جابايى حايۋاناتتار باقشاسىنداعى اق جولبارىستى كورۋ رايونىنا بەلگىلەمەگە قايشى تۇردە بەيباستاقتىقپەن كىرىپ كەتكەن ساياحاتشى قىلمىستىق ىستەر بويىنشا قاماۋعا الىندى
2021.10.25 13:02 كەلۋ قاينارى : حالىق تورابى
ساياحاتشىنىڭ بەيجيڭ جابايى حايۋاناتتار باقشاسىنداعى اق جولبارىستى كورۋ رايونىنا بەيباستاقتىقپەن كىرىپ كەتىپ، جولبارىستىڭ قيتىعىنا تيگەنىنە قاتىستى ينتەرنەتتە تاراعان اقپارات جونىندە بەيجيڭ قوعام حاۋىپسىزدىگى مەكەمەسى داشيڭ بولىمشە مەكەمەسى 10 – ايدىڭ 24 – كۇنى حابارلاندىرۋ شىعاردى، ساقشى جاق تەكسەرىپ ىسپات الۋ ارقىلى بەيباستاقتىق ىستەگەن جياڭ X دى (ەر، 56 جاستا) قىلمىستىق ىستەر بويىنشا قاماۋعا العان، دەلو قازىر ىشكەرىلەي تەكسەرىلۋدە.
بەيجيڭ جابايى حايۋاناتتار باقشاسى رەسمي ميكروبلوگىنىڭ حابارلاۋىنشا، 10 – ايدىڭ 24 – كۇنى ساعات 14 اينالاسىندا، اۆتوكولىكپەن سەرۋەندەۋ رايونىنداعى اق جولبارىستى كورۋ رايونىندا ءبىر ساياحاتشى زاڭسىز تۇردە قاتەرلى رايونعا كىرىپ كەتكەن. كورۋ رايونىنىڭ حاۋىپسىزدىك راشەتكاسىنا سوعىلعاندىقتان، ونىڭ ۇستىنە، ناق مايدانداعى قىزمەتكەرلەر دەر كەزىندە كۇش سالا قۇتقارعاندىقتان، جولبارىستىڭ اراسىنا كىرىپ كەتكەن بۇل ساياحاتشى جارالانباعان. كورۋ رايونىنداعى حايۋاناتتاردى قىزمەتكەرلەر امالداپ قۋالاپ، ۇيشىكتەرىنە كىرگىزگەن. باقشاعا باسا كوكتەي كىرۋشىنى جەرگىلىكتى ورىنداعى ساقشىلار ەمحاناعا اپارىپ، ونىڭ دەنساۋلىعىن تەكسەرتكەن سوڭ، قازىر وسى ىسكە بايلانىستى ونى تەكسەرۋدە.
تانىستىرۋعا قاراعاندا، سول كۇنى قىزمەتكەرلەر كورۋ رايونىنىڭ سىرتىندا شارلاپ جۇرگەندە، ءبىر ساياحاتشىنىڭ كەنەتتەن بەلگىلەمەگە قايشى تۇردە اۆتوكولىكتەن تۇسكەنىن كورگەن، بۇل ساياحاتشى قىزمەتكەرلەردىڭ توقتاۋ سالعان ءسوزىن مۇلدە تىڭداماعان، قايتا قادامىن جەدەلدەتىپ، قورعانۋ بەتكەيىنەن جۇگىرىپ ءوتىپ، كورۋ رايونىنداعى وقشاۋلاۋ وزەگىنە سەكىرىپ تۇسكەن. قۇتقارۋ بارىسىندا بۇل ادام قىزمەتكەرلەردىڭ بۇيرىعىن باستان – اياق مۇلدە تىڭداماعان، وقشاۋلاۋ وزەگىنەن كورۋ رايونىنىڭ ىشىنە قاراي ورمەلەپ، كورۋ رايونىنداعى 11 اق جولبارىسپەن اڭدىسىپ، حايۋاناتتارعا سوزبەن، ارەكەتپەن ۇزدىكسىز سوقتىققان.
ۇعىسۋعا قاراعاندا، بەيجيڭ جابايى حايۋاناتتار باقشاسى شۇعىل جاعداي تۋىلعان سوڭ دەرەۋ حاۋىپسىزدىككە قاتىستى شۇعىل جاعدايعا توتەپ بەرۋ جوباسىن ىسكە قوسىپ، جەم تاستاپ شىرعالاۋ، تورسىلداق تاستاۋ سياقتى تاسىلدەرمەن حايۋاناتتاردى كورۋ رايونىنان قۋالاعان. ىلە – شالا، قىزمەتكەرلەر كورۋ رايونىنا باسا كوكتەي كىرگەن ادامدى ۇستاپ اكەتكەن. (ءتىلشى: لۋ چاڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
