ازدىرۋعا ۇشىراعاندا كوڭىل – كۇيدى تەڭشەي ءبىلىڭىز
2021.10.25 16:50 كەلۋ قاينارى : حالىق تورابى
جۋىردا ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى تورابى جىجياڭ ولكەسى حاڭجوۋ قالاسىنداعى ناقتى سالانى قارجىلاندىرۋ توبى پارتكومىنىڭ بۇرىنعى مۇشەسى، باس ديرەكتورى لو شۇيشىڭنىڭ تارتىپكە، زاڭعا اۋىر دارەجەدە قايشىلىق جاساعان دەلوسىنا تالداۋ جاساعان ماقالانى جاريالادى. لو شۇيشىڭنىڭ ءىرىپ – ءشىرۋ ، ازعىنداۋ جولىنا ءتۇسۋىنىڭ العاشقى قادامى ىشتەي سالىستىرۋدان باستالعان. ونىڭ ءوزى وكىنىشىن بىلدىرگەن كەزدە ايتقانىنداي: «اۋرۋ مىسقالداپ كىرەدى دەگەن، ۇساق ىستەردە ابايلاماعاندىقتان، كوڭىل - كۇيىمدى تەڭشەي الماي، قاناعاتسىزدىق پايدا بولىپ، زاڭعا قايشى قىلمىس وتكىزۋ جولىنا ءتۇستىم»، — دەگەن. لو شۇيشىڭ تەحنيكالىق جۇمىسشدان ورىنباسار مەڭگەرمە دارەجەلى كادر دەڭگەيىنە ءوسىپ، ەڭ سوڭىندا تۇتقىنداعى قىلمىسكەرگە اينالدى، بۇل ءىس ادامعا تەرەڭ وي سالادى.
كوڭىل – كۇيدى مەڭگەرە الماۋ — ءبىر ءتۇرلى پسيحولوگيالىق قۇبىلىس، كوپتەگەن ادامدار بەلگىلى ساتتە كوڭىل – كۇيدى مەڭگەرە الماي قالادى. كوڭىل – كۇيدى مەڭگەرە الماي قالۋدىڭ سەبەبى كوپ، كوزسىزدىكپەن سالىستىرۋ — باستى فاكتورلاردىڭ ءبىرى. لو شۇيشىڭنىڭ كوڭىل – كۇيىن مەڭگەرە الماي قالۋى قوجايىن دوسىنىڭ ءبىر اۋىز سوزىنەن بولعان. 38 جاسقا جەتپەي تۇرىپ، حاڭجوۋ قالاسىنداعى بەلگىلى ءىرى مەمىلەكەت مەنشىگىندەگى كاسىپورىننىڭ ورىنباسار باس ديرەكتورى بولىپ، قالانىڭ باسقارۋىنداعى كادرلار قاتارىنا قوسىلعان سوڭ، ما شۇيشىڭ ءبىرتالاي ۋاقىت بويى ەكونوميكالىق جاقتان قولجەتىمدى ۇيلەر ورنالاسقان شاعىن اۋماقتا تۇرعان، سوندىقتان، ونىڭ دوستارى كوبىنشە وعان: « باس ديرەكتور لو شۇيشىڭ، ءسىز وتە قاراپايىم ادامسىز، قازىردىڭ وزىندە مىناداي جەردە تۇرىپ جاتىرسىز»، — دەگەن قالجىڭدى ۇنەمى ايتاتىن. ايتۋشىنىڭ كوڭىلىندە ەشتەڭە بولماعانىمەن، بۇل ءسوز تىڭداۋشىنىڭ ويلاعان جەرىنەن شىعادى. لو شۇيشىڭنىڭ كوڭىل – كۇيىندە بىرتىندەپ وزگەرىس تۋىلادى، وتە – موتە، ءىشىنارا قوجايىنداردىڭ ساۋلەتتى ۇيدە تۇرىپ، قىمبات كولىك مىنگەنىن كورگەندە، ءوزىن قوراشسىنىپ كەتەدى. وسىلايشا، ونىڭ ارانى اشىلا باستايدى. ادام كوڭىلدىڭ قالاۋىنان اسا السىن با، يدەيالىق جاقتا قورعانىستان ايرىلعان سوڭ، قانداي ىستەردى ىستەۋدەن دە تايىنبايدى.
ادامنىڭ ىندىنىن قاناعاتتاندىرامىن دەۋ قيىن، ادامنىڭ ارانى اشىلعان سوڭ، ول بارعان سايىن قاناعاتسىز بولادى. قول استىنداعى سەرىكتەستىكتەردەن تومەن باعادا ءۇي ساتىپ الۋدان باستاپ، ما شۇيشىڭ ۇقىعىنان پايدالانىپ جەكە باسىنىڭ مۇددەسىن كۇيتتەۋدىڭ ءبىرىنشى قادامىن باسقان، وسىدان سوڭ مۇلدە توقتاتا الماعان. كەيبىر قوجايىنداردىڭ قابىلەتى وزىنەن ناشار بولسا دا، اقشانى وڭاي كۇرەپ تاۋىپ جۇرگەنىن كورگەن سوڭ، ول كوڭىل – كۇيىن ءتىپتى دە مەڭگەرە الماي قالادى، نىساننان پايدالانىپ پايدا تابۋدان دا بارعان سايىن يمەنبەيتىن بولادى. ەڭ سوڭىندا، لو شۇيشىڭ 12 جىلدىق مەرزىمدى قاماق جازاسىنا كەسىلدى ءارى وعان ءبىر ميلليون 500 مىڭ يۋان اقشالاي ايىپ سالىندى. لو شۇيشىڭ ءوزىنىڭ ارەكەتىنە سايكەستى بوداۋ بەردى، ونىڭ بۇل ءىسى باسقالارعا دا تەرەڭ ساباق بولادى.
باسشى كادرلاردىڭ ازدىرۋعا كوپ ۇشىرايتىنىن تەرىستەۋگە كەلمەيدى. مەيلى، قانداي جاعدايدا بولسىن، بۇل تارتىپكە، زاڭعا قايشى كەلۋدىڭ سىلتاۋىنا اينالماۋى كەرەك. بارىنە بىردەي قولىمدى جەتكىزەمىن دەۋگە كەلمەيتىنىن باستان – اياق ەستە ساقتاۋ كەرەك، ءمانساپتى بولۋ مەن بايۋ دەگەن ەكى ءتۇرلى جول، قوجايىنداردىڭ ساۋدامەن بايىعانىن كورگەندە كوڭىل – كۇيدەگى تەپە – تەڭدىكتەن ايرىلىپ قالماۋ كەرەك. ۇيتپەگەندە، ءارى ءمانساپتى بولسام، ءارى پايدا تاپسام دەگەن ويدىڭ جەتەگىندە، ىستەگەن ءىستىڭ بارلىعىندا بارعان سايىن تەرىس جولعا تۇسەتىن بولادى.
ازدىرۋعا ۇشىراعاندا كوڭىل – كۇيدى مەڭگەرە الماۋ دەگەنىمىز، ناقتاپ ايتقاندا، ول ادامنىڭ يدەيالىق تانىمى مەن سەنىمى بەكەم ەمەس ەكەنىن، ازدىرۋ مەن «شىرعالاۋعا» ۇشىراعاندا وي توقتاتا الماعانىن، قادامىن انىق باسا الماعانىن كورسەتەدى. ءىس جۇزىندە، ادامنىڭ پاك تە تەجەمدى بولا الۋ، بولا الماۋىنداعى ەڭ زور ازدىرۋشى — ونىڭ ءوزى، جەڭۋگە ەڭ قيىن جاۋ — ونىڭ ءوزى. پارتيالى كادرلار باستان – اياق ساق بولۋى، ءوزىن ءوزى قادىرلەۋى، ءوزىن - ءوزى تەكسەرىپ وتىرۋى، وزىنە ءوزى ەسكەرتىپ وتىرۋى، ءوزىن ءوزى شابىتتاندىرۋى، بولىمسىز باس پايدانىڭ ازدىرۋىنا ىلەسپەۋگە، اداستىراتىن الەم – جالەم دۇنيەگە كوز سالماۋعا قۇلشىنۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
