كۇز بەن قىستا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋدى كۇشەيتىپ،
سىرتتان كىرۋدەن ساقتانۋ وتكەلدەرىن قاتاڭ قورعاپ، ءوڭىر اتتاعان شوعىرلانۋ قيمىلدارىن ازايتۋ كەرەك (مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىنەن)
2021.10.25 16:10 كەلۋ قاينارى : حالىق تورابى
«حالىق گازەتى»، 10 - ايدىڭ 24 - كۇنى، بەيجيڭ (ءتىلشى ياڭ يانفان). مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى 10 - ايدىڭ 24 - كۇنى اقپار جاريالاۋ ءماجىلىسىن اشىپ، كۇز بەن قىستا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋدى كۇشەيتۋگە جانە ۆاكسينا ەگۋدى جاقسى ىستەۋگە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى، ۇگىت تارماق مەكەمەسى باستىعىنىڭ ورىنباسارى مي فىڭ بىلاي دەدى: قازىر شەتەلدەردە ىندەت ۇزدىكسىز تارالۋدا، بۇعان ماۋسىمدىق فاكتورلار قاباتتاسىپ، ىندەتتىڭ تارالۋ مۇمكىندىگىن كۇشەيتتى. 10 - ايدىڭ 17 - كۇنىنەن بەرى ەل ىشىندە جەرگىلىكتى جەرلەردە ىندەت كوپ تۇيىندە تارالىپ، تەز قارقىنمەن اسقىنۋ اۋقىمى جارىققا شىعىپ، ءبىر اپتا ىشىندە 11 ولكەنى (اۆتونوميالى رايون، توتە قاراستى قالا) شارپىدى. جۇعىمدالعانداردىڭ كوبى رايون اتتاپ ساياحاتتاۋ قيمىلىنا قاتىناسقاندار بولىپ، ىندەتتىڭ ونان ارى تارالۋ حاۋىپ - قاتەرى ءالى دە ارتا تۇسۋدە. سىرتتان كىرۋدەن ساقتانۋ وتكەلدەرىن قاتاڭ قورعاپ، ادام، زات، قورشاعان ورتا بويىنشا بىردەي قورعانۋدا تاباندى بولىپ، ءوڭىر اتتاعان شوعىرلانۋ قيمىلدارىن ازايتىپ، ىندەتتىڭ كەڭەيۋىن باتىل تەجەۋ كەرەك.
مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسى باستىعىنىڭ ورىنباسارى ۋ لياڭيوۋ تانىستىرىپ بىلاي دەدى: بۇل رەتكى ىندەتتىڭ تارالۋ كولەمى كەڭ، جۇقپالىلىعى كۇشتى، ۆيرۋس دەلتا مۋتانتى بولىپ وتىر، ءىشىنارا ناۋقاستاردىڭ تىنىس جولى ۇلگىسىندە ۆيرۋستىق نۋكلەين قىشقىلىنىڭ جۇكتەمەسى جوعارى، ىندەتتىڭ قاينارى ءالى دە تەگىن انىقتاۋ مەزگىلىندە تۇر. قازىرگى ەپيدەميولوگيالىق زەرتتەۋگە جانە ۆيرۋستىڭ رەت - ءتارتىبىن ولشەۋ ناتيجەسىنە نەگىزدەلگەندە، ناۋقاستاعى ۆيرۋستىڭ تۇتاس گەن گرۋپپاسى رەتىنىڭ ەل ىشىندەگى وسىدان بۇرىنعى ىندەتپەن قاينار جاعىنداعى ۇقساستىعى تومەن بولىپ، وسى رەتكى ىندەتتىڭ شەكارا سىرتىنداعى جاڭا قايناردان كىرگەنىن ەسكەرتۋدە.
10 - ايدىڭ 23 - كۇنىنە دەيىن بۇكىل ەل بويىنشا جالپى 2 ميلليارد 244 ميلليون 727 مىڭ دانا – رەت جاڭا تيپتى ايدارشا ۆيرۋس ۆاكسيناسىنىڭ ەگىلگەنى، ۆاكسينانىڭ تولىق دوزاسىن ەكتىرگەندەردىڭ ءبىر ميلليارد 67 ميلليون 621 مىڭ ادام بولعانى جونىندە مالىمەت بەرىلدى. جۇڭگو اۋرۋدى تىزگىندەۋ ورتالىعىنىڭ يممۋنيتەتتەندىرۋ جوباسىنىڭ باس مامانى ۋاڭ حۋاچيڭ مىنانى ءبىلدىردى: ۆاكسينا زەرتتەۋ - اشۋ ارناۋلى توبى ۆاكسينالىق يممۋنيتەتتەندىرۋدى كۇشەيتۋ تاكتيكاسى جونىندە ارناۋلى مامانداردىڭ دالەلدەۋىن ۇيىمداستىردى، الدىڭعى مەزگىلدەگى يممۋنيتەتتەندىرۋدى كۇشەيتۋ تۇرعىسىنداعى ۆاكسينانى زەرتتەۋ ناتيجەسىنە نەگىزدەلىپ، ۆاكسينانىڭ حاۋىپسىزدىگى، قورعاۋ ونىمدىلىگى سياقتى فاكتورلاردى ويلاستىرۋ نەگىزىندە، 3 ءتۇرلى قۋاتسىزداندىرىلعان ۆاكسينا مەن ءبىر ءتۇرلى بەز ۆيرۋسىن دانەكەر ەتكەن ۆاكسينا ارقىلى يممۋنيتەتتەندىرۋدى كۇشەيتۋ تاكتيكاسىن العا قويدى. قازىر يممۋنيتەتتەندىرۋدى كۇشەيتۋ ۆاكسيناسى حاۋىپ - قاتەرى جوعارى ادامدار اراسىندا جانە قوعامنىڭ نەگىزگى اينالىمىن قامتاماسىزداندىراتىن شەشۋشى قىزمەت ورىندارىنداعى قىزمەتكەرلەر اراسىندا الدىمەن ەگىلۋدە.
«3 - ايدان بەرى بۇكىل ەل بويىنشا جۇقپالى تۇماۋدىڭ جاندانۋ دارەجەسى بىلتىرعى سايكەس مەزگىلدەگى ورەدەن جوعارى بولدى، ونىڭ ۇستىنە 9 - ايدان بەرى وڭتۇستىكتەگى ءىشىنارا ولكەلەردە جۇقپالى تۇماۋدىڭ جاندانۋ دەڭگەيى كورنەكتى جوعارىلادى». ۋاڭ چيڭحۋا بىلاي دەدى: وسى قىس پەن كەلەر كوكتەمدە جاڭا تيپتى ايدارشا ۆيرۋس وكپە قابىنۋ ىندەتى مەن جۇقپالى تۇماۋ سياقتى تىنىس جولى جۇقپالى اۋرۋلارىنىڭ قاباتتاسىپ تارالۋ قاتەرى ورىن تەبۋى مۇمكىن. جاڭا تيپتى ايدارشا ۆيرۋس ۆاكسيناسىن ەگۋ تەحنيكالىق باعدارناماسىندا قازىر جۇقپالى تۇماۋ ۆاكسيناسى مەن جاڭا تيپتى ايدارشا ۆيرۋس ۆاكسيناسىن ەگۋ ارالىعىنىڭ 14 كۇننەن جوعارى بولۋى ۇسىنىس ەتىلگەن.
قاتىناس - تاسىمال مينيسترلىگى شۇعىل جاعدايعا توتەپ بەرۋ كەڭسەسى مەڭگەرۋشىسىنىڭ ورىنباسارى جوۋ مين مىنانى ءبىلدىردى: حاۋىپ – قاتەرى ورتاشا جوعارى وڭىرلەردە تۇرعان اۋدان دارەجەلى اكىمشىلىك وڭىرلەردە سىرتقى جولاۋشى تاسىمالىنا قىزمەت وتەۋدى پرينسيپتىك جاقتان ۋاقىتشا توقتاتۋ، حاۋىپ - قاتەرى ورتاشا وڭىرلەردە تۇرعان قالالاردا قالا اتتاعان الەۋمەتتىك قاتىناس، تاكسي، اۆتوكولىككە بىرلەسىپ وتىرۋ كاسىبىن ۋاقىتشا توقتاتۋ كەرەك. حاۋىپ - قاتەرى ورتاشا جوعارى رايونداردىڭ رەليستى قاتىناسى مەن قالالارداعى الەۋمەتتىك قاتىناس بەكەتتەرىنە قاراتا بەكەت اتتاپ جۇمىس جۇرگىزىپ، ىندەتتىڭ تارالۋ ارناسىن بار كۇشپەن ءۇزۋ كەرەك.
مادەنيەت جانە ساياحات مينيسترلىگى بازار باسقارۋ تارماق مەكەمەسىنىڭ باستىعى ليۋ كىجى بىلاي دەدى: ساياحات كورىنىس رايونى قىزمەتكەرلەرىنىڭ شوعىرلانۋ سيپاتى كۇشتى، جىلجىمالىلىعى زور، ىندەتتەن ساقتانۋ - تىزگىندەۋ قيىندىعى زور، ءسوز جوق، ءتۇرلى ساقتانۋ - تىزگىندەۋ شارالارىن قاتاڭ، تىڭعىلىقتى تياناقتاندىرىپ، شۇعىل جاعدايعا توتەپ بەرۋ جوباسىن كەمەلدەندىرىپ، قىزمەت مەحانيزمىن اقاۋسىزداندىرۋ كەرەك.
كەدەن باس مەكەمەسى دەنساۋلىق ساقتاۋ - كارانتيندەۋ تارماق مەكەمەسى باستىعىنىڭ ورىنباسارى لي جىڭلياڭ بىلاي دەدى: كەدەن باس مەكەمەسى شەكارا وتكەلىنىڭ ىندەتتەن ساقتانۋ - تىزگىندەۋ قىزمەتتەرىن مىقتى، ەگجەي - تەگجەيلى يگەرىپ، ىندەتتىڭ شەكارا وتكەلىنەن كىرۋىن باتىل تەجەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
