ۇيىندە سۋ توقتاعانىنا 50 كۇنگە تاياعانعا دەيىن شاعىمدانسا دا تۇك ونبەگەن! بۇل جەردە ءبىر اۋىز پىكىر جازعان سوڭ «سۋ كەلدى» ...
2021.10.26 14:53 كەلۋ قاينارى : حالىق تورابى
حالىق تورابىنىڭ «باسشىلارعا ءسوز قالدىرۋ» ورنىنىڭ سۋرەتى
ۇيىڭىزدە قىرىق، ەلۋ كۇنگە تاياۋ سۋ توقتاسا، قانداي كوڭىل – كۇيدە بولار ەدىڭىز؟ 10 – ايدىڭ 15 – كۇنى ءبىر توراپتاس حالىق تورابىنىڭ «باسشىلارعا ءسوز قالدىرۋ» ورنىندا بىلاي دەپ اڭىس بىلدىرگەن: «حۋبەي ولكەسى تيانمىن قالاسى جاڭگاڭ قالاشىعى شيجياكوۋ قىستاعىندا 8 – ايدىڭ 20 نەشەسىنەن قازىرگە دەيىن سۋ توقتادى، ارالىعىندا ءبىر كۇن عانا سۋ كەلدى، تۇرمىسىمىز دا كوپ ماسەلەلەر تۋىندادى». بۇل ءىس جونىندە حۋبەي ولكەسى تيانمىن قالاسى جاڭگاڭ قالاشىعى حالىق ۇكىمەتى بىلاي دەپ جاۋاپ قايتارعان: الدا ۋاقىتشا كەزەك بويىنشا سۋمەن قامداۋ اتقارىلادى، جاڭا سۋ ستانسياسى دا جەدەلدەتە سالىنۋدا، كوكتەم مەرەكەسىنەن بۇرىن پايدالانۋعا بەرىلەدى دەپ جوسپارلانعان.
«جاڭگاڭ قالاشىعىنىڭ ۇكىمەتىنە تەلەفون بەرسەك المادى، تەلەفون السا دا جاۋاپ كۇتىڭدەر دەيدى، ءالى كۇنگە جاۋاپ جوق؛ قۇبىر سۋىمەن قامدايتىن سەرىكتەستىككە تەلەفون بەرسەك، ءبىر رەت قابىلداپ، پەيىلسىز تىڭدادى، كەيىن قالاي تەلەفون بەرسەك تە تەلەفوندى قابىلدامادى؛ تيانمىن قالاسىنىڭ شاعىمدانۋ تەلەفونىنا تەلەفون بەرسەك تە باسقارعان ادام بولمادى، اقىرىندا تەلەفوندى قابىلداعان سوڭ، ءبىر جاققا تاستاپ قويىپ، سويلەمەي قويدى». بۇل توراپتاستىڭ تانىستىرۋىنشا، شاعىمدانۋدان ناتيجە شىقپاعان سوڭ، ولار حالىق تورابىنىڭ «باسشىلارعا ءسوز قالدىرۋ» ورنىنا كەلىپ بۇل ماسەلەنى اڭىس ەتكەن.
10 – ايدىڭ 23 – كۇنى تيانمىن قالاسى جاڭگاڭ قالاشىعى حالىق ۇكىمەتى جاۋاپ قايتارعان، جاڭگاڭ قالاشىقتىق پارتكوم، قالاشىقتىق ۇكىمەت بۇقارانىڭ اۋىز سۋدان حاۋىپسىز پايدالانۋىنا بارىنشا ءمان بەرەدى، قاتىستى قىزمەتكەرلەرگە قاتاڭ سىن ايتىپ، تاربيە بەردى. سونىمەن بىرگە، مىناداي تۇسىنىك جاسادى: سۋدىڭ توقتاۋىنىڭ سەبەبى جاڭگاڭ قالاشىعىنداعى قۇبىر سۋىمەن قامدايتىن زاۆودتى كەزىندە جوبالاعان كەزدە سۋمەن قامداۋ مولشەرى كۇنىنە 5000 توننا بولىپ جوبالانعان، قۇبىر تورىنىڭ ۇزارۋى مەن پايدالانۋشىلاردىڭ ارتۋىنا بايلانىستى قامداۋ مەن پايدالانۋ اراسىندا ءبىرشاما كورنەكتى قايشىلىق تۋىنداعان. تۇرعىنداردىڭ اۋىز سۋدان پايدالانۋىنا كەپىلدىك ەتۋ ءۇشىن، سۋمەن قامداۋ زاۆودى قىستاقتاردى ۋاقىت بويىنشا كەزەكپەن سۋمەن قامداۋ ءتاسىلىن قولدانعان.
سونىمەن بىرگە، جەرگىلىكتى ورىنداعى ۇكىمەت جاۋابىندا مىنانى بىلدىرگەن: بارشا جۇرتتىڭ سۋدان پايدالانۋ قيىنشىلىعىن تۇبەگەيلى شەشىم ەتۋ ءۇشىن، جەرگىلىكتى ورىننىڭ بەلسەندى كۇش سالۋىندا، قالالىق ۇكىمەت جاڭگاڭدا جاڭا ورتالىق سۋ زاۆودىن سالۋعا قارجى بولگەن، ول زاۆودتىڭ كۇندىك سۋمەن قامداۋ مولشەرى 20 مىڭ تونناعا جەتەدى، قازىر قۇرىلىس قارقىندى جۇرگىزىلۋدە، مەجەمەن كوكتەم مەرەكەسىنىڭ الدىندا پايدالانۋعا بەرىلەدى.
ءسىزدىڭ قانداي شەشىلمەي جۇرگەن قيىنشىلىقتارىڭىز بار؟
حالىق تورابىنىڭ «باسشىلارعا ءسوز قالدىرۋ» ورنىنا جازۋىڭىزدى قارسى الامىز.
«شۇعىل، كۇردەلى، الاڭداتقان، زارىقتىرعان» ماسەلەلەردى جيناۋ قيمىلىنا قاتىناسىپ، قيىنشىلىعىڭىز بەن ۇسىنىس – پىكىرىڭىزدى جازىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
