گۋاڭشيدىڭ بينياڭ اۋدانى بيىرمانىڭ سولتۇستىگىندە ايالداپ قالعان 69 ادامدى جازالايدى: ەلگە قايتۋدان باس تارتقانداردىڭ نوپوستارىن كۇشىنەن قالدىرادى
2021.10.25 13:05 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى لين حاۋ 10 – ايدىڭ 23 – كۇنى ناننيڭنەن حابارلايدى. ءتىلشىنىڭ 10 – ايدىڭ 23 – كۇنى گۋاڭشيدىڭ ناننيڭ قالاسى بينياڭ اۋدانىنىڭ ۇكىمەت تاراۋىنان راستاۋىنشا، تەلەگراف، ينتەرنەت ارقىلى الدامكوستىك ىستەۋ قىلمىسىنا قاتاڭ سوققى بەرۋ جانە ونى جونگە سالۋ، جۇڭگو مەن بيرما اراسىنداعى شەكارا اتتاعان قىلمىستىق ارەكەتتەردى جونگە سالۋ، حالىق جۇرتشىلىعىنىڭ ءومىرى مەن مال – مۇلكىنىڭ حاۋىپسىزدىگىن قورعاۋ ءۇشىن، اتالعان اۋدان «حابارلاندىرۋ» جاريالاپ، بيرمانىڭ سولتۇستىگىندە ايالداپ قالعان بينياڭدىق جاڭ گۇيلياڭ قاتارلى 69 ادامدى جازالاۋدى ماقۇلداعان.
«حابارلاندىرۋدا» مىنالار تالاپ ەتىلگەن: بيرمانىڭ سولتۇستىگىندە ايالداپ قالعاندار 2021 – جىلى 10 – ايدىڭ 30 – كۇنىنەن بۇرىن بەلسەندى دە ىرىقتى تۇردە ەلگە قايتۋى ءارى شەكارادان كىرۋدەن 7 كۇن بۇرىن نوپوسى تۇرعان قوعام حاۋىپسىزدىگى بولىمشەسىنە تىزىمدەلۋى كەرەك. ولاردىڭ وتباسىنداعىلار سايكەسە وتىرىپ بيىرمانىڭ سولتۇستىگىندە ايالداپ قالعاندارعا تەزىرەك شەكارادان كىرىپ، ەلگە قايتىپ قىلمىستارىن مويىنداپ، ءوزىن مالىمدەۋى جونىندە ۇگىتتەۋى كەرەك، ىرىقتىلىقپەن ءوزىن مالىمدەپ، ءوزىنىڭ قىلمىستىق ارەكەتتەرىن شىنايى بايانداعاندارعا، زاڭ بويىنشا جەڭىل جازا بەرۋگە نەمەسە جازاسىن جەڭىلدەتۋگە بولادى؛ قىلمىسى ءبىرشاما جەڭىل بولسا، زاڭ بويىنشا جازاسىن كەشىرىم ەتۋگە بولادى.
جوعارىداعى اتالعان ادامدار سوندا دا العان بەتتەرىنەن قايتپاي، ەلگە قايتۋدان باس تارتسا، بينياڭ اۋداندىق ينتەرنەتتەن پايدالانىپ زاڭعا قايشى قىلمىس وتكىزگەندەرگە سوققى بەرۋ جانە قىلمىستىق ىستەردى جونگە سالۋ بايلانىس كەڭسەسى زاڭ بويىنشا دەلو تۇرعىزىپ تەكسەرۋ جۇرگىزەدى، ينتەرنەت ارقىلى قۋعىنداۋ سالادى ءارى تومەندەگىدەي جازالاۋ شارالارىن اتقارادى.
1. نوپوسىن مۇزداتادى نەمەسە كۇشىنەن قالدىرادى. ولاردىڭ بارلىعىنىڭ نوپوسىن زاڭ بويىنشا مۇزداتادى، بەلگىلەنگەن مەرزىم ىشىندە ەلگە قايتۋدان باس تارتسا، زاڭ بويىنشا نوپوسىن كۇشىنەن قالدىرادى. 2. ولاردىڭ اتىنداعى بارلىق بانكە كارتۋچكالارى، قولفون كارتۋچكالارى قاتارلى قىزمەت وتەۋ تۇرلەرىن زاڭ بويىنشا ۋاقىتتىق توقتاتادى، بەس جىل ىشىندە جاڭادان بانكە كارتۋچكاسىن، تەلەفون كارتۋچكاسىن (بانكە كارتۋچكاسى دەگەندە جەكەلىك بانكە كارتۋچكاسى، بانكەگە جاتپايتىن ۋيچات، جىفۋباۋ ەسەپ نومىرلەرى قاتارلى ءۇشىنشى جاق تولەۋ تەكشەسىندەگى ەسەپ نومىرلەرى قامتىلادى؛ تەلەفون كارتۋچكاسى دەگەندە ديانشين، يدۇڭ، ليانتۋڭ قولفون كارتۋچكالارى، ۆيرتۋالدى تەلەفون كارتۋچكالارى مەن ينتەرنەتكە شىعۋ كارتۋچكالارى قامتىلادى) بىترۋىنە بولمايدى.
3. بيرمانىڭ سولتۇستىگىندە ايالداپ قالعانداردىڭ وزدەرى مەن تىكەلەي تۋىس – تۋعاندارى جاستار وداعىنا كىرۋ، پارتياعا كىرۋ، وقۋعا كىرۋ، اسكەرگە قاتىناسۋ، مەملەكەت قىزمەتكەرى ەمتيحانىنا قاتىناسۋ قاتارلى جولدارمەن قازىنادان قاراجات بولىنەتىن قىزمەتكەرلەر قاتارىنا وتپەكشى بولسا، پرينسيپتىك جاقتان، ساياسي بەينەسىن تەكسەرۋدەن وتكىزىلمەيدى. 4. بيرمانىڭ سولتۇستىگىندە ايالداپ قالىپ، تەلەگراف جانە ينتەرنەت ارقىلى الدامكوستىكپەن شۇعىلدانۋ، ينتەرنەت ارقىلى قۇمارمەن اينالىسۋ قاتارلى زاڭعا قايشى قىلمىس وتكىزگەندەردىڭ زاڭسىز ولجامەن سالعان، ساتىپ العان ۇيلەرى زاڭ بويىنشا شاعىلادى نەمەسە پەشەتتەلەدى ءارى دەلوعا قاتىستى قاراجات پەن ونىڭ ءوسىمى تاركىلەنەدى، بۇل قورا – جايدىڭ قاراستىلىعىنا سۇيەنىپ، سول ماڭايدا وقۋعا تۇسكەن پەرزەنتتەرى بۇرىنعى مەكەنىندەگى مەكتەپكە قايتىپ وقيدى. 5. بيرمانىڭ سولتۇستىگىندە ايالداپ قالعاندار بەلگىلەنگەن مەرزىم ىشىندە بينياڭعا قايتىپ كەلمەسە، ولاردىڭ وزدەرى مەن تىكەلەي تۋىستارىنا بەرىلەتىن ساياساتتىق قوسىمشا (كومەك) قاراجاتتار زاڭ – ءتۇزىم بويىنشا ۋاقىتشا توقتاتىلادى.
ۇعىسۋعا قاراعاندا، بينياڭ اۋدانى — بۇكىل ەلىمىزدەگى تەلەگرافتان پايدالانعان الدامكوستىك قىلمىستىق ىستەرىن ءتۇيىندى جونگە سالىناتىن وڭىرلەردىڭ ءبىرى، تەلەگرافتان پايدالانعان الدامكوستىك قىلمىستارى ءجيى تۋىلادى. جۋىرداعى جىلداردان بەرى، اتالعان اۋدان مول ادام كۇشىن، زاتتىق كۇشتى، قازىنالىق كۇشتى ىسكە قوسىپ، بينياڭ اۋداندىق الدامكوستىككە قارسى تۇرۋ ورتالىعىن، بىرلەسكەن شايقاس ورتالىعىن، اۋداندىق قوعام حاۋىپسىزدىگى مەكەمەسىنىڭ تەلەگراف پەن ينتەرنەتتەن پايدالانعان الدامكوستىك قىلمىسىنا بارلاۋ جۇرگىزۋ ۇلكەن اترەتىن قۇردى، ينتەرنەتتىك الدامكوستىك قىلمىستارىنىڭ تۋىلۋ مولشەرى كۇرت تومەندەۋدە، ءىشىنارا قىلمىس كۇماندىلارى بيرمانىڭ سولتۇستىگىندەگى وڭىرلەرگە بارىپ دەلو تۋدىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
