىڭ تۇرعىنى ەربولات جانات.

  ”بۇقارانىڭ تۇرعىسىندا تۇرىپ، بۇقارا ءۇشىن ناقتى ىستەردى دەن قويا، سۇيىسپەنشىلىكپەن ىستەگەندە عانا، بۇقارامەن ەتەنە ارالاسىپ، ولاردى ءتىپتى دە باقىتتى تۇرمىس كەشىرۋگە باستاي الامىز“، - دەدى دوۋ چياڭ.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار