بۇقاراعا جاۋاپ قايتارعاندا «جوعال» دەگەن ءسوزدى قاتە قولدانعاندىقتان قىزمەتىنەن قالعان باستىققا وبال بولدى ما؟
2021.10.26 13:02 كەلۋ قاينارى : حالىق تورابى
بيىل 9 – ايدىڭ 12 – كۇنى حىبەي ولكەسى پيڭشان اۋداندىق پارتكومنىڭ تۇراقتى مۇشەسى، ساياسي – زاڭ كوميتەتىنىڭ شۋجيى يىن حۇيچياڭ بۇقارادان كەلگەن كەلتە حاتقا جاۋاپ قايتارعاندا «جوعال» دەگەن ءسوزدى قاتە قولدانعاندىقتان، جۇرتتىڭ نازارىن اۋدارعان بولاتىن. جۋىردا شىجياجۋاڭ قالالىق پارتكومنىڭ بىرلەسكەن تەكسەرۋ گرۋپپاسى جاريالاعان مالىمدەگە قاراعاندا، يىن حۇيچياڭ قىزمەتىنەن بوساتىلعان ءارى پيڭشان اۋدانىنداعى قاتىستى تاراۋلاردى بۇقارانىڭ اڭىس ەتكەن ماسەلەسىن شىندىقتى ءىس جۇزىنەن ىزدەي وتىرىپ، زاڭ – تۇزىمگە ساي ءبىرجاقتى ەتۋگە بۇيىرعان.
بۇل ۇقتىرۋدا يىن حۇيچياڭنىڭ وسىنىڭ الدىندا ايتقان «بۇقارانىڭ كومەك سۇراعان كەلتە حاتىن تەلەگرافتان پايدالانعان الدامكوستەردىڭ جولداعانى ەكەن دەپ قالىپپىن» دەگەن ءسوزىنىڭ شىن – جالعانى دالەلدەنگەن. ۇقتىرۋعا قاراعاندا، تەكسەرۋ گرۋپپاسى ەكى جاقتاعى وسى ىسكە قاتىستى ادامداردان سۇراۋ، سول جەردە سالىستىرۋ جانە قاتىستى تاراۋلاردىڭ تەحنيكالىق تەكسەرۋىنەن وتكىزۋ ارقىلى، ءىس جۇزىندە مازمۇنى ۇقساس كەلتە حاتتىڭ گۋان سۇيمين مەن يىن حۇيچياڭنىڭ قولفونىندا ەكى ءتۇرلى فورمادا كورىنگەنىن بايقاعان، الدىڭعىسىنىڭ قولفونىندا مىڭ ارىپتەن اساتىن شىن اتىمەن مالىمدەۋ بولسا، كەيىنگىسىنىڭ قولفونىندا «ۇزاق ءماتىن + جالعانىم» فورماسىندا كورىنگەن. مۇنداي جاعدايدىڭ بايقالۋى، بالكىم، تەلەگراف سەرىكتەستىكتەرىنىڭ، قولفون شىعاراتىن كاسىپورىنداردىڭ قاتىستى تەحنيكالىق ولشەمدەرىنىڭ تەڭشەلۋىمەن قاتىستى بولۋى مۇمكىن.
تەكسەرۋ ناتيجەسىنە قاراعاندا، يىن حۇيچياڭ كومەك سۇراعان بۇقاراعا قاساقانا قاتتى ءسوز ايتپاعان. سوندىقتان دا توراپتاستار بۇكىل حالىق بولىپ الدامكوستىككە قارسى تۇرىپ جاتقان جاعدايدا، الدامكوستىككە ۇقسايتىن ينفورماتسيانى تاپسىرىپ العان باسشىنىڭ «جوعال» دەپ ءسوز قايتارۋىن تۇسىنۋگە بولادى، وعان بولا قاتتى سىنداۋ، قىزمەتىنەن بوساتۋ وتە اۋىر بولىپ كەتتى دەپ قاراعان.
ءىس جۇزىندە، باسشىنىڭ بۇقاراعا جاۋاپ قايتارعاندا «جوعال» دەگەن ءسوزدى قاتە جولداۋى سەبەبىنەن قىزمەتىنەن قالۋى جازىقسىز جابىرلەنۋگە جاتپايدى. مالىمدەمەدە انىق ايتىلعان، يىن حۇيچياڭ پارتيالى باسشى كادر بولا تۇرا، كەلتە حاتتا قارا ءدۇرسىن، دورەكى ءسوز ايتىپ، ناشار ىقپال تۋدىرعان، بۇل ونىڭ يدەياسى مەن ستيلىنىڭ شىنايى ەمەس ەكەنىن، تاربيەسىز ەكەنىن كورسەتەدى، سوندىقتان وعان ەسكەرتۋ بەرۋ رەتىندە ونى قىزمەتىنەن بوساتۋ ۇيعارىلعان.
قاتە قولدانسا دا، بۇل ءسوزدى قولدانعانى راس، بايقاۋسىزدا ادام جارالاپ السا دا ادام جارالاعانعا جاتادى. باسشى كادرلاردى قامتىعان ءارقانداي ادام ءوزىنىڭ ارەكەتىنە جاۋاپتى بولۋى كەرەك، «بايقاماي قالىپپىن» دەگەن سىلتاۋمەن جاۋاپكەرشىلىكتەن سىتىلىپ كەتۋىنە بولمايدى. بۇقارا ءۇشىن ايتقاندا، كومەك سۇراپ حات جولداعاندا «جوعال» دەگەن جاۋاپ السا، بۇل ونىڭ كوڭىلىنە اسا اۋىر قاياۋ سالىپ، ونى بارىنشا قورلاعاندىق بولادى، ارينە، ونىڭ قابىلداي المايتىنى انىق. مەيلى، يىن حۇيچياڭ ادەيى ىستەمەگەن بولسا دا، «جوعال» دەگەن جاۋاپ بۇقارانىڭ كوڭىلىنە قاياۋ سالدى ءارى ناشار قوعامدىق ىقپال تۋدىردى، ول سايكەستى جاۋاپكەرشىلىك ارقالاۋى كەرەك. يىن حۇيچياڭنىڭ جەتكىزگەن ناشار ىقپالىمەن سالىستىرعاندا، وعان ەسكەرتۋ بەرۋ، ونى قىزمەتىنەن بوساتۋ «قاتەلىگى مەن جازا ساي كەلگەن» ءىس ەسەپتەلەدى.
ءبىرىنشى شەپتەگى باسشى – كادر بولعان يىن حۇيچياڭ الدامكوستىك كۇمانى بار ينفورماتسيانى تاپسىرىپ العان سوڭ، ويلانباستان، پارىقتاماستان، تەكسەرمەستەن قارا ءدۇرسىن، دورەكى جاۋاپ قايتارعان، بۇل ونىڭ يدەياسى مەن ستيلىنىڭ شىنايى ەمەس ەكەنىن، تاربيەسىز ەكەنىن كورسەتەدى. باسشى كادرلاردىڭ ءسوزى مەن ارەكەتى تەك ونىڭ وزىنە عانا ۋاكىلدىك ەتپەستەن، جۇرتشىلىقتىڭ ءتول مۇددەسى مەن اسەرىنە سايادى، پارتيا مەن ۇكىمەتتىڭ وبىرازىنا سايادى، مۇنداي بىلەرمەندىك ىستەۋگە، اڭعالدىق ىستەۋگە قايتىپ بولادى؟
جۇرت «جوعال» دەگەن سوزگە جارماسىپ العان جوق، قايتا باسشى كادرلاردان قىزمەتتى اناعۇرلىم تىڭعىلىقتى دا قۇنتتى ىستەۋدى، اناعۇرلىم بايىپتى بولۋدى، جۇمىسىنا اناعۇرلىم جاۋاپكەرشىلىكپەن قاراۋدى، ءارقانداي كەزدە ءوزىنىڭ ءسوزى مەن ارەكەتىن قاداعالاپ وتىرۋدى ءۇمىت ەتەدى. بۇل ىستەن تەرەڭ ساباق الۋىمىز، قاتىستى ادامدار مۇنداي ىستەردەن ساق بولۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
