كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن ۋاعىندا جۇزەگە اسىرۋعا كەپىلدىك ەتەيىك
«حالىق گازەتىنىڭ» شولۋشىسى
2021.10.25 16:06 كەلۋ قاينارى : حالىق تورابى
ج ك پ ورتالىق كوميتەتى، مەملەكەتتىك كەڭەس تاياۋدا «جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن ۋاعىندا جۇزەگە اسىرۋعا كەپىلدىك ەتۋ جونىندە جاپپاي ورنالاستىرۋ جاساپ، ەلىمىزدىڭ جاسىل، تومەن كومىرتەكتى تيپكە بۇرىلىس جاساۋداعى جانە ساپالى دامۋدى ىلگەرىلەتۋدەگى وراسان زور باتىلدىعىن، بەرىك سەنىمىن جانە بۇرىن بولىپ كورمەگەن تەبىنىن تولىق ايگىلەپ، ەلىمىزدىڭ دۇنيە جۇزىلىك كليماتتى جونگە سالۋعا بەلسەنە ات سالىسۋداعى جانە جەتەكشىلىك ەتۋدەگى ءىرى ەلدىك جاۋاپكەرلىگىن تولىق ايگىلەدى.
جەر شارى − ادامزاتتىڭ تىرشىلىك ەتەتىن بىردەن - ءبىر مەكەنى. ادامزات وزىنە توڭكەرىس جاساپ، جاسىل دامۋ ءتاسىلى مەن تۇرمىس ءتاسىلىن جەدەل قالىپتاستىرىپ، ەكولوگيالىق وركەنيەت پەن كورىكتى جەر شارىن قۇرۋى قاجەت. كليمات وزگەرىسىنە توتەپ بەرۋ جونىندەگى «پاريج كەلىسىمى» دۇنيە جۇزىلىك جاسىل، تومەن كومىرتەكتى تيپكە بۇرىلىس جاساۋدىڭ جالپى بەتالىسىنا ۋاكىلدىك ەتەدى، ول − جەر شارى مەكەنىن قورعاۋدا قولدانۋعا ءتيىستى ەڭ تومەنگى شەك ارەكەتى، بۇل جاعىندا ءار ەل، ءسوز جوق، شەشۋشى قادام تاستاۋى كەرەك. جۇڭگو اۋەلدەن ەكولوگيالىق وركەنيەتتىڭ امالياتتا ايگىلەۋشىسى، دۇنيە جۇزىلىك كليماتتى جونگە سالۋدىڭ ارەكەتتەنۋشىسى بولىپ، «پاريج كەلىسىمىنىڭ» جاسالۋى مەن كۇشكە يە بولۋىنا ماڭىزدى ۇلەس قوستى. بىلتىرعى 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا ءتوراعا شي جينپيڭ: «جۇڭگو مەملەكەتتىڭ دەربەس ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات جانە شارا قولدانىپ، كومىرتەگى قوس توتىعىن ىعىستىرۋدى 2030 - جىلدان بۇرىن جوعارعى مانگە جەتكىزۋگە كۇش سالىپ، 2060 - جىلدان بۇرىن كومىرتەگىن بەيتاراپتاندىرۋعا قول جەتكىزۋگە قۇلشىنادى» دەپ رەسمي جاريالاعان بولاتىن. كومىرتەگى قوس توتىعىنىڭ شىعارىلۋىن جوعارى مانگە جەتكىزىپ، كومىرتەگىن بەيتاراپتاندىرۋدى ىسكە اسىرۋ − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ جاساعان كەلەلى ستراتەگيالىق شەشىمى، بايلىق ورتاسىنىڭ تەجەۋىندەگى كورنەكتى ماسەلەلەردى كۇش سالا شەشىپ، جۇڭحۋا ۇلتىنىڭ باياندى دامۋىن جۇزەگە اسىرۋدىڭ تابيعي تالعامى، ادامزاتتىڭ تاعدىرلاس ورتاق تۇلعاسىن قۇرۋدىڭ ايبىندى ۋادەسى. وسى رەت باسىپ تاراتىلعان «پىكىردە» كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋك نىساناسىن جۇزەگە اسىرۋ ءۇشىن «ۋاقىت كەستەسى»، «جول كارتاسى» جاسالدى، بۇل − ەلىمىزدىڭ ساپالى دامۋدى ىلگەرىلەتۋدەگى، ەكولوگيالىق وركەنيەت قۇرىلىسىن كۇشەيتۋدەگى، مەملەكەتتىڭ ەنەرگيا حاۋىپسىزدىگىن قورعاۋداعى، ادامزاتتىڭ تاعدىرلاس ورتاق تۇلعاسىن قۇرۋداعى ماڭىزدى شارا. «پىكىردىڭ» اتقارىلۋى ەلىمىزدىڭ ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى ىسكە اسىرۋىنا اناعۇرلىم زور ۇلەس قوسادى، سونداي - اق دۇنيە ءجۇزىنىڭ كليمات وزگەرىسىنە توتەپ بەرۋدەگى «پاريج كەلىسىمى» نىساناسىن جۇزەگە اسىرۋىنا قۇدىرەتتى قوزعاۋشى كۇش قوسادى.
ءتوراعا شي جينپيڭ بىلاي دەپ دارىپتەگەن بولاتىن: كليمات وزگەرىسىنە توتەپ بەرۋ − جۇڭگونىڭ باياندى دامۋىنىڭ ىشكى تالابى، سونداي - اق جاۋاپكەرلىك ارقالايتىن ءىرى ەلدىڭ وتەۋگە ءتيىستى حالىقارالىق بورىشى، بۇل باسقالار بىزگە ىستەتپەكشى بولعان ءىس ەمەس، قايتا ءوزىمىز ىستەۋگە ءتيىستى ءىس. جاڭا دامۋ كەزەڭىندە ەكولوگيالىق وركەنيەت قۇرىلىسىنا اناعۇرلىم جوعارى تالاپتار قويىلدى، جاسىل دامۋدى، ءسوز جوق، كۇش سالا ىلگەرىلەتىپ، دۇنيە ءجۇزىنىڭ دامۋ اعىمىنا قۇلشىنا جەتەكشىلىك ەتۋ كەرەك. كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن ىسكە اسىرۋ − كەڭ كولەمدى ءارى تەرەڭ ەكونوميكالىق، قوعامدىق وزگەرىس، استە جەڭىل - جەلپى ىسكە اسپايدى. ەلىمىزدىڭ كومىرتەگى قوس توتىعىنىڭ شىعارىلۋىن جوعارى مانگە جەتكىزۋدەن كومىرتەگىن بەيتاراپتاندىرۋعا دەيىنگى نىسانانى ىسكە اسىرۋ ۋاقىتى جاعىندا بەرگەن ۋادەسى دامىعان ەلدەردىڭ جۇمساعان ۋاقىتىنان الدەقايدا قىسقا بولادى، بۇل ەلىمىزدىڭ دۇنيە جۇزىندەگى ەڭ ءىرى وركەندەپ كەلە جاتقان ەل رەتىندە، دۇنيە ءجۇزى بويىنشا كومىرتەگى قوس توتىعىنىڭ ىعىستىرىلۋىن ەڭ زور دارەجەدە تومەندەتىپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋدەن كومىرتەگىن بەيتاراپتاندىرۋعا دەيىنگى نىسانانى دۇنيە ءجۇزى تاريحىندا ەڭ قىسقا ۋاقىتتا ىسكە اسىراتىنىنان دەرەك بەرەدى. بۇنىڭ قاجىرلى قۇلشىنىسىمىزدى قاجەت ەتەتىنى ءشۇباسىز. ءبىز شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، جاڭا دامۋ ساتىسىن تياناق ەتىپ، جاڭا دامۋ يدەياسىن تولىق، دۇرىس، جاپپاي دايەكتىلەندىرىپ، جاڭا دامۋ جۇيەسىن قۇرىپ، ساپالى دامۋدى ىلگەرىلەتىپ، جۇيەلى كوزقاراستا تاباندى بولىپ، دامۋ جانە بىلعانىشتىڭ شىعارىلۋىن ازايتۋ، كومىرتەگى قوس توتىعىنىڭ شىعارىلۋىن ازايتۋ جانە حاۋىپسىزدىك، جالپى تۇلعا جانە ءىشىنارا بولەك، قىسقا مەرزىم جانە ورتا، ۇزاق مەرزىم، ورناتۋ جانە قيراتۋ، ۇكىمەت جانە بازار، ەل ءىشى جانە حالىقارا سياقتى كوپ جاقتى، كوپ ولشەمدى قاتىناستى ويداعىداي شەشىپ، كومىرتەگى قوس توتىعىنىڭ شىعارىلۋىن جوعارى مانگە جەتكىزىپ، كومىرتەگىن بەيتاراپتاندىرۋدى ەكونوميكالىق، قوعامدىق دامۋدىڭ جالپى جاعدايىنا ەنگىزىپ، «پىكىردىڭ» تالابى بويىنشا كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ قىزمەتىن جاقسى ىستەپ، ەكونوميكالىق، قوعامدىق دامۋدا جاپپاي جاسىل تيپكە بۇرىلىس جاساۋدى جەتەكشى ەتىپ، ەنەرگيانى جاسىل، تومەن كومىرتەكتى دامىتۋدى شەشۋشى ءتۇيىن ەتىپ، بايلىقتى ۇنەمدەيتىن جانە ورتانى قورعايتىن كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن، كەڭىستىك جاعدايىن قالىپتاستىرۋدى جەدەلدەتىپ، ەكولوگيانى الدىمەن ەسكەرەتىن، جاسىل، تومەن كومىرتەكتى ساپالى دامۋ جولىمەن بۇلجىماي ءجۇرىپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن ۋاعىندا جۇزەگە اسىرۋعا كەپىلدىك ەتۋىمىز كەرەك.
ايتقانىن ورىنداۋ، ىسىنەن ناتيجە شىعارۋ كەرەك. «پىكىردە» «14 - بەسجىلدىق» جوبا مەزگىلى، سونداي - اق 2030 - جىلدان بۇرىنعى، 2060 – جىلدان بۇرىنعى دەگەن ەكى ماڭىزدى ۋاقىت كەزەڭى تياناق ەتىلىپ، ەكونوميكالىق، قوعامدىق دامۋدا جاپپاي جاسىل تيپكە بۇرىلىس جاساۋدى ىلگەرىلەتۋ، كاسىپ قۇرىلىمىن ىشكەرىلەي رەتتەۋ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن جەدەل قۇرۋ، تومەن كومىرتەكتى قاتىناس - تاسىمال جۇيەسى قۇرىلىسىن جەدەل ىلگەرىلەتۋ، قالا - اۋىل قۇرىلىسىنىڭ جاسىل، تومەن كومىرتەكتى دامۋ ساپاسىن جوعارىلاتۋ، جاسىل، تومەن كومىرتەكتى كەلەلى عىلىم - تەحنيكادا قامال الۋ مەن جالپىلاستىرىپ قولدانۋدى كۇشەيتۋ، كومىرتەگى قوس توتىعىن ءسىمىرۋ قۋاتىن ۇزدىكسىز بەكەمدەۋ، جوعارىلاتۋ، سىرتقا ەسىك اشۋدىڭ جاسىل، تومەن كومىرتەكتى دامۋ دەڭگەيىن جوعارىلاتۋ، زاڭ - ەرەجە ولشەمىن جانە ساناقتىق باقىلاۋ - تەكسەرۋ جۇيەسىن اقاۋسىزداندىرۋ، ساياسات مەحانيزمىن كەمەلدەندىرۋ سياقتى ءتۇيىندى مىندەتتەر ايقىن العا قويىلدى. «بۇكىل ەل بويىنشا ءبىر تۇتاس جوسپارلاۋ، ۇنەمشىلدىكتى الدىڭعى ورىنعا قويۋ، ەكى جاقتاعى قوزعاۋشى كۇشتى ىسكە قوسۋ، ءىش پەن سىرتتى ىركىلىسسىزدەندىرۋ، حاۋىپ - قاتەردەن ساقتانۋ» قىزمەت پرينسيبىندە تاباندى بولىپ، ۇيىمدىق اتقارۋدى شىن مانىندە كۇشەيتىپ، ءبىر تۇتاس سايكەستىرۋدى نىعايتىپ، قىزمەتتىڭ بىرىككەن كۇشىن قالىپتاستىرىپ، «پىكىردە» العا قويىلعان مىندەتتەردى ناقتى تياناقتاندىرۋ كەرەك.
كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن ىسكە اسىرۋ − قيان - كەسكى شايقاس، سونداي - اق پارتيامىزدىڭ ەل باسقارۋ قابىلەتى جونىنەن ۇلكەن سىناق. كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ جاۋاپكەرلىگىن باتىل ارقالاپ، العان بەتىنەن قايتپايتىن ارىنمەن كومىرتەگى قوس توتىعىن ىعىستىرۋدى 2030 - جىلدان بۇرىن جوعارعى مانگە جەتكىزۋ، 2060 - جىلدان بۇرىن كومىرتەگىن بەيتاراپتاندىرۋ نىساناسىن ۋاعىندا جۇزەگە اسىرساق، ءبىز، ءسوز جوق، بۇكىل دۇنيە ءجۇزىنىڭ كليمات وزگەرىسىنە توتەپ بەرۋگە، ادامزاتتىڭ باياندى دامۋىن جۇزەگە اسىرۋعا اناعۇرلىم زور ۇلەس قوسىپ، ەكولوگيالىق وركەنيەت شۇعىلاسىمەن العا باسۋ جولىن نۇرلاندىرا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
