بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«بۇل جۇڭگوعا جاسالعان اۋىر ساياسي ارانداتۋشىلىق»

2021.10.25 14:15     كەلۋ قاينارى : حالىق تورابى

  10 - ايدىڭ 22 - كۇنى، جۇڭگونىڭ ا ق ش - تا تۇراتىن ەلشىحاناسىنىڭ مالىمدەمەشىسى ا ق ش مەملەكەتتىك كەڭەسىنىڭ شىعىس ازيا مەكەمەسى ءمانساپتىلارىنىڭ اتالمىش جۇڭگو ب م ۇ ءماجىلىسىنىڭ 2758 - ءنومىرلى قاۋلىسىن «الباتى پايدالاندى» دەگەن قاتە سوزدەر جونىندە اقپار جاريالادى.

  مالىمدەمەشى بىلاي دەپ اتاپ كورسەتتى: 10 - ايدىڭ 21 - كۇنى، ا ق ش مەملەكەتتىك كەڭەسى شىعىس ازيا مەكەمەسىنىڭ ءمانساپتىلارى گەرمانيا مارشالل قور قوعامىنىڭ تالقى ماجىلىسىنە قاتىناسقان كەزدە جۇڭگو ب م ۇ ءماجىلىسىنىڭ 2758 - ءنومىرلى قاۋلىسىن «الباتى پايدالانىپ»، تايۋاندى ب م ۇ قيمىلىنان سىرت قالدىردى دەپ، تايۋاننىڭ ب م ۇ قيمىلىنا قاتىناسۋىن ىلگەرىلەتۋدى ۋاعىزدادى. قاتىستى سوزدەر شىندىقتى بۇرمالاپ، جۇرتتى الجاستىرۋدا، ءمانى جاعىنان العاندا، حالىقارادا «ءبىر جۇڭگو، ءبىر تايۋان» تۋدىرىپ، ءبىر جۇڭگو پرينسيبىنە اشىقتان ـ اشىق سايىس جاريالادى، بۇل جۇڭگوعا جاسالعان اۋىر ساياسي ارانداتۋشىلىق، سونداي ـ اق حالىقارالىق زاڭ مەن جالپى مويىنداعان حالىقارالىق قارىم ـ قاتىناس ولشەمىن جات نيەتپەن بۇرمالاۋ بولىپ تابىلادى. جۇڭگو بۇعان باتىل قارسى تۇرادى، ا ق ش ـ قا قاتاڭ نارازىلىق ءبىلدىردى. مالىمدەمەشى مىنانداي ءۇش جاقتى باسا دارىپتەدى:

  ءبىرىنشى، دۇنيە جۇزىندە تەك ءبىر عانا جۇڭگو بار، مەيلى وتكەندە، قازىر، الدە بولاشاقتا بولسىن، تايۋان تاۋەلسىز يەلىك ۇقىقتى مەملەكەت ەمەس، قايتا جۇڭگو تەرريتورياسىنىڭ ايرىلماس ءبىر بولەگى. بۇل تەمىردەي فاكت ءارى حالىقارالىق قوعامنىڭ كەڭ كولەمدى ورتاق تانىمى، سونداي - اق ءبىرقىدىرۋ حالىقارالىق شارتتار مەن كەلىسىمدەردىڭ تۇراقتاندىرۋىنا يە بولدى. 1943 - جىلى جۇڭگو، ا ق ش، انگليا جاريالاعان «قاھيرا جارناماسىندا» بىلاي دەپ بەلگىلەنگەن: جاپونيا يەلەپ العان جۇڭگو تەرريتورياسىن، مىسالى، مانجوۋ، تايۋان، پىڭحۋ تىزبەك ارالى قاتارلىلاردى جۇڭگوعا قايتارىپ بەرەدى. 1945 - جىلى «پوتسدام جارناماسىندا» «قاھيرا جارناماسىنىڭ» شارتتارى ءسوز جوق، اتقارىلاتىندىعى قايتالاي دارىپتەلگەن. ءبىر جۇڭگو پرينسيبىنە سايىس جاريالاپ، حالىقارادا «ءبىر جۇڭگو، ءبىر تايۋان»، «ەكى جۇڭگو» قۇراتىن ءارقانداي قاسكۇنەمدىكتىڭ ىسكە اسۋى مۇمكىن ەمەس.

  ەكىنشى، ب م ۇ يەلىك ۇقىقتى مەملەكەتتەردەن قۇرالعان ۇكىمەت ارالىق حالىقارالىق ۇيىم. «ب م ۇ ەرەجەسىنىڭ» 4 - تارماعىندا بىلاي دەپ ايقىن بەلگىلەنگەن: يەلىك ۇقىقتى مەملەكەت قانا بىرلەسكەن مەملەكەتتەر ۇيىمىنا مۇشە ەل بولۋعا ۇقىقتى. 1971 - جىلى 10 - ايدىڭ 25 - كۇنى بىرلەسكەن مەملەكەتتەر ۇيىمىنىڭ جينالىسى 2758 - ءنومىرلى قاۋلىنى ماقۇلداپ، جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى ورنى مەن بارلىق زاڭدى ۇقىق - مۇددەسى قالپىنا كەلىپ، بىرلەسكەن مەملەكەتتەر ۇيىمى مەن وعان قاراستى قۇرىلىمدار تايۋان بيلەۋشىلەرىنىڭ ۋاكىلدەرىن قۋىپ شىقتى. تايۋان جۇڭگو تەرريتورياسىنىڭ ايرىلماس ءبىر بولەگى رەتىندە بىرلەسكەن مەملەكەتتەر ۇيىمىنا كىرۋگە مۇلدە تولىمدىلىعى جوق. ا ق ش ءمانساپتىلارىنىڭ قاتىستى قاتە سوزدەرى 2758 - ءنومىرلى قاراردى قاساقانا بۇرمالاعان جانە شىن مانىندە بەتالدى پايدالانعان، حالىقارالىق ار - ۇجدان مەن ب م ۇ - نىڭ بەدەلىنە سايىس جاريالاعان جانە قورلاعان، حالىقارالىق قوعام ونى ورتاق جازعىرۋعا ءتيىس.

  ءۇشىنشى، ا ق ش ـ تىڭ ءبىر جاعىنان ءبىر جۇڭگوعا تاباندى بولامىز دەپ، ەندى ءبىر جاعىنان ءتۇرلى امالدارمەن تايۋانمەن بولعان قارىم ـ قاتىناسىن ۇزدىكسىز دامىتىپ، تايۋاننىڭ «حالىقارالىق كەڭىستىكتى» كەڭەيتۋىنە كومەكتەسىپ، «تايۋاندى دەربەستەندىرۋدى» كوزدەيتىن كۇشتەرگە تىرەك بولۋى، ا ق ش ـ تىڭ «تايۋان ارقىلى جۇڭگونى شاۋجايلاۋ» سىندى قىرعي قاباقتىق ويى مەن سۇرقيا قاسكۇنەمدىگىن تولىق اشكەرەلەدى. ءبىز ا ق ش ـ قا جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىن، بەرىك ەركىن جانە قۇدىرەتتى قابىلەتىن تومەن مولشەرلەمەۋدى، ءبىر ميلليارد 400 ميلليون جۇڭگو حالقىنىڭ قاراما ـ قارسى جاعىندا تۇرماۋدى ەسكەرتەمىز. ءبىز ا ق ش ـ تى ءبىر جۇڭگو پرينسيبى مەن جۇڭگو ـ ا ق ش ءۇش بىرلەسكەن مازمۇنداماسىنداعى بەلگىلەمەلەرگە شىنايى بويسۇنىپ، تايۋان ماسەلەسىندە ابايلاپ سويلەپ، «تايۋاندى دەربەستەندىرۋدى» كوزدەيتىن بولشەكتەۋشى كۇشتەرگە ەشقانداي قاتە سيگنال بەرمەي، جۇڭگو ـ ا ق ش قاتىناسىنا جانە تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزۋدەن ساقتانۋعا قۋزايمىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار