شي جينپيڭ جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن ەسكە ءتۇسىرۋ جينالىسىنا قاتىناستى ءارى ماڭىزدى ءسوز سويلەدى
جۇڭگونىڭ بەيبىت دامۋ جولىمەن، رەفورما جاساپ، ەسىك اشۋ جولىمەن، كوپ جاقتىلىق جولىمەن جۇرۋدە تاباندى بولاتىنىن دارىپتەدى
ءار ەلدى بۇكىل ادامزاتتىڭ ورتاق قۇندىلىعىن ساۋلەلەندىرىپ، ناعىز كوپ جاقتىلىقتى امالياتتا ايگىلەپ، قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋعا ۇندەدى، ۋاڭ حۋنيڭ جينالىسقا قاتىناستى
2021.10.26 16:14 كەلۋ قاينارى : حالىق تورابى
 |
10 - ايدىڭ 25 - كۇنى مەملەكەت ءتوراعاسى شي جينپيڭ بەيجيڭدە جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن ەسكە ءتۇسىرۋ جينالىسىنا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 10 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 25 - كۇنى بەيجيڭدە جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن ەسكە ءتۇسىرۋ جينالىسىنا قاتىناستى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەننەن بەرگى 50 جىل − جۇڭگو بەيبىت دامىپ، ادامزاتقا باقىت جاراتقان 50 جىل. جۇڭگو بەيبىت دامۋ جولىمەن جۇرۋدە تاباندى بولىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى بولادى؛ رەفورما جاساپ، ەسىك اشۋ جولىمەن جۇرۋدە تاباندى بولىپ، باستان - اياق دۇنيە ءجۇزى دامۋىنىڭ ۇلەس قوسۋشىسى بولادى؛ كوپ جاقتىلىق جولىمەن جۇرۋدە تاباندى بولىپ، باستان - اياق حالىقارالىق ءتارتىپتىڭ قورعاۋشىسى بولادى. جۇڭگو ءار ەلمەن بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، بۇكىل ادامزاتتىڭ ورتاق قۇندىلىعىن ساۋلەلەندىرىپ، ناعىز كوپ جاقتىلىقتى امالياتتا ايگىلەپ، تاريحتىڭ دۇرىس جاعىندا، ادامزاتتىڭ العا باسۋ جاعىندا تۇرىپ، دۇنيە ءجۇزىنىڭ ماڭگى بەيبىت دامۋىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قاجىماي - تالماي كۇرەس جۇرگىزۋگە پەيىل (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ جينالىسقا قاتىناستى.
التىن كۇزدەگى بەيجيڭدە سالقىن سامال ەسىپ، اقشا بۇلت قالىقتايدى. نەگىزگى جينالىس الاڭى حالىق سارايىنىڭ التىن ءتۇستى زالىندا شىراقتار سامالاداي جارقىراپ، الۋان گۇل قۇلپىرىپ تۇر. جۇڭحۋا حالىق رەسپۋبليكاسىنىڭ مەملەكەت تۋى مەن بىرلەسكەن مەملەكەتتەر ۇيىمىنىڭ تۋى ءبىر - بىرىنە شۇعىلا شاشۋدا، بىرلەسكەن مەملەكەتتەر ۇيىمىنداعى مۇشە ەلدەردىڭ مەملەكەت تۋىنان قۇرالعان تۋلار شوعىرى ايبىندانىپ تۇر.
«بەيبىتشىلىك − تاعدىرلاس ورتاق تۇلعا» مۋزىكاسىنىڭ ءۇنى ىشىندە شي جينپيڭ جينالىس زالىنا كىردى. جينالىس زالىنان قىزۋ قول شاپالاق ءۇنى كوتەرىلدى.
شي جينپيڭ ماڭىزدى ءسوز سويلەدى.
شي جينپيڭ مىنالاردى اتاپ كورسەتتى: 50 جىلدىڭ الدىنداعى بۇگىنگى كۇنى بىرلەسكەن مەملەكەتتەر ۇيىمىنىڭ 26 - كەزەكتى جينالىسى باسىم كوپ داۋىسپەن 2758 - ءنومىرلى قاۋلىسىن ماقۇلداپ، جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى بارلىق ۇقىعىن قالپىنا كەلتىرۋدى ۇيعاردى، جۇڭحۋا حالىق رەسپۋبليكاسى ۇكىمەتىنىڭ ۋاكىلى جۇڭگونىڭ بىرلەسكەن مەملەكەتتەر ۇيىمىنداعى بىردەن - ءبىر زاڭدى ۋاكىلى بولاتىنىن مويىندادى. بۇل − جۇڭگو حالقىنىڭ جەڭىسى ءارى دۇنيە جۇزىندەگى ءار ەل حالقىنىڭ جەڭىسى!
شي جينپيڭ بىلاي دەپ دارىپتەدى: جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرۋى − دۇنيە جۇزىندەگى ءىرى ءىس، سونداي - اق بىرلەسكەن مەملەكەتتەر ۇيىمىنداعى ءىرى ءىس. بۇل − دۇنيە جۇزىندەگى بەيبىتشىلىكتى سۇيەتىن جانە ادىلەتتى جاقتايتىن بارلىق مەملەكەتتىڭ ورتاق قۇلشىنىسىنىڭ ناتيجەسى، بۇل دۇنيە ءجۇزى حالىق سانىنىڭ تورتتەن ءبىرىن ۇستايتىن جۇڭگو حالقىنىڭ وسىدان باستاپ بىرلەسكەن مەملەكەتتەر ۇيىمىنىڭ ساحناسىنا قايتا كوتەرىلگەنىنىڭ بەلگىسى بولدى. بۇل جۇڭگو جونىنەن دە، دۇنيە ءجۇزى جونىنەن دە كەلەلى ءارى تەرەڭ ماڭىز الادى.
شي جينپيڭ بىلاي دەپ دارىپتەدى: جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەننەن بەرگى 50 جىل − جۇڭگو بەيبىت دامىپ، ادامزاتقا باقىت جاراتقان 50 جىل.
− وسى 50 جىلدا جۇڭگو حالقى تالىقپاي تالپىنۋ رۋحىن باستان - اياق ساۋلەلەندىرىپ، اۋمالى - توكپەلى جاعدايدا جۇڭگونىڭ العا باسۋ بەتالىسىن يگەرىپ، جۇڭگونىڭ جانە ادامزاتتىڭ دامۋىنىڭ ايبىندى داستانىن جازدى. جاڭا جۇڭگو قۇرىلعاننان بەرگى مەملەكەت قۇرىلىسى مەن دامۋى نەگىزىندە، جۇڭگو حالقى رەفورما جاساپ، ەسىك اشۋدىڭ تاريحي جاڭا ءداۋىرىن اشىپ، جۇڭگوشا سوتسياليزمدى ءساتتى اشىپ جانە دامىتىپ، وندىرگىش كۇشتەردىڭ سالىستىرمالى مەشەۋ جاعدايىنا قوش ايتىپ، ەكونوميكانىڭ جالپى مولشەرىن دۇنيە ءجۇزى بويىنشا 2 - ورىنعا شىعارۋ سىندى تاريحي بۇرىلىستى ىسكە اسىردى. قاجىرلىلىقپەن كۇرەس جۇرگىزۋ ارقىلى جۇڭگو حالقى قوس قولىمەن جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن قارسى الدى.
− وسى 50 جىلدا جۇڭگو حالقى دۇنيە جۇزىندەگى ءار ەل حالقىمەن باستان - اياق ىنتىماقتاسىپ، سەلبەسىپ، حالىقارالىق ادىلدىك پەن ادىلەتتىلىكتى قورعاپ، دۇنيە ءجۇزىنىڭ بەيبىتشىلىگى مەن دامۋىنا كەلەلى ۇلەس قوستى. جۇڭگو باستان - اياق دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتى اتقارىپ، ادىلدىكتى جاقتاپ، اقيقاتتى قولداپ، زورەكەرلىك پەن وكتەمدىك ساياسيعا باتىل قارسى تۇردى. قالىڭ وركەندەپ كەلە جاتقان ەلدەردىڭ ءوزىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋداعى ادىلەتتى كۇرەسىن باتىل قولدادى. جۇڭگو حالقى بىرگە دامۋدى ىلگەرىلەتۋگە كۇش سالىپ، «تانزانيا – زامبيا تەمىر جولىنان» «ءبىر بەلدەۋ، ءبىر جولعا» دەيىن، وركەندەپ كەلە جاتقان ەلدەرگە شاماسىنىڭ جەتىسىنشە كومەكتەسىپ، جۇڭگونىڭ دامۋىمەن دۇنيە جۇزىنە ۇزدىكسىز جاڭا وراي ازىرلەدى. جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزىن شارپىعان قيىن - قىستاۋ ساتتە، جۇڭگو ساقتانۋ - تىزگىندەۋ تاجىريبەسىن دۇنيە جۇزىمەن بەلسەندىلىكپەن ءبولىسىپ، ءار ەلگە قىرۋار ىندەتكە قارسى اتتانۋ زاتتىق ماتەريالىن، ۆاكسينا جانە ءدارى - دارمەكتەردى جەتكىزىپ، ۆيرۋستىڭ قاينارىن انىقتاۋ عىلمي سەلبەستىگىن ىشكەرىلەي ورىستەتىپ، ادامزاتتىڭ ىندەتتى تۇبەگەيلى جەڭۋى ءۇشىن شىنايى قۇلشىنىس جاسادى.
− وسى 50 جىلدا جۇڭگو حالقى بىرلەسكەن مەملەكەتتەر ۇيىمىنىڭ بەدەلى مەن ورنىن باستان - اياق قورعاپ، كوپ جاقتىلىقتى امالياتتا ايگىلەدى، جۇڭگونىڭ بىرلەسكەن مەملەكەتتەر ۇيىمىمەن سەلبەستىگى كۇن سايىن تەرەڭدەدى. جۇڭگو بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى بولۋ مىندەتى مەن بورىشىن ادالدىقپەن اتقارىپ، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىن قورعادى، بىرلەسكەن مەملەكەتتەر ۇيىمىنىڭ حالىقارالىق ىستەردەگى ۇيىتقىلىق رولىن قورعادى. جۇڭگو تالاس - تارتىستى بەيبىت تاسىلمەن، ساياسي جولمەن شەشۋدى بەلسەنە دارىپتەپ، بىرلەسكەن مەملەكەتتەر ۇيىمىنىڭ مىڭ جىلدىق دامۋ نىساناسىن الدىمەن جۇزەگە اسىرىپ، 2030 - جىلعا دەيىنگى باياندى دامۋ كۇن ءتارتىبىن باستاماشىلىقپەن تياناقتاندىردى. جۇڭگو بىرلەسكەن مەملەكەتتەر ۇيىمىنىڭ جارعىسى مەن «دۇنيە جۇزىلىك ادامدىق ۇقىق جارناماسىنىڭ» رۋحىنا باستان - اياق بويسۇنىپ، ادامدىق ۇقىقتىڭ جالپىلىق سيپاتىن جۇڭگونىڭ ءىس جۇزىندىگىمەن ۇشتاستىرۋدا تاباندى بولىپ، ءداۋىر اعىمىنا ۇيلەسەتىن، جۇڭگوشا ادامدىق ۇقىقتى دامىتۋ جولىمەن ءجۇرىپ، جۇڭگونىڭ ادامدىق ۇقىعىنىڭ العا باسۋىنا جانە حالىقارالىق ادامدىق ۇقىق ىستەرىنە ماڭىزدى ۇلەس قوستى.
شي جينپيڭ بىلاي دەپ دارىپتەدى: دۇنيە ءجۇزىنىڭ اعىمى ايبىندى دا دابىرالى، ىڭعايىنا قاراي بەيىمدەلگەندەر گۇلدەنىپ، كەرى باققاندار قۇرىپ - جوعالادى. قازىر دۇنيە جۇزىندە ءجۇز جىلدان بەرى بولماعان زور وزگەرىس جەدەل قۇبىلىپ، بەيبىت دامۋ، العا باسۋ كۇشتەرى ۇزدىكسىز ارتىپ كەلەدى. ءبىز تاريحتىڭ جالپى اۋقىمىنا سايكەسىپ، سەلبەسۋدەن جازباي، قارسىلاسۋعا سالىنباي، ەسىك اشۋدان جازباي، تۇيىقتالۋعا سالىنباي، ءوزارا پايدا جەتكىزىپ، تەڭ يگىلىككە كەنەلۋدەن جازباي، نولدىك جيىنتىق سايىسىنا سالىنباي، ءارقانداي فورماداعى زورەكەرلىك پەن وكتەمدىك ساياسيعا باتىل قارسى تۇرۋىمىز، ءارقانداي فورماداعى سىڭار جاقتىلىق پەن قورعانىمپازدىققا باتىل قارسى تۇرۋىمىز كەرەك.
− ءبىز بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن بارىنشا ساۋلەلەندىرىپ، اناعۇرلىم تاماشا دۇنيە ءجۇزىن قۇرۋعا دۇرىس ۇستانىم ارقىلى جەتەكشىلىك ەتۋىمىز كەرەك. بەيبىتشىلىك پەن دامۋ − ءبىزدىڭ ورتاق ءىسىمىز، ادىلدىك پەن ادىلەتتىلىك − ءبىزدىڭ ورتاق مۇراتىمىز، دەموكراتيا مەن ەركىندىك − ءبىزدىڭ ورتاق تالپىنىسىمىز. الۋان تۇرلىلىك − ادامزات وركەنيەتىنىڭ باۋراعىشتىعىنىڭ تياناعى، ونان دا ماڭىزدىسى، دۇنيە ءجۇزى دامۋىنىڭ ومىرشەڭدىك كۇشى مەن قوزعاۋشى كۇشىنىڭ قاينارى. وركەنيەت جوعارى - تومەن، جاقسى - جامان دەپ بولىنبەيدى، ەرەكشەلىك، وڭىرلىك پارىق قانا بولادى، اۋىس - كۇيىس بارىسىندا عانا توعىسادى، توعىسۋ بارىسىندا عانا العا باسادى. ءبىر مەملەكەتتىڭ جۇرگەن جولىنىڭ جارامدى – جارامسىزدىعىن ءبىلۋ ءۇشىن، باستىسى وسى مەملەكەتتىڭ جاعدايىنا ۇيلەسەتىن - ۇيلەسپەيتىنىنە، ءداۋىردىڭ دامۋ اعىمىنا ساي كەلەتىن - كەلمەيتىنىنە، ەكونوميكانىڭ دامۋىن، قوعامنىڭ العا باسۋىن، حالىق تۇرمىسىنىڭ جاقسارۋىن، قوعامنىڭ ورنىقتىلىعىن ىسكە اسىرا العان - الماعانىنا، حالىقتىڭ قولداۋى مەن جاقتاۋىنا يە بولعان - بولماعانىنا، ادامزاتتىڭ العا باسۋ ىستەرىنە ۇلەس قوسا العان – الماعانىنا قاراۋ كەرەك.
− ءبىز ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتىپ، باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە ءجۇزىن بىرگە قۇرۋىمىز كەرەك. ادامزات ءبىر جاعادان باس، ءبىر جەڭنەن قول شىعارىپ، جاراسىمدى قاتار ءومىر سۇرۋى كەرەك. ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءبىر ءتۇرلى ءتۇزىمنىڭ ەندى ءبىر ءتۇرلى ءتۇزىمنىڭ ورنىن باسۋى ەمەس، ءبىر ءتۇرلى وركەنيەتتىڭ ەندى ءبىر ءتۇرلى وركەنيەتتىڭ ورنىن باسۋى ەمەس، قايتا تۇرلىشە قوعامدىق تۇزىمدەگى، تۇرلىشە يدەولوگياداعى، تۇرلىشە تاريحي مادەنيەتى بار، تۇرلىشە دامۋ دەڭگەيىندەگى مەملەكەتتەردىڭ حالىقارالىق ىستەردە مۇددە جاعىنان قاتار ءومىر ءسۇرىپ، ۇقىقتان بىرگە يگىلىكتەنىپ، جاۋاپكەرلىكتى بىرگە ارقالاپ، كوركەم دۇنيە ءجۇزىن بىرگە قۇرۋدىڭ ەڭ ۇلكەن ورتاق بولگىشىن قالىپتاستىرۋى بولىپ تابىلادى.
− ءبىز ءوزارا تيىمدىلىك جاساپ، تەڭ يگىلىككە كەنەلۋدە تاباندى بولىپ، ەكونوميكالىق، قوعامدىق دامۋدى بىرگە ىلگەرىلەتىپ، حالىقتى اناعۇرلىم ويداعىداي باقىتقا كەنەلتۋىمىز كەرەك. حالىق ءۇشىن دامىعاندا عانا، دامۋ ءماندى بولادى؛ حالىققا سۇيەنىپ دامىعاندا عانا، دامۋ قوزعاۋشى كۇشكە يە بولادى. دۇنيە جۇزىندەگى ءار ەل حالىقتى وزەك ەتۋدە تاباندى بولىپ، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرۋى كەرەك. دامۋدىڭ بىركەلكى، تولىق بولماۋى ماسەلەسىن شەشىپ، دامۋدىڭ بىركەلكىلىگىن، سايكەسىمدىلىگىن، قامتىمدىلىعىن جوعارىلاتۋ كەرەك. حالىقتىڭ دامۋ قابىلەتىن كۇشەيتىپ، بارلىق ادام ات سالىساتىن، بارلىق ادام يگىلىكتەنەتىن دامۋ ورتاسىن قالىپتاستىرىپ، دامۋ جەتىستىكتەرىنەن ءاربىر مەملەكەت، ءاربىر ادام اناعۇرلىم كوپ، اناعۇرلىم ءادىل يگىلىكتەنەتىن دامۋ جاعدايىن جاراتۋ كەرەك. تاياۋدا مەن بىرلەسكەن مەملەكەتتەر ۇيىمىنىڭ 76 - كەزەكتى جينالىسىندا دۇنيە جۇزىلىك دامۋ باستاماسىن العا قويدىم، ءار ەلدىڭ بىرگە قۇلشىنىپ، جاڭا تيپتى ايدارشا ۆيرۋس وكپە قابىنۋىنىڭ بۇكىل دۇنيە ءجۇزىنىڭ دامۋىنا جاساعان سوققىسىن جەڭىپ، 2030 - جىلعا دەيىنگى باياندى دامۋ كۇن ءتارتىبىن جەدەل تياناقتاندىرىپ، دۇنيە جۇزىلىك دامۋ ورتاق تۇلعاسىن قالىپتاستىرۋىن ءۇمىت ەتەمىن.
− ءبىز سەلبەستىكتى كۇشەيتىپ، ادامزات ءدوپ كەلىپ وتىرعان ءتۇرلى سىن – سايىس پەن دۇنيە جۇزىلىك ماسەلەلەرگە بىرگە توتەپ بەرۋىمىز كەرەك. اناعۇرلىم قامتىمدى دۇنيە جۇزىلىك جونگە سالۋدى، اناعۇرلىم ءونىمدى كوپ جاقتى مەحانيزمدى، اناعۇرلىم بەلسەندى وڭىرلىك سەلبەستىكتى قالىپتاستىرعاندا عانا، دۇنيە جۇزىلىك ماسەلەلەرگە ءونىمدى توتەپ بەرۋگە بولادى. دۇنيە جۇزىندەگى ءار ەل ءىس جۇزىندىك ارەكەتتەرى ارقىلى تابيعات ءۇشىن حاۋىپسىزدىك شەكاراسىن ساقتاپ، جاسىل قالپىنا كەلتىرۋگە، جاسىل وندىرىسكە، جاسىل تۇتىنۋعا دەم بەرىپ، وركەنيەتتى، اقاۋسىز تۇرمىس ءتاسىلىن قالىپتاستىرۋدى ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن جاعداي قالىپتاستىرىپ، تاماشا ەكولوگيالىق ورتانى باياندى دامۋدىڭ سارقىلماس قاينارىنا اينالدىرۋى كەرەك.
− ءبىز بىرلەسكەن مەملەكەتتەر ۇيىمىنىڭ بەدەلى مەن ورنىن باتىل قورعاپ، ناعىز كوپ جاقتىلىقتى بىرگە جۇزەگە اسىرۋىمىز كەرەك. دۇنيە جۇزىندەگى ءار ەل بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى جارعىسىنىڭ باستى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن قورعاۋى كەرەك. حالىقارالىق ەرەجەنى بىرلەسكەن مەملەكەتتەر ۇيىمىنىڭ 193 مۇشە ەلى عانا بىرگە جاسايدى، ونى ءىشىنارا ەلدەر مەن مەملەكەتتەر توبى بەلگىلەي المايدى؛ بىرلەسكەن مەملەكەتتەر ۇيىمىنىڭ 193 مۇشە ەلى بىرگە بويسۇنۋعا ءتيىس، بۇدان قاعىس قالماۋى كەرەك، قاعىس قالماۋعا ءتيىس تە. بىرلەسكەن مەملەكەتتەر ۇيىمىنا دۇنيە جۇزىندەگى ءار ەل قۇرمەت ەتۋ پوزيتسياسىن ۇستانىپ، وسى ۇلى شاڭىراقتى ويداعىداي ايالاۋى، ويداعىداي قورعاۋى كەرەك، ۇيلەسسە پايدالانىپ، ۇيلەسپەسە جالتارىپ كەتۋگە استە بولمايدى، بىرلەسكەن مەملەكەتتەر ۇيىمىنىڭ ادامزاتتىڭ بەيبىتشىلىگى مەن دامۋىن جەبەۋ سىندى وسكەلەڭ ىستە اناعۇرلىم بەلسەندى رول اتقارۋىنا مۇمكىندىك جاساۋ كەرەك. جۇڭگو ءار ەلمەن بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، سەلبەستىك وي جەلىسىن قاراستىرىپ، سەلبەستىك ۇلگىسىندە جاڭالىق اشىپ، جاڭا جاعدايداعى كوپ جاقتىلىق امالياتىن ۇزدىكسىز بايىتۋعا پەيىل.
شي جينپيڭ سوڭىندا بىلاي دەپ دارىپتەدى: وتكەندى ەسكە الىپ، قازىرگىنى وي ەلەگىنەن وتكىزگەندە، الداعىعا تۇجىرىم جاساپ، كەلەشەكتى بولجاۋعا بولادى. جاڭا تاريحي باستامادا جۇڭگو بەيبىت دامۋ جولىمەن جۇرۋدە تاباندى بولىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى بولادى؛ رەفورما جاساپ، ەسىك اشۋ جولىمەن جۇرۋدە تاباندى بولىپ، باستان - اياق دۇنيە ءجۇزى دامۋىنىڭ ۇلەس قوسۋشىسى بولادى؛ كوپ جاقتىلىق جولىمەن جۇرۋدە تاباندى بولىپ، باستان - اياق حالىقارالىق ءتارتىپتىڭ قورعاۋشىسى بولادى. «بۇلت قالقيدى تاۋدان اسىپ، اي قالقيدى ساۋلە شاشىپ، بولسا داعى ارا قاشىق، تۇرعان جاقسى ارالاسىپ» دەگەندەي، قول ۇستاسىپ، تاريحتىڭ دۇرىس جاعىندا، ادامزاتتىڭ العا باسۋ جاعىندا تۇرىپ، دۇنيە ءجۇزىنىڭ ماڭگى بەيبىت دامۋىن جۇزەگە اسىرۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قاجىماي - تالماي كۇرەس جۇرگىزەيىك.
بىرلەسكەن مەملەكەتتەر ۇيىمىنىڭ باس حاتشىسى گۋتتەرەس ارناۋ ءسوز سويلەپ مىنانى ءبىلدىردى: جۇڭگو بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەن 50 جىلدان بەرى ۋاقىت وزعان سايىن بىرلەسكەن مەملەكەتتەر ۇيىمىنا ماڭىزدى ۇلەس قوسىپ كەلەدى، جۇڭگو − بىرلەسكەن مەملەكەتتەر ۇيىمىنىڭ سەنىمدى سەرىگى جانە حالىقارالىق سەلبەستىكتىڭ تىرەگى. جۇڭگونىڭ بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن جۇزەگە اسىرۋدا، كەدەيلىكتى جويۋدا، ەنەرگيانى جاسىل، تومەن كومىرتەكتى دامىتۋدا ماڭىزدى رول اتقارعانىنا العىس ايتامىز. بىرلەسكەن مەملەكەتتەر ۇيىمى دۇنيە جۇزىلىك دامۋ باستاماسىن تياناقتاندىرۋعا قولداۋ كورسەتەدى. حالىقارالىق قوعامدى كوپ جاقتىلىقتى قولداۋعا، كوپ جاقتى جۇيەنى كۇشەيتۋگە، دۇنيە جۇزىلىك سايىستارعا ىنتىماقتاسا توتەپ بەرۋگە ۇندەيمىز. بىرلەسكەن مەملەكەتتەر ۇيىمىنىڭ ۇزدىكسىز جۇڭگونىڭ بەرىك سەرىگى بولىپ، اناعۇرلىم ءادىل جانە باياندى بولاشاقتى بىرگە تۇلعالايتىنىن دارىپتەيمىز.
ديڭ شۋەشياڭ، ياڭ جيەچى قاتارلىلار جينالىسقا قاتىناستى.
ۋاڭ ي جينالىستى باسقاردى.
قاتىستى تاراۋلاردىڭ جاۋاپتىلارى، جۇڭگونىڭ بىرلەسكەن مەملەكەتتەر ۇيىمى قىزمەتىمەن ۇزاق ۋاقىت شۇعىلدانعان ديپلوماتيا، سىرتقى ىستەر قىزمەتكەرلەرىنىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى قاتارلى 200 دەن استام ادام جينالىسقا قاتىناستى. جۇڭگونىڭ بىرلەسكەن مەملەكەتتەر ۇيىمىنداعى بۇرىنعى تۇراقتى ۋاكىلى ۋاڭ گۋاڭيا، رەسەيدىڭ جۇڭگودا تۇراتىن باس ەلشىسى دەنيسوۆ، الجيريانىڭ جۇڭگودا تۇراتىن باس ەلشىسى بۇحاليفا جەكە - جەكە ءسوز سويلەدى.
كەلۋ قاينارى: حالىق تورابى
 |
10 - ايدىڭ 25 - كۇنى مەملەكەت ءتوراعاسى شي جينپيڭ بەيجيڭدە جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەنىنىڭ 50 جىلدىعىن ەسكە ءتۇسىرۋ جينالىسىنا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
